Chapter 88

saṃjaya uvāca |
tatastadbāṇavarṣaṃ tu duḥsahaṃ dānavairapi |
dadhāra yudhi rājendro yathā varṣaṃ mahādvipaḥ || 1 ||
[Analyze grammar]

tataḥ krodhasamāviṣṭo niḥśvasanniva pannagaḥ |
saṃśayaṃ paramaṃ prāptaḥ putraste bharatarṣabha || 2 ||
[Analyze grammar]

mumoca niśitāṃstīkṣṇānnārācānpañcaviṃśatim |
te'patansahasā rājaṃstasminrākṣasapuṃgave |
āśīviṣā iva kruddhāḥ parvate gandhamādane || 3 ||
[Analyze grammar]

sa tairviddhaḥ sravanraktaṃ prabhinna iva kuñjaraḥ |
dadhre matiṃ vināśāya rājñaḥ sa piśitāśanaḥ |
jagrāha ca mahāśaktiṃ girīṇāmapi dāraṇīm || 4 ||
[Analyze grammar]

saṃpradīptāṃ maholkābhāmaśanīṃ maghavāniva |
samudyacchanmahābāhurjighāṃsustanayaṃ tava || 5 ||
[Analyze grammar]

tāmudyatāmabhiprekṣya vaṅgānāmadhipastvaran |
kuñjaraṃ girisaṃkāśaṃ rākṣasaṃ pratyacodayat || 6 ||
[Analyze grammar]

sa nāgapravareṇājau balinā śīghragāminā |
yato duryodhanarathastaṃ mārgaṃ pratyapadyata |
rathaṃ ca vārayāmāsa kuñjareṇa sutasya te || 7 ||
[Analyze grammar]

mārgamāvāritaṃ dṛṣṭvā rājñā vaṅgena dhīmatā |
ghaṭotkaco mahārāja krodhasaṃraktalocanaḥ |
udyatāṃ tāṃ mahāśaktiṃ tasmiṃścikṣepa vāraṇe || 8 ||
[Analyze grammar]

sa tayābhihato rājaṃstena bāhuvimuktayā |
saṃjātarudhirotpīḍaḥ papāta ca mamāra ca || 9 ||
[Analyze grammar]

patatyatha gaje cāpi vaṅgānāmīśvaro balī |
javena samabhidrutya jagāma dharaṇītalam || 10 ||
[Analyze grammar]

duryodhano'pi saṃprekṣya pātitaṃ varavāraṇam |
prabhagnaṃ ca balaṃ dṛṣṭvā jagāma paramāṃ vyathām || 11 ||
[Analyze grammar]

kṣatradharmaṃ puraskṛtya ātmanaścābhimānitām |
prāpte'pakramaṇe rājā tasthau giririvācalaḥ || 12 ||
[Analyze grammar]

saṃdhāya ca śitaṃ bāṇaṃ kālāgnisamatejasam |
mumoca paramakruddhastasminghore niśācare || 13 ||
[Analyze grammar]

tamāpatantaṃ saṃprekṣya bāṇamindrāśaniprabham |
lāghavādvañcayāmāsa mahākāyo ghaṭotkacaḥ || 14 ||
[Analyze grammar]

bhūya eva nanādograḥ krodhasaṃraktalocanaḥ |
trāsayansarvabhūtāni yugānte jalado yathā || 15 ||
[Analyze grammar]

taṃ śrutvā ninadaṃ ghoraṃ tasya bhīṣmasya rakṣasaḥ |
ācāryamupasaṃgamya bhīṣmaḥ śāṃtanavo'bravīt || 16 ||
[Analyze grammar]

yathaiṣa ninado ghoraḥ śrūyate rākṣaseritaḥ |
haiḍimbo yudhyate nūnaṃ rājñā duryodhanena ha || 17 ||
[Analyze grammar]

naiṣa śakyo hi saṃgrāme jetuṃ bhūtena kenacit |
tatra gacchata bhadraṃ vo rājānaṃ parirakṣata || 18 ||
[Analyze grammar]

abhidrutaṃ mahābhāgaṃ rākṣasena durātmanā |
etaddhi paramaṃ kṛtyaṃ sarveṣāṃ naḥ paraṃtapāḥ || 19 ||
[Analyze grammar]

pitāmahavacaḥ śrutvā tvaramāṇā mahārathāḥ |
uttamaṃ javamāsthāya prayayuryatra kauravaḥ || 20 ||
[Analyze grammar]

droṇaśca somadattaśca bāhlikaśca jayadrathaḥ |
kṛpo bhūriśravāḥ śalyaścitraseno viviṃśatiḥ || 21 ||
[Analyze grammar]

aśvatthāmā vikarṇaśca āvantyaśca bṛhadbalaḥ |
rathāścānekasāhasrā ye teṣāmanuyāyinaḥ |
abhidrutaṃ parīpsantaḥ putraṃ duryodhanaṃ tava || 22 ||
[Analyze grammar]

tadanīkamanādhṛṣyaṃ pālitaṃ lokasattamaiḥ |
ātatāyinamāyāntaṃ prekṣya rākṣasasattamaḥ |
nākampata mahābāhurmaināka iva parvataḥ || 23 ||
[Analyze grammar]

pragṛhya vipulaṃ cāpaṃ jñātibhiḥ parivāritaḥ |
śūlamudgarahastaiśca nānāpraharaṇairapi || 24 ||
[Analyze grammar]

tataḥ samabhavadyuddhaṃ tumulaṃ lomaharṣaṇam |
rākṣasānāṃ ca mukhyasya duryodhanabalasya ca || 25 ||
[Analyze grammar]

dhanuṣāṃ kūjatāṃ śabdaḥ sarvatastumulo'bhavat |
aśrūyata mahārāja vaṃśānāṃ dahyatāmiva || 26 ||
[Analyze grammar]

śastrāṇāṃ pātyamānānāṃ kavaceṣu śarīriṇām |
śabdaḥ samabhavadrājannadrīṇāmiva dīryatām || 27 ||
[Analyze grammar]

vīrabāhuvisṛṣṭānāṃ tomarāṇāṃ viśāṃ pate |
rūpamāsīdviyatsthānāṃ sarpāṇāṃ sarpatāmiva || 28 ||
[Analyze grammar]

tataḥ paramasaṃkruddho visphārya sumahaddhanuḥ |
rākṣasendro mahābāhurvinadanbhairavaṃ ravam || 29 ||
[Analyze grammar]

ācāryasyārdhacandreṇa kruddhaściccheda kārmukam |
somadattasya bhallena dhvajamunmathya cānadat || 30 ||
[Analyze grammar]

bāhlikaṃ ca tribhirbāṇairabhyavidhyatstanāntare |
kṛpamekena vivyādha citrasenaṃ tribhiḥ śaraiḥ || 31 ||
[Analyze grammar]

pūrṇāyatavisṛṣṭena samyakpraṇihitena ca |
jatrudeśe samāsādya vikarṇaṃ samatāḍayat |
nyaṣīdatsa rathopasthe śoṇitena pariplutaḥ || 32 ||
[Analyze grammar]

tataḥ punarameyātmā nārācāndaśa pañca ca |
bhūriśravasi saṃkruddhaḥ prāhiṇodbharatarṣabha |
te varma bhittvā tasyāśu prāviśanmedinītalam || 33 ||
[Analyze grammar]

viviṃśateśca drauṇeśca yantārau samatāḍayat |
tau petatū rathopasthe raśmīnutsṛjya vājinām || 34 ||
[Analyze grammar]

sindhurājño'rdhacandreṇa vārāhaṃ svarṇabhūṣitam |
unmamātha mahārāja dvitīyenācchinaddhanuḥ || 35 ||
[Analyze grammar]

caturbhiratha nārācairāvantyasya mahātmanaḥ |
jaghāna caturo vāhānkrodhasaṃraktalocanaḥ || 36 ||
[Analyze grammar]

pūrṇāyatavisṛṣṭena pītena niśitena ca |
nirbibheda mahārāja rājaputraṃ bṛhadbalam |
sa gāḍhaviddho vyathito rathopastha upāviśat || 37 ||
[Analyze grammar]

bhṛśaṃ krodhena cāviṣṭo rathastho rākṣasādhipaḥ |
cikṣepa niśitāṃstīkṣṇāñśarānāśīviṣopamān |
bibhiduste mahārāja śalyaṃ yuddhaviśāradam || 38 ||
[Analyze grammar]