Chapter 200

mārkaṇḍeya uvāca |
dharmavyādhastu nipuṇaṃ punareva yudhiṣṭhira |
viprarṣabhamuvācedaṃ sarvadharmabhṛtāṃ varaḥ || 1 ||
[Analyze grammar]

śrutipramāṇo dharmo hi vṛddhānāmiti bhāṣitam |
sūkṣmā gatirhi dharmasya bahuśākhā hyanantikā || 2 ||
[Analyze grammar]

prāṇātyaye vivāhe ca vaktavyamanṛtaṃ bhavet |
anṛtaṃ ca bhavetsatyaṃ satyaṃ caivānṛtaṃ bhavet || 3 ||
[Analyze grammar]

yadbhūtahitamatyantaṃ tatsatyamiti dhāraṇā |
viparyayakṛto'dharmaḥ paśya dharmasya sūkṣmatām || 4 ||
[Analyze grammar]

yatkarotyaśubhaṃ karma śubhaṃ vā dvijasattama |
avaśyaṃ tatsamāpnoti puruṣo nātra saṃśayaḥ || 5 ||
[Analyze grammar]

viṣamāṃ ca daśāṃ prāpya devāngarhati vai bhṛśam |
ātmanaḥ karmadoṣāṇi na vijānātyapaṇḍitaḥ || 6 ||
[Analyze grammar]

mūḍho naikṛtikaścāpi capalaśca dvijottama |
sukhaduḥkhaviparyāso yadā samupapadyate |
nainaṃ prajñā sunītaṃ vā trāyate naiva pauruṣam || 7 ||
[Analyze grammar]

yo yamicchedyathā kāmaṃ taṃ taṃ kāmaṃ samaśnuyāt |
yadi syādaparādhīnaṃ puruṣasya kriyāphalam || 8 ||
[Analyze grammar]

saṃyatāścāpi dakṣāśca matimantaśca mānavāḥ |
dṛśyante niṣphalāḥ santaḥ prahīṇāḥ sarvakarmabhiḥ || 9 ||
[Analyze grammar]

bhūtānāmaparaḥ kaściddhiṃsāyāṃ satatotthitaḥ |
vañcanāyāṃ ca lokasya sa sukheneha jīvati || 10 ||
[Analyze grammar]

aceṣṭamānamāsīnaṃ śrīḥ kaṃcidupatiṣṭhati |
kaścitkarmāṇi kurvanhi na prāpyamadhigacchati || 11 ||
[Analyze grammar]

devāniṣṭvā tapastaptvā kṛpaṇaiḥ putragṛddhibhiḥ |
daśamāsadhṛtā garbhe jāyante kulapāṃsanāḥ || 12 ||
[Analyze grammar]

apare dhanadhānyaiśca bhogaiśca pitṛsaṃcitaiḥ |
vipulairabhijāyante labdhāstaireva maṅgalaiḥ || 13 ||
[Analyze grammar]

karmajā hi manuṣyāṇāṃ rogā nāstyatra saṃśayaḥ |
ādhibhiścaiva bādhyante vyādhaiḥ kṣudramṛgā iva || 14 ||
[Analyze grammar]

te cāpi kuśalairvaidyairnipuṇaiḥ saṃbhṛtauṣadhaiḥ |
vyādhayo vinivāryante mṛgā vyādhairiva dvija || 15 ||
[Analyze grammar]

yeṣāmasti ca bhoktavyaṃ grahaṇīdoṣapīḍitāḥ |
na śaknuvanti te bhoktuṃ paśya dharmabhṛtāṃ vara || 16 ||
[Analyze grammar]

apare bāhubalinaḥ kliśyante bahavo janāḥ |
duḥkhena cādhigacchanti bhojanaṃ dvijasattama || 17 ||
[Analyze grammar]

iti lokamanākrandaṃ mohaśokapariplutam |
srotasāsakṛdākṣiptaṃ hriyamāṇaṃ balīyasā || 18 ||
[Analyze grammar]

na mriyeyurna jīryeyuḥ sarve syuḥ sārvakāmikāḥ |
nāpriyaṃ pratipaśyeyurvaśitvaṃ yadi vai bhavet || 19 ||
[Analyze grammar]

uparyupari lokasya sarvo gantuṃ samīhate |
yatate ca yathāśakti na ca tadvartate tathā || 20 ||
[Analyze grammar]

bahavaḥ saṃpradṛśyante tulyanakṣatramaṅgalāḥ |
mahacca phalavaiṣamyaṃ dṛśyate karmasaṃdhiṣu || 21 ||
[Analyze grammar]

na kaścidīśate brahmansvayaṃgrāhasya sattama |
karmaṇāṃ prākṛtānāṃ vai iha siddhiḥ pradṛśyate || 22 ||
[Analyze grammar]

yathā śrutiriyaṃ brahmañjīvaḥ kila sanātanaḥ |
śarīramadhruvaṃ loke sarveṣāṃ prāṇināmiha || 23 ||
[Analyze grammar]

vadhyamāne śarīre tu dehanāśo bhavatyuta |
jīvaḥ saṃkramate'nyatra karmabandhanibandhanaḥ || 24 ||
[Analyze grammar]

brāhmaṇa uvāca |
kathaṃ dharmabhṛtāṃ śreṣṭha jīvo bhavati śāśvataḥ |
etadicchāmyahaṃ jñātuṃ tattvena vadatāṃ vara || 25 ||
[Analyze grammar]

vyādha uvāca |
na jīvanāśo'sti hi dehabhede mithyaitadāhurmriyateti mūḍhāḥ |
jīvastu dehāntaritaḥ prayāti daśārdhataivāsya śarīrabhedaḥ || 26 ||
[Analyze grammar]

anyo hi nāśnāti kṛtaṃ hi karma sa eva kartā sukhaduḥkhabhāgī |
yattena kiṃciddhi kṛtaṃ hi karma tadaśnute nāsti kṛtasya nāśaḥ || 27 ||
[Analyze grammar]

apuṇyaśīlāśca bhavanti puṇyā narottamāḥ pāpakṛto bhavanti |
naro'nuyātastviha karmabhiḥ svaistataḥ samutpadyati bhāvitastaiḥ || 28 ||
[Analyze grammar]

brāhmaṇa uvāca |
kathaṃ saṃbhavate yonau kathaṃ vā puṇyapāpayoḥ |
jātīḥ puṇyā hyapuṇyāśca kathaṃ gacchati sattama || 29 ||
[Analyze grammar]

vyādha uvāca |
garbhādhānasamāyuktaṃ karmedaṃ saṃpradṛśyate |
samāsena tu te kṣipraṃ pravakṣyāmi dvijottama || 30 ||
[Analyze grammar]

yathā saṃbhṛtasaṃbhāraḥ punareva prajāyate |
śubhakṛcchubhayonīṣu pāpakṛtpāpayoniṣu || 31 ||
[Analyze grammar]

śubhaiḥ prayogairdevatvaṃ vyāmiśrairmānuṣo bhavet |
mohanīyairviyonīṣu tvadhogāmī ca kilbiṣaiḥ || 32 ||
[Analyze grammar]

jātimṛtyujarāduḥkhaiḥ satataṃ samabhidrutaḥ |
saṃsāre pacyamānaśca doṣairātmakṛtairnaraḥ || 33 ||
[Analyze grammar]

tiryagyonisahasrāṇi gatvā narakameva ca |
jīvāḥ saṃparivartante karmabandhanibandhanāḥ || 34 ||
[Analyze grammar]

jantustu karmabhistaistaiḥ svakṛtaiḥ pretya duḥkhitaḥ |
tadduḥkhapratighātārthamapuṇyāṃ yonimaśnute || 35 ||
[Analyze grammar]

tataḥ karma samādatte punaranyannavaṃ bahu |
pacyate tu punastena bhuktvāpathyamivāturaḥ || 36 ||
[Analyze grammar]

ajasrameva duḥkhārto'duḥkhitaḥ sukhasaṃjñitaḥ |
tato'nivṛttabandhatvātkarmaṇāmudayādapi |
parikrāmati saṃsāre cakravadbahuvedanaḥ || 37 ||
[Analyze grammar]

sa cennivṛttabandhastu viśuddhaścāpi karmabhiḥ |
prāpnoti sukṛtāṃllokānyatra gatvā na śocati || 38 ||
[Analyze grammar]

pāpaṃ kurvanpāpavṛttaḥ pāpasyāntaṃ na gacchati |
tasmātpuṇyaṃ yatetkartuṃ varjayeta ca pātakam || 39 ||
[Analyze grammar]

anasūyuḥ kṛtajñaśca kalyāṇānyeva sevate |
sukhāni dharmamarthaṃ ca svargaṃ ca labhate naraḥ || 40 ||
[Analyze grammar]

saṃskṛtasya hi dāntasya niyatasya yatātmanaḥ |
prājñasyānantarā vṛttiriha loke paratra ca || 41 ||
[Analyze grammar]

satāṃ dharmeṇa varteta kriyāṃ śiṣṭavadācaret |
asaṃkleśena lokasya vṛttiṃ lipseta vai dvija || 42 ||
[Analyze grammar]

santi hyāgatavijñānāḥ śiṣṭāḥ śāstravicakṣaṇāḥ |
svadharmeṇa kriyā loke karmaṇaḥ so'pyasaṃkaraḥ || 43 ||
[Analyze grammar]

prājño dharmeṇa ramate dharmaṃ caivopajīvati |
tasya dharmādavāpteṣu dhaneṣu dvijasattama |
tasyaiva siñcate mūlaṃ guṇānpaśyati yatra vai || 44 ||
[Analyze grammar]

dharmātmā bhavati hyevaṃ cittaṃ cāsya prasīdati |
sa maitrajanasaṃtuṣṭa iha pretya ca nandati || 45 ||
[Analyze grammar]

śabdaṃ sparśaṃ tathā rūpaṃ gandhāniṣṭāṃśca sattama |
prabhutvaṃ labhate cāpi dharmasyaitatphalaṃ viduḥ || 46 ||
[Analyze grammar]

dharmasya ca phalaṃ labdhvā na tṛpyati mahādvija |
atṛpyamāṇo nirvedamādatte jñānacakṣuṣā || 47 ||
[Analyze grammar]

prajñācakṣurnara iha doṣaṃ naivānurudhyate |
virajyati yathākāmaṃ na ca dharmaṃ vimuñcati || 48 ||
[Analyze grammar]

sarvatyāge ca yatate dṛṣṭvā lokaṃ kṣayātmakam |
tato mokṣe prayatate nānupāyādupāyataḥ || 49 ||
[Analyze grammar]

evaṃ nirvedamādatte pāpaṃ karma jahāti ca |
dhārmikaścāpi bhavati mokṣaṃ ca labhate param || 50 ||
[Analyze grammar]

tapo niḥśreyasaṃ jantostasya mūlaṃ śamo damaḥ |
tena sarvānavāpnoti kāmānyānmanasecchati || 51 ||
[Analyze grammar]

indriyāṇāṃ nirodhena satyena ca damena ca |
brahmaṇaḥ padamāpnoti yatparaṃ dvijasattama || 52 ||
[Analyze grammar]

brāhmaṇa uvāca |
indriyāṇi tu yānyāhuḥ kāni tāni yatavrata |
nigrahaśca kathaṃ kāryo nigrahasya ca kiṃ phalam || 53 ||
[Analyze grammar]

kathaṃ ca phalamāpnoti teṣāṃ dharmabhṛtāṃ vara |
etadicchāmi tattvena dharmaṃ jñātuṃ sudhārmika || 54 ||
[Analyze grammar]