Chapter 47

līlopākhyāne vidūrathaniryāṇaṃ nāma sargaḥ |
saptacatvāriṃśattamaḥ sargaḥ |
vasiṣṭhaḥ |
etasminvartamāne tu ghore samarasambhrame |
līlādvayamuvācedaṃ jñaptiṃ bhagavatīṃ puraḥ || 1 ||
[Analyze grammar]

līlādvayam |
devi kasmādakasmānno bhartā jayati no raṇe |
vada tvayyapi tuṣṭāyāmasminvidrutavāraṇe || 2 ||
[Analyze grammar]

sarasvatī |
ciramārādhitānena vidūrathanṛpāriṇā |
ahaṃ pratijayārthena na vidūrathabhūbhujā || 3 ||
[Analyze grammar]

tenāsāveva jayati jīyate na vidūrathaḥ |
jñaptirantargatā saṃvideṣāsau yad yathā yadā || 4 ||
[Analyze grammar]

codayatyāśu tattasya tadā sampādayāmyaham |
yo yathā codayati māṃ tasya tiṣṭhāmi tatphalā || 5 ||
[Analyze grammar]

na svabhāvodyataṃ dhatte vahnerauṣṇyamivaiṣa me |
jayaḥ syānmama saṃgrāma ityanenāsmi pūjitā || 6 ||
[Analyze grammar]

pratimārūpiṇī tena phalamāpnotyasau tathā |
vidūrathenaitamarthaṃ asañcintyāsmi bodhitā || 7 ||
[Analyze grammar]

anena caiva muktaḥ syāmahamityasmi bhāvitā |
tasmādvidūratho dehaṃ taṃ prāpya saha bhāryayā || 8 ||
[Analyze grammar]

tvayānayā ca kālena bāle mukto bhaviṣyati |
etadīyastvayaṃ śatruḥ sindhunāma mahīpatiḥ |
hatvainaṃ vasudhāpīṭhe jayī rājyaṃ kariṣyati || 9 ||
[Analyze grammar]

vasiṣṭhaḥ |
evaṃ devyāṃ vadantyāṃ tu balayoryudhyamānayoḥ |
ravirdraṣṭumivāścaryamājagāmodayācalam || 11 || celustimirasaṃghātā balānīvālirūpiṇaḥ |
asṛjīva śavānyāsan sandhyāyāṃ tārakā divi || 12 ||
[Analyze grammar]

śanairvikaṭatāṃ jagmū raṇākāśādribhūmayaḥ |
bhuvanaṃ kajjalāmbhodherivotkṣiptamarājata || 13 ||
[Analyze grammar]

petuḥ kanakaniṣṣyandasundarā raviraśmayaḥ |
śaileṣu varavīreṣu raṇaraktacchaṭā iva || 14 ||
[Analyze grammar]

adṛśyata tato vyoma tathā raṇamahītalam |
bāhubhirbhrāntabhujagaṃ prabhābhiḥ kīrṇakāñcanam || 15 ||
[Analyze grammar]

kuṇḍalaiḥ kīrṇaratnaughaṃ śirobhirvṛddhapaṅkajam |
āyudhaiḥ khaganīrandhraṃ śaraiśśarabhanirbharam || 16 ||
[Analyze grammar]

raktābhāsthirasandhyāḍhyaṃ sasiddhapuruṣaṃ śavaiḥ |
hāraiḥ sasarpanirmokaṃ paṭairevāṃśusaṅkulam || 17 ||
[Analyze grammar]

lasallatāpatākābhirūrubhiḥ kṛtatoraṇam |
hastapādaiḥ pallavitaṃ śaraiśśaravanopamam || 18 ||
[Analyze grammar]

śastrāṃśuśādvalaśyāmaṃ śastratārṇaiḥ sasaikatam |
kīrṇamāyudhamālābhirunmattamiva bhairavam || 19 ||
[Analyze grammar]

phullāśokavanākāraṃ śastrasaṃghaṭṭavahnibhiḥ |
udghuṅghumaṃ mahāśabdairvidravatsiddhanāyakam || 20 ||
[Analyze grammar]

sauvarṇaracitākāraṃ bālārkakacitāyudhaiḥ |
prāsāsicakraśaktyṛṣṭimudgarāraṇitāntaram || 21 ||
[Analyze grammar]

etasminnantare senāḥ sarvāḥ saṅkṣayamāyayuḥ |
āsīd raṇāṅganaṃ śūnyamivālpobhayasainikam || 22 ||
[Analyze grammar]

chinnabhinnamṛtadhvastayātavidrutamānavam |
patacchavamahārāśipaṅkasravadasṛksarit || 23 ||
[Analyze grammar]

vahadraktanadīraṃhaḥprohyamānaśavotkaram |
bhusuṇḍīśaktikuntāsisthūlapāṣāṇasaṅkulam || 24 ||
[Analyze grammar]

śūraśastrāhaticchinnakabandhapatanānvitam |
tālatāṇḍavivetālakulārabdhakalāravam || 25 ||
[Analyze grammar]

śūnye raṇāṅgane dīptau padmasindhurathau calau |
adṛśyetāṃ nabhaścihnau candrasūryau divīva tau || 26 ||
[Analyze grammar]

cakraśūlabhusuṇḍarṣṭiprāsāyudhasamākulau |
sahasreṇa sahasreṇa vīrāṇāṃ parivāritau || 27 ||
[Analyze grammar]

vicarantau yathākāmaṃ maṇḍale vitatāvanau |
sacītkāramahācakrapiṣṭānekamṛtāmṛtau || 28 ||
[Analyze grammar]

tarantau raktasarito mattavāraṇalīlayā |
keśaśevalasañchannacakraraktajalārdrakau || 29 ||
[Analyze grammar]

vahaccakrāhatikṣobhapātitākulavāraṇau |
maṇimuktājhaṇatkāraraṇatkūvarakoṭarau || 30 ||
[Analyze grammar]

vātāhatapatākāgrapaṭatpaṭapaṭāravau |
anuyātau mahāvīrairbhūribhirbhītasainikaiḥ || 31 ||
[Analyze grammar]

bhārāndadhadbhiḥ kuntānāṃ śarāṇāṃ dhanuṣāmapi |
śaktīnāṃ prāsaśaṅkūnāṃ cakrāṇāṃ kacatāṃ rucā || 32 ||
[Analyze grammar]

tatra tau kṣaṇamāvṛtya maṇḍalairbhūrimaṇḍalaiḥ |
ubhau vyatibabhūvāte saṃmukhāvāyudhāmbudau || 33 ||
[Analyze grammar]

nārācadhārānikaravikṣepakarakāghanau |
anyo'nyamabhigarjantau mattābdhijaladāviva || 34 ||
[Analyze grammar]

tayoḥ praharatorbāṇānvasudhā narasiṃhayoḥ |
pāṣāṇamusulākārā vyomavistāriṇo'bhavan || 35 ||
[Analyze grammar]

karavālaphalāḥ kecinmudgarānanakāḥ pare |
śitacakramukhāḥ kecitkecitparaśuvaktrakāḥ || 36 ||
[Analyze grammar]

kecicchaktimukhā bāṇāḥ kecitkṣuramukhā api |
kecitkuntographalakā ardhacandramukhāstathā || 37 ||
[Analyze grammar]

siṃhopalamukhāḥ kecitkecicchūlaśikhāmukhāḥ |
triśūlavadanāḥ kecitsthūlā iva mahāśilāḥ || 38 ||
[Analyze grammar]

pralayapavanapātitāḥ śilaughā iva vicaranti śilīmukhāstadā sma |
pramilitamabhavattayostadānīṃ pralayavijṛmbhitasindhusaṃbhrameṇa || 39 ||
[Analyze grammar]