![Manusmriti with Manubhashya [sanskrit] - book cover](/uploads/a/Manusmriti-Sanskrit_3.jpg)
Manusmriti with Manubhashya [sanskrit]
by Patrick Olivelle | 2021 | 227,798 words | ISBN-10: 8120811550 | ISBN-13: 9788120811553
This is the Sanskrit text of the Manusmriti including Medhatithi’s Manubhashya.
Verse 8.70
[English text for this chapter is available]
striyāpy asaṃbhave karyaṃ bāleṇa sthavireṇa vā |
śiṣyeṇa bandhunā vāpi dāsena bhṛtakena vā || Verse 8.70 ||
Medhātithi Manubhāṣya
striyeti liṅgavyatyaya uktaḥ | bālena sthavireṇa veti vayovyatyayaḥ | śiṣyeṇetyādinā saṃbandhinaḥ pratiprasavaḥ | etac ca pradarśanam evaṃvidhānāṃ niyamānāṃ vyabhicārāya | tena jātisādṛśye'pi nādriyete | suhṛdvairidṛṣṭadoṣādayas tu neṣyante | yeṣāṃ kiṃcid asatyābhidhānakaraṇatvaṃ dṛṣṭaṃ nāpi vyāpakaṃ te na pratisūyante | yeṣāṃ tu bahuvyāpakaṃ kvacid eva guṇātiśayaṃ ceti vyabhicaret tataḥ kvacid eva tatsākṣiṇaḥ | uktaṃ ca |
-
asaṃbhave'nyeṣāṃ sākṣiṇāṃ striyāpi kāryam | kim | sākṣyam iti pūrvaślokād anuṣajyate | śiṣyeṇeti maukhasrauvasaṃbandhapradarśanārtham etat | bandhuneti ahāryotpattikāyaunasaṃbandhapratiprasavaḥ | saty api saṃbandhatve yo nātipratyāsannaḥ sa gṛhyate | tena bhrātṛvyamātulaśvaśuryādayo na sākṣiṇaḥ | tathāvidhe hi bandhuśabdo rūḍhaḥ | dāseneti svasvāmisaṃbandha upalakṣyate | na svāmy upādhyāyo yājakaś ca sarvaṃvidhe viṣaye sākṣiṇaḥ | dāso garbhadāsaḥ | bhṛtako vaitanikaḥ |
- nanu cāsāmarthyād bālādayaḥ sākṣitve nirastāḥ | na hy ete sākṣyam avadhārayituṃ śaknuvanti buddher asthairyāt paripākādibhir doṣais tad āpadi pratiprasūyamānasamañjasam iti, na hy āpadi śaktir asyāvirbhavati | yo hi brūyāt “na vā navaudanaḥ paktavyaḥ; saty agnau tu paktavyaḥ” iti tādṛg etat syāt |
naiṣa doṣaḥ | evam artham evottaraśloka ārabhyate || 8.70 ||
Other editions:
Also see the following editions of the Sanskrit text or (alternative) English translations of the Verse 8.70
Manusmriti Medhatithi Bhasya in Bengali (Set of 2 Volumes)
by Shri Bhutnath Saptatirth (2022)
Publisher: Tathagata, Kolkata; ISBN-13: 9789391867720.
Buy now!