Verse 12.106

Medhātithi Manubhāṣya

ṛṣir vedaḥ, tatra bhavaḥ ārṣaḥ, dharmopadeśo yo vaidikaḥ | yas tarkeṇa anumānāntareṇa yuktyā nirūpayati sa dharmaṃ vedeti padayojanā |

• tarka ūhāpohāntaryasiddhiḥ, idam atra yuktam ūhitum, idam apohitam | yadā saurye karmaṇi nirvāpamantre “devasya tvā savituḥ prasave'śvinor bāhubhyāṃ pūṣṇo hastābhyām agnaye tvā juṣṭaṃ nirvapāmi” (vs 2.11) iti prakṛtitaḥ prāpte mantre'gnipadasyārthāsamavāyād apohaḥ sūryapadasya ca kṣepaḥ | ayaṃ tarko na virudhyate vedena | yo'py evaṃ manyate—“saurye karmaṇy agner devatāyāḥ abhāvāt, arthena ca mantrāṇāṃ prayojyatvāt, ekadeśopaśame ca mantratvābhāvāt, kṛtsnasya vai mantrasya lopaḥ,” eṣa vedārthavirodhī tarkaḥ | yad uccāraṇaṃ mantrāṇāṃ prayojyatvaṃ manyate, “ataś cāvikṛta eva mantraḥ prayoktavyaḥ” iti, so'pi śāstravirodhī tarkaḥ |

• na cāyaṃ vidhiḥ | ayam arthavādaḥ | asyātra tātparyam, īdṛśy upekṣā yad atraitac ca mīmāṃsāto jñāyate'to dharmaśuddhyarthaṃ mīmāṃsāvedanam etena coditam |

• anye tu vyācakṣate | tarkeṇeti tarkapradhānā granthā laukikapramāṇanirūpaṇaparā nyāyavaiśeṣikalokāyatikā ucyante | tatra vedaviruddhāni bauddhalokāyatikanairgranthādīni paryudasyante | tāni vedaviruddhāni | na tatra pramāṇaṃ vedaḥ | kapilakaṇādakriyām avirathatānigrahāntādiṣu hi śabdaḥ pramāṇam | tathā cākṣapādasūtram “pratyakṣānumānopamānaśabdāḥ pramāṇāni” (Nyāyasūtra 1.1.3) | vaiśeṣikā api “tadvacanād āmnāyasya prāmāṇyam” (vaiśs 1.1.3) ity āhuḥ | atas tāni śāstrāṇi śrotavyānīti ca | tathā ca mahābhārate bhagavatā kṛṣṇadvaipāyanena darśitam-

• śrotriyasyaiva te rājan mandakasyālpabuddhayaḥ |

• anuvākahatā buddhir naiṣā sūkṣmārthadarśinī || (Mahābhārata 12.10.1)

anuvākahateti tarkakṛtām apy upapattim āha, kevalatvād asattayā | tathedam aparam uta |

• kaścin na lokāyatikān brāhmaṇān smārtaḥ sevate |

• anarthakuśalā hy ete mūrkhāḥ paṇḍitamāninaḥ | iti | (rām 2.94.32)

anenāsattarkaśravaṇaṃ prasiddham, pūrveṇa sattarkānujñānaṃ tad eva tad iti |

• kecit prāmāṇyaṃ vedasyāhur īśvarapraṇetṛkatayā | na ca tasyāsti saṃbhavaḥ | na ca tasmin pakṣe vedaḥ pramāṇam, tasya hy asāv īśvaraḥ samayopasthāpakaḥ |

• eteṣu śrūyamāṇeṣu aprāmāṇiko viparīto'bhiniveśo jāyate | ato'sattarkā eva te | na ca vaidikasya vākyāvabodhe kasyacid apy upayujyante | tathā ca sāṃkhyāḥ “sa hy aviśuddhikṣayātiśayayuktaḥ” (sāṃk 2) ity āhuḥ | akṣapādair api tadaprāmāṇyaṃ manyate | tathā ca yājñikapūrvapakṣe nirdhāritaṃ yad api kenacit paṭhitam (Nyāyasūtra 2.1.57) |

• karmamīmāṃsāvedāntabhāṣyam evam abhidhānaṃ yathāśruti vijñāyate—“devā asmāl lokād amuṃ lokam āyaṃs tān ṛṣayo'nvīyus tān manuṣyā abruvan katham atho bhaviṣyāmaḥ ebhyaḥ sarvakarma ṛṣayaḥ prāyacchat | tasmād yat brāhmaṇottamās tarkayanty ārṣam eva tad bhavati” iti śruteḥ | eṣā yathoktatarkapadārthānuvādinī || 12.106 ||