Chapter 53

līlopākhyāne maraṇasamanantaraṃ dehapratibhāvanaṃ nāma sargaḥ |
tripañcāśattamaḥ sargaḥ |
vasisṭhaḥ |
atha labdhavarā dehenānenaiva mahīpatim |
patiṃ prāptuṃ prayāmyeṣā nabhomārgeṇa viṣṭapam || 1 ||
[Analyze grammar]

iti sañcintya sānandamuddāmamakaradhvajā |
pupluve peśalākārā pakṣiṇīva nabhastale || 2 ||
[Analyze grammar]

kumārī tatra sā prāpa jñaptyaiva prahitāṃ hitām |
svasaṅkalpamahādarśātpurato nirgatāmiva || 3 ||
[Analyze grammar]

kumārī |
duhitāsmi sakhi jñapte svāgataṃ te'stu sundari |
pratīkṣamāṇā tvāmeva sthitāsmīha nabhaḥpathe || 4 ||
[Analyze grammar]

līlā |
devi bhartṛsamīpaṃ māṃ naya nīrajalocane |
mahatāṃ darśanaṃ yasmānna kadācana niṣphalam || 5 ||
[Analyze grammar]

vasiṣṭhaḥ |
ehi tatraiva gacchāva ityuktvā sā kumārikā |
purastasyāḥ sthitā vyomni mārgadarśanatatparā || 6 ||
[Analyze grammar]

tatastadanuyātā sā prāpa koṭaramambaram |
nirmalaṃ karavālāṅgaṃ yathā lakṣaṇalekhikā || 7 ||
[Analyze grammar]

meghamārgamathollaṅghya vātaskandhāntarotthitā |
sūryamārgādatigatā tārāmārgamahīmitā || 8 ||
[Analyze grammar]

vāyvindrasurasiddhānāṃ lokānullaṅghya lāghavāt |
brahmaviṣṇumaheśānāṃ prāpa brahmāṇḍakarparam || 9 ||
[Analyze grammar]

himaśaityaṃ yathāntassthaṃ kumbhabhitterbahirbhavet |
tathā saṅkalpasiddhā sā brahmāṇḍānnirgatā bahiḥ || 10 ||
[Analyze grammar]

svacittamātradehaiṣā svasaṅkalpaprabhāvajam |
antare vānubhavati kilaivaṃ nāma vibhramam || 11 ||
[Analyze grammar]

tato brahmāṇḍapārasthāñjalādyāvaraṇānnava |
samullaṅghya puraḥ prāpa mahācidgaganāntaram || 12 ||
[Analyze grammar]

adṛṣṭapāraparyantamativegena dhāvatā |
sarvato garuḍenāpi kalpakoṭiśatairapi || 13 ||
[Analyze grammar]

tatra brahmāṇḍalakṣāṇi santyasaṅkhyāni bhūriśaḥ |
anyo'nyaṃ tānyadṛṣṭāni phalānīva mahāvane || 14 ||
[Analyze grammar]

tatraikasminpurassaṃsthe vitatāvaraṇānvite |
vedhayitvā viveśāntarvadanaṃ krimiko yathā || 15 ||
[Analyze grammar]

punarbrahmendraviṣṇvādi lokānullaṅghya bhāsurān |
sā mahīmaṇḍalaṃ śrīmatprāpa tārāpathādadhaḥ || 16 ||
[Analyze grammar]

tatra tanmaṇḍalaṃ prāpya tatpuraṃ taṃ ca maṇḍapam |
praviśya puṣpaguptasya śavasya nikaṭe sthitā || 17 ||
[Analyze grammar]

etasminnantare sātra na dadarśa kumārikām |
māyāmiva parijñātāṃ kvāpi yātāṃ varānanā || 18 ||
[Analyze grammar]

mukhamālokya sā tasya svabhartuśśavarūpinaḥ |
idaṃ buddhavatī satyaṃ pratibhāvaśataḥ svataḥ || 19 ||
[Analyze grammar]

ayaṃ sa bhartā saṃgrāme nihato mama sindhunā |
vīralokānimānprāpya kṣaṇaṃ śete yathāsukham || 20 ||
[Analyze grammar]

ahaṃ devyāḥ prasādena saśarīrainamīdṛśam |
iha prāptavatī dhanyā madanyā nāsti kācana || 21 ||
[Analyze grammar]

iti sañcintya sā haste gṛhītvā cārucāmaram |
vījayāmāsa cāndreṇa taṃ dyaurvāvanimaṇḍalam || 22 ||
[Analyze grammar]

līlā |
te bhṛtyāstāśca vā dāsyaḥ sa rājā vā prabuddhavān |
vakṣyanti vadatāṃ devi kiṃ kayeva kathaṃ dhiyā || 23 ||
[Analyze grammar]

devī |
sa rājā sā ca te bhṛtyāḥ sarva eva parasparam |
cidākāśaikatāyogādāvayośca prabhāvataḥ || 24 ||
[Analyze grammar]

mahācitpratibhāsāśca mahāniyatiniścayāt |
anyo'nyamevaṃ vetsyanti mithaḥ sampratibimbitam || 25 ||
[Analyze grammar]

iyaṃ me sahajā bhāryā mameyaṃ sahajā sakhī |
mameyaṃ sahajā rājñī bhṛtyo'yaṃ sahajo mama || 26 ||
[Analyze grammar]

kevalaṃ tvamahaṃ sā ca yathāvṛttamakhaṇḍitam |
jñāsyāma mahadāścaryaṃ na tu kaścidapītaraḥ || 27 ||
[Analyze grammar]

līlā |
amunaiva śarīreṇa kimarthaṃ nāgatā patim |
eṣā vare'pi saṃprāpte līlā lalitavādini || 28 ||
[Analyze grammar]

devī |
aprabuddhadhiyaḥ siddhalokānpuṇyavaśoditān |
na samarthāḥ svadehena prāptuṃ chāyā ivātapān || 29 ||
[Analyze grammar]

ādisarge hi niyatiḥ sthāpiteti prabodhibhiḥ |
yathā satyamalīkena na milatyeva kiñcana || 30 ||
[Analyze grammar]

yāvadvetālasaṅkalpo bālasya kila vidyate |
nirvetāladhiyastāvadudayastasya kaḥ katham || 31 ||
[Analyze grammar]

avivekajvaroṣṇatvaṃ vidyate yāvadātmani |
tāvadvivekaśītāṃśuśaityaṃ kuta udetyalam || 32 ||
[Analyze grammar]

ahaṃ pṛthvyādidehaḥ khegatirnāsti mamottamā |
iti niścayavānyo'ntaḥ kathaṃ syātso'nyaniścayaḥ || 33 ||
[Analyze grammar]

ato jñānavivekena puṇyenātha vareṇa vā |
puṇyadehe na gacchanti paraṃ lokamanena no || 34 ||
[Analyze grammar]

śuṣkaparṇaṃ kilāṅgāre patadevāśu dahyate |
ayaṃ devamayīṃ dehaḥ prāpta eva viśīryate || 35 ||
[Analyze grammar]

etāvadeva bhavati varalābhavijṛmbhitaiḥ |
yathā saṃvitsa evāhaṃ tathā smṛta iti sthitiḥ || 36 ||
[Analyze grammar]

yaḥ sarpapratyayo rajjvāṃ sa kathaṃ sarpakāryakṛt |
ātmanyeva hi yo nāsti tasya kā kāryakāritā || 37 ||
[Analyze grammar]

yattvetanmṛta ityeva mithyā samanubhūyate |
prāgabhyāsasya puṣṭasya nāmaitatpravijṛmbhitam || 38 ||
[Analyze grammar]

svānubhūte jagajjāle sugame saṃsṛtibhramaḥ |
nānyasaṅkalpite nāma sargādyabhyāsa īdṛśaḥ || 39 ||
[Analyze grammar]

antaranubhūyamānāḥ saṃsṛtayo bāhyabhūtajālānām |
aviditavedyadṛśāmatidūre puṃsāmivaindavaṃ bimbam || 40 ||
[Analyze grammar]