Chapter 262

mārkaṇḍeya uvāca |
mārīcastvatha saṃbhrānto dṛṣṭvā rāvaṇamāgatam |
pūjayāmāsa satkāraiḥ phalamūlādibhistathā || 1 ||
[Analyze grammar]

viśrāntaṃ cainamāsīnamanvāsīnaḥ sa rākṣasaḥ |
uvāca praśritaṃ vākyaṃ vākyajño vākyakovidam || 2 ||
[Analyze grammar]

na te prakṛtimānvarṇaḥ kaccitkṣemaṃ pure tava |
kaccitprakṛtayaḥ sarvā bhajante tvāṃ yathā purā || 3 ||
[Analyze grammar]

kimihāgamane cāpi kāryaṃ te rākṣaseśvara |
kṛtamityeva tadviddhi yadyapi syātsuduṣkaram || 4 ||
[Analyze grammar]

śaśaṃsa rāvaṇastasmai tatsarvaṃ rāmaceṣṭitam |
mārīcastvabravīcchrutvā samāsenaiva rāvaṇam || 5 ||
[Analyze grammar]

alaṃ te rāmamāsādya vīryajño hyasmi tasya vai |
bāṇavegaṃ hi kastasya śaktaḥ soḍhuṃ mahātmanaḥ || 6 ||
[Analyze grammar]

pravrajyāyāṃ hi me hetuḥ sa eva puruṣarṣabhaḥ |
vināśamukhametatte kenākhyātaṃ durātmanā || 7 ||
[Analyze grammar]

tamuvācātha sakrodho rāvaṇaḥ paribhartsayan |
akurvato'smadvacanaṃ syānmṛtyurapi te dhruvam || 8 ||
[Analyze grammar]

mārīcaścintayāmāsa viśiṣṭānmaraṇaṃ varam |
avaśyaṃ maraṇe prāpte kariṣyāmyasya yanmatam || 9 ||
[Analyze grammar]

tatastaṃ pratyuvācātha mārīco rākṣaseśvaram |
kiṃ te sāhyaṃ mayā kāryaṃ kariṣyāmyavaśo'pi tat || 10 ||
[Analyze grammar]

tamabravīddaśagrīvo gaccha sītāṃ pralobhaya |
ratnaśṛṅgo mṛgo bhūtvā ratnacitratanūruhaḥ || 11 ||
[Analyze grammar]

dhruvaṃ sītā samālakṣya tvāṃ rāmaṃ codayiṣyati |
apakrānte ca kākutsthe sītā vaśyā bhaviṣyati || 12 ||
[Analyze grammar]

tāmādāyāpaneṣyāmi tataḥ sa na bhaviṣyati |
bhāryāviyogāddurbuddhiretatsāhyaṃ kuruṣva me || 13 ||
[Analyze grammar]

ityevamukto mārīcaḥ kṛtvodakamathātmanaḥ |
rāvaṇaṃ purato yāntamanvagacchatsuduḥkhitaḥ || 14 ||
[Analyze grammar]

tatastasyāśramaṃ gatvā rāmasyākliṣṭakarmaṇaḥ |
cakratustattathā sarvamubhau yatpūrvamantritam || 15 ||
[Analyze grammar]

rāvaṇastu yatirbhūtvā muṇḍaḥ kuṇḍī tridaṇḍadhṛk |
mṛgaśca bhūtvā mārīcastaṃ deśamupajagmatuḥ || 16 ||
[Analyze grammar]

darśayāmāsa vaidehīṃ mārīco mṛgarūpadhṛk |
codayāmāsa tasyārthe sā rāmaṃ vidhicoditā || 17 ||
[Analyze grammar]

rāmastasyāḥ priyaṃ kurvandhanurādāya satvaraḥ |
rakṣārthe lakṣmaṇaṃ nyasya prayayau mṛgalipsayā || 18 ||
[Analyze grammar]

sa dhanvī baddhatūṇīraḥ khaḍgagodhāṅgulitravān |
anvadhāvanmṛgaṃ rāmo rudrastārāmṛgaṃ yathā || 19 ||
[Analyze grammar]

so'ntarhitaḥ punastasya darśanaṃ rākṣaso vrajan |
cakarṣa mahadadhvānaṃ rāmastaṃ bubudhe tataḥ || 20 ||
[Analyze grammar]

niśācaraṃ viditvā taṃ rāghavaḥ pratibhānavān |
amoghaṃ śaramādāya jaghāna mṛgarūpiṇam || 21 ||
[Analyze grammar]

sa rāmabāṇābhihataḥ kṛtvā rāmasvaraṃ tadā |
hā sīte lakṣmaṇetyevaṃ cukrośārtasvareṇa ha || 22 ||
[Analyze grammar]

śuśrāva tasya vaidehī tatastāṃ karuṇāṃ giram |
sā prādravadyataḥ śabdastāmuvācātha lakṣmaṇaḥ || 23 ||
[Analyze grammar]

alaṃ te śaṅkayā bhīru ko rāmaṃ viṣahiṣyati |
muhūrtāddrakṣyase rāmamāgataṃ taṃ śucismite || 24 ||
[Analyze grammar]

ityuktvā sā prarudatī paryaśaṅkata devaram |
hatā vai strīsvabhāvena śuddhacāritrabhūṣaṇam || 25 ||
[Analyze grammar]

sā taṃ paruṣamārabdhā vaktuṃ sādhvī pativratā |
naiṣa kālo bhavenmūḍha yaṃ tvaṃ prārthayase hṛdā || 26 ||
[Analyze grammar]

apyahaṃ śastramādāya hanyāmātmānamātmanā |
pateyaṃ giriśṛṅgādvā viśeyaṃ vā hutāśanam || 27 ||
[Analyze grammar]

rāmaṃ bhartāramutsṛjya na tvahaṃ tvāṃ kathaṃcana |
nihīnamupatiṣṭheyaṃ śārdūlī kroṣṭukaṃ yathā || 28 ||
[Analyze grammar]

etādṛśaṃ vacaḥ śrutvā lakṣmaṇaḥ priyarāghavaḥ |
pidhāya karṇau sadvṛttaḥ prasthito yena rāghavaḥ |
sa rāmasya padaṃ gṛhya prasasāra dhanurdharaḥ || 29 ||
[Analyze grammar]

etasminnantare rakṣo rāvaṇaḥ pratyadṛśyata |
abhavyo bhavyarūpeṇa bhasmacchanna ivānalaḥ |
yativeṣapraticchanno jihīrṣustāmaninditām || 30 ||
[Analyze grammar]

sā tamālakṣya saṃprāptaṃ dharmajñā janakātmajā |
nimantrayāmāsa tadā phalamūlāśanādibhiḥ || 31 ||
[Analyze grammar]

avamanya sa tatsarvaṃ svarūpaṃ pratipadya ca |
sāntvayāmāsa vaidehīmiti rākṣasapuṃgavaḥ || 32 ||
[Analyze grammar]

sīte rākṣasarājo'haṃ rāvaṇo nāma viśrutaḥ |
mama laṅkā purī nāmnā ramyā pāre mahodadheḥ || 33 ||
[Analyze grammar]

tatra tvaṃ varanārīṣu śobhiṣyasi mayā saha |
bhāryā me bhava suśroṇi tāpasaṃ tyaja rāghavam || 34 ||
[Analyze grammar]

evamādīni vākyāni śrutvā sītātha jānakī |
pidhāya karṇau suśroṇī maivamityabravīdvacaḥ || 35 ||
[Analyze grammar]

prapateddyauḥ sanakṣatrā pṛthivī śakalībhavet |
śaityamagniriyānnāhaṃ tyajeyaṃ raghunandanam || 36 ||
[Analyze grammar]

kathaṃ hi bhinnakaraṭaṃ padminaṃ vanagocaram |
upasthāya mahānāgaṃ kareṇuḥ sūkaraṃ spṛśet || 37 ||
[Analyze grammar]

kathaṃ hi pītvā mādhvīkaṃ pītvā ca madhumādhavīm |
lobhaṃ sauvīrake kuryānnārī kāciditi smare || 38 ||
[Analyze grammar]

iti sā taṃ samābhāṣya praviveśāśramaṃ punaḥ |
tāmanudrutya suśroṇīṃ rāvaṇaḥ pratyaṣedhayat || 39 ||
[Analyze grammar]

bhartsayitvā tu rūkṣeṇa svareṇa gatacetanām |
mūrdhajeṣu nijagrāha khamupācakrame tataḥ || 40 ||
[Analyze grammar]

tāṃ dadarśa tadā gṛdhro jaṭāyurgirigocaraḥ |
rudatīṃ rāma rāmeti hriyamāṇāṃ tapasvinīm || 41 ||
[Analyze grammar]