Manusmriti with Manubhashya [sanskrit]

by Patrick Olivelle | 2021 | 227,798 words | ISBN-10: 8120811550 | ISBN-13: 9788120811553

Hinduism Dharmashastra Sanskrit

This is the Sanskrit text of the Manusmriti including Medhatithi’s Manubhashya.

Verse 8.78

[English text for this chapter is available]

svabhāvenaiva yad brūyus tad grāhyaṃ vyāvahārikam |
ato yad anyad vibrūyur dharmārthaṃ tad apārthakam || Verse 8.78 ||

Medhātithi Manubhāṣya

sākṣiṇo yat svabhāvena vyāvahārikaṃ bruvanti tad grāhyam | yat tu svabhāvād vicalitāruṇayā dharmabuddhyā dharmārthaṃ brūyus tad apārthakam agrāhyam ity arthaḥ | yadyathādṛṣṭasyārthasya vacanaṃ tat svabhāvataḥ | yat tv anyathā “mā bhūd asya tapasvino madvacanena bādhaḥ” ity anayā buddhyā, tad apārthakam | yathā kenacid āveditaṃ bhavati “anenāha mākruṣṭaḥ” iti | tatra pareṇāpahnutam | sākṣiṇa āhuḥ—“satyam ākruṣṭaḥ, narmaṇā na tu roṣeṇa” iti | tatrākṛuṣṭa ity etat sākṣiṇāṃ vaco grāhyam | narmeṇety etad uttaravādinānuktatvād apṛṣṭam uktam api na grāhyam |

vyāvahārikaṃ vyavahāragatam | apagataprayojanam apārthakam |

anye vyācakṣate | yad apragalbhādibhiḥ skhalitapadam udāharanti na tāvatā tad anādeyaṃ kiṃ tu svabhāva eṣām upalakṣitavyo'numānena—kim amī aprāgalbhyāt skhalanti utāsatyābhidhāyitayeti |

tat tu prāg uktam | na cākṣarārtha ity upekṣyam || 8.78 ||

Other editions:

Also see the following editions of the Sanskrit text or (alternative) English translations of the Verse 8.78

Cover of edition (2022)

Manusmriti Medhatithi Bhasya in Bengali (Set of 2 Volumes)
by Shri Bhutnath Saptatirth (2022)

Publisher: Tathagata, Kolkata; ISBN-13: 9789391867720.

Last Updated: 15 June, 2025

Like what you read? Help to become even better:

Buy me a Coffee

Become a Patreon

|

Why? | More options...