Chapter 67

saṃjaya uvāca |
dṛṣṭvā bhīṣmeṇa saṃsaktānbhrātṝnanyāṃśca pārthivān |
tamabhyadhāvadgāṅgeyamudyatāstro dhanaṃjayaḥ || 1 ||
[Analyze grammar]

pāñcajanyasya nirghoṣaṃ dhanuṣo gāṇḍivasya ca |
dhvajaṃ ca dṛṣṭvā pārthasya sarvānno bhayamāviśat || 2 ||
[Analyze grammar]

asajjamānaṃ vṛkṣeṣu dhūmaketumivotthitam |
bahuvarṇaṃ ca citraṃ ca divyaṃ vānaralakṣaṇam |
apaśyāma mahārāja dhvajaṃ gāṇḍivadhanvanaḥ || 3 ||
[Analyze grammar]

vidyutaṃ meghamadhyasthāṃ bhrājamānāmivāmbare |
dadṛśurgāṇḍivaṃ yodhā rukmapṛṣṭhaṃ mahārathe || 4 ||
[Analyze grammar]

aśuśruma bhṛśaṃ cāsya śakrasyevābhigarjataḥ |
sughoraṃ talayoḥ śabdaṃ nighnatastava vāhinīm || 5 ||
[Analyze grammar]

caṇḍavāto yathā meghaḥ savidyutstanayitnumān |
diśaḥ saṃplāvayansarvāḥ śaravarṣaiḥ samantataḥ || 6 ||
[Analyze grammar]

abhyadhāvata gāṅgeyaṃ bhairavāstro dhanaṃjayaḥ |
diśaṃ prācīṃ pratīcīṃ ca na jānīmo'stramohitāḥ || 7 ||
[Analyze grammar]

kāṃdigbhūtāḥ śrāntapatrā hatāstrā hatacetasaḥ |
anyonyamabhisaṃśliṣya yodhāste bharatarṣabha || 8 ||
[Analyze grammar]

bhīṣmamevābhilīyanta saha sarvaistavātmajaiḥ |
teṣāmārtāyanamabhūdbhīṣmaḥ śaṃtanavo raṇe || 9 ||
[Analyze grammar]

samutpatanta vitrastā rathebhyo rathinastadā |
sādinaścāśvapṛṣṭhebhyo bhūmau cāpi padātayaḥ || 10 ||
[Analyze grammar]

śrutvā gāṇḍīvanirghoṣaṃ visphūrjitamivāśaneḥ |
sarvasainyāni bhītāni vyavalīyanta bhārata || 11 ||
[Analyze grammar]

atha kāmbojamukhyaistu bṛhadbhiḥ śīghragāmibhiḥ |
gopānāṃ bahusāhasrairbalairgovāsano vṛtaḥ || 12 ||
[Analyze grammar]

madrasauvīragāndhāraistrigartaiśca viśāṃ pate |
sarvakāliṅgamukhyaiśca kaliṅgādhipatirvṛtaḥ || 13 ||
[Analyze grammar]

nāgā naragaṇaughāśca duḥśāsanapuraḥsarāḥ |
jayadrathaśca nṛpatiḥ sahitaḥ sarvarājabhiḥ || 14 ||
[Analyze grammar]

hayārohavarāścaiva tava putreṇa coditāḥ |
caturdaśa sahasrāṇi saubalaṃ paryavārayan || 15 ||
[Analyze grammar]

tataste sahitāḥ sarve vibhaktarathavāhanāḥ |
pāṇḍavānsamare jagmustāvakā bharatarṣabha || 16 ||
[Analyze grammar]

rathibhirvāraṇairaśvaiḥ padātaiśca samīritam |
ghoramāyodhanaṃ jajñe mahābhrasadṛśaṃ rajaḥ || 17 ||
[Analyze grammar]

tomaraprāsanārācagajāśvarathayodhinām |
balena mahatā bhīṣmaḥ samasajjatkirīṭinā || 18 ||
[Analyze grammar]

āvantyaḥ kāśirājena bhīmasenena saindhavaḥ |
ajātaśatrurmadrāṇāmṛṣabheṇa yaśasvinā |
sahaputraḥ sahāmātyaḥ śalyena samasajjata || 19 ||
[Analyze grammar]

vikarṇaḥ sahadevena citrasenaḥ śikhaṇḍinā |
matsyā duryodhanaṃ jagmuḥ śakuniṃ ca viśāṃ pate || 20 ||
[Analyze grammar]

drupadaścekitānaśca sātyakiśca mahārathaḥ |
droṇena samasajjanta saputreṇa mahātmanā |
kṛpaśca kṛtavarmā ca dhṛṣṭaketumabhidrutau || 21 ||
[Analyze grammar]

evaṃ prajavitāśvāni bhrāntanāgarathāni ca |
sainyāni samasajjanta prayuddhāni samantataḥ || 22 ||
[Analyze grammar]

nirabhre vidyutastīvrā diśaśca rajasāvṛtāḥ |
prādurāsanmaholkāśca sanirghātā viśāṃ pate || 23 ||
[Analyze grammar]

pravavau ca mahāvātaḥ pāṃsuvarṣaṃ papāta ca |
nabhasyantardadhe sūryaḥ sainyena rajasāvṛtaḥ || 24 ||
[Analyze grammar]

pramohaḥ sarvasattvānāmatīva samapadyata |
rajasā cābhibhūtānāmastrajālaiśca tudyatām || 25 ||
[Analyze grammar]

vīrabāhuvisṛṣṭānāṃ sarvāvaraṇabhedinām |
saṃghātaḥ śarajālānāṃ tumulaḥ samapadyata || 26 ||
[Analyze grammar]

prakāśaṃ cakrurākāśamudyatāni bhujottamaiḥ |
nakṣatravimalābhāni śastrāṇi bharatarṣabha || 27 ||
[Analyze grammar]

ārṣabhāṇi vicitrāṇi rukmajālāvṛtāni ca |
saṃpeturdikṣu sarvāsu carmāṇi bharatarṣabha || 28 ||
[Analyze grammar]

sūryavarṇaiśca nistriṃśaiḥ pātyamānāni sarvaśaḥ |
dikṣu sarvāsvadṛśyanta śarīrāṇi śirāṃsi ca || 29 ||
[Analyze grammar]

bhagnacakrākṣanīḍāśca nipātitamahādhvajāḥ |
hatāśvāḥ pṛthivīṃ jagmustatra tatra mahārathāḥ || 30 ||
[Analyze grammar]

paripeturhayāścātra kecicchastrakṛtavraṇāḥ |
rathānviparikarṣanto hateṣu rathayodhiṣu || 31 ||
[Analyze grammar]

śarāhatā bhinnadehā baddhayoktrā hayottamāḥ |
yugāni paryakarṣanta tatra tatra sma bhārata || 32 ||
[Analyze grammar]

adṛśyanta sasūtāśca sāśvāḥ sarathayodhinaḥ |
ekena balinā rājanvāraṇena hatā rathāḥ || 33 ||
[Analyze grammar]

gandhahastimadasrāvamāghrāya bahavo raṇe |
saṃnipāte balaughānāṃ vītamādadire gajāḥ || 34 ||
[Analyze grammar]

satomaramahāmātrairnipatadbhirgatāsubhiḥ |
babhūvāyodhanaṃ channaṃ nārācābhihatairgajaiḥ || 35 ||
[Analyze grammar]

saṃnipāte balaughānāṃ preṣitairvaravāraṇaiḥ |
nipeturyudhi saṃbhagnāḥ sayodhāḥ sadhvajā rathāḥ || 36 ||
[Analyze grammar]

nāgarājopamairhastairnāgairākṣipya saṃyuge |
vyadṛśyanta mahārāja saṃbhagnā rathakūbarāḥ || 37 ||
[Analyze grammar]

viśīrṇarathajālāśca keśeṣvākṣipya dantibhiḥ |
drumaśākhā ivāvidhya niṣpiṣṭā rathino raṇe || 38 ||
[Analyze grammar]

ratheṣu ca rathānyuddhe saṃsaktānvaravāraṇāḥ |
vikarṣanto diśaḥ sarvāḥ saṃpetuḥ sarvaśabdagāḥ || 39 ||
[Analyze grammar]

teṣāṃ tathā karṣatāṃ ca gajānāṃ rūpamābabhau |
saraḥsu nalinījālaṃ viṣaktamiva karṣatām || 40 ||
[Analyze grammar]

evaṃ saṃchāditaṃ tatra babhūvāyodhanaṃ mahat |
sādibhiśca padātaiśca sadhvajaiśca mahārathaiḥ || 41 ||
[Analyze grammar]