Chapter 89

saṃjaya uvāca |
vimukhīkṛtya tānsarvāṃstāvakānyudhi rākṣasaḥ |
jighāṃsurbharataśreṣṭha duryodhanamupādravat || 1 ||
[Analyze grammar]

tamāpatantaṃ saṃprekṣya rājānaṃ prati vegitam |
abhyadhāvañjighāṃsantastāvakā yuddhadurmadāḥ || 2 ||
[Analyze grammar]

tālamātrāṇi cāpāni vikarṣanto mahābalāḥ |
tamekamabhyadhāvanta nadantaḥ siṃhasaṃghavat || 3 ||
[Analyze grammar]

athainaṃ śaravarṣeṇa samantātparyavārayan |
parvataṃ vāridhārābhiḥ śaradīva balāhakāḥ || 4 ||
[Analyze grammar]

sa gāḍhaviddho vyathitastottrārdita iva dvipaḥ |
utpapāta tadākāśaṃ samantādvainateyavat || 5 ||
[Analyze grammar]

vyanadatsumahānādaṃ jīmūta iva śāradaḥ |
diśaḥ khaṃ pradiśaścaiva nādayanbhairavasvanaḥ || 6 ||
[Analyze grammar]

rākṣasasya tu taṃ śabdaṃ śrutvā rājā yudhiṣṭhiraḥ |
uvāca bharataśreṣṭho bhīmasenamidaṃ vacaḥ || 7 ||
[Analyze grammar]

yudhyate rākṣaso nūnaṃ dhārtarāṣṭrairmahārathaiḥ |
yathāsya śrūyate śabdo nadato bhairavaṃ svanam |
atibhāraṃ ca paśyāmi tatra tāta samāhitam || 8 ||
[Analyze grammar]

pitāmahaśca saṃkruddhaḥ pāñcālānhantumudyataḥ |
teṣāṃ ca rakṣaṇārthāya yudhyate phalgunaḥ paraiḥ || 9 ||
[Analyze grammar]

etacchrutvā mahābāho kāryadvayamupasthitam |
gaccha rakṣasva haiḍimbaṃ saṃśayaṃ paramaṃ gatam || 10 ||
[Analyze grammar]

bhrāturvacanamājñāya tvaramāṇo vṛkodaraḥ |
prayayau siṃhanādena trāsayansarvapārthivān |
vegena mahatā rājanparvakāle yathodadhiḥ || 11 ||
[Analyze grammar]

tamanvayātsatyadhṛtiḥ saucittiryuddhadurmadaḥ |
śreṇimānvasudānaśca putraḥ kāśyasya cābhibhūḥ || 12 ||
[Analyze grammar]

abhimanyumukhāścaiva draupadeyā mahārathāḥ |
kṣatradevaśca vikrāntaḥ kṣatradharmā tathaiva ca || 13 ||
[Analyze grammar]

anūpādhipatiścaiva nīlaḥ svabalamāsthitaḥ |
mahatā rathavaṃśena haiḍimbaṃ paryavārayan || 14 ||
[Analyze grammar]

kuñjaraiśca sadā mattaiḥ ṣaṭsahasraiḥ prahāribhiḥ |
abhyarakṣanta sahitā rākṣasendraṃ ghaṭotkacam || 15 ||
[Analyze grammar]

siṃhanādena mahatā nemighoṣeṇa caiva hi |
khuraśabdaninādaiśca kampayanto vasuṃdharām || 16 ||
[Analyze grammar]

teṣāmāpatatāṃ śrutvā śabdaṃ taṃ tāvakaṃ balam |
bhīmasenabhayodvignaṃ vivarṇavadanaṃ tathā |
parivṛttaṃ mahārāja parityajya ghaṭotkacam || 17 ||
[Analyze grammar]

tataḥ pravavṛte yuddhaṃ tatra tatra mahātmanām |
tāvakānāṃ pareṣāṃ ca saṃgrāmeṣvanivartinām || 18 ||
[Analyze grammar]

nānārūpāṇi śastrāṇi visṛjanto mahārathāḥ |
anyonyamabhidhāvantaḥ saṃprahāraṃ pracakrire |
vyatiṣaktaṃ mahāraudraṃ yuddhaṃ bhīrubhayāvaham || 19 ||
[Analyze grammar]

hayā gajaiḥ samājagmuḥ pādātā rathibhiḥ saha |
anyonyaṃ samare rājanprārthayānā mahadyaśaḥ || 20 ||
[Analyze grammar]

sahasā cābhavattīvraṃ saṃnipātānmahadrajaḥ |
rathāśvagajapattīnāṃ padanemisamuddhatam || 21 ||
[Analyze grammar]

dhūmrāruṇaṃ rajastīvraṃ raṇabhūmiṃ samāvṛṇot |
naiva sve na pare rājansamajānanparasparam || 22 ||
[Analyze grammar]

pitā putraṃ na jānīte putro vā pitaraṃ tathā |
nirmaryāde tathā bhūte vaiśase lomaharṣaṇe || 23 ||
[Analyze grammar]

śastrāṇāṃ bharataśreṣṭha manuṣyāṇāṃ ca garjatām |
sumahānabhavacchabdo vaṃśānāmiva dahyatām || 24 ||
[Analyze grammar]

gajavājimanuṣyāṇāṃ śoṇitāntrataraṅgiṇī |
prāvartata nadī tatra keśaśaivalaśādvalā || 25 ||
[Analyze grammar]

narāṇāṃ caiva kāyebhyaḥ śirasāṃ patatāṃ raṇe |
śuśruve sumahāñśabdaḥ patatāmaśmanāmiva || 26 ||
[Analyze grammar]

viśiraskairmanuṣyaiśca chinnagātraiśca vāraṇaiḥ |
aśvaiḥ saṃbhinnadehaiśca saṃkīrṇābhūdvasuṃdharā || 27 ||
[Analyze grammar]

nānāvidhāni śastrāṇi visṛjanto mahārathāḥ |
anyonyamabhidhāvantaḥ saṃprahāraṃ pracakrire || 28 ||
[Analyze grammar]

hayā hayānsamāsādya preṣitā hayasādibhiḥ |
samāhatya raṇe'nyonyaṃ nipeturgatajīvitāḥ || 29 ||
[Analyze grammar]

narā narānsamāsādya krodharaktekṣaṇā bhṛśam |
urāṃsyurobhiranyonyaṃ samāśliṣya nijaghnire || 30 ||
[Analyze grammar]

preṣitāśca mahāmātrairvāraṇāḥ paravāraṇāḥ |
abhighnanti viṣāṇāgrairvāraṇāneva saṃyuge || 31 ||
[Analyze grammar]

te jātarudhirāpīḍāḥ patākābhiralaṃkṛtāḥ |
saṃsaktāḥ pratyadṛśyanta meghā iva savidyutaḥ || 32 ||
[Analyze grammar]

kecidbhinnā viṣāṇāgrairbhinnakumbhāśca tomaraiḥ |
vinadanto'bhyadhāvanta garjanto jaladā iva || 33 ||
[Analyze grammar]

keciddhastairdvidhā chinnaiśchinnagātrāstathāpare |
nipetustumule tasmiṃśchinnapakṣā ivādrayaḥ || 34 ||
[Analyze grammar]

pārśvaistu dāritairanye vāraṇairvaravāraṇāḥ |
mumucuḥ śoṇitaṃ bhūri dhātūniva mahīdharāḥ || 35 ||
[Analyze grammar]

nārācābhihatāstvanye tathā viddhāśca tomaraiḥ |
hatārohā vyadṛśyanta viśṛṅgā iva parvatāḥ || 36 ||
[Analyze grammar]

kecitkrodhasamāviṣṭā madāndhā niravagrahāḥ |
rathānhayānpadātāṃśca mamṛduḥ śataśo raṇe || 37 ||
[Analyze grammar]

tathā hayā hayārohaistāḍitāḥ prāsatomaraiḥ |
tena tenābhyavartanta kurvanto vyākulā diśaḥ || 38 ||
[Analyze grammar]

rathino rathibhiḥ sārdhaṃ kulaputrāstanutyajaḥ |
parāṃ śaktiṃ samāsthāya cakruḥ karmāṇyabhītavat || 39 ||
[Analyze grammar]

svayaṃvara ivāmarde prajahruritaretaram |
prārthayānā yaśo rājansvargaṃ vā yuddhaśālinaḥ || 40 ||
[Analyze grammar]

tasmiṃstathā vartamāne saṃgrāme lomaharṣaṇe |
dhārtarāṣṭraṃ mahatsainyaṃ prāyaśo vimukhīkṛtam || 41 ||
[Analyze grammar]