Chapter 13

saṃjaya uvāca |
uttareṣu tu kauravya dvīpeṣu śrūyate kathā |
yathāśrutaṃ mahārāja bruvatastannibodha me || 1 ||
[Analyze grammar]

ghṛtatoyaḥ samudro'tra dadhimaṇḍodako'paraḥ |
surodaḥ sāgaraścaiva tathānyo gharmasāgaraḥ || 2 ||
[Analyze grammar]

paraspareṇa dviguṇāḥ sarve dvīpā narādhipa |
sarvataśca mahārāja parvataiḥ parivāritāḥ || 3 ||
[Analyze grammar]

gaurastu madhyame dvīpe girirmānaḥśilo mahān |
parvataḥ paścimaḥ kṛṣṇo nārāyaṇanibho nṛpa || 4 ||
[Analyze grammar]

tatra ratnāni divyāni svayaṃ rakṣati keśavaḥ |
prajāpatimupāsīnaḥ prajānāṃ vidadhe sukham || 5 ||
[Analyze grammar]

kuśadvīpe kuśastambo madhye janapadasya ha |
saṃpūjyate śalmaliśca dvīpe śālmalike nṛpa || 6 ||
[Analyze grammar]

krauñcadvīpe mahākrauñco girī ratnacayākaraḥ |
saṃpūjyate mahārāja cāturvarṇyena nityadā || 7 ||
[Analyze grammar]

gomandaḥ parvato rājansumahānsarvadhātumān |
yatra nityaṃ nivasati śrīmānkamalalocanaḥ |
mokṣibhiḥ saṃstuto nityaṃ prabhurnārāyaṇo hariḥ || 8 ||
[Analyze grammar]

kuśadvīpe tu rājendra parvato vidrumaiścitaḥ |
sudhāmā nāma durdharṣo dvitīyo hemaparvataḥ || 9 ||
[Analyze grammar]

dyutimānnāma kauravya tṛtīyaḥ kumudo giriḥ |
caturthaḥ puṣpavānnāma pañcamastu kuśeśayaḥ || 10 ||
[Analyze grammar]

ṣaṣṭho harigirirnāma ṣaḍete parvatottamāḥ |
teṣāmantaraviṣkambho dviguṇaḥ pravibhāgaśaḥ || 11 ||
[Analyze grammar]

audbhidaṃ prathamaṃ varṣaṃ dvitīyaṃ veṇumaṇḍalam |
tṛtīyaṃ vai rathākāraṃ caturthaṃ pālanaṃ smṛtam || 12 ||
[Analyze grammar]

dhṛtimatpañcamaṃ varṣaṃ ṣaṣṭhaṃ varṣaṃ prabhākaram |
saptamaṃ kāpilaṃ varṣaṃ saptaite varṣapuñjakāḥ || 13 ||
[Analyze grammar]

eteṣu devagandharvāḥ prajāśca jagatīśvara |
viharanti ramante ca na teṣu mriyate janaḥ || 14 ||
[Analyze grammar]

na teṣu dasyavaḥ santi mlecchajātyo'pi vā nṛpa |
gauraprāyo janaḥ sarvaḥ sukumāraśca pārthiva || 15 ||
[Analyze grammar]

avaśiṣṭeṣu varṣeṣu vakṣyāmi manujeśvara |
yathāśrutaṃ mahārāja tadavyagramanāḥ śṛṇu || 16 ||
[Analyze grammar]

krauñcadvīpe mahārāja krauñco nāma mahāgiriḥ |
krauñcātparo vāmanako vāmanādandhakārakaḥ || 17 ||
[Analyze grammar]

andhakārātparo rājanmainākaḥ parvatottamaḥ |
mainākātparato rājangovindo giriruttamaḥ || 18 ||
[Analyze grammar]

govindāttu paro rājannibiḍo nāma parvataḥ |
parastu dviguṇasteṣāṃ viṣkambho vaṃśavardhana || 19 ||
[Analyze grammar]

deśāṃstatra pravakṣyāmi tanme nigadataḥ śṛṇu |
krauñcasya kuśalo deśo vāmanasya manonugaḥ || 20 ||
[Analyze grammar]

manonugātparaścoṣṇo deśaḥ kurukulodvaha |
uṣṇātparaḥ prāvarakaḥ prāvarādandhakārakaḥ || 21 ||
[Analyze grammar]

andhakārakadeśāttu munideśaḥ paraḥ smṛtaḥ |
munideśātparaścaiva procyate dundubhisvanaḥ || 22 ||
[Analyze grammar]

siddhacāraṇasaṃkīrṇo gauraprāyo janādhipa |
ete deśā mahārāja devagandharvasevitāḥ || 23 ||
[Analyze grammar]

puṣkare puṣkaro nāma parvato maṇiratnamān |
tatra nityaṃ nivasati svayaṃ devaḥ prajāpatiḥ || 24 ||
[Analyze grammar]

taṃ paryupāsate nityaṃ devāḥ sarve maharṣibhiḥ |
vāgbhirmanonukūlābhiḥ pūjayanto janādhipa || 25 ||
[Analyze grammar]

jambūdvīpātpravartante ratnāni vividhānyuta |
dvīpeṣu teṣu sarveṣu prajānāṃ kurunandana || 26 ||
[Analyze grammar]

viprāṇāṃ brahmacaryeṇa satyena ca damena ca |
ārogyāyuḥpramāṇābhyāṃ dviguṇaṃ dviguṇaṃ tataḥ || 27 ||
[Analyze grammar]

eko janapado rājandvīpeṣveteṣu bhārata |
uktā janapadā yeṣu dharmaścaikaḥ pradṛśyate || 28 ||
[Analyze grammar]

īśvaro daṇḍamudyamya svayameva prajāpatiḥ |
dvīpānetānmahārāja rakṣaṃstiṣṭhati nityadā || 29 ||
[Analyze grammar]

sa rājā sa śivo rājansa pitā sa pitāmahaḥ |
gopāyati naraśreṣṭha prajāḥ sajaḍapaṇḍitāḥ || 30 ||
[Analyze grammar]

bhojanaṃ cātra kauravya prajāḥ svayamupasthitam |
siddhameva mahārāja bhuñjate tatra nityadā || 31 ||
[Analyze grammar]

tataḥ paraṃ samā nāma dṛśyate lokasaṃsthitiḥ |
caturaśrā mahārāja trayastriṃśattu maṇḍalam || 32 ||
[Analyze grammar]

tatra tiṣṭhanti kauravya catvāro lokasaṃmatāḥ |
diggajā bharataśreṣṭha vāmanairāvatādayaḥ |
supratīkastathā rājanprabhinnakaraṭāmukhaḥ || 33 ||
[Analyze grammar]

tasyāhaṃ parimāṇaṃ tu na saṃkhyātumihotsahe |
asaṃkhyātaḥ sa nityaṃ hi tiryagūrdhvamadhastathā || 34 ||
[Analyze grammar]

tatra vai vāyavo vānti digbhyaḥ sarvābhya eva ca |
asaṃbādhā mahārāja tānnigṛhṇanti te gajāḥ || 35 ||
[Analyze grammar]

puṣkaraiḥ padmasaṃkāśairvarṣmavadbhirmahāprabhaiḥ |
te śanaiḥ punarevāśu vāyūnmuñcanti nityaśaḥ || 36 ||
[Analyze grammar]

śvasadbhirmucyamānāstu diggajairiha mārutāḥ |
āgacchanti mahārāja tatastiṣṭhanti vai prajāḥ || 37 ||
[Analyze grammar]

dhṛtarāṣṭra uvāca |
paro vai vistaro'tyarthaṃ tvayā saṃjaya kīrtitaḥ |
darśitaṃ dvīpasaṃsthānamuttaraṃ brūhi saṃjaya || 38 ||
[Analyze grammar]

saṃjaya uvāca |
uktā dvīpā mahārāja grahānme śṛṇu tattvataḥ |
svarbhānuḥ kauravaśreṣṭha yāvadeṣa prabhāvataḥ || 39 ||
[Analyze grammar]

parimaṇḍalo mahārāja svarbhānuḥ śrūyate grahaḥ |
yojanānāṃ sahasrāṇi viṣkambho dvādaśāsya vai || 40 ||
[Analyze grammar]

pariṇāhena ṣaṭtriṃśadvipulatvena cānagha |
ṣaṣṭimāhuḥ śatānyasya budhāḥ paurāṇikāstathā || 41 ||
[Analyze grammar]

candramāstu sahasrāṇi rājannekādaśa smṛtaḥ |
viṣkambheṇa kuruśreṣṭha trayastriṃśattu maṇḍalam |
ekonaṣaṣṭirvaipulyācchītaraśmermahātmanaḥ || 42 ||
[Analyze grammar]

sūryastvaṣṭau sahasrāṇi dve cānye kurunandana |
viṣkambheṇa tato rājanmaṇḍalaṃ triṃśataṃ samam || 43 ||
[Analyze grammar]

aṣṭapañcāśataṃ rājanvipulatvena cānagha |
śrūyate paramodāraḥ pataṃgo'sau vibhāvasuḥ |
etatpramāṇamarkasya nirdiṣṭamiha bhārata || 44 ||
[Analyze grammar]

sa rāhuśchādayatyetau yathākālaṃ mahattayā |
candrādityau mahārāja saṃkṣepo'yamudāhṛtaḥ || 45 ||
[Analyze grammar]

ityetatte mahārāja pṛcchataḥ śāstracakṣuṣā |
sarvamuktaṃ yathātattvaṃ tasmācchamamavāpnuhi || 46 ||
[Analyze grammar]

yathādṛṣṭaṃ mayā proktaṃ saniryāṇamidaṃ jagat |
tasmādāśvasa kauravya putraṃ duryodhanaṃ prati || 47 ||
[Analyze grammar]

śrutvedaṃ bharataśreṣṭha bhūmiparva manonugam |
śrīmānbhavati rājanyaḥ siddhārthaḥ sādhusaṃmataḥ |
āyurbalaṃ ca vīryaṃ ca tasya tejaśca vardhate || 48 ||
[Analyze grammar]

yaḥ śṛṇoti mahīpāla parvaṇīdaṃ yatavrataḥ |
prīyante pitarastasya tathaiva ca pitāmahāḥ || 49 ||
[Analyze grammar]

idaṃ tu bhārataṃ varṣaṃ yatra vartāmahe vayam |
pūrvaṃ pravartate puṇyaṃ tatsarvaṃ śrutavānasi || 50 ||
[Analyze grammar]