Chapter 132

vidurovāca |
athaitasyāmavasthāyāṃ pauruṣaṃ hātumicchasi |
nihīnasevitaṃ mārgaṃ gamiṣyasyacirādiva || 1 ||
[Analyze grammar]

yo hi tejo yathāśakti na darśayati vikramāt |
kṣatriyo jīvitākāṅkṣī stena ityeva taṃ viduḥ || 2 ||
[Analyze grammar]

arthavantyupapannāni vākyāni guṇavanti ca |
naiva saṃprāpnuvanti tvāṃ mumūrṣumiva bheṣajam || 3 ||
[Analyze grammar]

santi vai sindhurājasya saṃtuṣṭā bahavo janāḥ |
daurbalyādāsate mūḍhā vyasanaughapratīkṣiṇaḥ || 4 ||
[Analyze grammar]

sahāyopacayaṃ kṛtvā vyavasāyya tatastataḥ |
anuduṣyeyurapare paśyantastava pauruṣam || 5 ||
[Analyze grammar]

taiḥ kṛtvā saha saṃghātaṃ giridurgālayāṃścara |
kāle vyasanamākāṅkṣannaivāyamajarāmaraḥ || 6 ||
[Analyze grammar]

saṃjayo nāmataśca tvaṃ na ca paśyāmi tattvayi |
anvarthanāmā bhava me putra mā vyarthanāmakaḥ || 7 ||
[Analyze grammar]

samyagdṛṣṭirmahāprājño bālaṃ tvāṃ brāhmaṇo'bravīt |
ayaṃ prāpya mahatkṛcchraṃ punarvṛddhiṃ gamiṣyati || 8 ||
[Analyze grammar]

tasya smarantī vacanamāśaṃse vijayaṃ tava |
tasmāttāta bravīmi tvāṃ vakṣyāmi ca punaḥ punaḥ || 9 ||
[Analyze grammar]

yasya hyarthābhinirvṛttau bhavantyāpyāyitāḥ pare |
tasyārthasiddhirniyatā nayeṣvarthānusāriṇaḥ || 10 ||
[Analyze grammar]

samṛddhirasamṛddhirvā pūrveṣāṃ mama saṃjaya |
evaṃ vidvānyuddhamanā bhava mā pratyupāhara || 11 ||
[Analyze grammar]

nātaḥ pāpīyasīṃ kāṃcidavasthāṃ śambaro'bravīt |
yatra naivādya na prātarbhojanaṃ pratidṛśyate || 12 ||
[Analyze grammar]

patiputravadhādetatparamaṃ duḥkhamabravīt |
dāridryamiti yatproktaṃ paryāyamaraṇaṃ hi tat || 13 ||
[Analyze grammar]

ahaṃ mahākule jātā hradāddhradamivāgatā |
īśvarī sarvakalyāṇairbhartrā paramapūjitā || 14 ||
[Analyze grammar]

mahārhamālyābharaṇāṃ sumṛṣṭāmbaravāsasam |
purā dṛṣṭvā suhṛdvargo māmapaśyatsudurgatām || 15 ||
[Analyze grammar]

yadā māṃ caiva bhāryāṃ ca draṣṭāsi bhṛśadurbale |
na tadā jīvitenārtho bhavitā tava saṃjaya || 16 ||
[Analyze grammar]

dāsakarmakarānbhṛtyānācāryartvikpurohitān |
avṛttyāsmānprajahato dṛṣṭvā kiṃ jīvitena te || 17 ||
[Analyze grammar]

yadi kṛtyaṃ na paśyāmi tavādyeha yathā purā |
ślāghanīyaṃ yaśasyaṃ ca kā śāntirhṛdayasya me || 18 ||
[Analyze grammar]

neti cedbrāhmaṇānbrūyāṃ dīryate hṛdayaṃ mama |
na hyahaṃ na ca me bhartā neti brāhmaṇamuktavān || 19 ||
[Analyze grammar]

vayamāśrayaṇīyāḥ sma nāśritāraḥ parasya ca |
sānyānāśritya jīvantī parityakṣyāmi jīvitam || 20 ||
[Analyze grammar]

apāre bhava naḥ pāramaplave bhava naḥ plavaḥ |
kuruṣva sthānamasthāne mṛtānsaṃjīvayasva naḥ || 21 ||
[Analyze grammar]

sarve te śatravaḥ sahyā na cejjīvitumicchasi |
atha cedīdṛśīṃ vṛttiṃ klībāmabhyupapadyase || 22 ||
[Analyze grammar]

nirviṇṇātmā hatamanā muñcaitāṃ pāpajīvikām |
ekaśatruvadhenaiva śūro gacchati viśrutim || 23 ||
[Analyze grammar]

indro vṛtravadhenaiva mahendraḥ samapadyata |
māhendraṃ ca grahaṃ lebhe lokānāṃ ceśvaro'bhavat || 24 ||
[Analyze grammar]

nāma viśrāvya vā saṃkhye śatrūnāhūya daṃśitān |
senāgraṃ vāpi vidrāvya hatvā vā puruṣaṃ varam || 25 ||
[Analyze grammar]

yadaiva labhate vīraḥ suyuddhena mahadyaśaḥ |
tadaiva pravyathante'sya śatravo vinamanti ca || 26 ||
[Analyze grammar]

tyaktvātmānaṃ raṇe dakṣaṃ śūraṃ kāpuruṣā janāḥ |
avaśāḥ pūrayanti sma sarvakāmasamṛddhibhiḥ || 27 ||
[Analyze grammar]

rājyaṃ vāpyugravibhraṃśaṃ saṃśayo jīvitasya vā |
pralabdhasya hi śatrorvai śeṣaṃ kurvanti sādhavaḥ || 28 ||
[Analyze grammar]

svargadvāropamaṃ rājyamatha vāpyamṛtopamam |
ruddhamekāyane matvā patolmuka ivāriṣu || 29 ||
[Analyze grammar]

jahi śatrūnraṇe rājansvadharmamanupālaya |
mā tvā paśyetsukṛpaṇaṃ śatruḥ śrīmānkadācana || 30 ||
[Analyze grammar]

asmadīyaiśca śocadbhirnadadbhiśca parairvṛtam |
api tvāṃ nānupaśyeyaṃ dīnā dīnamavasthitam || 31 ||
[Analyze grammar]

uṣya sauvīrakanyābhiḥ ślāghasvārthairyathā purā |
mā ca saindhavakanyānāmavasanno vaśaṃ gamaḥ || 32 ||
[Analyze grammar]

yuvā rūpeṇa saṃpanno vidyayābhijanena ca |
yastvādṛśo vikurvīta yaśasvī lokaviśrutaḥ |
voḍhavye dhuryanaḍuvanmanye maraṇameva tat || 33 ||
[Analyze grammar]

yadi tvāmanupaśyāmi parasya priyavādinam |
pṛṣṭhato'nuvrajantaṃ vā kā śāntirhṛdayasya me || 34 ||
[Analyze grammar]

nāsmiñjātu kule jāto gacchedyo'nyasya pṛṣṭhataḥ |
na tvaṃ parasyānudhuraṃ tāta jīvitumarhasi || 35 ||
[Analyze grammar]

ahaṃ hi kṣatrahṛdayaṃ veda yatpariśāśvatam |
pūrvaiḥ pūrvataraiḥ proktaṃ paraiḥ paratarairapi || 36 ||
[Analyze grammar]

yo vai kaścidihājātaḥ kṣatriyaḥ kṣatradharmavit |
bhayādvṛttisamīkṣo vā na namediha kasyacit || 37 ||
[Analyze grammar]

udyacchedeva na namedudyamo hyeva pauruṣam |
apyaparvaṇi bhajyeta na namediha kasyacit || 38 ||
[Analyze grammar]

mātaṅgo matta iva ca parīyātsumahāmanāḥ |
brāhmaṇebhyo namennityaṃ dharmāyaiva ca saṃjaya || 39 ||
[Analyze grammar]

niyacchannitarānvarṇānvinighnansarvaduṣkṛtaḥ |
sasahāyo'sahāyo vā yāvajjīvaṃ tathā bhavet || 40 ||
[Analyze grammar]