Chapter 97

dhṛtarāṣṭra uvāca |
ārjuniṃ samare śūraṃ vinighnantaṃ mahāratham |
alambusaḥ kathaṃ yuddhe pratyayudhyata saṃjaya || 1 ||
[Analyze grammar]

ārśyaśṛṅgiṃ kathaṃ cāpi saubhadraḥ paravīrahā |
tanmamācakṣva tattvena yathā vṛttaṃ sma saṃyuge || 2 ||
[Analyze grammar]

dhanaṃjayaśca kiṃ cakre mama sainyeṣu saṃjaya |
bhīmo vā balināṃ śreṣṭho rākṣaso vā ghaṭotkacaḥ || 3 ||
[Analyze grammar]

nakulaḥ sahadevo vā sātyakirvā mahārathaḥ |
etadācakṣva me sarvaṃ kuśalo hyasi saṃjaya || 4 ||
[Analyze grammar]

saṃjaya uvāca |
hanta te'haṃ pravakṣyāmi saṃgrāmaṃ lomaharṣaṇam |
yathābhūdrākṣasendrasya saubhadrasya ca māriṣa || 5 ||
[Analyze grammar]

arjunaśca yathā saṃkhye bhīmasenaśca pāṇḍavaḥ |
nakulaḥ sahadevaśca raṇe cakruḥ parākramam || 6 ||
[Analyze grammar]

tathaiva tāvakāḥ sarve bhīṣmadroṇapurogamāḥ |
adbhutāni vicitrāṇi cakruḥ karmāṇyabhītavat || 7 ||
[Analyze grammar]

alambusastu samare abhimanyuṃ mahāratham |
vinadya sumahānādaṃ tarjayitvā muhurmuhuḥ |
abhidudrāva vegena tiṣṭha tiṣṭheti cābravīt || 8 ||
[Analyze grammar]

saubhadro'pi raṇe rājansiṃhavadvinadanmuhuḥ |
ārśyaśṛṅgiṃ maheṣvāsaṃ pituratyantavairiṇam || 9 ||
[Analyze grammar]

tataḥ sameyatuḥ saṃkhye tvaritau nararākṣasau |
rathābhyāṃ rathināṃ śreṣṭhau yathā vai devadānavau |
māyāvī rākṣasaśreṣṭho divyāstrajñaśca phālguniḥ || 10 ||
[Analyze grammar]

tataḥ kārṣṇirmahārāja niśitaiḥ sāyakaistribhiḥ |
ārśyaśṛṅgiṃ raṇe viddhvā punarvivyādha pañcabhiḥ || 11 ||
[Analyze grammar]

alambuso'pi saṃkruddhaḥ kārṣṇiṃ navabhirāśugaiḥ |
hṛdi vivyādha vegena tottrairiva mahādvipam || 12 ||
[Analyze grammar]

tataḥ śarasahasreṇa kṣiprakārī niśācaraḥ |
arjunasya sutaṃ saṃkhye pīḍayāmāsa bhārata || 13 ||
[Analyze grammar]

abhimanyustataḥ kruddho navatiṃ nataparvaṇām |
cikṣepa niśitānbāṇānrākṣasasya mahorasi || 14 ||
[Analyze grammar]

te tasya viviśustūrṇaṃ kāyaṃ nirbhidya marmaṇi |
sa tairvibhinnasarvāṅgaḥ śuśubhe rākṣasottamaḥ |
puṣpitaiḥ kiṃśukai rājansaṃstīrṇa iva parvataḥ || 15 ||
[Analyze grammar]

sa dhārayañśarānhemapuṅkhānapi mahābalaḥ |
vibabhau rākṣasaśreṣṭhaḥ sajvāla iva parvataḥ || 16 ||
[Analyze grammar]

tataḥ kruddho mahārāja ārśyaśṛṅgirmahābalaḥ |
mahendrapratimaṃ kārṣṇiṃ chādayāmāsa patribhiḥ || 17 ||
[Analyze grammar]

tena te viśikhā muktā yamadaṇḍopamāḥ śitāḥ |
abhimanyuṃ vinirbhidya prāviśandharaṇītalam || 18 ||
[Analyze grammar]

tathaivārjuninirmuktāḥ śarāḥ kāñcanabhūṣaṇāḥ |
alambusaṃ vinirbhidya prāviśanta dharātalam || 19 ||
[Analyze grammar]

saubhadrastu raṇe rakṣaḥ śaraiḥ saṃnataparvabhiḥ |
cakre vimukhamāsādya mayaṃ śakra ivāhave || 20 ||
[Analyze grammar]

vimukhaṃ ca tato rakṣo vadhyamānaṃ raṇe'riṇā |
prāduścakre mahāmāyāṃ tāmasīṃ paratāpanaḥ || 21 ||
[Analyze grammar]

tataste tamasā sarve hṛtā hyāsanmahītale |
nābhimanyumapaśyanta naiva svānna parānraṇe || 22 ||
[Analyze grammar]

abhimanyuśca taddṛṣṭvā ghorarūpaṃ mahattamaḥ |
prāduścakre'stramatyugraṃ bhāskaraṃ kurunandanaḥ || 23 ||
[Analyze grammar]

tataḥ prakāśamabhavajjagatsarvaṃ mahīpate |
tāṃ cāpi jaghnivānmāyāṃ rākṣasasya durātmanaḥ || 24 ||
[Analyze grammar]

saṃkruddhaśca mahāvīryo rākṣasendraṃ narottamaḥ |
chādayāmāsa samare śaraiḥ saṃnataparvabhiḥ || 25 ||
[Analyze grammar]

bahvīstathānyā māyāśca prayuktāstena rakṣasā |
sarvāstravidameyātmā vārayāmāsa phālguniḥ || 26 ||
[Analyze grammar]

hatamāyaṃ tato rakṣo vadhyamānaṃ ca sāyakaiḥ |
rathaṃ tatraiva saṃtyajya prādravanmahato bhayāt || 27 ||
[Analyze grammar]

tasminvinirjite tūrṇaṃ kūṭayodhini rākṣase |
ārjuniḥ samare sainyaṃ tāvakaṃ saṃmamarda ha |
madāndho vanyanāgendraḥ sapadmāṃ padminīmiva || 28 ||
[Analyze grammar]

tataḥ śāṃtanavo bhīṣmaḥ sainyaṃ dṛṣṭvābhividrutam |
mahatā rathavaṃśena saubhadraṃ paryavārayat || 29 ||
[Analyze grammar]

koṣṭhakīkṛtya taṃ vīraṃ dhārtarāṣṭrā mahārathāḥ |
ekaṃ subahavo yuddhe tatakṣuḥ sāyakairdṛḍham || 30 ||
[Analyze grammar]

sa teṣāṃ rathināṃ vīraḥ pitustulyaparākramaḥ |
sadṛśo vāsudevasya vikrameṇa balena ca || 31 ||
[Analyze grammar]

ubhayoḥ sadṛśaṃ karma sa piturmātulasya ca |
raṇe bahuvidhaṃ cakre sarvaśastrabhṛtāṃ varaḥ || 32 ||
[Analyze grammar]

tato dhanaṃjayo rājanvinighnaṃstava sainikān |
āsasāda raṇe bhīṣmaṃ putraprepsuramarṣaṇaḥ || 33 ||
[Analyze grammar]

tathaiva samare rājanpitā devavratastava |
āsasāda raṇe pārthaṃ svarbhānuriva bhāskaram || 34 ||
[Analyze grammar]

tataḥ sarathanāgāśvāḥ putrāstava viśāṃ pate |
parivavrū raṇe bhīṣmaṃ jugupuśca samantataḥ || 35 ||
[Analyze grammar]

tathaiva pāṇḍavā rājanparivārya dhanaṃjayam |
raṇāya mahate yuktā daṃśitā bharatarṣabha || 36 ||
[Analyze grammar]

śāradvatastato rājanbhīṣmasya pramukhe sthitam |
arjunaṃ pañcaviṃśatyā sāyakānāṃ samācinot || 37 ||
[Analyze grammar]

pratyudgamyātha vivyādha sātyakistaṃ śitaiḥ śaraiḥ |
pāṇḍavapriyakāmārthaṃ śārdūla iva kuñjaram || 38 ||
[Analyze grammar]

gautamo'pi tvarāyukto mādhavaṃ navabhiḥ śaraiḥ |
hṛdi vivyādha saṃkruddhaḥ kaṅkapatraparicchadaiḥ || 39 ||
[Analyze grammar]

śaineyo'pi tataḥ kruddho bhṛśaṃ viddho mahārathaḥ |
gautamāntakaraṃ ghoraṃ samādatta śilīmukham || 40 ||
[Analyze grammar]

tamāpatantaṃ vegena śakrāśanisamadyutim |
dvidhā ciccheda saṃkruddho drauṇiḥ paramakopanaḥ || 41 ||
[Analyze grammar]

samutsṛjyātha śaineyo gautamaṃ rathināṃ varam |
abhyadravadraṇe drauṇiṃ rāhuḥ khe śaśinaṃ yathā || 42 ||
[Analyze grammar]

tasya droṇasutaścāpaṃ dvidhā ciccheda bhārata |
athainaṃ chinnadhanvānaṃ tāḍayāmāsa sāyakaiḥ || 43 ||
[Analyze grammar]

so'nyatkārmukamādāya śatrughnaṃ bhārasādhanam |
drauṇiṃ ṣaṣṭyā mahārāja bāhvorurasi cārpayat || 44 ||
[Analyze grammar]

sa viddho vyathitaścaiva muhūrtaṃ kaśmalāyutaḥ |
niṣasāda rathopasthe dhvajayaṣṭimupāśritaḥ || 45 ||
[Analyze grammar]

pratilabhya tataḥ saṃjñāṃ droṇaputraḥ pratāpavān |
vārṣṇeyaṃ samare kruddho nārācena samardayat || 46 ||
[Analyze grammar]

śaineyaṃ sa tu nirbhidya prāviśaddharaṇītalam |
vasantakāle balavānbilaṃ sarpaśiśuryathā || 47 ||
[Analyze grammar]

tato'pareṇa bhallena mādhavasya dhvajottamam |
ciccheda samare drauṇiḥ siṃhanādaṃ nanāda ca || 48 ||
[Analyze grammar]

punaścainaṃ śarairghoraiśchādayāmāsa bhārata |
nidāghānte mahārāja yathā megho divākaram || 49 ||
[Analyze grammar]

sātyakiśca mahārāja śarajālaṃ nihatya tat |
drauṇimabhyapatattūrṇaṃ śarajālairanekadhā || 50 ||
[Analyze grammar]

tāpayāmāsa ca drauṇiṃ śaineyaḥ paravīrahā |
vimukto meghajālena yathaiva tapanastathā || 51 ||
[Analyze grammar]

śarāṇāṃ ca sahasreṇa punarenaṃ samudyatam |
sātyakiśchādayāmāsa nanāda ca mahābalaḥ || 52 ||
[Analyze grammar]

dṛṣṭvā putraṃ tathā grastaṃ rāhuṇeva niśākaram |
abhyadravata śaineyaṃ bhāradvājaḥ pratāpavān || 53 ||
[Analyze grammar]

vivyādha ca pṛṣatkena sutīkṣṇena mahāmṛdhe |
parīpsansvasutaṃ rājanvārṣṇeyenābhitāpitam || 54 ||
[Analyze grammar]

sātyakistu raṇe jitvā guruputraṃ mahāratham |
droṇaṃ vivyādha viṃśatyā sarvapāraśavaiḥ śaraiḥ || 55 ||
[Analyze grammar]

tadantaramameyātmā kaunteyaḥ śvetavāhanaḥ |
abhyadravadraṇe kruddho droṇaṃ prati mahārathaḥ || 56 ||
[Analyze grammar]

tato droṇaśca pārthaśca sameyātāṃ mahāmṛdhe |
yathā budhaśca śukraśca mahārāja nabhastale || 57 ||
[Analyze grammar]