![Manusmriti with Manubhashya [sanskrit] - book cover](/uploads/a/Manusmriti-Sanskrit_3.jpg)
Manusmriti with Manubhashya [sanskrit]
by Patrick Olivelle | 2021 | 227,798 words | ISBN-10: 8120811550 | ISBN-13: 9788120811553
This is the Sanskrit text of the Manusmriti including Medhatithi’s Manubhashya.
Verse 8.406
[English text for this chapter is available]
dīrghādhvani yathādeśaṃ yathākālaṃ taro bhavet |
nadītīreṣu tad vidyāt samudre nāsti lakṣaṇam || Verse 8.406 ||
Medhātithi Manubhāṣya
pārāvārottāraṇe pūrvaṃ dānam | ayaṃ nāvā grāmāntaragamane | dīrghādhvani yojanādiparimāṇena gantavye | yathādeśam | yasmin deśe yat taridānaṃ nāvikaiḥ sthāpitaṃ tad eva | yathākālam | kālo varṣādiḥ bahūdakaḥ, tatrānyan mūlyam | svalpodakāyāṃ sariti cireṇa grāmaprāptau nāvikānām adhikatarāyāsavatām adhikamūlyam | taramūlye kāraṇe kāryaśabdas taro bhaved iti | yāvad yāvad dīrgho deśas tāvat tāvat tarapaṇo vardhate | etac ca nadītīreṣu vidyāt | samudre sāgare nāsti taralakṣaṇam | na śakyate lakṣayituṃ kati yojanāni naur vyūḍhā yena tadanusāreṇa mūlyaṃ kalpyate | nadanadīṣu śakyate jñātum ayaṃ panthā yojanamātro dviyojana iti | tatra hi tatra grāmāḥ parimāṇacihnam | tatraikayojane'dhvani yan mūlyaṃ dviguṇaṃ tad dviyojane | samudre tu bahuvāhyā nauḥ, na ca suṣṭu śakyate yojanādiparicchedaḥ kartum | ata evoktaṃ samudre nāsti lakṣaṇam iti || 8.406 ||
Other editions:
Also see the following editions of the Sanskrit text or (alternative) English translations of the Verse 8.406
Manusmriti Medhatithi Bhasya in Bengali (Set of 2 Volumes)
by Shri Bhutnath Saptatirth (2022)
Publisher: Tathagata, Kolkata; ISBN-13: 9789391867720.
Buy now!