Chapter 10

dhṛtarāṣṭra uvāca |
yadidaṃ bhārataṃ varṣaṃ yatredaṃ mūrchitaṃ balam |
yatrātimātraṃ lubdho'yaṃ putro duryodhano mama || 1 ||
[Analyze grammar]

yatra gṛddhāḥ pāṇḍusutā yatra me sajjate manaḥ |
etanme tattvamācakṣva kuśalo hyasi saṃjaya || 2 ||
[Analyze grammar]

saṃjaya uvāca |
na tatra pāṇḍavā gṛddhāḥ śṛṇu rājanvaco mama |
gṛddho duryodhanastatra śakuniścāpi saubalaḥ || 3 ||
[Analyze grammar]

apare kṣatriyāścāpi nānājanapadeśvarāḥ |
ye gṛddhā bhārate varṣe na mṛṣyanti parasparam || 4 ||
[Analyze grammar]

atra te varṇayiṣyāmi varṣaṃ bhārata bhāratam |
priyamindrasya devasya manorvaivasvatasya ca || 5 ||
[Analyze grammar]

pṛthośca rājanvainyasya tathekṣvākormahātmanaḥ |
yayāterambarīṣasya māndhāturnahuṣasya ca || 6 ||
[Analyze grammar]

tathaiva mucukundasya śiberauśīnarasya ca |
ṛṣabhasya tathailasya nṛgasya nṛpatestathā || 7 ||
[Analyze grammar]

anyeṣāṃ ca mahārāja kṣatriyāṇāṃ balīyasām |
sarveṣāmeva rājendra priyaṃ bhārata bhāratam || 8 ||
[Analyze grammar]

tatte varṣaṃ pravakṣyāmi yathāśrutamariṃdama |
śṛṇu me gadato rājanyanmāṃ tvaṃ paripṛcchasi || 9 ||
[Analyze grammar]

mahendro malayaḥ sahyaḥ śuktimānṛkṣavānapi |
vindhyaśca pāriyātraśca saptaite kulaparvatāḥ || 10 ||
[Analyze grammar]

teṣāṃ sahasraśo rājanparvatāstu samīpataḥ |
abhijñātāḥ sāravanto vipulāścitrasānavaḥ || 11 ||
[Analyze grammar]

anye tato'parijñātā hrasvā hrasvopajīvinaḥ |
āryā mlecchāśca kauravya tairmiśrāḥ puruṣā vibho || 12 ||
[Analyze grammar]

nadīḥ pibanti bahulā gaṅgāṃ sindhuṃ sarasvatīm |
godāvarīṃ narmadāṃ ca bāhudāṃ ca mahānadīm || 13 ||
[Analyze grammar]

śatadruṃ candrabhāgāṃ ca yamunāṃ ca mahānadīm |
dṛṣadvatīṃ vipāśāṃ ca vipāpāṃ sthūlavālukām || 14 ||
[Analyze grammar]

nadīṃ vetravatīṃ caiva kṛṣṇaveṇāṃ ca nimnagām |
irāvatīṃ vitastāṃ ca payoṣṇīṃ devikāmapi || 15 ||
[Analyze grammar]

vedasmṛtiṃ vetasinīṃ tridivāmiṣkumālinīm |
karīṣiṇīṃ citravahāṃ citrasenāṃ ca nimnagām || 16 ||
[Analyze grammar]

gomatīṃ dhūtapāpāṃ ca vandanāṃ ca mahānadīm |
kauśikīṃ tridivāṃ kṛtyāṃ vicitrāṃ lohatāriṇīm || 17 ||
[Analyze grammar]

rathasthāṃ śatakumbhāṃ ca sarayūṃ ca nareśvara |
carmaṇvatīṃ vetravatīṃ hastisomāṃ diśaṃ tathā || 18 ||
[Analyze grammar]

śatāvarīṃ payoṣṇīṃ ca parāṃ bhaimarathīṃ tathā |
kāverīṃ culukāṃ cāpi vāpīṃ śatabalāmapi || 19 ||
[Analyze grammar]

nicīrāṃ mahitāṃ cāpi suprayogāṃ narādhipa |
pavitrāṃ kuṇḍalāṃ sindhuṃ vājinīṃ puramālinīm || 20 ||
[Analyze grammar]

pūrvābhirāmāṃ vīrāṃ ca bhīmāmoghavatīṃ tathā |
palāśinīṃ pāpaharāṃ mahendrāṃ pippalāvatīm || 21 ||
[Analyze grammar]

pāriṣeṇāmasiknīṃ ca saralāṃ bhāramardinīm |
puruhīṃ pravarāṃ menāṃ moghāṃ ghṛtavatīṃ tathā || 22 ||
[Analyze grammar]

dhūmatyāmatikṛṣṇāṃ ca sūcīṃ chāvīṃ ca kaurava |
sadānīrāmadhṛṣyāṃ ca kuśadhārāṃ mahānadīm || 23 ||
[Analyze grammar]

śaśikāntāṃ śivāṃ caiva tathā vīravatīmapi |
vāstuṃ suvāstuṃ gaurīṃ ca kampanāṃ sahiraṇvatīm || 24 ||
[Analyze grammar]

hiraṇvatīṃ citravatīṃ citrasenāṃ ca nimnagām |
rathacitrāṃ jyotirathāṃ viśvāmitrāṃ kapiñjalām || 25 ||
[Analyze grammar]

upendrāṃ bahulāṃ caiva kucarāmambuvāhinīm |
vainandīṃ piñjalāṃ veṇṇāṃ tuṅgaveṇāṃ mahānadīm || 26 ||
[Analyze grammar]

vidiśāṃ kṛṣṇaveṇṇāṃ ca tāmrāṃ ca kapilāmapi |
śaluṃ suvāmāṃ vedāśvāṃ harisrāvāṃ mahāpagām || 27 ||
[Analyze grammar]

śīghrāṃ ca picchilāṃ caiva bhāradvājīṃ ca nimnagām |
kauśikīṃ nimnagāṃ śoṇāṃ bāhudāmatha candanām || 28 ||
[Analyze grammar]

durgāmantaḥśilāṃ caiva brahmamedhyāṃ bṛhadvatīm |
carakṣāṃ mahirohīṃ ca tathā jambunadīmapi || 29 ||
[Analyze grammar]

sunasāṃ tamasāṃ dāsīṃ trasāmanyāṃ varāṇasīm |
loloddhṛtakarāṃ caiva pūrṇāśāṃ ca mahānadīm || 30 ||
[Analyze grammar]

mānavīṃ vṛṣabhāṃ caiva mahānadyo janādhipa |
sadānirāmayāṃ vṛtyāṃ mandagāṃ mandavāhinīm || 31 ||
[Analyze grammar]

brahmāṇīṃ ca mahāgaurīṃ durgāmapi ca bhārata |
citropalāṃ citrabarhāṃ mañjuṃ makaravāhinīm || 32 ||
[Analyze grammar]

mandākinīṃ vaitaraṇīṃ kokāṃ caiva mahānadīm |
śuktimatīmaraṇyāṃ ca puṣpaveṇyutpalāvatīm || 33 ||
[Analyze grammar]

lohityāṃ karatoyāṃ ca tathaiva vṛṣabhaṅginīm |
kumārīmṛṣikulyāṃ ca brahmakulyāṃ ca bhārata || 34 ||
[Analyze grammar]

sarasvatīḥ supuṇyāśca sarvā gaṅgāśca māriṣa |
viśvasya mātaraḥ sarvāḥ sarvāścaiva mahābalāḥ || 35 ||
[Analyze grammar]

tathā nadyastvaprakāśāḥ śataśo'tha sahasraśaḥ |
ityetāḥ sarito rājansamākhyātā yathāsmṛti || 36 ||
[Analyze grammar]

ata ūrdhvaṃ janapadānnibodha gadato mama |
tatreme kurupāñcālāḥ śālvamādreyajāṅgalāḥ || 37 ||
[Analyze grammar]

śūrasenāḥ kaliṅgāśca bodhā maukāstathaiva ca |
matsyāḥ sukuṭyaḥ saubalyāḥ kuntalāḥ kāśikośalāḥ || 38 ||
[Analyze grammar]

cedivatsāḥ karūṣāśca bhojāḥ sindhupulindakāḥ |
uttamaujā daśārṇāśca mekalāścotkalaiḥ saha || 39 ||
[Analyze grammar]

pāñcālāḥ kauśijāścaiva ekapṛṣṭhā yugaṃdharāḥ |
saudhā madrā bhujiṅgāśca kāśayo'parakāśayaḥ || 40 ||
[Analyze grammar]

jaṭharāḥ kukkuśāścaiva sudāśārṇāśca bhārata |
kuntayo'vantayaścaiva tathaivāparakuntayaḥ || 41 ||
[Analyze grammar]

govindā mandakāḥ ṣaṇḍā vidarbhānūpavāsikāḥ |
aśmakāḥ pāṃsurāṣṭrāśca goparāṣṭrāḥ panītakāḥ || 42 ||
[Analyze grammar]

ādirāṣṭrāḥ sukuṭṭāśca balirāṣṭraṃ ca kevalam |
vānarāsyāḥ pravāhāśca vakrā vakrabhayāḥ śakāḥ || 43 ||
[Analyze grammar]

videhakā māgadhāśca suhmāśca vijayāstathā |
aṅgā vaṅgāḥ kaliṅgāśca yakṛllomāna eva ca || 44 ||
[Analyze grammar]

mallāḥ sudeṣṇāḥ prāhūtāstathā māhiṣakārṣikāḥ |
vāhīkā vāṭadhānāśca ābhīrāḥ kālatoyakāḥ || 45 ||
[Analyze grammar]

aparandhrāśca śūdrāśca pahlavāścarmakhaṇḍikāḥ |
aṭavīśabarāścaiva marubhaumāśca māriṣa || 46 ||
[Analyze grammar]

upāvṛścānupāvṛścasurāṣṭrāḥ kekayāstathā |
kuṭṭāparāntā dvaidheyāḥ kākṣāḥ sāmudraniṣkuṭāḥ || 47 ||
[Analyze grammar]

andhrāśca bahavo rājannantargiryāstathaiva ca |
bahirgiryāṅgamaladā māgadhā mānavarjakāḥ || 48 ||
[Analyze grammar]

mahyuttarāḥ prāvṛṣeyā bhārgavāśca janādhipa |
puṇḍrā bhārgāḥ kirātāśca sudoṣṇāḥ pramudāstathā || 49 ||
[Analyze grammar]

śakā niṣādā niṣadhāstathaivānartanairṛtāḥ |
dugūlāḥ pratimatsyāśca kuśalāḥ kunaṭāstathā || 50 ||
[Analyze grammar]

tīragrāhāstaratoyā rājikā rasyakāgaṇāḥ |
tilakāḥ pārasīkāśca madhumantaḥ prakutsakāḥ || 51 ||
[Analyze grammar]

kāśmīrāḥ sindhusauvīrā gāndhārā darśakāstathā |
abhīsārā kulūtāśca śaivalā bāhlikāstathā || 52 ||
[Analyze grammar]

darvīkāḥ sakacā darvā vātajāmarathoragāḥ |
bahuvādyāśca kauravya sudāmānaḥ sumallikāḥ || 53 ||
[Analyze grammar]

vadhrāḥ karīṣakāścāpi kulindopatyakāstathā |
vanāyavo daśāpārśvā romāṇaḥ kuśabindavaḥ || 54 ||
[Analyze grammar]

kacchā gopālakacchāśca lāṅgalāḥ paravallakāḥ |
kirātā barbarāḥ siddhā videhāstāmraliṅgakāḥ || 55 ||
[Analyze grammar]

oṣṭrāḥ puṇḍrāḥ sasairandhrāḥ pārvatīyāśca māriṣa |
athāpare janapadā dakṣiṇā bharatarṣabha || 56 ||
[Analyze grammar]

draviḍāḥ keralāḥ prācyā bhūṣikā vanavāsinaḥ |
unnatyakā māhiṣakā vikalpā mūṣakāstathā || 57 ||
[Analyze grammar]

karṇikāḥ kuntikāścaiva saudbhidā nalakālakāḥ |
kaukuṭṭakāstathā colāḥ koṅkaṇā mālavāṇakāḥ || 58 ||
[Analyze grammar]

samaṅgāḥ kopanāścaiva kukurāṅgadamāriṣāḥ |
dhvajinyutsavasaṃketāstrigartāḥ sarvasenayaḥ || 59 ||
[Analyze grammar]

tryaṅgāḥ kekarakāḥ proṣṭhāḥ parasaṃcarakāstathā |
tathaiva vindhyapulakāḥ pulindāḥ kalkalaiḥ saha || 60 ||
[Analyze grammar]

mālakā mallakāścaiva tathaivāparavartakāḥ |
kulindāḥ kulakāścaiva karaṇṭhāḥ kurakāstathā || 61 ||
[Analyze grammar]

mūṣakā stanabālāśca satiyaḥ pattipañjakāḥ |
ādidāyāḥ sirālāśca stūbakā stanapāstathā || 62 ||
[Analyze grammar]

hṛṣīvidarbhāḥ kāntīkāstaṅgaṇāḥ parataṅgaṇāḥ |
uttarāścāpare mlecchā janā bharatasattama || 63 ||
[Analyze grammar]

yavanāśca sakāmbojā dāruṇā mlecchajātayaḥ |
sakṣaddruhaḥ kuntalāśca hūṇāḥ pāratakaiḥ saha || 64 ||
[Analyze grammar]

tathaiva maradhāścīnāstathaiva daśamālikāḥ |
kṣatriyopaniveśāśca vaiśyaśūdrakulāni ca || 65 ||
[Analyze grammar]

śūdrābhīrātha daradāḥ kāśmīrāḥ paśubhiḥ saha |
khaśikāśca tukhārāśca pallavā girigahvarāḥ || 66 ||
[Analyze grammar]

ātreyāḥ sabharadvājāstathaiva stanayoṣikāḥ |
aupakāśca kaliṅgāśca kirātānāṃ ca jātayaḥ || 67 ||
[Analyze grammar]

tāmarā haṃsamārgāśca tathaiva karabhañjakāḥ |
uddeśamātreṇa mayā deśāḥ saṃkīrtitāḥ prabho || 68 ||
[Analyze grammar]

yathāguṇabalaṃ cāpi trivargasya mahāphalam |
duhyeddhenuḥ kāmadhukca bhūmiḥ samyaganuṣṭhitā || 69 ||
[Analyze grammar]

tasyāṃ gṛdhyanti rājānaḥ śūrā dharmārthakovidāḥ |
te tyajantyāhave prāṇānrasāgṛddhāstarasvinaḥ || 70 ||
[Analyze grammar]

devamānuṣakāyānāṃ kāmaṃ bhūmiḥ parāyaṇam |
anyonyasyāvalumpanti sārameyā ivāmiṣam || 71 ||
[Analyze grammar]

rājāno bharataśreṣṭha bhoktukāmā vasuṃdharām |
na cāpi tṛptiḥ kāmānāṃ vidyate ceha kasyacit || 72 ||
[Analyze grammar]

tasmātparigrahe bhūmeryatante kurupāṇḍavāḥ |
sāmnā dānena bhedena daṇḍenaiva ca pārthiva || 73 ||
[Analyze grammar]

pitā mātā ca putraśca khaṃ dyauśca narapuṃgava |
bhūmirbhavati bhūtānāṃ samyagacchidradarśinī || 74 ||
[Analyze grammar]