Chapter 56

dhṛtarāṣṭra uvāca |
kāṃstatra saṃjayāpaśyaḥ pratyarthena samāgatān |
ye yotsyante pāṇḍavārthe putrasya mama vāhinīm || 1 ||
[Analyze grammar]

saṃjaya uvāca |
mukhyamandhakavṛṣṇīnāmapaśyaṃ kṛṣṇamāgatam |
cekitānaṃ ca tatraiva yuyudhānaṃ ca sātyakim || 2 ||
[Analyze grammar]

pṛthagakṣauhiṇībhyāṃ tau pāṇḍavānabhisaṃśritau |
mahārathau samākhyātāvubhau puruṣamāninau || 3 ||
[Analyze grammar]

akṣauhiṇyātha pāñcālyo daśabhistanayairvṛtaḥ |
satyajitpramukhairvīrairdhṛṣṭadyumnapurogamaiḥ || 4 ||
[Analyze grammar]

drupado vardhayanmānaṃ śikhaṇḍiparipālitaḥ |
upāyātsarvasainyānāṃ praticchādya tadā vapuḥ || 5 ||
[Analyze grammar]

virāṭaḥ saha putrābhyāṃ śaṅkhenaivottareṇa ca |
sūryadattādibhirvīrairmadirāśvapurogamaiḥ || 6 ||
[Analyze grammar]

sahitaḥ pṛthivīpālo bhrātṛbhistanayaistathā |
akṣauhiṇyaiva sainyasya vṛtaḥ pārthaṃ samāśritaḥ || 7 ||
[Analyze grammar]

jārāsaṃdhirmāgadhaśca dhṛṣṭaketuśca cedirāṭ |
pṛthakpṛthaganuprāptau pṛthagakṣauhiṇīvṛtau || 8 ||
[Analyze grammar]

kekayā bhrātaraḥ pañca sarve lohitakadhvajāḥ |
akṣauhiṇīparivṛtāḥ pāṇḍavānabhisaṃśritāḥ || 9 ||
[Analyze grammar]

etānetāvatastatra yānapaśyaṃ samāgatān |
ye pāṇḍavārthe yotsyanti dhārtarāṣṭrasya vāhinīm || 10 ||
[Analyze grammar]

yo veda mānuṣaṃ vyūhaṃ daivaṃ gāndharvamāsuram |
sa tasya senāpramukhe dhṛṣṭadyumno mahāmanāḥ || 11 ||
[Analyze grammar]

bhīṣmaḥ śāṃtanavo rājanbhāgaḥ kḷptaḥ śikhaṇḍinaḥ |
taṃ virāṭo'nu saṃyātā saha matsyaiḥ prahāribhiḥ || 12 ||
[Analyze grammar]

jyeṣṭhasya pāṇḍuputrasya bhāgo madrādhipo balī |
tau tu tatrābruvankecidviṣamau no matāviti || 13 ||
[Analyze grammar]

duryodhanaḥ sahasutaḥ sārdhaṃ bhrātṛśatena ca |
prācyāśca dākṣiṇātyāśca bhīmasenasya bhāgataḥ || 14 ||
[Analyze grammar]

arjunasya tu bhāgena karṇo vaikartano mataḥ |
aśvatthāmā vikarṇaśca saindhavaśca jayadrathaḥ || 15 ||
[Analyze grammar]

aśakyāścaiva ye kecitpṛthivyāṃ śūramāninaḥ |
sarvāṃstānarjunaḥ pārthaḥ kalpayāmāsa bhāgataḥ || 16 ||
[Analyze grammar]

maheṣvāsā rājaputrā bhrātaraḥ pañca kekayāḥ |
kekayāneva bhāgena kṛtvā yotsyanti saṃyuge || 17 ||
[Analyze grammar]

teṣāmeva kṛto bhāgo mālavāḥ śālvakekayāḥ |
trigartānāṃ ca dvau mukhyau yau tau saṃśaptakāviti || 18 ||
[Analyze grammar]

duryodhanasutāḥ sarve tathā duḥśāsanasya ca |
saubhadreṇa kṛto bhāgo rājā caiva bṛhadbalaḥ || 19 ||
[Analyze grammar]

draupadeyā maheṣvāsāḥ suvarṇavikṛtadhvajāḥ |
dhṛṣṭadyumnamukhā droṇamabhiyāsyanti bhārata || 20 ||
[Analyze grammar]

cekitānaḥ somadattaṃ dvairathe yoddhumicchati |
bhojaṃ tu kṛtavarmāṇaṃ yuyudhāno yuyutsati || 21 ||
[Analyze grammar]

sahadevastu mādreyaḥ śūraḥ saṃkrandano yudhi |
svamaṃśaṃ kalpayāmāsa śyālaṃ te subalātmajam || 22 ||
[Analyze grammar]

ulūkaṃ cāpi kaitavyaṃ ye ca sārasvatā gaṇāḥ |
nakulaḥ kalpayāmāsa bhāgaṃ mādravatīsutaḥ || 23 ||
[Analyze grammar]

ye cānye pārthivā rājanpratyudyāsyanti saṃyuge |
samāhvānena tāṃścāpi pāṇḍuputrā akalpayan || 24 ||
[Analyze grammar]

evameṣāmanīkāni pravibhaktāni bhāgaśaḥ |
yatte kāryaṃ saputrasya kriyatāṃ tadakālikam || 25 ||
[Analyze grammar]

dhṛtarāṣṭra uvāca |
na santi sarve putrā me mūḍhā durdyūtadevinaḥ |
yeṣāṃ yuddhaṃ balavatā bhīmena raṇamūrdhani || 26 ||
[Analyze grammar]

rājānaḥ pārthivāḥ sarve prokṣitāḥ kāladharmaṇā |
gāṇḍīvāgniṃ pravekṣyanti pataṅgā iva pāvakam || 27 ||
[Analyze grammar]

vidrutāṃ vāhinīṃ manye kṛtavairairmahātmabhiḥ |
tāṃ raṇe ke'nuyāsyanti prabhagnāṃ pāṇḍavairyudhi || 28 ||
[Analyze grammar]

sarve hyatirathāḥ śūrāḥ kīrtimantaḥ pratāpinaḥ |
sūryapāvakayostulyāstejasā samitiṃjayāḥ || 29 ||
[Analyze grammar]

yeṣāṃ yudhiṣṭhiro netā goptā ca madhusūdanaḥ |
yodhau ca pāṇḍavau vīrau savyasācivṛkodarau || 30 ||
[Analyze grammar]

nakulaḥ sahadevaśca dhṛṣṭadyumnaśca pārṣataḥ |
sātyakirdrupadaścaiva dhṛṣṭadyumnasya cātmajaḥ || 31 ||
[Analyze grammar]

uttamaujāśca pāñcālyo yudhāmanyuśca durjayaḥ |
śikhaṇḍī kṣatradevaśca tathā vairāṭiruttaraḥ || 32 ||
[Analyze grammar]

kāśayaścedayaścaiva matsyāḥ sarve ca sṛñjayāḥ |
virāṭaputro babhruśca pāñcālāśca prabhadrakāḥ || 33 ||
[Analyze grammar]

yeṣāmindro'pyakāmānāṃ na haretpṛthivīmimām |
vīrāṇāṃ raṇadhīrāṇāṃ ye bhindyuḥ parvatānapi || 34 ||
[Analyze grammar]

tānsarvānguṇasaṃpannānamanuṣyapratāpinaḥ |
krośato mama duṣputro yoddhumicchati saṃjaya || 35 ||
[Analyze grammar]

duryodhana uvāca |
ubhau sva ekajātīyau tathobhau bhūmigocarau |
atha kasmātpāṇḍavānāmekato manyase jayam || 36 ||
[Analyze grammar]

pitāmahaṃ ca droṇaṃ ca kṛpaṃ karṇaṃ ca durjayam |
jayadrathaṃ somadattamaśvatthāmānameva ca || 37 ||
[Analyze grammar]

sucetaso maheṣvāsānindro'pi sahito'maraiḥ |
aśaktaḥ samare jetuṃ kiṃ punastāta pāṇḍavāḥ || 38 ||
[Analyze grammar]

sarvā ca pṛthivī sṛṣṭā madarthe tāta pāṇḍavān |
āryāndhṛtimataḥ śūrānagnikalpānprabādhitum || 39 ||
[Analyze grammar]

na māmakānpāṇḍavāste samarthāḥ prativīkṣitum |
parākrānto hyahaṃ pāṇḍūnsaputrānyoddhumāhave || 40 ||
[Analyze grammar]

matpriyaṃ pārthivāḥ sarve ye cikīrṣanti bhārata |
te tānāvārayiṣyanti aiṇeyāniva tantunā || 41 ||
[Analyze grammar]

mahatā rathavaṃśena śarajālaiśca māmakaiḥ |
abhidrutā bhaviṣyanti pāñcālāḥ pāṇḍavaiḥ saha || 42 ||
[Analyze grammar]

dhṛtarāṣṭra uvāca |
unmatta iva me putro vilapatyeṣa saṃjaya |
na hi śakto yudhā jetuṃ dharmarājaṃ yudhiṣṭhiram || 43 ||
[Analyze grammar]

jānāti hi sadā bhīṣmaḥ pāṇḍavānāṃ yaśasvinām |
balavattāṃ saputrāṇāṃ dharmajñānāṃ mahātmanām || 44 ||
[Analyze grammar]

yato nārocayamahaṃ vigrahaṃ tairmahātmabhiḥ |
kiṃ tu saṃjaya me brūhi punasteṣāṃ viceṣṭitam || 45 ||
[Analyze grammar]

kastāṃstarasvino bhūyaḥ saṃdīpayati pāṇḍavān |
arciṣmato maheṣvāsānhaviṣā pāvakāniva || 46 ||
[Analyze grammar]

saṃjaya uvāca |
dhṛṣṭadyumnaḥ sadaivaitānsaṃdīpayati bhārata |
yudhyadhvamiti mā bhaiṣṭa yuddhādbharatasattamāḥ || 47 ||
[Analyze grammar]

ye kecitpārthivāstatra dhārtarāṣṭreṇa saṃvṛtāḥ |
yuddhe samāgamiṣyanti tumule kavacahrade || 48 ||
[Analyze grammar]

tānsarvānāhave kruddhānsānubandhānsamāgatān |
ahamekaḥ samādāsye timirmatsyānivaudakān || 49 ||
[Analyze grammar]

bhīṣmaṃ droṇaṃ kṛpaṃ karṇaṃ drauṇiṃ śalyaṃ suyodhanam |
etāṃścāpi nirotsyāmi veleva makarālayam || 50 ||
[Analyze grammar]

tathā bruvāṇaṃ dharmātmā prāha rājā yudhiṣṭhiraḥ |
tava dhairyaṃ ca vīryaṃ ca pāñcālāḥ pāṇḍavaiḥ saha |
sarve samadhirūḍhāḥ sma saṃgrāmānnaḥ samuddhara || 51 ||
[Analyze grammar]

jānāmi tvāṃ mahābāho kṣatradharme vyavasthitam |
samarthamekaṃ paryāptaṃ kauravāṇāṃ yuyutsatām |
bhavatā yadvidhātavyaṃ tannaḥ śreyaḥ paraṃtapa || 52 ||
[Analyze grammar]

saṃgrāmādapayātānāṃ bhagnānāṃ śaraṇaiṣiṇām |
pauruṣaṃ darśayañśūro yastiṣṭhedagrataḥ pumān |
krīṇīyāttaṃ sahasreṇa nītimannāma tatpadam || 53 ||
[Analyze grammar]

sa tvaṃ śūraśca vīraśca vikrāntaśca nararṣabha |
bhayārtānāṃ paritrātā saṃyugeṣu na saṃśayaḥ || 54 ||
[Analyze grammar]

evaṃ bruvati kaunteye dharmātmani yudhiṣṭhire |
dhṛṣṭadyumna uvācedaṃ māṃ vaco gatasādhvasaḥ || 55 ||
[Analyze grammar]

sarvāñjanapadānsūta yodhā duryodhanasya ye |
sabāhlīkānkurūnbrūyāḥ prātipeyāñśaradvataḥ || 56 ||
[Analyze grammar]

sūtaputraṃ tathā droṇaṃ sahaputraṃ jayadratham |
duḥśāsanaṃ vikarṇaṃ ca tathā duryodhanaṃ nṛpam || 57 ||
[Analyze grammar]

bhīṣmaṃ caiva brūhi gatvā tvamāśu yudhiṣṭhiraṃ sādhunaivābhyupeta |
mā vo vadhīdarjuno devaguptaḥ kṣipraṃ yācadhvaṃ pāṇḍavaṃ lokavīram || 58 ||
[Analyze grammar]

naitādṛśo hi yodho'sti pṛthivyāmiha kaścana |
yathāvidhaḥ savyasācī pāṇḍavaḥ śastravittamaḥ || 59 ||
[Analyze grammar]

devairhi saṃbhṛto divyo ratho gāṇḍīvadhanvanaḥ |
na sa jeyo manuṣyeṇa mā sma kṛdhvaṃ mano yudhi || 60 ||
[Analyze grammar]