Chapter 213

mārkaṇḍeya uvāca |
agnīnāṃ vividho vaṃśaḥ kīrtitaste mayānagha |
śṛṇu janma tu kauravya kārttikeyasya dhīmataḥ || 1 ||
[Analyze grammar]

adbhutasyādbhutaṃ putraṃ pravakṣyāmyamitaujasam |
jātaṃ saptarṣibhāryābhirbrahmaṇyaṃ kīrtivardhanam || 2 ||
[Analyze grammar]

devāsurāḥ purā yattā vinighnantaḥ parasparam |
tatrājayansadā devāndānavā ghorarūpiṇaḥ || 3 ||
[Analyze grammar]

vadhyamānaṃ balaṃ dṛṣṭvā bahuśastaiḥ puraṃdaraḥ |
svasainyanāyakārthāya cintāmāpa bhṛśaṃ tadā || 4 ||
[Analyze grammar]

devasenāṃ dānavairyo bhagnāṃ dṛṣṭvā mahābalaḥ |
pālayedvīryamāśritya sa jñeyaḥ puruṣo mayā || 5 ||
[Analyze grammar]

sa śailaṃ mānasaṃ gatvā dhyāyannarthamimaṃ bhṛśam |
śuśrāvārtasvaraṃ ghoramatha muktaṃ striyā tadā || 6 ||
[Analyze grammar]

abhidhāvatu mā kaścitpuruṣastrātu caiva ha |
patiṃ ca me pradiśatu svayaṃ vā patirastu me || 7 ||
[Analyze grammar]

puraṃdarastu tāmāha mā bhairnāsti bhayaṃ tava |
evamuktvā tato'paśyatkeśinaṃ sthitamagrataḥ || 8 ||
[Analyze grammar]

kirīṭinaṃ gadāpāṇiṃ dhātumantamivācalam |
haste gṛhītvā tāṃ kanyāmathainaṃ vāsavo'bravīt || 9 ||
[Analyze grammar]

anāryakarmankasmāttvamimāṃ kanyāṃ jihīrṣasi |
vajriṇaṃ māṃ vijānīhi viramāsyāḥ prabādhanāt || 10 ||
[Analyze grammar]

keśyuvāca |
visṛjasva tvamevaināṃ śakraiṣā prārthitā mayā |
kṣamaṃ te jīvato gantuṃ svapuraṃ pākaśāsana || 11 ||
[Analyze grammar]

mārkaṇḍeya uvāca |
evamuktvā gadāṃ keśī cikṣependravadhāya vai |
tāmāpatantīṃ ciccheda madhye vajreṇa vāsavaḥ || 12 ||
[Analyze grammar]

athāsya śailaśikharaṃ keśī kruddho vyavāsṛjat |
tadāpatantaṃ saṃprekṣya śailaśṛṅgaṃ śatakratuḥ |
bibheda rājanvajreṇa bhuvi tannipapāta ha || 13 ||
[Analyze grammar]

patatā tu tadā keśī tena śṛṅgeṇa tāḍitaḥ |
hitvā kanyāṃ mahābhāgāṃ prādravadbhṛśapīḍitaḥ || 14 ||
[Analyze grammar]

apayāte'sure tasmiṃstāṃ kanyāṃ vāsavo'bravīt |
kāsi kasyāsi kiṃ ceha kuruṣe tvaṃ śubhānane || 15 ||
[Analyze grammar]

kanyovāca |
ahaṃ prajāpateḥ kanyā devaseneti viśrutā |
bhaginī daityasenā me sā pūrvaṃ keśinā hṛtā || 16 ||
[Analyze grammar]

sahaivāvāṃ bhaginyau tu sakhībhiḥ saha mānasam |
āgacchāveha ratyarthamanujñāpya prajāpatim || 17 ||
[Analyze grammar]

nityaṃ cāvāṃ prārthayate hartuṃ keśī mahāsuraḥ |
icchatyenaṃ daityasenā na tvahaṃ pākaśāsana || 18 ||
[Analyze grammar]

sā hṛtā tena bhagavanmuktāhaṃ tvadbalena tu |
tvayā devendra nirdiṣṭaṃ patimicchāmi durjayam || 19 ||
[Analyze grammar]

indra uvāca |
mama mātṛṣvaseyā tvaṃ mātā dākṣāyaṇī mama |
ākhyātaṃ tvahamicchāmi svayamātmabalaṃ tvayā || 20 ||
[Analyze grammar]

kanyovāca |
abalāhaṃ mahābāho patistu balavānmama |
varadānātpiturbhāvī surāsuranamaskṛtaḥ || 21 ||
[Analyze grammar]

indra uvāca |
kīdṛśaṃ vai balaṃ devi patyustava bhaviṣyati |
etadicchāmyahaṃ śrotuṃ tava vākyamanindite || 22 ||
[Analyze grammar]

kanyovāca |
devadānavayakṣāṇāṃ kiṃnaroragarakṣasām |
jetā sa dṛṣṭo duṣṭānāṃ mahāvīryo mahābalaḥ || 23 ||
[Analyze grammar]

yastu sarvāṇi bhūtāni tvayā saha vijeṣyati |
sa hi me bhavitā bhartā brahmaṇyaḥ kīrtivardhanaḥ || 24 ||
[Analyze grammar]

mārkaṇḍeya uvāca |
indrastasyā vacaḥ śrutvā duḥkhito'cintayadbhṛśam |
asyā devyāḥ patirnāsti yādṛśaṃ saṃprabhāṣate || 25 ||
[Analyze grammar]

athāpaśyatsa udaye bhāskaraṃ bhāskaradyutiḥ |
somaṃ caiva mahābhāgaṃ viśamānaṃ divākaram || 26 ||
[Analyze grammar]

amāvāsyāṃ saṃpravṛttaṃ muhūrtaṃ raudrameva ca |
devāsuraṃ ca saṃgrāmaṃ so'paśyadudaye girau || 27 ||
[Analyze grammar]

lohitaiśca ghanairyuktāṃ pūrvāṃ saṃdhyāṃ śatakratuḥ |
apaśyallohitodaṃ ca bhagavānvaruṇālayam || 28 ||
[Analyze grammar]

bhṛgubhiścāṅgirobhiśca hutaṃ mantraiḥ pṛthagvidhaiḥ |
havyaṃ gṛhītvā vahniṃ ca praviśantaṃ divākaram || 29 ||
[Analyze grammar]

parva caiva caturviṃśaṃ tadā sūryamupasthitam |
tathā dharmagataṃ raudraṃ somaṃ sūryagataṃ ca tam || 30 ||
[Analyze grammar]

samālokyaikatāmeva śaśino bhāskarasya ca |
samavāyaṃ tu taṃ raudraṃ dṛṣṭvā śakro vyacintayat || 31 ||
[Analyze grammar]

eṣa raudraśca saṃghāto mahānyuktaśca tejasā |
somasya vahnisūryābhyāmadbhuto'yaṃ samāgamaḥ |
janayedyaṃ sutaṃ somaḥ so'syā devyāḥ patirbhavet || 32 ||
[Analyze grammar]

agniścaitairguṇairyuktaḥ sarvairagniśca devatā |
eṣa cejjanayedgarbhaṃ so'syā devyāḥ patirbhavet || 33 ||
[Analyze grammar]

evaṃ saṃcintya bhagavānbrahmalokaṃ tadā gataḥ |
gṛhītvā devasenāṃ tāmavandatsa pitāmaham |
uvāca cāsyā devyāstvaṃ sādhu śūraṃ patiṃ diśa || 34 ||
[Analyze grammar]

brahmovāca |
yathaitaccintitaṃ kāryaṃ tvayā dānavasūdana |
tathā sa bhavitā garbho balavānuruvikramaḥ || 35 ||
[Analyze grammar]

sa bhaviṣyati senānīstvayā saha śatakrato |
asyā devyāḥ patiścaiva sa bhaviṣyati vīryavān || 36 ||
[Analyze grammar]

mārkaṇḍeya uvāca |
etacchrutvā namastasmai kṛtvāsau saha kanyayā |
tatrābhyagacchaddevendro yatra devarṣayo'bhavan |
vasiṣṭhapramukhā mukhyā viprendrāḥ sumahāvratāḥ || 37 ||
[Analyze grammar]

bhāgārthaṃ tapasopāttaṃ teṣāṃ somaṃ tathādhvare |
pipāsavo yayurdevāḥ śatakratupurogamāḥ || 38 ||
[Analyze grammar]

iṣṭiṃ kṛtvā yathānyāyaṃ susamiddhe hutāśane |
juhuvuste mahātmāno havyaṃ sarvadivaukasām || 39 ||
[Analyze grammar]

samāhūto hutavahaḥ so'dbhutaḥ sūryamaṇḍalāt |
viniḥsṛtyāyayau vahnirvāgyato vidhivatprabhuḥ |
āgamyāhavanīyaṃ vai tairdvijairmantrato hutam || 40 ||
[Analyze grammar]

sa tatra vividhaṃ havyaṃ pratigṛhya hutāśanaḥ |
ṛṣibhyo bharataśreṣṭha prāyacchata divaukasām || 41 ||
[Analyze grammar]

niṣkrāmaṃścāpyapaśyatsa patnīsteṣāṃ mahātmanām |
sveṣvāśrameṣūpaviṣṭāḥ snāyantīśca yathāsukham || 42 ||
[Analyze grammar]

rukmavedinibhāstāstu candralekhā ivāmalāḥ |
hutāśanārcipratimāḥ sarvāstārā ivādbhutāḥ || 43 ||
[Analyze grammar]

sa tadgatena manasā babhūva kṣubhitendriyaḥ |
patnīrdṛṣṭvā dvijendrāṇāṃ vahniḥ kāmavaśaṃ yayau || 44 ||
[Analyze grammar]

sa bhūyaścintayāmāsa na nyāyyaṃ kṣubhito'smi yat |
sādhvīḥ patnīrdvijendrāṇāmakāmāḥ kāmayāmyaham || 45 ||
[Analyze grammar]

naitāḥ śakyā mayā draṣṭuṃ spraṣṭuṃ vāpyanimittataḥ |
gārhapatyaṃ samāviśya tasmātpaśyāmyabhīkṣṇaśaḥ || 46 ||
[Analyze grammar]

saṃspṛśanniva sarvāstāḥ śikhābhiḥ kāñcanaprabhāḥ |
paśyamānaśca mumude gārhapatyaṃ samāśritaḥ || 47 ||
[Analyze grammar]

niruṣya tatra suciramevaṃ vahnirvaśaṃ gataḥ |
manastāsu vinikṣipya kāmayāno varāṅganāḥ || 48 ||
[Analyze grammar]

kāmasaṃtaptahṛdayo dehatyāge suniścitaḥ |
alābhe brāhmaṇastrīṇāmagnirvanamupāgataḥ || 49 ||
[Analyze grammar]

svāhā taṃ dakṣaduhitā prathamaṃ kāmayattadā |
sā tasya chidramanvaicchaccirātprabhṛti bhāminī |
apramattasya devasya na cāpaśyadaninditā || 50 ||
[Analyze grammar]

sā taṃ jñātvā yathāvattu vahniṃ vanamupāgatam |
tattvataḥ kāmasaṃtaptaṃ cintayāmāsa bhāminī || 51 ||
[Analyze grammar]

ahaṃ saptarṣipatnīnāṃ kṛtvā rūpāṇi pāvakam |
kāmayiṣyāmi kāmārtaṃ tāsāṃ rūpeṇa mohitam |
evaṃ kṛte prītirasya kāmāvāptiśca me bhavet || 52 ||
[Analyze grammar]