Moksopaya [sanskrit]

192,019 words | ISBN-10: 8120831470 | ISBN-13: 9788120831476

This Sanskrit edition of the Moksopaya. It is a large philosophical text dealing with “the science of liberation”. Similar to the Yoga-vasistha in content, the Mokshopaya-shastra was likely its predecessor, said to contain 30,000 shlokas (metrical verses). One of the core philosophies of the texts teaches the non-existence of cognitive objects; while holding such a view leads to an attitude of dispassion towards worldly matters.

bhūyo bhūyaḥ sargānubhavanaṃ nāma sargaḥ |
caturthaḥ sargaḥ |
vasiṣṭhaḥ |
saumyāmbutve taraṅgatve salilasyāmbutā yathā |
samaivābdhau tathādehasadehatvavimuktatā || 1 ||
[Analyze grammar]

rāmaḥ |
sadehā vāstvadehā vā muktatā viṣayena vaḥ |
anāsvāditabhojyasya kuto bhojyānubhūtayaḥ || 2 ||
[Analyze grammar]

jīvanmuktaṃ muniśreṣṭha kevalaṃ hi padārthavat |
paśyāmaḥ purato nāsya punarvidmo'ntarāśayam || 3 ||
[Analyze grammar]

vasiṣṭhaḥ |
sadehādehamuktānāṃ bhedaḥ ko'bhedarūpiṇām |
yadevāmbu taraṅgatve saumyatve'pi tadeva tat || 4 ||
[Analyze grammar]

na manāgapi bhedo'sti sadehādehamuktayoḥ |
saspando'stvatha vāspando vāyureva kilānilaḥ || 5 ||
[Analyze grammar]

sadehā vā videhā vā muktatā na pramāspadam |
asmākamasyāstu yadā svaikatāstyavibhāginī || 6 ||
[Analyze grammar]

tasmātprakṛtamevedaṃ śṛṇu śravaṇabhūṣaṇam |
mayopadiśyamānaṃ tvaṃ jñānamajñāndhyanāśanam || 7 ||
[Analyze grammar]

sarvameveha hi sadā saṃsāre raghunandana |
samyakprayuktātsarveṇa pauruṣātsamavāpyate || 8 ||
[Analyze grammar]

iha hīndorivodeti śītalāhlādanaṃ hṛdi |
parispandaphalaprāptau pauruṣādeva nānyataḥ || 9 ||
[Analyze grammar]

pauruṣaspandaphalavaddṛṣṭaṃ pratyakṣato na yat |
kalpitaṃ mohibhirmandairdaivaṃ kiñcinna vidyate || 10 ||
[Analyze grammar]

sādhūpadeśaśāstreṇa yanmano'ṅgaviceṣṭitam |
tatpauruṣaṃ tatsaphalamanyadunmattaceṣṭitam || 11 ||
[Analyze grammar]

yo yamarthaṃ kāmayate tadarthaṃ cehate kramāt |
avaśyaṃ tamavāpnoti na cedardhānnivartate || 12 ||
[Analyze grammar]

pauruṣeṇa prayatnena trailokyaiśvaryasundarīm |
kaścitprāṇiviśeṣo hi śakratāṃ samupāgataḥ || 13 ||
[Analyze grammar]

pauruṣeṇa prayatnena sahasāmbhoruhāspadām |
kaścideva cidullāso brahmatāmadhigacchati || 14 ||
[Analyze grammar]

sāreṇa puruṣārthena svenaiva garuḍadhvajām |
kaścideva pumāneṣa puruṣottamatāṃ gataḥ || 15 ||
[Analyze grammar]

pauruṣeṇaiva yatnena lalanāvalanākṛtim |
śarīrī kaścideveha gataścandrārdhacūḍatām || 16 ||
[Analyze grammar]

prāktanaṃ caihikaṃ ceti dvividhaṃ viddhi pauruṣam |
prāktano'dyatanenāśu puruṣārthena jīyate || 17 ||
[Analyze grammar]

yatnavadbhirdṛḍhābhyāsaiḥ prajñotsāhasamanvitaiḥ |
meravo'pi nigīryante kaiva prākpauruṣe kathā || 18 ||
[Analyze grammar]

śāstraniyantritapauruṣaparamā puruṣasya puruṣatā yā syāt |
abhimataphalabharasiddhyai bhavati hi sānyā tvanarthāya || 19 ||
[Analyze grammar]

kasyāñcitsvayamātmadussthitivaśātpuṃso daśāyāṃ śanairaṅgulyagranipīḍitaikaculukādācāmabindurbahuḥ |
kasyāñcijjalarāśiparvatapuradvīpāntarālaṅkṛtā kartavyocitasaṃvibhāgakaraṇe pṛthvī na pṛthvī bhavet || 20 ||
[Analyze grammar]

Other editions:

Also see the following editions of the Sanskrit text or (alternative) English translations of the Moksopaya Chapter 4

Cover of edition (2008)

The Yogavasistha of Valmiki
by Vasudeva Laxmana Sharma Pansikar (2008)

With the Commentary Vasistha Maharamayana Tatparyaprakasa (Volume I and II): Sanskrit Only; [Motilal Banarsidass Publishers Pvt. Ltd.]

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: