![Manusmriti with Manubhashya [sanskrit] - book cover](/uploads/a/Manusmriti-Sanskrit_3.jpg)
Manusmriti with Manubhashya [sanskrit]
by Patrick Olivelle | 2021 | 227,798 words | ISBN-10: 8120811550 | ISBN-13: 9788120811553
This is the Sanskrit text of the Manusmriti including Medhatithi’s Manubhashya.
Verse 8.398
[English text for this chapter is available]
śulkasthāneṣu kuśalāḥ sarvapaṇyavicakṣaṇāḥ |
kuryur arghaṃ yathāpaṇyaṃ tato viṃśaṃ nṛpo haret || Verse 8.398 ||
Medhātithi Manubhāṣya
yeṣu pradeśeṣu śulkam ādīyate tāni śulkasthānāni rājabhir vaṇigbhiḥ svapratideśaniyatāni kalpitāni | teṣu sthāneṣu ye kuśalāḥ śaulkikāḥ, ye dhūrtair na śakyante vañcayitum, tathā sarveṣāṃ paṇyānām āgamakrayavikrayakṣayavyayasārāsārādividhijñā vicakṣaṇāḥ te bhāṇḍasyāgatasya deśāntarāt nīyamānasya vārghaṃ kuryuḥ | tato viṃśatibhāgaṃ rājā gṛhṇīyāt |
satyam, yadā svarūpeṇa dravyaṃ rājā gṛhṇāti | svarūpakāny upayujyante śāṭakādīni | tatra viṃśatibhāgaḥ prāg viṃśater na pāṭanam antareṇopapadyata ity evamartham arghakaraṇam | avikreyāṇām ātmopayogināṃ nāsti śulka iti jñāpituṃ yathāpaṇyam | evaṃ kālānurūpyeṇa | na sarvapaṇyaṃ sarvadā vikriyata ekarūpeṇārgheṇa | ato deśakālāpekṣayā paṇyānām arghavyavasthā, na niyato'rgha iti || 8.398 ||
Other editions:
Also see the following editions of the Sanskrit text or (alternative) English translations of the Verse 8.398
Manusmriti Medhatithi Bhasya in Bengali (Set of 2 Volumes)
by Shri Bhutnath Saptatirth (2022)
Publisher: Tathagata, Kolkata; ISBN-13: 9789391867720.
Buy now!