Chapter 16

bṛhaspatiruvāca |
tvamagne sarvadevānāṃ mukhaṃ tvamasi havyavāṭ |
tvamantaḥ sarvabhūtānāṃ gūḍhaścarasi sākṣivat || 1 ||
[Analyze grammar]

tvāmāhurekaṃ kavayastvāmāhustrividhaṃ punaḥ |
tvayā tyaktaṃ jagaccedaṃ sadyo naśyeddhutāśana || 2 ||
[Analyze grammar]

kṛtvā tubhyaṃ namo viprāḥ svakarmavijitāṃ gatim |
gacchanti saha patnībhiḥ sutairapi ca śāśvatīm || 3 ||
[Analyze grammar]

tvamevāgne havyavāhastvameva paramaṃ haviḥ |
yajanti satraistvāmeva yajñaiśca paramādhvare || 4 ||
[Analyze grammar]

sṛṣṭvā lokāṃstrīnimānhavyavāha prāpte kāle pacasi punaḥ samiddhaḥ |
sarvasyāsya bhuvanasya prasūtistvamevāgne bhavasi punaḥ pratiṣṭhā || 5 ||
[Analyze grammar]

tvāmagne jaladānāhurvidyutaśca tvameva hi |
dahanti sarvabhūtāni tvatto niṣkramya hāyanāḥ || 6 ||
[Analyze grammar]

tvayyāpo nihitāḥ sarvāstvayi sarvamidaṃ jagat |
na te'styaviditaṃ kiṃcittriṣu lokeṣu pāvaka || 7 ||
[Analyze grammar]

svayoniṃ bhajate sarvo viśasvāpo'viśaṅkitaḥ |
ahaṃ tvāṃ vardhayiṣyāmi brāhmairmantraiḥ sanātanaiḥ || 8 ||
[Analyze grammar]

śalya uvāca |
evaṃ stuto havyavāho bhagavānkaviruttamaḥ |
bṛhaspatimathovāca prītimānvākyamuttamam |
darśayiṣyāmi te śakraṃ satyametadbravīmi te || 9 ||
[Analyze grammar]

praviśyāpastato vahniḥ sasamudrāḥ sapalvalāḥ |
ājagāma sarastacca gūḍho yatra śatakratuḥ || 10 ||
[Analyze grammar]

atha tatrāpi padmāni vicinvanbharatarṣabha |
anvapaśyatsa devendraṃ bisamadhyagataṃ sthitam || 11 ||
[Analyze grammar]

āgatya ca tatastūrṇaṃ tamācaṣṭa bṛhaspateḥ |
aṇumātreṇa vapuṣā padmatantvāśritaṃ prabhum || 12 ||
[Analyze grammar]

gatvā devarṣigandharvaiḥ sahito'tha bṛhaspatiḥ |
purāṇaiḥ karmabhirdevaṃ tuṣṭāva balasūdanam || 13 ||
[Analyze grammar]

mahāsuro hataḥ śakra namucirdāruṇastvayā |
śambaraśca balaścaiva tathobhau ghoravikramau || 14 ||
[Analyze grammar]

śatakrato vivardhasva sarvāñśatrūnniṣūdaya |
uttiṣṭha vajrinsaṃpaśya devarṣīṃśca samāgatān || 15 ||
[Analyze grammar]

mahendra dānavānhatvā lokāstrātāstvayā vibho |
apāṃ phenaṃ samāsādya viṣṇutejopabṛṃhitam |
tvayā vṛtro hataḥ pūrvaṃ devarāja jagatpate || 16 ||
[Analyze grammar]

tvaṃ sarvabhūteṣu vareṇya īḍyastvayā samaṃ vidyate neha bhūtam |
tvayā dhāryante sarvabhūtāni śakra tvaṃ devānāṃ mahimānaṃ cakartha || 17 ||
[Analyze grammar]

pāhi devānsalokāṃśca mahendra balamāpnuhi |
evaṃ saṃstūyamānaśca so'vardhata śanaiḥ śanaiḥ || 18 ||
[Analyze grammar]

svaṃ caiva vapurāsthāya babhūva sa balānvitaḥ |
abravīcca guruṃ devo bṛhaspatimupasthitam || 19 ||
[Analyze grammar]

kiṃ kāryamavaśiṣṭaṃ vo hatastvāṣṭro mahāsuraḥ |
vṛtraśca sumahākāyo grastuṃ lokāniyeṣa yaḥ || 20 ||
[Analyze grammar]

bṛhaspatiruvāca |
mānuṣo nahuṣo rājā devarṣigaṇatejasā |
devarājyamanuprāptaḥ sarvānno bādhate bhṛśam || 21 ||
[Analyze grammar]

indra uvāca |
kathaṃ nu nahuṣo rājyaṃ devānāṃ prāpa durlabham |
tapasā kena vā yuktaḥ kiṃvīryo vā bṛhaspate || 22 ||
[Analyze grammar]

bṛhaspatiruvāca |
devā bhītāḥ śakramakāmayanta tvayā tyaktaṃ mahadaindraṃ padaṃ tat |
tadā devāḥ pitaro'tharṣayaśca gandharvasaṃghāśca sametya sarve || 23 ||
[Analyze grammar]

gatvābruvannahuṣaṃ śakra tatra tvaṃ no rājā bhava bhuvanasya goptā |
tānabravīnnahuṣo nāsmi śakta āpyāyadhvaṃ tapasā tejasā ca || 24 ||
[Analyze grammar]

evamuktairvardhitaścāpi devai rājābhavannahuṣo ghoravīryaḥ |
trailokye ca prāpya rājyaṃ tapasvinaḥ kṛtvā vāhānyāti lokāndurātmā || 25 ||
[Analyze grammar]

tejoharaṃ dṛṣṭiviṣaṃ sughoraṃ mā tvaṃ paśyernahuṣaṃ vai kadācit |
devāśca sarve nahuṣaṃ bhayārtā na paśyanto gūḍharūpāścaranti || 26 ||
[Analyze grammar]

śalya uvāca |
evaṃ vadatyaṅgirasāṃ variṣṭhe bṛhaspatau lokapālaḥ kuberaḥ |
vaivasvataścaiva yamaḥ purāṇo devaśca somo varuṇaścājagāma || 27 ||
[Analyze grammar]

te vai samāgamya mahendramūcurdiṣṭyā tvāṣṭro nihataścaiva vṛtraḥ |
diṣṭyā ca tvāṃ kuśalinamakṣataṃ ca paśyāmo vai nihatāriṃ ca śakra || 28 ||
[Analyze grammar]

sa tānyathāvatpratibhāṣya śakraḥ saṃcodayannahuṣasyāntareṇa |
rājā devānāṃ nahuṣo ghorarūpastatra sāhyaṃ dīyatāṃ me bhavadbhiḥ || 29 ||
[Analyze grammar]

te cābruvannahuṣo ghorarūpo dṛṣṭīviṣastasya bibhīma deva |
tvaṃ cedrājannahuṣaṃ parājayestadvai vayaṃ bhāgamarhāma śakra || 30 ||
[Analyze grammar]

indro'bravīdbhavatu bhavānapāṃ patiryamaḥ kuberaśca mahābhiṣekam |
saṃprāpnuvantvadya sahaiva tena ripuṃ jayāmo nahuṣaṃ ghoradṛṣṭim || 31 ||
[Analyze grammar]

tataḥ śakraṃ jvalano'pyāha bhāgaṃ prayaccha mahyaṃ tava sāhyaṃ kariṣye |
tamāha śakro bhavitāgne tavāpi aindrāgno vai bhāga eko mahākratau || 32 ||
[Analyze grammar]

evaṃ saṃcintya bhagavānmahendraḥ pākaśāsanaḥ |
kuberaṃ sarvayakṣāṇāṃ dhanānāṃ ca prabhuṃ tathā || 33 ||
[Analyze grammar]

vaivasvataṃ pitṝṇāṃ ca varuṇaṃ cāpyapāṃ tathā |
ādhipatyaṃ dadau śakraḥ satkṛtya varadastadā || 34 ||
[Analyze grammar]