Chapter 9

vaiśaṃpāyana uvāca |
evaṃ pṛṣṭvā sūtaputraṃ hṛcchokenārdito bhṛśam |
jaye nirāśaḥ putrāṇāṃ dhṛtarāṣṭro'patatkṣitau || 1 ||
[Analyze grammar]

taṃ visaṃjñaṃ nipatitaṃ siṣicuḥ paricārakāḥ |
jalenātyarthaśītena vījantaḥ puṇyagandhinā || 2 ||
[Analyze grammar]

patitaṃ cainamājñāya samantādbharatastriyaḥ |
parivavrurmahārājamaspṛśaṃścaiva pāṇibhiḥ || 3 ||
[Analyze grammar]

utthāpya cainaṃ śanakai rājānaṃ pṛthivītalāt |
āsanaṃ prāpayāmāsurbāṣpakaṇṭhyo varāṅganāḥ || 4 ||
[Analyze grammar]

āsanaṃ prāpya rājā tu mūrchayābhipariplutaḥ |
niśceṣṭo'tiṣṭhata tadā vījyamānaḥ samantataḥ || 5 ||
[Analyze grammar]

sa labdhvā śanakaiḥ saṃjñāṃ vepamāno mahīpatiḥ |
punargāvalgaṇiṃ sūtaṃ paryapṛcchadyathātatham || 6 ||
[Analyze grammar]

yattadudyannivādityo jyotiṣā praṇudaṃstamaḥ |
āyādajātaśatrurvai kastaṃ droṇādavārayat || 7 ||
[Analyze grammar]

prabhinnamiva mātaṅgaṃ tathā kruddhaṃ tarasvinam |
āsaktamanasaṃ dīptaṃ pratidviradaghātinam |
vāśitāsaṃgame yadvadajayyaṃ pratiyūthapaiḥ || 8 ||
[Analyze grammar]

ati cānyānraṇe yodhānvīraḥ puruṣasattamaḥ |
yo hyeko hi mahābāhurnirdahedghoracakṣuṣā |
kṛtsnaṃ duryodhanabalaṃ dhṛtimānsatyasaṃgaraḥ || 9 ||
[Analyze grammar]

cakṣurhaṇaṃ jaye saktamiṣvāsavararakṣitam |
dāntaṃ bahumataṃ loke ke śūrāḥ paryavārayan || 10 ||
[Analyze grammar]

ke duṣpradharṣaṃ rājānamiṣvāsavaramacyutam |
samāsedurnaravyāghraṃ kaunteyaṃ tatra māmakāḥ || 11 ||
[Analyze grammar]

tarasaivābhipatyātha yo vai droṇamupādravat |
taṃ bhīmasenamāyāntaṃ ke śūrāḥ paryavārayan || 12 ||
[Analyze grammar]

yadāyājjaladaprakhyo rathaḥ paramavīryavān |
parjanya iva bībhatsustumulāmaśaniṃ sṛjan || 13 ||
[Analyze grammar]

vavarṣa śaravarṣāṇi varṣāṇi maghavāniva |
iṣusaṃbādhamākāśaṃ kurvankapivaradhvajaḥ |
avasphūrjandiśaḥ sarvāstalanemisvanena ca || 14 ||
[Analyze grammar]

cāpavidyutprabho ghoro rathagulmabalāhakaḥ |
rathanemighoṣastanitaḥ śaraśabdātibandhuraḥ || 15 ||
[Analyze grammar]

roṣanirjitajīmūto mano'bhiprāyaśīghragaḥ |
marmātigo bāṇadhārastumulaḥ śoṇitodakaḥ || 16 ||
[Analyze grammar]

saṃplāvayanmahīṃ sarvāṃ mānavairāstaraṃstadā |
gadāniṣṭanito raudro duryodhanakṛtodyamaḥ || 17 ||
[Analyze grammar]

yuddhe'bhyaṣiñcadvijayo gārdhrapatraiḥ śilāśitaiḥ |
gāṇḍīvaṃ dhārayandhīmānkīdṛśaṃ vo manastadā || 18 ||
[Analyze grammar]

kaccidgāṇḍīvaśabdena na praṇaśyata vai balam |
yadvaḥ sa bhairavaṃ kurvannarjuno bhṛśamabhyagāt || 19 ||
[Analyze grammar]

kaccinnāpānudaddroṇādiṣubhirvo dhanaṃjayaḥ |
vāto meghānivāvidhyanpravāñśaravanānilaḥ |
ko hi gāṇḍīvadhanvānaṃ naraḥ soḍhuṃ raṇe'rhati || 20 ||
[Analyze grammar]

yatsenāḥ samakampanta yadvīrānaspṛśadbhayam |
ke tatra nājahurdroṇaṃ ke kṣudrāḥ prādravanbhayāt || 21 ||
[Analyze grammar]

ke vā tatra tanūstyaktvā pratīpaṃ mṛtyumāvrajan |
amānuṣāṇāṃ jetāraṃ yuddheṣvapi dhanaṃjayam || 22 ||
[Analyze grammar]

na ca vegaṃ sitāśvasya viśakṣyantīha māmakāḥ |
gāṇḍīvasya ca nirghoṣaṃ prāvṛḍjaladanisvanam || 23 ||
[Analyze grammar]

viṣvakseno yasya yantā yoddhā caiva dhanaṃjayaḥ |
aśakyaḥ sa ratho jetuṃ manye devāsurairapi || 24 ||
[Analyze grammar]

sukumāro yuvā śūro darśanīyaśca pāṇḍavaḥ |
medhāvī nipuṇo dhīmānyudhi satyaparākramaḥ || 25 ||
[Analyze grammar]

ārāvaṃ vipulaṃ kurvanvyathayansarvakauravān |
yadāyānnakulo dhīmānke śūrāḥ paryavārayan || 26 ||
[Analyze grammar]

āśīviṣa iva kruddhaḥ sahadevo yadābhyayāt |
śatrūṇāṃ kadanaṃ kurvañjetāsau durjayo yudhi || 27 ||
[Analyze grammar]

āryavratamamogheṣuṃ hrīmantamaparājitam |
droṇāyābhimukhaṃ yāntaṃ ke śūrāḥ paryavārayan || 28 ||
[Analyze grammar]

yaḥ sa sauvīrarājasya pramathya mahatīṃ camūm |
ādatta mahiṣīṃ bhojyāṃ kāmyāṃ sarvāṅgaśobhanām || 29 ||
[Analyze grammar]

satyaṃ dhṛtiśca śauryaṃ ca brahmacaryaṃ ca kevalam |
sarvāṇi yuyudhāne'sminnityāni puruṣarṣabhe || 30 ||
[Analyze grammar]

balinaṃ satyakarmāṇamadīnamaparājitam |
vāsudevasamaṃ yuddhe vāsudevādanantaram || 31 ||
[Analyze grammar]

yuktaṃ dhanaṃjayapreṣye śūramācāryakarmaṇi |
pārthena samamastreṣu kastaṃ droṇādavārayat || 32 ||
[Analyze grammar]

vṛṣṇīnāṃ pravaraṃ vīraṃ śūraṃ sarvadhanuṣmatām |
rāmeṇa samamastreṣu yaśasā vikrameṇa ca || 33 ||
[Analyze grammar]

satyaṃ dhṛtirdamaḥ śauryaṃ brahmacaryamanuttamam |
sātvate tāni sarvāṇi trailokyamiva keśave || 34 ||
[Analyze grammar]

tamevaṃguṇasaṃpannaṃ durvāramapi daivataiḥ |
samāsādya maheṣvāsaṃ ke vīrāḥ paryavārayan || 35 ||
[Analyze grammar]

pāñcāleṣūttamaṃ śūramuttamābhijanapriyam |
nityamuttamakarmāṇamuttamaujasamāhave || 36 ||
[Analyze grammar]

yuktaṃ dhanaṃjayahite mamānarthāya cottamam |
yamavaiśravaṇādityamahendravaruṇopamam || 37 ||
[Analyze grammar]

mahārathasamākhyātaṃ droṇāyodyantamāhave |
tyajantaṃ tumule prāṇānke śūrāḥ paryavārayan || 38 ||
[Analyze grammar]

eko'pasṛtya cedibhyaḥ pāṇḍavānyaḥ samāśritaḥ |
dhṛṣṭaketuṃ tamāyāntaṃ droṇātkaḥ samavārayat || 39 ||
[Analyze grammar]

yo'vadhītketumāñśūro rājaputraṃ sudarśanam |
aparāntagiridvāre kastaṃ droṇādavārayat || 40 ||
[Analyze grammar]

strīpūrvo yo naravyāghro yaḥ sa veda guṇāguṇān |
śikhaṇḍinaṃ yājñasenimamlānamanasaṃ yudhi || 41 ||
[Analyze grammar]

devavratasya samare hetuṃ mṛtyormahātmanaḥ |
droṇāyābhimukhaṃ yāntaṃ ke vīrāḥ paryavārayan || 42 ||
[Analyze grammar]

yasminnabhyadhikā vīre guṇāḥ sarve dhanaṃjayāt |
yasminnastrāṇi satyaṃ ca brahmacaryaṃ ca nityadā || 43 ||
[Analyze grammar]

vāsudevasamaṃ vīrye dhanaṃjayasamaṃ bale |
tejasādityasadṛśaṃ bṛhaspatisamaṃ matau || 44 ||
[Analyze grammar]

abhimanyuṃ mahātmānaṃ vyāttānanamivāntakam |
droṇāyābhimukhaṃ yāntaṃ ke vīrāḥ paryavārayan || 45 ||
[Analyze grammar]

taruṇastvaruṇaprakhyaḥ saubhadraḥ paravīrahā |
yadābhyādravata droṇaṃ tadāsīdvo manaḥ katham || 46 ||
[Analyze grammar]

draupadeyā naravyāghrāḥ samudramiva sindhavaḥ |
yaddroṇamādravansaṃkhye ke vīrāstānavārayan || 47 ||
[Analyze grammar]

ye te dvādaśavarṣāṇi krīḍāmutsṛjya bālakāḥ |
astrārthamavasanbhīṣme bibhrato vratamuttamam || 48 ||
[Analyze grammar]

kṣatraṃjayaḥ kṣatradevaḥ kṣatradharmā ca māninaḥ |
dhṛṣṭadyumnātmajā vīrāḥ ke tāndroṇādavārayan || 49 ||
[Analyze grammar]

śatādviśiṣṭaṃ yaṃ yuddhe samapaśyanta vṛṣṇayaḥ |
cekitānaṃ maheṣvāsaṃ kastaṃ droṇādavārayat || 50 ||
[Analyze grammar]

vārdhakṣemiḥ kaliṅgānāṃ yaḥ kanyāmāharadyudhi |
anādhṛṣṭiradīnātmā kastaṃ droṇādavārayat || 51 ||
[Analyze grammar]

bhrātaraḥ pañca kaikeyā dhārmikāḥ satyavikramāḥ |
indragopakavarṇāśca raktavarmāyudhadhvajāḥ || 52 ||
[Analyze grammar]

mātṛṣvasuḥ sutā vīrāḥ pāṇḍavānāṃ jayārthinaḥ |
tāndroṇaṃ hantumāyātānke vīrāḥ paryavārayan || 53 ||
[Analyze grammar]

yaṃ yodhayanto rājāno nājayanvāraṇāvate |
ṣaṇmāsānabhisaṃrabdhā jighāṃsanto yudhāṃ patim || 54 ||
[Analyze grammar]

dhanuṣmatāṃ varaṃ śūraṃ satyasaṃdhaṃ mahābalam |
droṇātkastaṃ naravyāghraṃ yuyutsuṃ pratyavārayat || 55 ||
[Analyze grammar]

yaḥ putraṃ kāśirājasya vārāṇasyāṃ mahāratham |
samare strīṣu gṛdhyantaṃ bhallenāpaharadrathāt || 56 ||
[Analyze grammar]

dhṛṣṭadyumnaṃ maheṣvāsaṃ pārthānāṃ mantradhāriṇam |
yuktaṃ duryodhanānarthe sṛṣṭaṃ droṇavadhāya ca || 57 ||
[Analyze grammar]

nirdahantaṃ raṇe yodhāndārayantaṃ ca sarvaśaḥ |
droṇāyābhimukhaṃ yāntaṃ ke vīrāḥ paryavārayan || 58 ||
[Analyze grammar]

utsaṅga iva saṃvṛddhaṃ drupadasyāstravittamam |
śaikhaṇḍinaṃ kṣatradevaṃ ke taṃ droṇādavārayan || 59 ||
[Analyze grammar]

ya imāṃ pṛthivīṃ kṛtsnāṃ carmavatsamaveṣṭayat |
mahatā rathavaṃśena mukhyārighno mahārathaḥ || 60 ||
[Analyze grammar]

daśāśvamedhānājahre svannapānāptadakṣiṇān |
nirargalānsarvamedhānputravatpālayanprajāḥ || 61 ||
[Analyze grammar]

pibantyo dakṣiṇāṃ yasya gaṅgāsrotaḥ samāpiban |
tāvatīrgā dadau vīra uśīnarasuto'dhvare || 62 ||
[Analyze grammar]

na pūrve nāpare cakruridaṃ kecana mānavāḥ |
iti saṃcukruśurdevāḥ kṛte karmaṇi duṣkare || 63 ||
[Analyze grammar]

paśyāmastriṣu lokeṣu na taṃ saṃsthāsnucāriṣu |
jātaṃ vāpi janiṣyaṃ vā dvitīyaṃ vāpi saṃprati || 64 ||
[Analyze grammar]

anyamauśīnarācchaibyāddhuro voḍhāramityuta |
gatiṃ yasya na yāsyanti mānuṣā lokavāsinaḥ || 65 ||
[Analyze grammar]

tasya naptāramāyāntaṃ śaibyaṃ kaḥ samavārayat |
droṇāyābhimukhaṃ yāntaṃ vyāttānanamivāntakam || 66 ||
[Analyze grammar]

virāṭasya rathānīkaṃ matsyasyāmitraghātinaḥ |
prepsantaṃ samare droṇaṃ ke vīrāḥ paryavārayan || 67 ||
[Analyze grammar]

sadyo vṛkodarājjāto mahābalaparākramaḥ |
māyāvī rākṣaso ghoro yasmānmama mahadbhayam || 68 ||
[Analyze grammar]

pārthānāṃ jayakāmaṃ taṃ putrāṇāṃ mama kaṇṭakam |
ghaṭotkacaṃ mahābāhuṃ kastaṃ droṇādavārayat || 69 ||
[Analyze grammar]

ete cānye ca bahavo yeṣāmarthāya saṃjaya |
tyaktāraḥ saṃyuge prāṇānkiṃ teṣāmajitaṃ yudhi || 70 ||
[Analyze grammar]

yeṣāṃ ca puruṣavyāghraḥ śārṅgadhanvā vyapāśrayaḥ |
hitārthī cāpi pārthānāṃ kathaṃ teṣāṃ parājayaḥ || 71 ||
[Analyze grammar]

lokānāṃ gururatyantaṃ lokanāthaḥ sanātanaḥ |
nārāyaṇo raṇe nātho divyo divyātmavānprabhuḥ || 72 ||
[Analyze grammar]

yasya divyāni karmāṇi pravadanti manīṣiṇaḥ |
tānyahaṃ kīrtayiṣyāmi bhaktyā sthairyārthamātmanaḥ || 73 ||
[Analyze grammar]