Chapter 14

svayambhūtpattivarṇanaṃ nāma sargaḥ |
caturdaśaḥ sargaḥ |
vasiṣṭhaḥ |
itthaṃ jagadahantādi dṛśyajātaṃ na kiñcana |
ajātatvācca nāstyeva yaccāsti parameva tat || 1 ||
[Analyze grammar]

paramākāśa evāsau jīvatāṃ cetati svayam |
nisspandāmbhodhijaṭhare salilaṃ spandatāmiva || 2 ||
[Analyze grammar]

ākāśarūpamajahadeva vettīva dṛśyatām |
svapnasaṅkalpaśailādāviva cidvṛttirāntarī || 3 ||
[Analyze grammar]

pṛthvyādirahito deho yo virāḍātmano mahān |
ātivāhika evāsau cinmātrācchanabhomayaḥ || 4 ||
[Analyze grammar]

akṣayasvapnaśailābhaḥ sthirasvapnapuropamaḥ |
citrakṛtsthitacittasthacitrasainyasamākṛtiḥ || 5 ||
[Analyze grammar]

anikhātamahāstambhaputrikaughasamopamaḥ |
brahmākāśe'nikhātātmā svastambhe sālabhañjikā || 6 ||
[Analyze grammar]

ādyaḥ prajāpatiḥ pūrvaṃ svayambhūriti viśrutaḥ |
prāktanānāṃ svakāryāṇāmabhāvādapakāraṇaḥ || 7 ||
[Analyze grammar]

mahāpralayaparyanteṣvādyāḥ kila pitāmahāḥ |
mucyante sarva evātaḥ prāktanaṃ karma teṣu kim || 8 ||
[Analyze grammar]

moktavya eva kuḍyātmā dṛśyo'dṛśyaśca saṃsthitaḥ |
na ca dṛśyaṃ na ca draṣṭā na sraṣṭā sarvameva ca || 9 ||
[Analyze grammar]

praticchandaḥ padārthānāṃ sarveṣāmeṣa eva saḥ |
asmādudeti jīvālī dīpālī dīpakādiva || 10 ||
[Analyze grammar]

saṅkalpa eva saṅkalpātkilaiti kṣmādivarjitaḥ |
kṣmādimāniva niṣkuḍyaḥ svapnātsvapnāntaraṃ yathā || 11 ||
[Analyze grammar]

asmādeva praticchandājjīvāḥ samprasarantyamī |
sahakārikāraṇānāmabhāvācca sa eva te || 12 ||
[Analyze grammar]

sahakārikāraṇānāmabhāve kāryakāraṇam |
ekametadato nānyaḥ parasmātsargavibhramaḥ || 13 ||
[Analyze grammar]

brahmaivādyo virāḍātmā virāḍātmaiva sargatā |
jīvākāśaḥ sa evetthaṃ sthitaḥ pṛthvyādyasad yataḥ || 14 ||
[Analyze grammar]

rāmaḥ |
kiṃ syātparimito jīvarāśirāho anantakaḥ |
āhosvidastyanantātmā jīvapiṇḍo'calopamaḥ || 15 ||
[Analyze grammar]

dhārāḥ payomuca iva śīkarā iva vāridheḥ |
kaṇāstaptāyasa iva kasmānniryānti jīvakāḥ || 16 ||
[Analyze grammar]

iti me bhagavanbrūhi jīvajālavinirṇayam |
jñātametanmayā prāyastadeva prakaṭīkuru || 17 ||
[Analyze grammar]

vasiṣṭhaḥ |
eka eva na jīvo'sti rāśīnāṃ sambhavaḥ kutaḥ |
śaśaśṛṅgaṃ samuḍḍīya prayātītīva te vacaḥ || 18 ||
[Analyze grammar]

na jīvo'sti na jīvānāṃ rāśayaḥ santi rāghava |
na caikaḥ parvataprakhyo jīvapiṇḍo'sti kaścana || 19 ||
[Analyze grammar]

jīvaśabdārthakalanāḥ samastakalanānvitāḥ |
na ca kāścana santīti niścayo'stu tavācalaḥ || 20 ||
[Analyze grammar]

śuddhaṃ cinmātramamalaṃ brahmāstīha hi sarvataḥ |
tad yathā sarvaśaktitvādvindate yāṃ svayaṃ kalām || 21 ||
[Analyze grammar]

cinmātrānukrameṇaiva sampraphultāṃ latāmiva |
nanu mūrtāmamūrtāṃ vā tāmevāśu prapaśyati || 22 ||
[Analyze grammar]

jīvo buddhiḥ kriyāspando mano dvitvaikyamityapi |
svasattāṃ prakacantīṃ tāṃ niyojayati vedane || 23 ||
[Analyze grammar]

sābuddhaivaṃ bhavatyeva bhavedbrahmaiva bodhataḥ |
abodhaḥ prekṣayā yāti nāśaṃ na tu sa budhyate || 24 ||
[Analyze grammar]

yathāndhakāro dīpena prekṣyamāṇaḥ praṇaśyati |
na cāsya jñāyate tattvamabodhasyaivameva hi || 25 ||
[Analyze grammar]

evaṃ brahmaiva jīvātmā nirvibhāgo nirantaraḥ |
sarvaśaktiranādyantaṃ mahācitsārarūpadhṛt || 26 ||
[Analyze grammar]

sarvānantatayā tvasya na kācidbhedakalpanā |
vidyate yā hi kalanā sā tadevānubhūtitaḥ || 27 ||
[Analyze grammar]

rāmaḥ |
evametatkathaṃ brahmannekajīvecchayākhilāḥ |
jagajjīvā na yujyante mahājīvaikatāvaśāt || 28 ||
[Analyze grammar]

vasiṣṭhaḥ |
mahājīvātma tadbrahma sarvaśaktimayātmakam |
sthitaṃ yathecchameveha nirvibhāgaṃ nirantaram || 29 ||
[Analyze grammar]

yadevecchati tattasya bhavatyāśu mahātmanaḥ |
pūrvaṃ tu naśyatīcchā cedato dvitvamudeti tat || 30 ||
[Analyze grammar]

paścāddvitvavibhaktānāṃ svaśaktīnāṃ prakalpitaḥ |
anenetthaṃ hi bhavatītyevaṃ tena kriyākramaḥ || 31 ||
[Analyze grammar]

śaktyādyayā tayā brāhmyā niyamo yaḥ prakalpitaḥ |
taṃ vinā nodayo'nyāsāṃ pradhānecchaiva rohati || 32 ||
[Analyze grammar]

yasyā jīvābhidhānāyāśśaktyā yecchā phalatyasau |
pradhānaśaktiniyamānuṣṭhānena vinā tu na || 33 ||
[Analyze grammar]

pradhānaśaktiniyamaḥ supratiṣṭho bhavenna cet |
tatphalaṃ śaktyaśaktitvānnehitānāṃ kvacidbhavet || 34 ||
[Analyze grammar]

evaṃ brahma mahājīvo vidyate'ntādivarjitaḥ |
jīvatkoṭimahākoṭībhavatyatha na kiñcana || 35 ||
[Analyze grammar]

cetyasaṃvedanājjīvo bhavatyāyāti saṃsṛtim |
tadasaṃvedanād rūpaṃ śamamāyāti saṃsṛteḥ || 36 ||
[Analyze grammar]

evaṃ kaniṣṭhajīvānāṃ jyeṣṭhajīvakriyākramaiḥ |
samudetyādyajīvatvaṃ tāmrāṇāmiva hematā || 37 ||
[Analyze grammar]

atrānante parākāśe itthameṣa gaṇo'pyasan |
khātmaiva sannivodeti ciccamatkaraṇātmakaḥ || 38 ||
[Analyze grammar]

svayameva camatkāro yaḥ samāgamyate citā |
bhaviṣyannāmadehādi tadahambhāvanaṃ viduḥ || 39 ||
[Analyze grammar]

cito yaḥ syāccidālokastanmayatvādanantakaḥ |
sa eṣa bhuvanābhoga iti tasyāḥ prabimbati || 40 ||
[Analyze grammar]

pariṇāmavikārādiśabdaiḥ saiva cidavyayā |
tādṛgrūpyādabhedyāpi svaśaktyaiva vibudhyate || 41 ||
[Analyze grammar]

avicchinnavilāsātma svato yatsvadanaṃ citaḥ |
acetyasya prakāśasya jagadityeva tatsthitam || 42 ||
[Analyze grammar]

ākāśādapi sūkṣmaiṣā yā śaktirvitatā citaḥ |
sā svabhāvata evaināmahantāṃ paripaśyati || 43 ||
[Analyze grammar]

ātmanyātmātmanaivāsyā yatprasphurati vārivat |
jagadantamahantāṇuṃ tadevāsau prapaśyati || 44 ||
[Analyze grammar]

camatkārakarī cāru yaccamatkurute citiḥ |
iyaṃ svātmani tasyaiva jagannāma tataṃ kṛtam || 45 ||
[Analyze grammar]

citaścittvamahaṅkāraḥ saiva rāghava kalpanā |
tanmātrādi cidevāto dvitvaikatve kva saṃsthite || 46 ||
[Analyze grammar]

jīvahetāvasantyāge tvaṃ cāhaṃ ceti santyaja |
śeṣaṃ sadasatormadhye bhavetyarthātmako bhavet || 47 ||
[Analyze grammar]

citā yathādau kalitā svasattā sā tathoditā |
abhinnā dṛśyate vyomnaḥ sattāsatte'tha vedmyaham || 48 ||
[Analyze grammar]

citkhaṃ khaṃ jagadīhāḥ khaṃ khamabdhivibudhācalāḥ |
khākāraciccamatkārarūpatvānnānyadasti hi || 49 ||
[Analyze grammar]

yo yadvilāsastasmātsa na kadācana bhidyate |
api sāvayavāttattvātkaivānavayave kathā || 50 ||
[Analyze grammar]

citernityamacetyāyāścinnāstyavitatākṛteḥ |
yad rūpaṃ jagato rūpaṃ tattatsphuraṇarūpiṇaḥ || 51 ||
[Analyze grammar]

mano buddhirahaṅkāro bhūtāni girayo diśaḥ |
iti paryāyaracanā citastattvājjagatsthiteḥ || 52 ||
[Analyze grammar]

citaścittvaṃ jagadviddhi nājagaccittvamasti hi |
ajagattvādaciccitsyādbhāvābhedājjagatkutaḥ || 53 ||
[Analyze grammar]

citermaricabījasya nijā yāntaścamatkṛtiḥ |
saivaiṣā jīvatanmātramātraṃ jagaditi sthitā || 54 ||
[Analyze grammar]

cittvātsvaśaktikacanaṃ yadahambhāvanaṃ citeḥ |
jīvaḥ spandātmakarmātmā bhaviṣyadabhidho hyasau || 55 ||
[Analyze grammar]

yacciccittvena kalanaṃ svasampādyābhidhārthadik |
vyavacchedavikāraistadbhidyate'to na vidyate || 56 ||
[Analyze grammar]

citspandarūpiṇorasti na bhedaḥ kartṛkarmaṇoḥ |
spandamātraṃ bhavetkarma sa eva puruṣaḥ smṛtaḥ || 57 ||
[Analyze grammar]

jīvaścittve parispandaḥ puṃsāṃ cittaṃ sa eva ca |
manastvindriyarūpaṃ sannānānānaiva gacchati || 58 ||
[Analyze grammar]

śāntāśeṣaviśeṣaṃ hi citprakāśacchaṭā jagat |
kāryakāraṇatāditvaṃ tasmādanyanna vidyate || 59 ||
[Analyze grammar]

acchedyo'hamadāhyo'hamakledyo'śoṣya eva ca |
nityaḥ satatagaḥ sthāṇuracalo'hamiti sthitam || 60 ||
[Analyze grammar]

vivadante yathā hyatra vivadantu tathā bhramaiḥ |
bhramanto na vayaṃ tvete jātā vigatavibhramāḥ || 61 ||
[Analyze grammar]

dṛśye mūrte'jñasaṃrūḍhe vikārādi pṛthagbhavet |
nāmūrte tajjñakacite citkhe sadasadātmani || 62 ||
[Analyze grammar]

cittaruścetyarasataśśaktīḥ kālādināmikāḥ |
tanotyākāśaviśadāścinmadhuśrīḥ svamañjarīḥ || 63 ||
[Analyze grammar]

svayaṃ vicitraṃ sphurati citkarmukamanāhatam |
svayaṃ vicitraṃ kacati cidratnamapakāraṇam || 64 ||
[Analyze grammar]

svayaṃ vilakṣaṇaspandaścidvāyurajaḍātmakaḥ |
svayaṃ vicitravalanaṃ cidvāri na nikhātagam || 65 ||
[Analyze grammar]

svayaṃ vicitradhātūccaiścicchṛṅgamapanirmitam |
svayaṃ citrarasollāsā cijjyotsnā satatoditā || 66 ||
[Analyze grammar]

svayaṃ sadaiva prakaṭaścidāloko'malātmakaḥ |
svayamastaṅgatevājñe jñe jñānāduditā citiḥ || 67 ||
[Analyze grammar]

svayaṃ jaḍeṣu jāḍyena padaṃ sauṣuptamāgatā |
svayaṃ spandi tathāspandi cittvāccitimahānabhaḥ || 68 ||
[Analyze grammar]

citprakāśaprakāśo hi jagadasti ca nāsti ca |
cidākāśaikaśūnyatvaṃ jagadasti ca nāsti ca || 69 ||
[Analyze grammar]

cidālokamahārūpaṃ jagadasti ca nāsti ca |
cinmārutaghanaspando jagadasti na cāsti ca || 70 ||
[Analyze grammar]

cidghanadhvāntakṛṣṇatvaṃ jagadasti ca nāsti ca |
cidarkālokadivaso jagadasti na cāsti ca || 71 ||
[Analyze grammar]

citkajjalarajaśśailaparamāṇurjagadbhramaḥ |
cidagnyauṣṇyaṃ jagallekhā jagaccicchaṅkhaśuklatā || 72 ||
[Analyze grammar]

jagaccicchailajaṭharaṃ cijjaladravatā jagat |
jagaccidikṣumādhuryaṃ citkṣīrasnigdhatā jagat || 73 ||
[Analyze grammar]

jagacciddhimaśītatvaṃ cijjvālājvalanaṃ jagat |
jagaccitsarpiṣi sneho vīciścitsarito jagat || 74 ||
[Analyze grammar]

jagaccitkṣaudramādhuryaṃ jagaccitkanakāṅgadam |
jagaccitpuṣpasaugandhyaṃ cillatāgraphalaṃ jagat || 75 ||
[Analyze grammar]

citsattaiva jagatsattā jagatsattaiva cidvapuḥ |
atra bhedavikārādi na khe malamiva sthitam || 76 ||
[Analyze grammar]

itīdaṃ sanmayatvena sadasadbhuvanatrayam |
avikalpyatadātmatvātsattāsatte tadeva vā || 77 ||
[Analyze grammar]

avayavāvayavitāśabdārthau śaśaśṛṅgavat |
anubhūtyapalāpāya kalpitau yairdhigastu tān || 78 ||
[Analyze grammar]

na vidyate jagad yatra sādridyūrvīnadīśvaram |
cidekatvātprasaṅgaḥ syātkastatretaravibhrame || 79 ||
[Analyze grammar]

śilāhṛdayapīnāpi svākāśaviśadaiva cit |
dhatte'ntarakhilaṃ śāntaṃ sanniveśaṃ yathā śilā || 80 ||
[Analyze grammar]

padārthanikarākāśe tvamākāśalavopamaḥ |
tvattāmattātmatātattāsattollekhā na santi te || 81 ||
[Analyze grammar]

pallavāntaralekhaughasanniveśavadātatam |
anyānanyātmakamidaṃ dhatte'ntaścitsvabhāvataḥ || 82 ||
[Analyze grammar]

samastakāraṇaughānāṃ kāraṇādipitāmaham |
svabhāvato'kāraṇātma cittvaṃ viddhyanubhūtitaḥ || 83 ||
[Analyze grammar]

na cāsattvamacetyāyāścito vācāpi sidhyati |
yadasti tadudetīti dṛṣṭaṃ bījādivāṅkuram || 84 ||
[Analyze grammar]

gaganamiva suśūnyabhedamasti tribhuvanamaṅga mahācito'ntarasyāḥ |
paramapadamayaṃ samastadṛśyaṃ tvidamiti niścayavānbhavānubhūteḥ || 85 ||
[Analyze grammar]

vālmīkiḥ |
ityuktavatyatha munau divaso jagāma sāyantanāya vidhaye'stamino jagāma |
snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 86 ||
[Analyze grammar]