Chapter 108

saṃjaya uvāca |
atha vīro maheṣvāso mattavāraṇavikramaḥ |
samādāya mahaccāpaṃ mattavāraṇavāraṇam || 1 ||
[Analyze grammar]

vidhunvāno dhanuḥ śreṣṭhaṃ drāvayāṇo mahārathān |
pṛtanāṃ pāṇḍaveyānāṃ pātayāno mahārathaḥ || 2 ||
[Analyze grammar]

nimittāni nimittajñaḥ sarvato vīkṣya vīryavān |
pratapantamanīkāni droṇaḥ putramabhāṣata || 3 ||
[Analyze grammar]

ayaṃ sa divasastāta yatra pārtho mahārathaḥ |
jighāṃsuḥ samare bhīṣmaṃ paraṃ yatnaṃ kariṣyati || 4 ||
[Analyze grammar]

utpatanti hi me bāṇā dhanuḥ prasphuratīva me |
yogamastrāṇi gacchanti krūre me vartate matiḥ || 5 ||
[Analyze grammar]

dikṣu śāntāsu ghorāṇi vyāharanti mṛgadvijāḥ |
nīcairgṛdhrā nilīyante bhāratānāṃ camūṃ prati || 6 ||
[Analyze grammar]

naṣṭaprabha ivādityaḥ sarvato lohitā diśaḥ |
rasate vyathate bhūmiranuṣṭanati vāhanam || 7 ||
[Analyze grammar]

kaṅkā gṛdhrā balākāśca vyāharanti muhurmuhuḥ |
śivāścāśivanirghoṣā vedayantyo mahadbhayam || 8 ||
[Analyze grammar]

papāta mahatī colkā madhyenādityamaṇḍalāt |
sakabandhaśca parigho bhānumāvṛtya tiṣṭhati || 9 ||
[Analyze grammar]

pariveṣastathā ghoraścandrabhāskarayorabhūt |
vedayāno bhayaṃ ghoraṃ rājñāṃ dehāvakartanam || 10 ||
[Analyze grammar]

devatāyatanasthāśca kauravendrasya devatāḥ |
kampante ca hasante ca nṛtyanti ca rudanti ca || 11 ||
[Analyze grammar]

apasavyaṃ grahāścakruralakṣmāṇaṃ niśākaram |
avākśirāśca bhagavānudatiṣṭhata candramāḥ || 12 ||
[Analyze grammar]

vapūṃṣi ca narendrāṇāṃ vigatānīva lakṣaye |
dhārtarāṣṭrasya sainyeṣu na ca bhrājanti daṃśitāḥ || 13 ||
[Analyze grammar]

senayorubhayoścaiva samantācchrūyate mahān |
pāñcajanyasya nirghoṣo gāṇḍīvasya ca nisvanaḥ || 14 ||
[Analyze grammar]

dhruvamāsthāya bībhatsuruttamāstrāṇi saṃyuge |
apāsyānyānraṇe yodhānabhyasyati pitāmaham || 15 ||
[Analyze grammar]

hṛṣyanti romakūpāni sīdatīva ca me manaḥ |
cintayitvā mahābāho bhīṣmārjunasamāgamam || 16 ||
[Analyze grammar]

taṃ caiva nikṛtiprajñaṃ pāñcālyaṃ pāpacetasam |
puraskṛtya raṇe pārtho bhīṣmasyāyodhanaṃ gataḥ || 17 ||
[Analyze grammar]

abravīcca purā bhīṣmo nāhaṃ hanyāṃ śikhaṇḍinam |
strī hyeṣā vihitā dhātrā daivācca sa punaḥ pumān || 18 ||
[Analyze grammar]

amaṅgalyadhvajaścaiva yājñasenirmahārathaḥ |
na cāmaṅgalaketoḥ sa praharedāpagāsutaḥ || 19 ||
[Analyze grammar]

etadvicintayānasya prajñā sīdati me bhṛśam |
adyaiva tu raṇe pārthaḥ kuruvṛddhamupādravat || 20 ||
[Analyze grammar]

yudhiṣṭhirasya ca krodho bhīṣmārjunasamāgamaḥ |
mama cāstrābhisaṃrambhaḥ prajānāmaśubhaṃ dhruvam || 21 ||
[Analyze grammar]

manasvī balavāñśūraḥ kṛtāstro dṛḍhavikramaḥ |
dūrapātī dṛḍheṣuśca nimittajñaśca pāṇḍavaḥ || 22 ||
[Analyze grammar]

ajeyaḥ samare caiva devairapi savāsavaiḥ |
balavānbuddhimāṃścaiva jitakleśo yudhāṃ varaḥ || 23 ||
[Analyze grammar]

vijayī ca raṇe nityaṃ bhairavāstraśca pāṇḍavaḥ |
tasya mārgaṃ pariharandrutaṃ gaccha yatavratam || 24 ||
[Analyze grammar]

paśya caitanmahābāho vaiśasaṃ samupasthitam |
hemacitrāṇi śūrāṇāṃ mahānti ca śubhāni ca || 25 ||
[Analyze grammar]

kavacānyavadīryante śaraiḥ saṃnataparvabhiḥ |
chidyante ca dhvajāgrāṇi tomarāṇi dhanūṃṣi ca || 26 ||
[Analyze grammar]

prāsāśca vimalāstīkṣṇāḥ śaktyaśca kanakojjvalāḥ |
vaijayantyaśca nāgānāṃ saṃkruddhena kirīṭinā || 27 ||
[Analyze grammar]

nāyaṃ saṃrakṣituṃ kālaḥ prāṇānputropajīvibhiḥ |
yāhi svargaṃ puraskṛtya yaśase vijayāya ca || 28 ||
[Analyze grammar]

hayanāgarathāvartāṃ mahāghorāṃ sudustarām |
rathena saṃgrāmanadīṃ taratyeṣa kapidhvajaḥ || 29 ||
[Analyze grammar]

brahmaṇyatā damo dānaṃ tapaśca caritaṃ mahat |
ihaiva dṛśyate rājño bhrātā yasya dhanaṃjayaḥ || 30 ||
[Analyze grammar]

bhīmasenaśca balavānmādrīputrau ca pāṇḍavau |
vāsudevaśca vārṣṇeyo yasya nātho vyavasthitaḥ || 31 ||
[Analyze grammar]

tasyaiṣa manyuprabhavo dhārtarāṣṭrasya durmateḥ |
tapodagdhaśarīrasya kopo dahati bhāratān || 32 ||
[Analyze grammar]

eṣa saṃdṛśyate pārtho vāsudevavyapāśrayaḥ |
dārayansarvasainyāni dhārtarāṣṭrāṇi sarvaśaḥ || 33 ||
[Analyze grammar]

etadālokyate sainyaṃ kṣobhyamāṇaṃ kirīṭinā |
mahorminaddhaṃ sumahattimineva nadīmukham || 34 ||
[Analyze grammar]

hāhākilakilāśabdāḥ śrūyante ca camūmukhe |
yāhi pāñcāladāyādamahaṃ yāsye yudhiṣṭhiram || 35 ||
[Analyze grammar]

durlabhaṃ hyantaraṃ rājño vyūhasyāmitatejasaḥ |
samudrakukṣipratimaṃ sarvato'tirathaiḥ sthitaiḥ || 36 ||
[Analyze grammar]

sātyakiścābhimanyuśca dhṛṣṭadyumnavṛkodarau |
parirakṣanti rājānaṃ yamau ca manujeśvaram || 37 ||
[Analyze grammar]

upendrasadṛśaḥ śyāmo mahāśāla ivodgataḥ |
eṣa gacchatyanīkāni dvitīya iva phalgunaḥ || 38 ||
[Analyze grammar]

uttamāstrāṇi cādatsva gṛhītvānyanmahaddhanuḥ |
pārśvato yāhi rājānaṃ yudhyasva ca vṛkodaram || 39 ||
[Analyze grammar]

ko hi necchetpriyaṃ putraṃ jīvantaṃ śāśvatīḥ samāḥ |
kṣatradharmaṃ puraskṛtya tatastvā viniyujmahe || 40 ||
[Analyze grammar]

eṣa cāpi raṇe bhīṣmo dahate vai mahācamūm |
yuddhe susadṛśastāta yamasya varuṇasya ca || 41 ||
[Analyze grammar]