Chapter 4

vaiśaṃpāyana uvāca |
evamukto munistattvaṃ kavīndro rājasattama |
putreṇa dhṛtarāṣṭreṇa dhyānamanvagamatparam || 1 ||
[Analyze grammar]

punarevābravīdvākyaṃ kālavādī mahātapāḥ |
asaṃśayaṃ pārthivendra kālaḥ saṃkṣipate jagat || 2 ||
[Analyze grammar]

sṛjate ca punarlokānneha vidyati śāśvatam |
jñātīnāṃ ca kurūṇāṃ ca saṃbandhisuhṛdāṃ tathā || 3 ||
[Analyze grammar]

dharmyaṃ deśaya panthānaṃ samartho hyasi vāraṇe |
kṣudraṃ jñātivadhaṃ prāhurmā kuruṣva mamāpriyam || 4 ||
[Analyze grammar]

kālo'yaṃ putrarūpeṇa tava jāto viśāṃ pate |
na vadhaḥ pūjyate vede hitaṃ naitatkathaṃcana || 5 ||
[Analyze grammar]

hanyātsa eva yo hanyātkuladharmaṃ svakāṃ tanum |
kālenotpathagantāsi śakye sati yathāpathi || 6 ||
[Analyze grammar]

kulasyāsya vināśāya tathaiva ca mahīkṣitām |
anartho rājyarūpeṇa tyajyatāmasukhāvahaḥ || 7 ||
[Analyze grammar]

luptaprajñaḥ pareṇāsi dharmaṃ darśaya vai sutān |
kiṃ te rājyena durdharṣa yena prāpto'si kilbiṣam || 8 ||
[Analyze grammar]

yaśo dharmaṃ ca kīrtiṃ ca pālayansvargamāpsyasi |
labhantāṃ pāṇḍavā rājyaṃ śamaṃ gacchantu kauravāḥ || 9 ||
[Analyze grammar]

evaṃ bruvati viprendre dhṛtarāṣṭro'mbikāsutaḥ |
ākṣipya vākyaṃ vākyajño vākpathenāpyayātpunaḥ || 10 ||
[Analyze grammar]

dhṛtarāṣṭra uvāca |
yathā bhavānveda tathāsmi vettā bhāvābhāvau viditau me yathāvat |
svārthe hi saṃmuhyati tāta loko māṃ cāpi lokātmakameva viddhi || 11 ||
[Analyze grammar]

prasādaye tvāmatulaprabhāvaṃ tvaṃ no gatirdarśayitā ca dhīraḥ |
na cāpi te vaśagā me maharṣe na kalmaṣaṃ kartumihārhase mām || 12 ||
[Analyze grammar]

tvaṃ hi dharmaḥ pavitraṃ ca yaśaḥ kīrtirdhṛtiḥ smṛtiḥ |
kurūṇāṃ pāṇḍavānāṃ ca mānyaścāsi pitāmahaḥ || 13 ||
[Analyze grammar]

vyāsa uvāca |
vaicitravīrya nṛpate yatte manasi vartate |
abhidhatsva yathākāmaṃ chettāsmi tava saṃśayam || 14 ||
[Analyze grammar]

dhṛtarāṣṭra uvāca |
yāni liṅgāni saṃgrāme bhavanti vijayiṣyatām |
tāni sarvāṇi bhagavañśrotumicchāmi tattvataḥ || 15 ||
[Analyze grammar]

vyāsa uvāca |
prasannabhāḥ pāvaka ūrdhvaraśmiḥ pradakṣiṇāvartaśikho vidhūmaḥ |
puṇyā gandhāścāhutīnāṃ pravānti jayasyaitadbhāvino rūpamāhuḥ || 16 ||
[Analyze grammar]

gambhīraghoṣāśca mahāsvanāśca śaṅkhā mṛdaṅgāśca nadanti yatra |
viśuddharaśmistapanaḥ śaśī ca jayasyaitadbhāvino rūpamāhuḥ || 17 ||
[Analyze grammar]

iṣṭā vācaḥ pṛṣṭhato vāyasānāṃ saṃprasthitānāṃ ca gamiṣyatāṃ ca |
ye pṛṣṭhataste tvarayanti rājanye tvagrataste pratiṣedhayanti || 18 ||
[Analyze grammar]

kalyāṇavācaḥ śakunā rājahaṃsāḥ śukāḥ krauñcāḥ śatapatrāśca yatra |
pradakṣiṇāścaiva bhavanti saṃkhye dhruvaṃ jayaṃ tatra vadanti viprāḥ || 19 ||
[Analyze grammar]

alaṃkāraiḥ kavacaiḥ ketubhiśca mukhaprasādairhemavarṇaiśca nṝṇām |
bhrājiṣmatī duṣpratiprekṣaṇīyā yeṣāṃ camūste vijayanti śatrūn || 20 ||
[Analyze grammar]

hṛṣṭā vācastathā sattvaṃ yodhānāṃ yatra bhārata |
na mlāyante srajaścaiva te taranti raṇe ripūn || 21 ||
[Analyze grammar]

iṣṭo vātaḥ praviṣṭasya dakṣiṇā pravivikṣataḥ |
paścātsaṃsādhayatyarthaṃ purastātpratiṣedhate || 22 ||
[Analyze grammar]

śabdarūparasasparśagandhāścāviṣkṛtāḥ śubhāḥ |
sadā yodhāśca hṛṣṭāśca yeṣāṃ teṣāṃ dhruvaṃ jayaḥ || 23 ||
[Analyze grammar]

anveva vāyavo vānti tathābhrāṇi vayāṃsi ca |
anuplavante meghāśca tathaivendradhanūṃṣi ca || 24 ||
[Analyze grammar]

etāni jayamānānāṃ lakṣaṇāni viśāṃ pate |
bhavanti viparītāni mumūrṣūṇāṃ janādhipa || 25 ||
[Analyze grammar]

alpāyāṃ vā mahatyāṃ vā senāyāmiti niścitam |
harṣo yodhagaṇasyaikaṃ jayalakṣaṇamucyate || 26 ||
[Analyze grammar]

eko dīrṇo dārayati senāṃ sumahatīmapi |
taṃ dīrṇamanudīryante yodhāḥ śūratamā api || 27 ||
[Analyze grammar]

durnivāratamā caiva prabhagnā mahatī camūḥ |
apāmiva mahāvegastrastā mṛgagaṇā iva || 28 ||
[Analyze grammar]

naiva śakyā samādhātuṃ saṃnipāte mahācamūḥ |
dīrṇā ityeva dīryante yodhāḥ śūratamā api |
bhītānbhagnāṃśca saṃprekṣya bhayaṃ bhūyo vivardhate || 29 ||
[Analyze grammar]

prabhagnā sahasā rājandiśo vibhrāmitā paraiḥ |
naiva sthāpayituṃ śakyā śūrairapi mahācamūḥ || 30 ||
[Analyze grammar]

saṃbhṛtya mahatīṃ senāṃ caturaṅgāṃ mahīpatiḥ |
upāyapūrvaṃ medhāvī yateta satatotthitaḥ || 31 ||
[Analyze grammar]

upāyavijayaṃ śreṣṭhamāhurbhedena madhyamam |
jaghanya eṣa vijayo yo yuddhena viśāṃ pate |
mahādoṣaḥ saṃnipātastato vyaṅgaḥ sa ucyate || 32 ||
[Analyze grammar]

parasparajñāḥ saṃhṛṣṭā vyavadhūtāḥ suniścitāḥ |
pañcāśadapi ye śūrā mathnanti mahatīṃ camūm |
atha vā pañca ṣaṭsapta vijayantyanivartinaḥ || 33 ||
[Analyze grammar]

na vainateyo garuḍaḥ praśaṃsati mahājanam |
dṛṣṭvā suparṇopacitiṃ mahatīmapi bhārata || 34 ||
[Analyze grammar]

na bāhulyena senāyā jayo bhavati bhārata |
adhruvo hi jayo nāma daivaṃ cātra parāyaṇam |
jayanto hyapi saṃgrāme kṣayavanto bhavantyuta || 35 ||
[Analyze grammar]