Chapter 58

dhṛtarāṣṭra uvāca |
daivameva paraṃ manye pauruṣādapi saṃjaya |
yatsainyaṃ mama putrasya pāṇḍusainyena vadhyate || 1 ||
[Analyze grammar]

nityaṃ hi māmakāṃstāta hatāneva hi śaṃsasi |
avyagrāṃśca prahṛṣṭāṃśca nityaṃ śaṃsasi pāṇḍavān || 2 ||
[Analyze grammar]

hīnānpuruṣakāreṇa māmakānadya saṃjaya |
patitānpātyamānāṃśca hatāneva ca śaṃsasi || 3 ||
[Analyze grammar]

yudhyamānānyathāśakti ghaṭamānāñjayaṃ prati |
pāṇḍavā vijayantyeva jīyante caiva māmakāḥ || 4 ||
[Analyze grammar]

so'haṃ tīvrāṇi duḥkhāni duryodhanakṛtāni ca |
aśrauṣaṃ satataṃ tāta duḥsahāni bahūni ca || 5 ||
[Analyze grammar]

tamupāyaṃ na paśyāmi jīyeranyena pāṇḍavāḥ |
māmakā vā jayaṃ yuddhe prāpnuyuryena saṃjaya || 6 ||
[Analyze grammar]

saṃjaya uvāca |
kṣayaṃ manuṣyadehānāṃ gajavājirathakṣayam |
śṛṇu rājansthiro bhūtvā tavaivāpanayo mahān || 7 ||
[Analyze grammar]

dhṛṣṭadyumnastu śalyena pīḍito navabhiḥ śaraiḥ |
pīḍayāmāsa saṃkruddho madrādhipatimāyasaiḥ || 8 ||
[Analyze grammar]

tatrādbhutamapaśyāma pārṣatasya parākramam |
nyavārayata yattūrṇaṃ śalyaṃ samitiśobhanam || 9 ||
[Analyze grammar]

nāntaraṃ dadṛśe kaścittayoḥ saṃrabdhayo raṇe |
muhūrtamiva tadyuddhaṃ tayoḥ samamivābhavat || 10 ||
[Analyze grammar]

tataḥ śalyo mahārāja dhṛṣṭadyumnasya saṃyuge |
dhanuściccheda bhallena pītena niśitena ca || 11 ||
[Analyze grammar]

athainaṃ śaravarṣeṇa chādayāmāsa bhārata |
giriṃ jalāgame yadvajjaladā jaladhāriṇaḥ || 12 ||
[Analyze grammar]

abhimanyustu saṃkruddho dhṛṣṭadyumne nipīḍite |
abhidudrāva vegena madrarājarathaṃ prati || 13 ||
[Analyze grammar]

tato madrādhiparathaṃ kārṣṇiḥ prāpyātikopanaḥ |
ārtāyanimameyātmā vivyādha viśikhaistribhiḥ || 14 ||
[Analyze grammar]

tatastu tāvakā rājanparīpsanto''rjuniṃ raṇe |
madrarājarathaṃ tūrṇaṃ parivāryāvatasthire || 15 ||
[Analyze grammar]

duryodhano vikarṇaśca duḥśāsanaviviṃśatī |
durmarṣaṇo duḥsahaśca citrasenaśca durmukhaḥ || 16 ||
[Analyze grammar]

satyavrataśca bhadraṃ te purumitraśca bhārata |
ete madrādhiparathaṃ pālayantaḥ sthitā raṇe || 17 ||
[Analyze grammar]

tānbhīmasenaḥ saṃkruddho dhṛṣṭadyumnaśca pārṣataḥ |
draupadeyābhimanyuśca mādrīputrau ca pāṇḍavau || 18 ||
[Analyze grammar]

nānārūpāṇi śastrāṇi visṛjanto viśāṃ pate |
abhyavartanta saṃhṛṣṭāḥ parasparavadhaiṣiṇaḥ |
te vai samīyuḥ saṃgrāme rājandurmantrite tava || 19 ||
[Analyze grammar]

tasmindāśarathe yuddhe vartamāne bhayāvahe |
tāvakānāṃ pareṣāṃ ca prekṣakā rathino'bhavan || 20 ||
[Analyze grammar]

śastrāṇyanekarūpāṇi visṛjanto mahārathāḥ |
anyonyamabhinardantaḥ saṃprahāraṃ pracakrire || 21 ||
[Analyze grammar]

te yattā jātasaṃrambhāḥ sarve'nyonyaṃ jighāṃsavaḥ |
mahāstrāṇi vimuñcantaḥ samāpeturamarṣaṇāḥ || 22 ||
[Analyze grammar]

duryodhanastu saṃkruddho dhṛṣṭadyumnaṃ mahāraṇe |
vivyādha niśitairbāṇaiścaturbhistvarito bhṛśam || 23 ||
[Analyze grammar]

durmarṣaṇaśca viṃśatyā citrasenaśca pañcabhiḥ |
durmukho navabhirbāṇairduḥsahaścāpi saptabhiḥ |
viviṃśatiḥ pañcabhiśca tribhirduḥśāsanastathā || 24 ||
[Analyze grammar]

tānpratyavidhyadrājendra pārṣataḥ śatrutāpanaḥ |
ekaikaṃ pañcaviṃśatyā darśayanpāṇilāghavam || 25 ||
[Analyze grammar]

satyavrataṃ tu samare purumitraṃ ca bhārata |
abhimanyuravidhyattau daśabhirdaśabhiḥ śaraiḥ || 26 ||
[Analyze grammar]

mādrīputrau tu samare mātulaṃ mātṛnandanau |
chādayetāṃ śaravrātaistadadbhutamivābhavat || 27 ||
[Analyze grammar]

tataḥ śalyo mahārāja svasrīyau rathināṃ varau |
śarairbahubhirānarchatkṛtapratikṛtaiṣiṇau |
chādyamānau tatastau tu mādrīputrau na celatuḥ || 28 ||
[Analyze grammar]

atha duryodhanaṃ dṛṣṭvā bhīmaseno mahābalaḥ |
vidhitsuḥ kalahasyāntaṃ gadāṃ jagrāha pāṇḍavaḥ || 29 ||
[Analyze grammar]

tamudyatagadaṃ dṛṣṭvā kailāsamiva śṛṅgiṇam |
bhīmasenaṃ mahābāhuṃ putrāste prādravanbhayāt || 30 ||
[Analyze grammar]

duryodhanastu saṃkruddho māgadhaṃ samacodayat |
anīkaṃ daśasāhasraṃ kuñjarāṇāṃ tarasvinām |
māgadhaṃ purataḥ kṛtvā bhīmasenaṃ samabhyayāt || 31 ||
[Analyze grammar]

āpatantaṃ ca taṃ dṛṣṭvā gajānīkaṃ vṛkodaraḥ |
gadāpāṇiravārohadrathātsiṃha ivonnadan || 32 ||
[Analyze grammar]

adrisāramayīṃ gurvīṃ pragṛhya mahatīṃ gadām |
abhyadhāvadgajānīkaṃ vyāditāsya ivāntakaḥ || 33 ||
[Analyze grammar]

sa gajāngadayā nighnanvyacaratsamare balī |
bhīmaseno mahābāhuḥ savajra iva vāsavaḥ || 34 ||
[Analyze grammar]

tasya nādena mahatā manohṛdayakampinā |
vyatyaceṣṭanta saṃhatya gajā bhīmasya nardataḥ || 35 ||
[Analyze grammar]

tatastu draupadīputrāḥ saubhadraśca mahārathaḥ |
nakulaḥ sahadevaśca dhṛṣṭadyumnaśca pārṣataḥ || 36 ||
[Analyze grammar]

pṛṣṭhaṃ bhīmasya rakṣantaḥ śaravarṣeṇa vāraṇān |
abhyadhāvanta varṣanto meghā iva girīnyathā || 37 ||
[Analyze grammar]

kṣuraiḥ kṣuraprairbhallaiśca pītairañjalikairapi |
pātayantottamāṅgāni pāṇḍavā gajayodhinām || 38 ||
[Analyze grammar]

śirobhiḥ prapatadbhiśca bāhubhiśca vibhūṣitaiḥ |
aśmavṛṣṭirivābhāti pāṇibhiśca sahāṅkuśaiḥ || 39 ||
[Analyze grammar]

hṛtottamāṅgāḥ skandheṣu gajānāṃ gajayodhinaḥ |
adṛśyantācalāgreṣu drumā bhagnaśikhā iva || 40 ||
[Analyze grammar]

dhṛṣṭadyumnahatānanyānapaśyāma mahāgajān |
patitānpātyamānāṃśca pārṣatena mahātmanā || 41 ||
[Analyze grammar]

māgadho'tha mahīpālo gajamairāvatopamam |
preṣayāmāsa samare saubhadrasya rathaṃ prati || 42 ||
[Analyze grammar]

tamāpatantaṃ saṃprekṣya māgadhasya gajottamam |
jaghānaikeṣuṇā vīraḥ saubhadraḥ paravīrahā || 43 ||
[Analyze grammar]

tasyāvarjitanāgasya kārṣṇiḥ parapuraṃjayaḥ |
rājño rajatapuṅkhena bhallenāpaharacchiraḥ || 44 ||
[Analyze grammar]

vigāhya tadgajānīkaṃ bhīmaseno'pi pāṇḍavaḥ |
vyacaratsamare mṛdnangajānindro girīniva || 45 ||
[Analyze grammar]

ekaprahārābhihatānbhīmasenena kuñjarān |
apaśyāma raṇe tasmingirīnvajrahatāniva || 46 ||
[Analyze grammar]

bhagnadantānbhagnakaṭānbhagnasakthāṃśca vāraṇān |
bhagnapṛṣṭhānbhagnakumbhānnihatānparvatopamān || 47 ||
[Analyze grammar]

nadataḥ sīdataścānyānvimukhānsamare gajān |
vimūtrānbhagnasaṃvignāṃstathā viśakṛto'parān || 48 ||
[Analyze grammar]

bhīmasenasya mārgeṣu gatāsūnparvatopamān |
apaśyāma hatānnāgānniṣṭanantastathāpare || 49 ||
[Analyze grammar]

vamanto rudhiraṃ cānye bhinnakumbhā mahāgajāḥ |
vihvalanto gatā bhūmiṃ śailā iva dharātale || 50 ||
[Analyze grammar]

medorudhiradigdhāṅgo vasāmajjāsamukṣitaḥ |
vyacaratsamare bhīmo daṇḍapāṇirivāntakaḥ || 51 ||
[Analyze grammar]

gajānāṃ rudhirāktāṃ tāṃ gadāṃ bibhradvṛkodaraḥ |
ghoraḥ pratibhayaścāsītpinākīva pinākadhṛk || 52 ||
[Analyze grammar]

nirmathyamānāḥ kruddhena bhīmasenena dantinaḥ |
sahasā prādravañśiṣṭā mṛdnantastava vāhinīm || 53 ||
[Analyze grammar]

taṃ hi vīraṃ maheṣvāsāḥ saubhadrapramukhā rathāḥ |
paryarakṣanta yudhyantaṃ vajrāyudhamivāmarāḥ || 54 ||
[Analyze grammar]

śoṇitāktāṃ gadāṃ bibhradukṣito gajaśoṇitaiḥ |
kṛtānta iva raudrātmā bhīmaseno vyadṛśyata || 55 ||
[Analyze grammar]

vyāyacchamānaṃ gadayā dikṣu sarvāsu bhārata |
nṛtyamānamapaśyāma nṛtyantamiva śaṃkaram || 56 ||
[Analyze grammar]

yamadaṇḍopamāṃ gurvīmindrāśanisamasvanām |
apaśyāma mahārāja raudrāṃ viśasanīṃ gadām || 57 ||
[Analyze grammar]

vimiśrāṃ keśamajjābhiḥ pradigdhāṃ rudhireṇa ca |
pinākamiva rudrasya kruddhasyābhighnataḥ paśūn || 58 ||
[Analyze grammar]

yathā paśūnāṃ saṃghātaṃ yaṣṭyā pālaḥ prakālayet |
tathā bhīmo gajānīkaṃ gadayā paryakālayat || 59 ||
[Analyze grammar]

gadayā vadhyamānāste mārgaṇaiśca samantataḥ |
svānyanīkāni mṛdnantaḥ prādravankuñjarāstava || 60 ||
[Analyze grammar]

mahāvāta ivābhrāṇi vidhamitvā sa vāraṇān |
atiṣṭhattumule bhīmaḥ śmaśāna iva śūlabhṛt || 61 ||
[Analyze grammar]