Chapter 104

dhṛtarāṣṭra uvāca |
kathaṃ śikhaṇḍī gāṅgeyamabhyavartata saṃyuge |
pāṇḍavāśca tathā bhīṣmaṃ tanmamācakṣva saṃjaya || 1 ||
[Analyze grammar]

saṃjaya uvāca |
tataḥ prabhāte vimale sūryasyodayanaṃ prati |
vādyamānāsu bherīṣu mṛdaṅgeṣvānakeṣu ca || 2 ||
[Analyze grammar]

dhmāyatsu dadhivarṇeṣu jalajeṣu samantataḥ |
śikhaṇḍinaṃ puraskṛtya niryātāḥ pāṇḍavā yudhi || 3 ||
[Analyze grammar]

kṛtvā vyūhaṃ mahārāja sarvaśatrunibarhaṇam |
śikhaṇḍī sarvasainyānāmagra āsīdviśāṃ pate || 4 ||
[Analyze grammar]

cakrarakṣau tatastasya bhīmasenadhanaṃjayau |
pṛṣṭhato draupadeyāśca saubhadraścaiva vīryavān || 5 ||
[Analyze grammar]

sātyakiścekitānaśca teṣāṃ goptā mahārathaḥ |
dhṛṣṭadyumnastataḥ paścātpāñcālairabhirakṣitaḥ || 6 ||
[Analyze grammar]

tato yudhiṣṭhiro rājā yamābhyāṃ sahitaḥ prabhuḥ |
prayayau siṃhanādena nādayanbharatarṣabha || 7 ||
[Analyze grammar]

virāṭastu tataḥ paścātsvena sainyena saṃvṛtaḥ |
drupadaśca mahārāja tataḥ paścādupādravat || 8 ||
[Analyze grammar]

kekayā bhrātaraḥ pañca dhṛṣṭaketuśca vīryavān |
jaghanaṃ pālayāmāsa pāṇḍusainyasya bhārata || 9 ||
[Analyze grammar]

evaṃ vyūhya mahatsainyaṃ pāṇḍavāstava vāhinīm |
abhyadravanta saṃgrāme tyaktvā jīvitamātmanaḥ || 10 ||
[Analyze grammar]

tathaiva kuravo rājanbhīṣmaṃ kṛtvā mahābalam |
agrataḥ sarvasainyānāṃ prayayuḥ pāṇḍavānprati || 11 ||
[Analyze grammar]

putraistava durādharṣai rakṣitaḥ sumahābalaiḥ |
tato droṇo maheṣvāsaḥ putraścāsya mahārathaḥ || 12 ||
[Analyze grammar]

bhagadattastataḥ paścādgajānīkena saṃvṛtaḥ |
kṛpaśca kṛtavarmā ca bhagadattamanuvratau || 13 ||
[Analyze grammar]

kāmbojarājo balavāṃstataḥ paścātsudakṣiṇaḥ |
māgadhaśca jayatsenaḥ saubalaśca bṛhadbalaḥ || 14 ||
[Analyze grammar]

tathetare maheṣvāsāḥ suśarmapramukhā nṛpāḥ |
jaghanaṃ pālayāmāsustava sainyasya bhārata || 15 ||
[Analyze grammar]

divase divase prāpte bhīṣmaḥ śāṃtanavo yudhi |
āsurānakarodvyūhānpaiśācānatha rākṣasān || 16 ||
[Analyze grammar]

tataḥ pravavṛte yuddhaṃ tava teṣāṃ ca bhārata |
anyonyaṃ nighnatāṃ rājanyamarāṣṭravivardhanam || 17 ||
[Analyze grammar]

arjunapramukhāḥ pārthāḥ puraskṛtya śikhaṇḍinam |
bhīṣmaṃ yuddhe'bhyavartanta kiranto vividhāñśarān || 18 ||
[Analyze grammar]

tatra bhārata bhīmena pīḍitāstāvakāḥ śaraiḥ |
rudhiraughapariklinnāḥ paralokaṃ yayustadā || 19 ||
[Analyze grammar]

nakulaḥ sahadevaśca sātyakiśca mahārathaḥ |
tava sainyaṃ samāsādya pīḍayāmāsurojasā || 20 ||
[Analyze grammar]

te vadhyamānāḥ samare tāvakā bharatarṣabha |
nāśaknuvanvārayituṃ pāṇḍavānāṃ mahadbalam || 21 ||
[Analyze grammar]

tatastu tāvakaṃ sainyaṃ vadhyamānaṃ samantataḥ |
saṃprādravaddiśo rājankālyamānaṃ mahārathaiḥ || 22 ||
[Analyze grammar]

trātāraṃ nādhyagacchanta tāvakā bharatarṣabha |
vadhyamānāḥ śitairbāṇaiḥ pāṇḍavaiḥ sahasṛñjayaiḥ || 23 ||
[Analyze grammar]

dhṛtarāṣṭra uvāca |
pīḍyamānaṃ balaṃ pārthairdṛṣṭvā bhīṣmaḥ parākramī |
yadakārṣīdraṇe kruddhastanmamācakṣva saṃjaya || 24 ||
[Analyze grammar]

kathaṃ vā pāṇḍavānyuddhe pratyudyātaḥ paraṃtapaḥ |
vinighnansomakānvīrāṃstanmamācakṣva saṃjaya || 25 ||
[Analyze grammar]

saṃjaya uvāca |
ācakṣe te mahārāja yadakārṣītpitāmahaḥ |
pīḍite tava putrasya sainye pāṇḍavasṛñjayaiḥ || 26 ||
[Analyze grammar]

prahṛṣṭamanasaḥ śūrāḥ pāṇḍavāḥ pāṇḍupūrvaja |
abhyavartanta nighnantastava putrasya vāhinīm || 27 ||
[Analyze grammar]

taṃ vināśaṃ manuṣyendra naravāraṇavājinām |
nāmṛṣyata tadā bhīṣmaḥ sainyaghātaṃ raṇe paraiḥ || 28 ||
[Analyze grammar]

sa pāṇḍavānmaheṣvāsaḥ pāñcālāṃśca sasṛñjayān |
abhyadravata durdharṣastyaktvā jīvitamātmanaḥ || 29 ||
[Analyze grammar]

sa pāṇḍavānāṃ pravarānpañca rājanmahārathān |
āttaśastrānraṇe yattānvārayāmāsa sāyakaiḥ |
nārācairvatsadantaiśca śitairañjalikaistathā || 30 ||
[Analyze grammar]

nijaghne samare kruddho hastyaśvamamitaṃ bahu |
rathino'pātayadrājanrathebhyaḥ puruṣarṣabhaḥ || 31 ||
[Analyze grammar]

sādinaścāśvapṛṣṭhebhyaḥ padātīṃśca samāgatān |
gajārohāngajebhyaśca pareṣāṃ vidadhadbhayam || 32 ||
[Analyze grammar]

tamekaṃ samare bhīṣmaṃ tvaramāṇaṃ mahāratham |
pāṇḍavāḥ samavartanta vajrapāṇimivāsurāḥ || 33 ||
[Analyze grammar]

śakrāśanisamasparśānvimuñcanniśitāñśarān |
dikṣvadṛśyata sarvāsu ghoraṃ saṃdhārayanvapuḥ || 34 ||
[Analyze grammar]

maṇḍalīkṛtamevāsya nityaṃ dhanuradṛśyata |
saṃgrāme yudhyamānasya śakracāpanibhaṃ mahat || 35 ||
[Analyze grammar]

taddṛṣṭvā samare karma tava putrā viśāṃ pate |
vismayaṃ paramaṃ prāptāḥ pitāmahamapūjayan || 36 ||
[Analyze grammar]

pārthā vimanaso bhūtvā praikṣanta pitaraṃ tava |
yudhyamānaṃ raṇe śūraṃ vipracittimivāmarāḥ |
na cainaṃ vārayāmāsurvyāttānanamivāntakam || 37 ||
[Analyze grammar]

daśame'hani saṃprāpte rathānīkaṃ śikhaṇḍinaḥ |
adahanniśitairbāṇaiḥ kṛṣṇavartmeva kānanam || 38 ||
[Analyze grammar]

taṃ śikhaṇḍī tribhirbāṇairabhyavidhyatstanāntare |
āśīviṣamiva kruddhaṃ kālasṛṣṭamivāntakam || 39 ||
[Analyze grammar]

sa tenātibhṛśaṃ viddhaḥ prekṣya bhīṣmaḥ śikhaṇḍinam |
anicchannapi saṃkruddhaḥ prahasannidamabravīt || 40 ||
[Analyze grammar]

kāmamabhyasa vā mā vā na tvāṃ yotsye kathaṃcana |
yaiva hi tvaṃ kṛtā dhātrā saiva hi tvaṃ śikhaṇḍinī || 41 ||
[Analyze grammar]

tasya tadvacanaṃ śrutvā śikhaṇḍī krodhamūrchitaḥ |
uvāca bhīṣmaṃ samare sṛkkiṇī parilelihan || 42 ||
[Analyze grammar]

jānāmi tvāṃ mahābāho kṣatriyāṇāṃ kṣayaṃkaram |
mayā śrutaṃ ca te yuddhaṃ jāmadagnyena vai saha || 43 ||
[Analyze grammar]

divyaśca te prabhāvo'yaṃ sa mayā bahuśaḥ śrutaḥ |
jānannapi prabhāvaṃ te yotsye'dyāhaṃ tvayā saha || 44 ||
[Analyze grammar]

pāṇḍavānāṃ priyaṃ kurvannātmanaśca narottama |
adya tvā yodhayiṣyāmi raṇe puruṣasattama || 45 ||
[Analyze grammar]

dhruvaṃ ca tvā haniṣyāmi śape satyena te'grataḥ |
etacchrutvā vaco mahyaṃ yatkṣamaṃ tatsamācara || 46 ||
[Analyze grammar]

kāmamabhyasa vā mā vā na me jīvanvimokṣyase |
sudṛṣṭaḥ kriyatāṃ bhīṣma loko'yaṃ samitiṃjaya || 47 ||
[Analyze grammar]

evamuktvā tato bhīṣmaṃ pañcabhirnataparvabhiḥ |
avidhyata raṇe rājanpraṇunnaṃ vākyasāyakaiḥ || 48 ||
[Analyze grammar]

tasya tadvacanaṃ śrutvā savyasācī paraṃtapaḥ |
kālo'yamiti saṃcintya śikhaṇḍinamacodayat || 49 ||
[Analyze grammar]

ahaṃ tvāmanuyāsyāmi parānvidrāvayañśaraiḥ |
abhidrava susaṃrabdho bhīṣmaṃ bhīmaparākramam || 50 ||
[Analyze grammar]

na hi te saṃyuge pīḍāṃ śaktaḥ kartuṃ mahābalaḥ |
tasmādadya mahābāho vīra bhīṣmamabhidrava || 51 ||
[Analyze grammar]

ahatvā samare bhīṣmaṃ yadi yāsyasi māriṣa |
avahāsyo'sya lokasya bhaviṣyasi mayā saha || 52 ||
[Analyze grammar]

nāvahāsyā yathā vīra bhavema paramāhave |
tathā kuru raṇe yatnaṃ sādhayasva pitāmaham || 53 ||
[Analyze grammar]

ahaṃ te rakṣaṇaṃ yuddhe kariṣyāmi paraṃtapa |
vārayanrathinaḥ sarvānsādhayasva pitāmaham || 54 ||
[Analyze grammar]

droṇaṃ ca droṇaputraṃ ca kṛpaṃ cātha suyodhanam |
citrasenaṃ vikarṇaṃ ca saindhavaṃ ca jayadratham || 55 ||
[Analyze grammar]

vindānuvindāvāvantyau kāmbojaṃ ca sudakṣiṇam |
bhagadattaṃ tathā śūraṃ māgadhaṃ ca mahāratham || 56 ||
[Analyze grammar]

saumadattiṃ raṇe śūramārśyaśṛṅgiṃ ca rākṣasam |
trigartarājaṃ ca raṇe saha sarvairmahārathaiḥ |
ahamāvārayiṣyāmi veleva makarālayam || 57 ||
[Analyze grammar]

kurūṃśca sahitānsarvānye caiṣāṃ sainikāḥ sthitāḥ |
nivārayiṣyāmi raṇe sādhayasva pitāmaham || 58 ||
[Analyze grammar]