Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 272

< Previous

Next >

mārkaṇḍeya uvāca |
tataḥ śrutvā hataṃ saṃkhye kumbhakarṇaṃ sahānugam |
prahastaṃ ca maheṣvāsaṃ dhūmrākṣaṃ cātitejasam || 1 ||
[Analyze grammar]

putramindrajitaṃ śūraṃ rāvaṇaḥ pratyabhāṣata |
jahi rāmamamitraghna sugrīvaṃ ca salakṣmaṇam || 2 ||
[Analyze grammar]

tvayā hi mama satputra yaśo dīptamupārjitam |
jitvā vajradharaṃ saṃkhye sahasrākṣaṃ śacīpatim || 3 ||
[Analyze grammar]

antarhitaḥ prakāśo vā divyairdattavaraiḥ śaraiḥ |
jahi śatrūnamitraghna mama śastrabhṛtāṃ vara || 4 ||
[Analyze grammar]

rāmalakṣmaṇasugrīvāḥ śarasparśaṃ na te'nagha |
samarthāḥ pratisaṃsoḍhuṃ kutastadanuyāyinaḥ || 5 ||
[Analyze grammar]

akṛtā yā prahastena kumbhakarṇena cānagha |
kharasyāpacitiḥ saṃkhye tāṃ gacchasva mahābhuja || 6 ||
[Analyze grammar]

tvamadya niśitairbāṇairhatvā śatrūnsasainikān |
pratinandaya māṃ putra purā baddhveva vāsavam || 7 ||
[Analyze grammar]

ityuktaḥ sa tathetyuktvā rathamāsthāya daṃśitaḥ |
prayayāvindrajidrājaṃstūrṇamāyodhanaṃ prati || 8 ||
[Analyze grammar]

tatra viśrāvya vispaṣṭaṃ nāma rākṣasapuṃgavaḥ |
āhvayāmāsa samare lakṣmaṇaṃ śubhalakṣaṇam || 9 ||
[Analyze grammar]

taṃ lakṣmaṇo'pyabhyadhāvatpragṛhya saśaraṃ dhanuḥ |
trāsayaṃstalaghoṣeṇa siṃhaḥ kṣudramṛgaṃ yathā || 10 ||
[Analyze grammar]

tayoḥ samabhavadyuddhaṃ sumahajjayagṛddhinoḥ |
divyāstraviduṣostīvramanyonyaspardhinostadā || 11 ||
[Analyze grammar]

rāvaṇistu yadā nainaṃ viśeṣayati sāyakaiḥ |
tato gurutaraṃ yatnamātiṣṭhadbalināṃ varaḥ || 12 ||
[Analyze grammar]

tata enaṃ mahāvegairardayāmāsa tomaraiḥ |
tānāgatānsa ciccheda saumitrirniśitaiḥ śaraiḥ |
te nikṛttāḥ śaraistīkṣṇairnyapatanvasudhātale || 13 ||
[Analyze grammar]

tamaṅgado vālisutaḥ śrīmānudyamya pādapam |
abhidrutya mahāvegastāḍayāmāsa mūrdhani || 14 ||
[Analyze grammar]

tasyendrajidasaṃbhrāntaḥ prāsenorasi vīryavān |
prahartumaicchattaṃ cāsya prāsaṃ ciccheda lakṣmaṇaḥ || 15 ||
[Analyze grammar]

tamabhyāśagataṃ vīramaṅgadaṃ rāvaṇātmajaḥ |
gadayātāḍayatsavye pārśve vānarapuṃgavam || 16 ||
[Analyze grammar]

tamacintya prahāraṃ sa balavānvālinaḥ sutaḥ |
sasarjendrajitaḥ krodhācchālaskandhamamitrajit || 17 ||
[Analyze grammar]

so'ṅgadena ruṣotsṛṣṭo vadhāyendrajitastaruḥ |
jaghānendrajitaḥ pārtha rathaṃ sāśvaṃ sasārathim || 18 ||
[Analyze grammar]

tato hatāśvātpraskandya rathātsa hatasārathiḥ |
tatraivāntardadhe rājanmāyayā rāvaṇātmajaḥ || 19 ||
[Analyze grammar]

antarhitaṃ viditvā taṃ bahumāyaṃ ca rākṣasam |
rāmastaṃ deśamāgamya tatsainyaṃ paryarakṣata || 20 ||
[Analyze grammar]

sa rāmamuddiśya śaraistato dattavaraistadā |
vivyādha sarvagātreṣu lakṣmaṇaṃ ca mahāratham || 21 ||
[Analyze grammar]

tamadṛśyaṃ śaraiḥ śūrau māyayāntarhitaṃ tadā |
yodhayāmāsaturubhau rāvaṇiṃ rāmalakṣmaṇau || 22 ||
[Analyze grammar]

sa ruṣā sarvagātreṣu tayoḥ puruṣasiṃhayoḥ |
vyasṛjatsāyakānbhūyaḥ śataśo'tha sahasraśaḥ || 23 ||
[Analyze grammar]

tamadṛśyaṃ vicinvantaḥ sṛjantamaniśaṃ śarān |
harayo viviśurvyoma pragṛhya mahatīḥ śilāḥ || 24 ||
[Analyze grammar]

tāṃśca tau cāpyadṛśyaḥ sa śarairvivyādha rākṣasaḥ |
sa bhṛśaṃ tāḍayanvīro rāvaṇirmāyayāvṛtaḥ || 25 ||
[Analyze grammar]

tau śarairācitau vīrau bhrātarau rāmalakṣmaṇau |
petaturgaganādbhūmiṃ sūryācandramasāviva || 26 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 272

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!