![Manusmriti with Manubhashya [sanskrit] - book cover](/uploads/a/Manusmriti-Sanskrit_3.jpg)
Manusmriti with Manubhashya [sanskrit]
by Patrick Olivelle | 2021 | 227,798 words | ISBN-10: 8120811550 | ISBN-13: 9788120811553
This is the Sanskrit text of the Manusmriti including Medhatithi’s Manubhashya.
Verse 3.35
[English text for this chapter is available]
adbhir eva dvijāgryāṇāṃ kanyādānaṃ viśiṣyate |
itareṣāṃ tu varṇānām itaretarakāmyayā || Verse 3.35 ||
Medhātithi Manubhāṣya
dvijāgryāṇāṃ brāhmaṇānāṃ kanyādānaṃ kanyāṃ dadatām adbhir eva dānaṃ śasyate | brāhmaṇāya yadā kanyāṃ dadāti tadādbhir eva dadyāt | kathaṃ punar āpodānakaraṇam | na hi tābhir vinā dānam asti “adbhir vācyaṃ namaḥpūrvaṃ bhikṣā dānaṃ dadāti vai | evaṃ dharmeṣu” iti niyamāt | atha vā adbhir evety avadhāraṇenārṣāsuraprājāpatyān apavadati | tatra hi na kevalā āpaḥ kāraṇam, gomithunādidravyagrahaṇam api saṃvidvyavasthā ca | tenaitad uktaṃ bhavati | yathā gohiraṇyādi dravyaṃ dīyate, na kiṃcit paribhāṣyate—“iyaṃ gaus tvayaiva saṃvāhanīyedṛśāni tṛṇāny api deyāni,” evaṃ kanyāpi deyā, na duhitṛsnehena jāmāta paribhāṣaṇaṃ kārayitavyaḥ | na ca tasmād dhanaṃ grahītavyam iti |
- kṣatriyādīnāṃ tu itaretarakāmyayā parasparecchayā yadi kanyāvarayoḥ parasparam abhilāṣo bhavati tadā dānaṃ kartavya, netarathā brāhmavivāhavat |
- anye tu vyācakṣate | dhanaṃ vā gṛhītvādbhir eva vety eṣa itaretarakāmyārthaḥ | asmin pakṣe brāhmaṇasya sarvaviṣayatā jñāpitā bhavati || 3.35 ||
Other editions:
Also see the following editions of the Sanskrit text or (alternative) English translations of the Verse 3.35
Manusmriti Medhatithi Bhasya in Bengali (Set of 2 Volumes)
by Shri Bhutnath Saptatirth (2022)
Publisher: Tathagata, Kolkata; ISBN-13: 9789391867720.
Buy now!