Chapter 131

kuntyuvāca |
atrāpyudāharantīmamitihāsaṃ purātanam |
vidurāyāśca saṃvādaṃ putrasya ca paraṃtapa || 1 ||
[Analyze grammar]

atra śreyaśca bhūyaśca yathā sā vaktumarhati |
yaśasvinī manyumatī kule jātā vibhāvarī || 2 ||
[Analyze grammar]

kṣatradharmaratā dhanyā vidurā dīrghadarśinī |
viśrutā rājasaṃsatsu śrutavākyā bahuśrutā || 3 ||
[Analyze grammar]

vidurā nāma vai satyā jagarhe putramaurasam |
nirjitaṃ sindhurājena śayānaṃ dīnacetasam |
anandanamadharmajñaṃ dviṣatāṃ harṣavardhanam || 4 ||
[Analyze grammar]

na mayā tvaṃ na pitrāsi jātaḥ kvābhyāgato hyasi |
nirmanyurupaśākhīyaḥ puruṣaḥ klībasādhanaḥ || 5 ||
[Analyze grammar]

yāvajjīvaṃ nirāśo'si kalyāṇāya dhuraṃ vaha |
mātmānamavamanyasva mainamalpena bībharaḥ |
manaḥ kṛtvā sukalyāṇaṃ mā bhaistvaṃ pratisaṃstabha || 6 ||
[Analyze grammar]

uttiṣṭha he kāpuruṣa mā śeṣvaivaṃ parājitaḥ |
amitrānnandayansarvānnirmāno bandhuśokadaḥ || 7 ||
[Analyze grammar]

supūrā vai kunadikā supūro mūṣikāñjaliḥ |
susaṃtoṣaḥ kāpuruṣaḥ svalpakenāpi tuṣyati || 8 ||
[Analyze grammar]

apyarerārujandaṃṣṭrāmāśveva nidhanaṃ vraja |
api vā saṃśayaṃ prāpya jīvite'pi parākrama || 9 ||
[Analyze grammar]

apyareḥ śyenavacchidraṃ paśyestvaṃ viparikraman |
vinadanvātha vā tūṣṇīṃ vyomni vāpariśaṅkitaḥ || 10 ||
[Analyze grammar]

tvamevaṃ pretavaccheṣe kasmādvajrahato yathā |
uttiṣṭha he kāpuruṣa mā śeṣvaivaṃ parājitaḥ || 11 ||
[Analyze grammar]

māstaṃ gamastvaṃ kṛpaṇo viśrūyasva svakarmaṇā |
mā madhye mā jaghanye tvaṃ mādho bhūstiṣṭha corjitaḥ || 12 ||
[Analyze grammar]

alātaṃ tindukasyeva muhūrtamapi vijvala |
mā tuṣāgnirivānarciḥ kākaraṅkhā jijīviṣuḥ |
muhūrtaṃ jvalitaṃ śreyo na tu dhūmāyitaṃ ciram || 13 ||
[Analyze grammar]

mā ha sma kasyacidgehe janī rājñaḥ kharīmṛduḥ |
kṛtvā mānuṣyakaṃ karma sṛtvājiṃ yāvaduttamam |
dharmasyānṛṇyamāpnoti na cātmānaṃ vigarhate || 14 ||
[Analyze grammar]

alabdhvā yadi vā labdhvā nānuśocanti paṇḍitāḥ |
ānantaryaṃ cārabhate na prāṇānāṃ dhanāyate || 15 ||
[Analyze grammar]

udbhāvayasva vīryaṃ vā tāṃ vā gaccha dhruvāṃ gatim |
dharmaṃ putrāgrataḥ kṛtvā kiṃnimittaṃ hi jīvasi || 16 ||
[Analyze grammar]

iṣṭāpūrtaṃ hi te klība kīrtiśca sakalā hatā |
vicchinnaṃ bhogamūlaṃ te kiṃnimittaṃ hi jīvasi || 17 ||
[Analyze grammar]

śatrurnimajjatā grāhyo jaṅghāyāṃ prapatiṣyatā |
viparicchinnamūlo'pi na viṣīdetkathaṃcana |
udyamya dhuramutkarṣedājāneyakṛtaṃ smaran || 18 ||
[Analyze grammar]

kuru sattvaṃ ca mānaṃ ca viddhi pauruṣamātmanaḥ |
udbhāvaya kulaṃ magnaṃ tvatkṛte svayameva hi || 19 ||
[Analyze grammar]

yasya vṛttaṃ na jalpanti mānavā mahadadbhutam |
rāśivardhanamātraṃ sa naiva strī na punaḥ pumān || 20 ||
[Analyze grammar]

dāne tapasi śaurye ca yasya na prathitaṃ yaśaḥ |
vidyāyāmarthalābhe vā māturuccāra eva saḥ || 21 ||
[Analyze grammar]

śrutena tapasā vāpi śriyā vā vikrameṇa vā |
janānyo'bhibhavatyanyānkarmaṇā hi sa vai pumān || 22 ||
[Analyze grammar]

na tveva jālmīṃ kāpālīṃ vṛttimeṣitumarhasi |
nṛśaṃsyāmayaśasyāṃ ca duḥkhāṃ kāpuruṣocitām || 23 ||
[Analyze grammar]

yamenamabhinandeyuramitrāḥ puruṣaṃ kṛśam |
lokasya samavajñātaṃ nihīnāśanavāsasam || 24 ||
[Analyze grammar]

aholābhakaraṃ dīnamalpajīvanamalpakam |
nedṛśaṃ bandhumāsādya bāndhavaḥ sukhamedhate || 25 ||
[Analyze grammar]

avṛttyaiva vipatsyāmo vayaṃ rāṣṭrātpravāsitāḥ |
sarvakāmarasairhīnāḥ sthānabhraṣṭā akiṃcanāḥ || 26 ||
[Analyze grammar]

avarṇakāriṇaṃ satsu kulavaṃśasya nāśanam |
kaliṃ putrapravādena saṃjaya tvāmajījanam || 27 ||
[Analyze grammar]

niramarṣaṃ nirutsāhaṃ nirvīryamarinandanam |
mā sma sīmantinī kācijjanayetputramīdṛśam || 28 ||
[Analyze grammar]

mā dhūmāya jvalātyantamākramya jahi śātravān |
jvala mūrdhanyamitrāṇāṃ muhūrtamapi vā kṣaṇam || 29 ||
[Analyze grammar]

etāvāneva puruṣo yadamarṣī yadakṣamī |
kṣamāvānniramarṣaśca naiva strī na punaḥ pumān || 30 ||
[Analyze grammar]

saṃtoṣo vai śriyaṃ hanti tathānukrośa eva ca |
anutthānabhaye cobhe nirīho nāśnute mahat || 31 ||
[Analyze grammar]

ebhyo nikṛtipāpebhyaḥ pramuñcātmānamātmanā |
āyasaṃ hṛdayaṃ kṛtvā mṛgayasva punaḥ svakam || 32 ||
[Analyze grammar]

puraṃ viṣahate yasmāttasmātpuruṣa ucyate |
tamāhurvyarthanāmānaṃ strīvadya iha jīvati || 33 ||
[Analyze grammar]

śūrasyorjitasattvasya siṃhavikrāntagāminaḥ |
diṣṭabhāvaṃ gatasyāpi vighase modate prajā || 34 ||
[Analyze grammar]

ya ātmanaḥ priyasukhe hitvā mṛgayate śriyam |
amātyānāmatho harṣamādadhātyacireṇa saḥ || 35 ||
[Analyze grammar]

putra uvāca |
kiṃ nu te māmapaśyantyāḥ pṛthivyā api sarvayā |
kimābharaṇakṛtyaṃ te kiṃ bhogairjīvitena vā || 36 ||
[Analyze grammar]

mātovāca |
kimadyakānāṃ ye lokā dviṣantastānavāpnuyuḥ |
ye tvādṛtātmanāṃ lokāḥ suhṛdastānvrajantu naḥ || 37 ||
[Analyze grammar]

bhṛtyairvihīyamānānāṃ parapiṇḍopajīvinām |
kṛpaṇānāmasattvānāṃ mā vṛttimanuvartithāḥ || 38 ||
[Analyze grammar]

anu tvāṃ tāta jīvantu brāhmaṇāḥ suhṛdastathā |
parjanyamiva bhūtāni devā iva śatakratum || 39 ||
[Analyze grammar]

yamājīvanti puruṣaṃ sarvabhūtāni saṃjaya |
pakvaṃ drumamivāsādya tasya jīvitamarthavat || 40 ||
[Analyze grammar]

yasya śūrasya vikrāntairedhante bāndhavāḥ sukham |
tridaśā iva śakrasya sādhu tasyeha jīvitam || 41 ||
[Analyze grammar]

svabāhubalamāśritya yo'bhyujjīvati mānavaḥ |
sa loke labhate kīrtiṃ paratra ca śubhāṃ gatim || 42 ||
[Analyze grammar]