Chapter 113

saṃjaya uvāca |
evaṃ vyūḍheṣvanīkeṣu bhūyiṣṭhamanuvartiṣu |
brahmalokaparāḥ sarve samapadyanta bhārata || 1 ||
[Analyze grammar]

na hyanīkamanīkena samasajjata saṃkule |
na rathā rathibhiḥ sārdhaṃ na padātāḥ padātibhiḥ || 2 ||
[Analyze grammar]

aśvā nāśvairayudhyanta na gajā gajayodhibhiḥ |
mahānvyatikaro raudraḥ senayoḥ samapadyata || 3 ||
[Analyze grammar]

naranāgaratheṣvevaṃ vyavakīrṇeṣu sarvaśaḥ |
kṣaye tasminmahāraudre nirviśeṣamajāyata || 4 ||
[Analyze grammar]

tataḥ śalyaḥ kṛpaścaiva citrasenaśca bhārata |
duḥśāsano vikarṇaśca rathānāsthāya satvarāḥ |
pāṇḍavānāṃ raṇe śūrā dhvajinīṃ samakampayan || 5 ||
[Analyze grammar]

sā vadhyamānā samare pāṇḍusenā mahātmabhiḥ |
trātāraṃ nādhyagacchadvai majjamāneva naurjale || 6 ||
[Analyze grammar]

yathā hi śaiśiraḥ kālo gavāṃ marmāṇi kṛntati |
tathā pāṇḍusutānāṃ vai bhīṣmo marmāṇyakṛntata || 7 ||
[Analyze grammar]

atīva tava sainyasya pārthena ca mahātmanā |
nagameghapratīkāśāḥ pātitā bahudhā gajāḥ || 8 ||
[Analyze grammar]

mṛdyamānāśca dṛśyante pārthena narayūthapāḥ |
iṣubhistāḍyamānāśca nārācaiśca sahasraśaḥ || 9 ||
[Analyze grammar]

peturārtasvaraṃ kṛtvā tatra tatra mahāgajāḥ |
ābaddhābharaṇaiḥ kāyairnihatānāṃ mahātmanām || 10 ||
[Analyze grammar]

channamāyodhanaṃ reje śirobhiśca sakuṇḍalaiḥ |
tasminnatimahābhīme rājanvīravarakṣaye |
bhīṣme ca yudhi vikrānte pāṇḍave ca dhanaṃjaye || 11 ||
[Analyze grammar]

te parākrāntamālokya rājanyudhi pitāmaham |
na nyavartanta kauravyā brahmalokapuraskṛtāḥ || 12 ||
[Analyze grammar]

icchanto nidhanaṃ yuddhe svargaṃ kṛtvā parāyaṇam |
pāṇḍavānabhyavartanta tasminvīravarakṣaye || 13 ||
[Analyze grammar]

pāṇḍavāpi mahārāja smaranto vividhānbahūn |
kleśānkṛtānsaputreṇa tvayā pūrvaṃ narādhipa || 14 ||
[Analyze grammar]

bhayaṃ tyaktvā raṇe śūrā brahmalokapuraskṛtāḥ |
tāvakāṃstava putrāṃśca yodhayanti sma hṛṣṭavat || 15 ||
[Analyze grammar]

senāpatistu samare prāha senāṃ mahārathaḥ |
abhidravata gāṅgeyaṃ somakāḥ sṛñjayaiḥ saha || 16 ||
[Analyze grammar]

senāpativacaḥ śrutvā somakāḥ saha sṛñjayaiḥ |
abhyadravanta gāṅgeyaṃ śastravṛṣṭyā samantataḥ || 17 ||
[Analyze grammar]

vadhyamānastato rājanpitā śāṃtanavastava |
amarṣavaśamāpanno yodhayāmāsa sṛñjayān || 18 ||
[Analyze grammar]

tasya kīrtimatastāta purā rāmeṇa dhīmatā |
saṃpradattāstraśikṣā vai parānīkavināśinī || 19 ||
[Analyze grammar]

sa tāṃ śikṣāmadhiṣṭhāya kṛtvā parabalakṣayam |
ahanyahani pārthānāṃ vṛddhaḥ kurupitāmahaḥ |
bhīṣmo daśa sahasrāṇi jaghāna paravīrahā || 20 ||
[Analyze grammar]

tasmiṃstu divase prāpte daśame bharatarṣabha |
bhīṣmeṇaikena matsyeṣu pāñcāleṣu ca saṃyuge |
gajāśvamamitaṃ hatvā hatāḥ sapta mahārathāḥ || 21 ||
[Analyze grammar]

hatvā pañca sahasrāṇi rathināṃ prapitāmahaḥ |
narāṇāṃ ca mahāyuddhe sahasrāṇi caturdaśa || 22 ||
[Analyze grammar]

tathā dantisahasraṃ ca hayānāmayutaṃ punaḥ |
śikṣābalena nihataṃ pitrā tava viśāṃ pate || 23 ||
[Analyze grammar]

tataḥ sarvamahīpānāṃ kṣobhayitvā varūthinīm |
virāṭasya priyo bhrātā śatānīko nipātitaḥ || 24 ||
[Analyze grammar]

śatānīkaṃ ca samare hatvā bhīṣmaḥ pratāpavān |
sahasrāṇi mahārāja rājñāṃ bhallairnyapātayat || 25 ||
[Analyze grammar]

ye ca kecana pārthānāmabhiyātā dhanaṃjayam |
rājāno bhīṣmamāsādya gatāste yamasādanam || 26 ||
[Analyze grammar]

evaṃ daśa diśo bhīṣmaḥ śarajālaiḥ samantataḥ |
atītya senāṃ pārthānāmavatasthe camūmukhe || 27 ||
[Analyze grammar]

sa kṛtvā sumahatkarma tasminvai daśame'hani |
senayorantare tiṣṭhanpragṛhītaśarāsanaḥ || 28 ||
[Analyze grammar]

na cainaṃ pārthivā rājañśekuḥ kecinnirīkṣitum |
madhyaṃ prāptaṃ yathā grīṣme tapantaṃ bhāskaraṃ divi || 29 ||
[Analyze grammar]

yathā daityacamūṃ śakrastāpayāmāsa saṃyuge |
tathā bhīṣmaḥ pāṇḍaveyāṃstāpayāmāsa bhārata || 30 ||
[Analyze grammar]

tathā ca taṃ parākrāntamālokya madhusūdanaḥ |
uvāca devakīputraḥ prīyamāṇo dhanaṃjayam || 31 ||
[Analyze grammar]

eṣa śāṃtanavo bhīṣmaḥ senayorantare sthitaḥ |
nānihatya balādenaṃ vijayaste bhaviṣyati || 32 ||
[Analyze grammar]

yattaḥ saṃstambhayasvainaṃ yatraiṣā bhidyate camūḥ |
na hi bhīṣmaśarānanyaḥ soḍhumutsahate vibho || 33 ||
[Analyze grammar]

tatastasminkṣaṇe rājaṃścodito vānaradhvajaḥ |
sadhvajaṃ sarathaṃ sāśvaṃ bhīṣmamantardadhe śaraiḥ || 34 ||
[Analyze grammar]

sa cāpi kurumukhyānāmṛṣabhaḥ pāṇḍaveritān |
śaravrātaiḥ śaravrātānbahudhā vidudhāva tān || 35 ||
[Analyze grammar]

tena pāñcālarājaśca dhṛṣṭaketuśca vīryavān |
pāṇḍavo bhīmasenaśca dhṛṣṭadyumnaśca pārṣataḥ || 36 ||
[Analyze grammar]

yamau ca cekitānaśca kekayāḥ pañca caiva ha |
sātyakiśca mahārāja saubhadro'tha ghaṭotkacaḥ || 37 ||
[Analyze grammar]

draupadeyāḥ śikhaṇḍī ca kuntibhojaśca vīryavān |
suśarmā ca virāṭaśca pāṇḍaveyā mahābalāḥ || 38 ||
[Analyze grammar]

ete cānye ca bahavaḥ pīḍitā bhīṣmasāyakaiḥ |
samuddhṛtāḥ phalgunena nimagnāḥ śokasāgare || 39 ||
[Analyze grammar]

tataḥ śikhaṇḍī vegena pragṛhya paramāyudham |
bhīṣmamevābhidudrāva rakṣyamāṇaḥ kirīṭinā || 40 ||
[Analyze grammar]

tato'syānucarānhatvā sarvānraṇavibhāgavit |
bhīṣmamevābhidudrāva bībhatsuraparājitaḥ || 41 ||
[Analyze grammar]

sātyakiścekitānaśca dhṛṣṭadyumnaśca pārṣataḥ |
virāṭo drupadaścaiva mādrīputrau ca pāṇḍavau |
dudruvurbhīṣmamevājau rakṣitā dṛḍhadhanvanā || 42 ||
[Analyze grammar]

abhimanyuśca samare draupadyāḥ pañca cātmajāḥ |
dudruvuḥ samare bhīṣmaṃ samudyatamahāyudhāḥ || 43 ||
[Analyze grammar]

te sarve dṛḍhadhanvānaḥ saṃyugeṣvapalāyinaḥ |
bahudhā bhīṣmamānarchanmārgaṇaiḥ kṛtamārgaṇāḥ || 44 ||
[Analyze grammar]

vidhūya tānbāṇagaṇānye muktāḥ pārthivottamaiḥ |
pāṇḍavānāmadīnātmā vyagāhata varūthinīm |
kṛtvā śaravighātaṃ ca krīḍanniva pitāmahaḥ || 45 ||
[Analyze grammar]

nābhisaṃdhatta pāñcālyaṃ smayamāno muhurmuhuḥ |
strītvaṃ tasyānusaṃsmṛtya bhīṣmo bāṇāñśikhaṇḍinaḥ |
jaghāna drupadānīke rathānsapta mahārathaḥ || 46 ||
[Analyze grammar]

tataḥ kilakilāśabdaḥ kṣaṇena samapadyata |
matsyapāñcālacedīnāṃ tamekamabhidhāvatām || 47 ||
[Analyze grammar]

te varāśvarathavrātairvāraṇaiḥ sapadātibhiḥ |
tamekaṃ chādayāmāsurmeghā iva divākaram |
bhīṣmaṃ bhāgīrathīputraṃ pratapantaṃ raṇe ripūn || 48 ||
[Analyze grammar]

tatastasya ca teṣāṃ ca yuddhe devāsuropame |
kirīṭī bhīṣmamānarchatpuraskṛtya śikhaṇḍinam || 49 ||
[Analyze grammar]