Chapter 11

rāghavasamāśvāsanaṃ nāma sargaḥ |
ekādaśaḥ sargaḥ |
vālmīkiḥ |
iti pṛṣṭo munīndreṇa samāśvāsya ca rāghavaḥ |
uvāca vacanaṃ cāru dhīrapūrṇārthamantharam || 1 ||
[Analyze grammar]

rāmaḥ |
bhagavanbhavatā pṛṣṭo yathāvadadhunā kila |
kathayāmyahamajño'pi ko laṅghayati sadvacaḥ || 2 ||
[Analyze grammar]

ahaṃ tāvadayaṃ jāto nije'sminpitṛsadmani |
krameṇa vṛddhiṃ samprāptaḥ prāptavidyaśca saṃsthitaḥ || 3 ||
[Analyze grammar]

tataḥ sadācāraparo bhūtvāhaṃ munināyaka |
vihṛtastīrthayātrārthamurvīmambudhimekhalām || 4 ||
[Analyze grammar]

etāvatātha kālena saṃsārāsthāmimāṃ mama |
svaviveko jahārāntaroghastaṭalatāmiva || 5 ||
[Analyze grammar]

vivekena parītātmā tenāhaṃ tadanu svayam |
bhoganīrasayā buddhyā pravicāritavānidam || 6 ||
[Analyze grammar]

kiṃ nāmedaṃ vata sukhaṃ yo'yaṃ saṃsārasaṃsṛtiḥ |
jāyate mṛtaye loko mriyate jananāya ca || 7 ||
[Analyze grammar]

svasthitāḥ sarva eveme sacarācaraceṣṭitāḥ |
āpadāṃ patayaḥ pāpā bhāvā vibhavabhūmayaḥ || 8 ||
[Analyze grammar]

ayaśśalākāsadṛśāḥ parasparamasaṅginaḥ |
śliṣyante kevalaṃ bhāvā manaḥkalpanayā svayā || 9 ||
[Analyze grammar]

manassamāyattamidaṃ jagadābhogi dṛśyate |
manaścāsadihābhāti kena smaḥ parimohitāḥ || 10 ||
[Analyze grammar]

asataiva vayaṃ kaṣṭaṃ vikrītā mūḍhabuddhayaḥ |
mṛgatṛṣṇāmbhasā dūre vane mugdhamṛgā iva || 11 ||
[Analyze grammar]

na kenacicca vikrītā vikrītā iva saṃsthitāḥ |
vata mūḍhā vayaṃ sarve jānānā api śambaram || 12 ||
[Analyze grammar]

kimeteṣu prapañceṣu bhogā nāma sudurbhagāḥ |
mudhaiva hi vayaṃ mohātsaṃsthitā baddhabhāvanāḥ || 13 ||
[Analyze grammar]

ajñāte bahukālena vyartha eva vayaṃ ghane |
mohe nipatitā mugdhāśśvabhre mugdhamṛgā iva || 14 ||
[Analyze grammar]

kiṃ me rājyena kiṃ bhogaiḥ ko'haṃ kimidamāgatam |
yanmithyaivāstu tanmithyā kasya nāma kimāgatam || 15 ||
[Analyze grammar]

evaṃ vimṛśato brahman sarveṣveva tato mama |
bhāveṣvaratirāyātā pathikasya maruṣviva || 16 ||
[Analyze grammar]

tadetadbhagavanbrūhi kimidaṃ parinaśyati |
kimidaṃ jāyate bhūyaḥ kimidaṃ parivardhate || 17 ||
[Analyze grammar]

jarāmaraṇamāpacca jananaṃ sampadastathā |
āvirbhāvatirobhāvairvivartante punaḥ punaḥ || 18 ||
[Analyze grammar]

bhāvaistaireva taireva tucchairvayamime kila |
paśya jarjaratāṃ nītā vātairiva giridrumāḥ || 19 ||
[Analyze grammar]

acetanā iva janāḥ pavanaiḥ prāṇanāmabhiḥ |
dhvanantaḥ saṃsthitā vyarthaṃ yathā kīcakaveṇavaḥ || 20 ||
[Analyze grammar]

śāmyatīdaṃ kathaṃ duḥkhamiti tapto'smi cintayā |
jaraddruma ivogreṇa koṭarasthena vahninā || 21 ||
[Analyze grammar]

saṃsāraduḥkhapāṣāṇanīrandhrahṛdayo'pyaham |
nijalokabhayādeva galadbāṣpairna rodimi || 22 ||
[Analyze grammar]

śūnyamanmukhavṛttīstu śuṣkarodananīrasāḥ |
viveka eva hṛtsaṃstho mamaikānteṣu paśyati || 23 ||
[Analyze grammar]

bhṛśaṃ muhyāmi saṃsmṛtya bhāvābhāvamayīṃ sthitim |
dāridryeṇeva subhago dūre saṃsāracintayā || 24 ||
[Analyze grammar]

mohayanti manovṛttiṃ khaṇḍayanti guṇānalam |
duḥkhajālaṃ prayacchanti vipralambhaparāśśriyaḥ || 25 ||
[Analyze grammar]

cintānicayavakrāṇi nānandāya dhanāni me |
samprasūtakalatrāṇi gṛhāṇyugrāpadāṃ yathā || 26 ||
[Analyze grammar]

vividhadoṣadaśāparicintanaiḥ satatabhaṅgurakāraṇakalpitaiḥ |
mama na nirvṛtimeti mano mune nigaḍitasya yathā vanahastinaḥ || 27 ||
[Analyze grammar]

khalāḥ kāle kāle niśi niśitamohaikamihikāgatāloke loke viṣayahaṭhacaurāḥ sucaturāḥ |
pravṛttāḥ prodyuktā diśi diśi vivekaikaharaṇe raṇe śaktāsteṣāṃ vadata vibudhāḥ ke'dya subhaṭāḥ || 28 ||
[Analyze grammar]