Chapter 284

janamejaya uvāca |
yattattadā mahābrahmaṃllomaśo vākyamabravīt |
indrasya vacanādetya pāṇḍuputraṃ yudhiṣṭhiram || 1 ||
[Analyze grammar]

yaccāpi te bhayaṃ tīvraṃ na ca kīrtayase kvacit |
taccāpyapahariṣyāmi savyasācāvihāgate || 2 ||
[Analyze grammar]

kiṃ nu tadviduṣāṃ śreṣṭha karṇaṃ prati mahadbhayam |
āsīnna ca sa dharmātmā kathayāmāsa kasyacit || 3 ||
[Analyze grammar]

vaiśaṃpāyana uvāca |
ahaṃ te rājaśārdūla kathayāmi kathāmimām |
pṛcchate bharataśreṣṭha śuśrūṣasva giraṃ mama || 4 ||
[Analyze grammar]

dvādaśe samatikrānte varṣe prāpte trayodaśe |
pāṇḍūnāṃ hitakṛcchakraḥ karṇaṃ bhikṣitumudyataḥ || 5 ||
[Analyze grammar]

abhiprāyamatho jñātvā mahendrasya vibhāvasuḥ |
kuṇḍalārthe mahārāja sūryaḥ karṇamupāgamat || 6 ||
[Analyze grammar]

mahārhe śayane vīraṃ spardhyāstaraṇasaṃvṛte |
śayānamabhiviśvastaṃ brahmaṇyaṃ satyavādinam || 7 ||
[Analyze grammar]

svapnānte niśi rājendra darśayāmāsa raśmivān |
kṛpayā parayāviṣṭaḥ putrasnehācca bhārata || 8 ||
[Analyze grammar]

brāhmaṇo vedavidbhūtvā sūryo yogāddhi rūpavān |
hitārthamabravītkarṇaṃ sāntvapūrvamidaṃ vacaḥ || 9 ||
[Analyze grammar]

karṇa madvacanaṃ tāta śṛṇu satyabhṛtāṃ vara |
bruvato'dya mahābāho sauhṛdātparamaṃ hitam || 10 ||
[Analyze grammar]

upāyāsyati śakrastvāṃ pāṇḍavānāṃ hitepsayā |
brāhmaṇacchadmanā karṇa kuṇḍalāpajihīrṣayā || 11 ||
[Analyze grammar]

viditaṃ tena śīlaṃ te sarvasya jagatastathā |
yathā tvaṃ bhikṣitaḥ sadbhirdadāsyeva na yācase || 12 ||
[Analyze grammar]

tvaṃ hi tāta dadāsyeva brāhmaṇebhyaḥ prayācitaḥ |
vittaṃ yaccānyadapyāhurna pratyākhyāsi karhicit || 13 ||
[Analyze grammar]

taṃ tvāmevaṃvidhaṃ jñātvā svayaṃ vai pākaśāsanaḥ |
āgantā kuṇḍalārthāya kavacaṃ caiva bhikṣitum || 14 ||
[Analyze grammar]

tasmai prayācamānāya na deye kuṇḍale tvayā |
anuneyaḥ paraṃ śaktyā śreya etaddhi te param || 15 ||
[Analyze grammar]

kuṇḍalārthe bruvaṃstāta kāraṇairbahubhistvayā |
anyairbahuvidhairvittaiḥ sa nivāryaḥ punaḥ punaḥ || 16 ||
[Analyze grammar]

ratnaiḥ strībhistathā bhogairdhanairbahuvidhairapi |
nidarśanaiśca bahubhiḥ kuṇḍalepsuḥ puraṃdaraḥ || 17 ||
[Analyze grammar]

yadi dāsyasi karṇa tvaṃ sahaje kuṇḍale śubhe |
āyuṣaḥ prakṣayaṃ gatvā mṛtyorvaśamupeṣyasi || 18 ||
[Analyze grammar]

kavacena ca saṃyuktaḥ kuṇḍalābhyāṃ ca mānada |
avadhyastvaṃ raṇe'rīṇāmiti viddhi vaco mama || 19 ||
[Analyze grammar]

amṛtādutthitaṃ hyetadubhayaṃ ratnasaṃbhavam |
tasmādrakṣyaṃ tvayā karṇa jīvitaṃ cetpriyaṃ tava || 20 ||
[Analyze grammar]

karṇa uvāca |
ko māmevaṃ bhavānprāha darśayansauhṛdaṃ param |
kāmayā bhagavanbrūhi ko bhavāndvijaveṣadhṛk || 21 ||
[Analyze grammar]

brāhmaṇa uvāca |
ahaṃ tāta sahasrāṃśuḥ sauhṛdāttvāṃ nidarśaye |
kuruṣvaitadvaco me tvametacchreyaḥ paraṃ hi te || 22 ||
[Analyze grammar]

karṇa uvāca |
śreya eva mamātyantaṃ yasya me gopatiḥ prabhuḥ |
pravaktādya hitānveṣī śṛṇu cedaṃ vaco mama || 23 ||
[Analyze grammar]

prasādaye tvāṃ varadaṃ praṇayācca bravīmyaham |
na nivāryo vratādasmādahaṃ yadyasmi te priyaḥ || 24 ||
[Analyze grammar]

vrataṃ vai mama loko'yaṃ vetti kṛtsno vibhāvaso |
yathāhaṃ dvijamukhyebhyo dadyāṃ prāṇānapi dhruvam || 25 ||
[Analyze grammar]

yadyāgacchati śakro māṃ brāhmaṇacchadmanāvṛtaḥ |
hitārthaṃ pāṇḍuputrāṇāṃ khecarottama bhikṣitum || 26 ||
[Analyze grammar]

dāsyāmi vibudhaśreṣṭha kuṇḍale varma cottamam |
na me kīrtiḥ praṇaśyeta triṣu lokeṣu viśrutā || 27 ||
[Analyze grammar]

madvidhasyāyaśasyaṃ hi na yuktaṃ prāṇarakṣaṇam |
yuktaṃ hi yaśasā yuktaṃ maraṇaṃ lokasaṃmatam || 28 ||
[Analyze grammar]

so'hamindrāya dāsyāmi kuṇḍale saha varmaṇā |
yadi māṃ balavṛtraghno bhikṣārthamupayāsyati || 29 ||
[Analyze grammar]

hitārthaṃ pāṇḍuputrāṇāṃ kuṇḍale me prayācitum |
tanme kīrtikaraṃ loke tasyākīrtirbhaviṣyati || 30 ||
[Analyze grammar]

vṛṇomi kīrtiṃ loke hi jīvitenāpi bhānuman |
kīrtimānaśnute svargaṃ hīnakīrtistu naśyati || 31 ||
[Analyze grammar]

kīrtirhi puruṣaṃ loke saṃjīvayati mātṛvat |
akīrtirjīvitaṃ hanti jīvato'pi śarīriṇaḥ || 32 ||
[Analyze grammar]

ayaṃ purāṇaḥ śloko hi svayaṃ gīto vibhāvaso |
dhātrā lokeśvara yathā kīrtirāyurnarasya vai || 33 ||
[Analyze grammar]

puruṣasya pare loke kīrtireva parāyaṇam |
iha loke viśuddhā ca kīrtirāyurvivardhanī || 34 ||
[Analyze grammar]

so'haṃ śarīraje dattvā kīrtiṃ prāpsyāmi śāśvatīm |
dattvā ca vidhivaddānaṃ brāhmaṇebhyo yathāvidhi || 35 ||
[Analyze grammar]

hutvā śarīraṃ saṃgrāme kṛtvā karma suduṣkaram |
vijitya vā parānājau yaśaḥ prāpsyāmi kevalam || 36 ||
[Analyze grammar]

bhītānāmabhayaṃ dattvā saṃgrāme jīvitārthinām |
vṛddhānbālāndvijātīṃśca mokṣayitvā mahābhayāt || 37 ||
[Analyze grammar]

prāpsyāmi paramaṃ loke yaśaḥ svarbhānusūdana |
jīvitenāpi me rakṣyā kīrtistadviddhi me vratam || 38 ||
[Analyze grammar]

so'haṃ dattvā maghavate bhikṣāmetāmanuttamām |
brāhmaṇacchadmine deva loke gantā parāṃ gatim || 39 ||
[Analyze grammar]