Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

vaiśaṃpāyana uvāca |
tataḥ sa punarevātha mārkaṇḍeyaṃ yaśasvinam |
papraccha vinayopeto dharmarājo yudhiṣṭhiraḥ || 1 ||
[Analyze grammar]

naike yugasahasrāntāstvayā dṛṣṭā mahāmune |
na cāpīha samaḥ kaścidāyuṣā tava vidyate |
varjayitvā mahātmānaṃ brāhmaṇaṃ parameṣṭhinam || 2 ||
[Analyze grammar]

anantarikṣe loke'smindevadānavavarjite |
tvameva pralaye vipra brahmāṇamupatiṣṭhasi || 3 ||
[Analyze grammar]

pralaye cāpi nirvṛtte prabuddhe ca pitāmahe |
tvameva sṛjyamānāni bhūtānīha prapaśyasi || 4 ||
[Analyze grammar]

caturvidhāni viprarṣe yathāvatparameṣṭhinā |
vāyubhūtā diśaḥ kṛtvā vikṣipyāpastatastataḥ || 5 ||
[Analyze grammar]

tvayā lokaguruḥ sākṣātsarvalokapitāmahaḥ |
ārādhito dvijaśreṣṭha tatpareṇa samādhinā || 6 ||
[Analyze grammar]

tasmātsarvāntako mṛtyurjarā vā dehanāśinī |
na tvā viśati viprarṣe prasādātparameṣṭhinaḥ || 7 ||
[Analyze grammar]

yadā naiva ravirnāgnirna vāyurna ca candramāḥ |
naivāntarikṣaṃ naivorvī śeṣaṃ bhavati kiṃcana || 8 ||
[Analyze grammar]

tasminnekārṇave loke naṣṭe sthāvarajaṅgame |
naṣṭe devāsuragaṇe samutsannamahorage || 9 ||
[Analyze grammar]

śayānamamitātmānaṃ padme padmaniketanam |
tvamekaḥ sarvabhūteśaṃ brahmāṇamupatiṣṭhasi || 10 ||
[Analyze grammar]

etatpratyakṣataḥ sarvaṃ pūrvavṛttaṃ dvijottama |
tasmādicchāmahe śrotuṃ sarvahetvātmikāṃ kathām || 11 ||
[Analyze grammar]

anubhūtaṃ hi bahuśastvayaikena dvijottama |
na te'styaviditaṃ kiṃcitsarvalokeṣu nityadā || 12 ||
[Analyze grammar]

mārkaṇḍeya uvāca |
hanta te kathayiṣyāmi namaskṛtvā svayambhuve |
puruṣāya purāṇāya śāśvatāyāvyayāya ca || 13 ||
[Analyze grammar]

ya eṣa pṛthudīrghākṣaḥ pītavāsā janārdanaḥ |
eṣa kartā vikartā ca sarvabhāvanabhūtakṛt || 14 ||
[Analyze grammar]

acintyaṃ mahadāścaryaṃ pavitramapi cottamam |
anādinidhanaṃ bhūtaṃ viśvamakṣayamavyayam || 15 ||
[Analyze grammar]

eṣa kartā na kriyate kāraṇaṃ cāpi pauruṣe |
yo hyenaṃ puruṣaṃ vetti devā api na taṃ viduḥ || 16 ||
[Analyze grammar]

sarvamāścaryamevaitannirvṛttaṃ rājasattama |
ādito manujavyāghra kṛtsnasya jagataḥ kṣaye || 17 ||
[Analyze grammar]

catvāryāhuḥ sahasrāṇi varṣāṇāṃ tatkṛtaṃ yugam |
tasya tāvacchatī saṃdhyā saṃdhyāṃśaśca tataḥ param || 18 ||
[Analyze grammar]

trīṇi varṣasahasrāṇi tretāyugamihocyate |
tasya tāvacchatī saṃdhyā saṃdhyāṃśaśca tataḥ param || 19 ||
[Analyze grammar]

tathā varṣasahasre dve dvāparaṃ parimāṇataḥ |
tasyāpi dviśatī saṃdhyā saṃdhyāṃśaśca tataḥ param || 20 ||
[Analyze grammar]

sahasramekaṃ varṣāṇāṃ tataḥ kaliyugaṃ smṛtam |
tasya varṣaśataṃ saṃdhyā saṃdhyāṃśaśca tataḥ param |
saṃdhyāsaṃdhyāṃśayostulyaṃ pramāṇamupadhāraya || 21 ||
[Analyze grammar]

kṣīṇe kaliyuge caiva pravartati kṛtaṃ yugam |
eṣā dvādaśasāhasrī yugākhyā parikīrtitā || 22 ||
[Analyze grammar]

etatsahasraparyantamaho brāhmamudāhṛtam |
viśvaṃ hi brahmabhavane sarvaśaḥ parivartate |
lokānāṃ manujavyāghra pralayaṃ taṃ vidurbudhāḥ || 23 ||
[Analyze grammar]

alpāvaśiṣṭe tu tadā yugānte bharatarṣabha |
sahasrānte narāḥ sarve prāyaśo'nṛtavādinaḥ || 24 ||
[Analyze grammar]

yajñapratinidhiḥ pārtha dānapratinidhistathā |
vratapratinidhiścaiva tasminkāle pravartate || 25 ||
[Analyze grammar]

brāhmaṇāḥ śūdrakarmāṇastathā śūdrā dhanārjakāḥ |
kṣatradharmeṇa vāpyatra vartayanti gate yuge || 26 ||
[Analyze grammar]

nivṛttayajñasvādhyāyāḥ piṇḍodakavivarjitāḥ |
brāhmaṇāḥ sarvabhakṣāśca bhaviṣyanti kalau yuge || 27 ||
[Analyze grammar]

ajapā brāhmaṇāstāta śūdrā japaparāyaṇāḥ |
viparīte tadā loke pūrvarūpaṃ kṣayasya tat || 28 ||
[Analyze grammar]

bahavo mleccharājānaḥ pṛthivyāṃ manujādhipa |
mithyānuśāsinaḥ pāpā mṛṣāvādaparāyaṇāḥ || 29 ||
[Analyze grammar]

āndhrāḥ śakāḥ pulindāśca yavanāśca narādhipāḥ |
kāmbojā aurṇikāḥ śūdrāstathābhīrā narottama || 30 ||
[Analyze grammar]

na tadā brāhmaṇaḥ kaścitsvadharmamupajīvati |
kṣatriyā api vaiśyāśca vikarmasthā narādhipa || 31 ||
[Analyze grammar]

alpāyuṣaḥ svalpabalā alpatejaḥparākramāḥ |
alpadehālpasārāśca tathā satyālpabhāṣiṇaḥ || 32 ||
[Analyze grammar]

bahuśūnyā janapadā mṛgavyālāvṛtā diśaḥ |
yugānte samanuprāpte vṛthā ca brahmacāriṇaḥ |
bhovādinastathā śūdrā brāhmaṇāścāryavādinaḥ || 33 ||
[Analyze grammar]

yugānte manujavyāghra bhavanti bahujantavaḥ |
na tathā ghrāṇayuktāśca sarvagandhā viśāṃ pate |
rasāśca manujavyāghra na tathā svāduyoginaḥ || 34 ||
[Analyze grammar]

bahuprajā hrasvadehāḥ śīlācāravivarjitāḥ |
mukhebhagāḥ striyo rājanbhaviṣyanti yugakṣaye || 35 ||
[Analyze grammar]

aṭṭaśūlā janapadāḥ śivaśūlāścatuṣpathāḥ |
keśaśūlāḥ striyo rājanbhaviṣyanti yugakṣaye || 36 ||
[Analyze grammar]

alpakṣīrāstathā gāvo bhaviṣyanti janādhipa |
alpapuṣpaphalāścāpi pādapā bahuvāyasāḥ || 37 ||
[Analyze grammar]

brahmavadhyāvaliptānāṃ tathā mithyābhiśaṃsinām |
nṛpāṇāṃ pṛthivīpāla pratigṛhṇanti vai dvijāḥ || 38 ||
[Analyze grammar]

lobhamohaparītāśca mithyādharmadhvajāvṛtāḥ |
bhikṣārthaṃ pṛthivīpāla cañcūryante dvijairdiśaḥ || 39 ||
[Analyze grammar]

karabhārabhayātpuṃso gṛhasthāḥ parimoṣakāḥ |
municchadmākṛticchannā vāṇijyamupajīvate || 40 ||
[Analyze grammar]

mithyā ca nakharomāṇi dhārayanti narāstadā |
arthalobhānnaravyāghra vṛthā ca brahmacāriṇaḥ || 41 ||
[Analyze grammar]

āśrameṣu vṛthācārāḥ pānapā gurutalpagāḥ |
aihalaukikamīhante māṃsaśoṇitavardhanam || 42 ||
[Analyze grammar]

bahupāṣaṇḍasaṃkīrṇāḥ parānnaguṇavādinaḥ |
āśramā manujavyāghra na bhavanti yugakṣaye || 43 ||
[Analyze grammar]

yathartuvarṣī bhagavānna tathā pākaśāsanaḥ |
na tadā sarvabījāni samyagrohanti bhārata |
adharmaphalamatyarthaṃ tadā bhavati cānagha || 44 ||
[Analyze grammar]

tathā ca pṛthivīpāla yo bhaveddharmasaṃyutaḥ |
alpāyuḥ sa hi mantavyo na hi dharmo'sti kaścana || 45 ||
[Analyze grammar]

bhūyiṣṭhaṃ kūṭamānaiśca paṇyaṃ vikrīṇate janāḥ |
vaṇijaśca naravyāghra bahumāyā bhavantyuta || 46 ||
[Analyze grammar]

dharmiṣṭhāḥ parihīyante pāpīyānvardhate janaḥ |
dharmasya balahāniḥ syādadharmaśca balī tathā || 47 ||
[Analyze grammar]

alpāyuṣo daridrāśca dharmiṣṭhā mānavāstadā |
dīrghāyuṣaḥ samṛddhāśca vidharmāṇo yugakṣaye || 48 ||
[Analyze grammar]

adharmiṣṭhairupāyaiśca prajā vyavaharantyuta |
saṃcayenāpi cālpena bhavantyāḍhyā madānvitāḥ || 49 ||
[Analyze grammar]

dhanaṃ viśvāsato nyastaṃ mitho bhūyiṣṭhaśo narāḥ |
hartuṃ vyavasitā rājanmāyācārasamanvitāḥ || 50 ||
[Analyze grammar]

puruṣādāni sattvāni pakṣiṇo'tha mṛgāstathā |
nagarāṇāṃ vihāreṣu caityeṣvapi ca śerate || 51 ||
[Analyze grammar]

saptavarṣāṣṭavarṣāśca striyo garbhadharā nṛpa |
daśadvādaśavarṣāṇāṃ puṃsāṃ putraḥ prajāyate || 52 ||
[Analyze grammar]

bhavanti ṣoḍaśe varṣe narāḥ palitinastathā |
āyuḥkṣayo manuṣyāṇāṃ kṣiprameva prapadyate || 53 ||
[Analyze grammar]

kṣīṇe yuge mahārāja taruṇā vṛddhaśīlinaḥ |
taruṇānāṃ ca yacchīlaṃ tadvṛddheṣu prajāyate || 54 ||
[Analyze grammar]

viparītāstadā nāryo vañcayitvā rahaḥ patīn |
vyuccarantyapi duḥśīlā dāsaiḥ paśubhireva ca || 55 ||
[Analyze grammar]

tasminyugasahasrānte saṃprāpte cāyuṣaḥ kṣaye |
anāvṛṣṭirmahārāja jāyate bahuvārṣikī || 56 ||
[Analyze grammar]

tatastānyalpasārāṇi sattvāni kṣudhitāni ca |
pralayaṃ yānti bhūyiṣṭhaṃ pṛthivyāṃ pṛthivīpate || 57 ||
[Analyze grammar]

tato dinakarairdīptaiḥ saptabhirmanujādhipa |
pīyate salilaṃ sarvaṃ samudreṣu saritsu ca || 58 ||
[Analyze grammar]

yacca kāṣṭhaṃ tṛṇaṃ cāpi śuṣkaṃ cārdraṃ ca bhārata |
sarvaṃ tadbhasmasādbhūtaṃ dṛśyate bharatarṣabha || 59 ||
[Analyze grammar]

tataḥ saṃvartako vahnirvāyunā saha bhārata |
lokamāviśate pūrvamādityairupaśoṣitam || 60 ||
[Analyze grammar]

tataḥ sa pṛthivīṃ bhittvā samāviśya rasātalam |
devadānavayakṣāṇāṃ bhayaṃ janayate mahat || 61 ||
[Analyze grammar]

nirdahannāgalokaṃ ca yacca kiṃcitkṣitāviha |
adhastātpṛthivīpāla sarvaṃ nāśayate kṣaṇāt || 62 ||
[Analyze grammar]

tato yojanaviṃśānāṃ sahasrāṇi śatāni ca |
nirdahatyaśivo vāyuḥ sa ca saṃvartako'nalaḥ || 63 ||
[Analyze grammar]

sadevāsuragandharvaṃ sayakṣoragarākṣasam |
tato dahati dīptaḥ sa sarvameva jagadvibhuḥ || 64 ||
[Analyze grammar]

tato gajakulaprakhyāstaḍinmālāvibhūṣitāḥ |
uttiṣṭhanti mahāmeghā nabhasyadbhutadarśanāḥ || 65 ||
[Analyze grammar]

kecinnīlotpalaśyāmāḥ kecitkumudasaṃnibhāḥ |
kecitkiñjalkasaṃkāśāḥ kecitpītāḥ payodharāḥ || 66 ||
[Analyze grammar]

keciddhāridrasaṃkāśāḥ kākāṇḍakanibhāstathā |
kecitkamalapatrābhāḥ keciddhiṅgulakaprabhāḥ || 67 ||
[Analyze grammar]

kecitpuravarākārāḥ kecidgajakulopamāḥ |
kecidañjanasaṃkāśāḥ kecinmakarasaṃsthitāḥ |
vidyunmālāpinaddhāṅgāḥ samuttiṣṭhanti vai ghanāḥ || 68 ||
[Analyze grammar]

ghorarūpā mahārāja ghorasvananināditāḥ |
tato jaladharāḥ sarve vyāpnuvanti nabhastalam || 69 ||
[Analyze grammar]

tairiyaṃ pṛthivī sarvā saparvatavanākarā |
āpūryate mahārāja salilaughapariplutā || 70 ||
[Analyze grammar]

tataste jaladā ghorā rāviṇaḥ puruṣarṣabha |
sarvataḥ plāvayantyāśu coditāḥ parameṣṭhinā || 71 ||
[Analyze grammar]

varṣamāṇā mahattoyaṃ pūrayanto vasuṃdharām |
sughoramaśivaṃ raudraṃ nāśayanti ca pāvakam || 72 ||
[Analyze grammar]

tato dvādaśa varṣāṇi payodāsta upaplave |
dhārābhiḥ pūrayanto vai codyamānā mahātmanā || 73 ||
[Analyze grammar]

tataḥ samudraḥ svāṃ velāmatikrāmati bhārata |
parvatāśca viśīryante mahī cāpi viśīryate || 74 ||
[Analyze grammar]

sarvataḥ sahasā bhrāntāste payodā nabhastalam |
saṃveṣṭayitvā naśyanti vāyuvegaparāhatāḥ || 75 ||
[Analyze grammar]

tatastaṃ mārutaṃ ghoraṃ svayambhūrmanujādhipa |
ādipadmālayo devaḥ pītvā svapiti bhārata || 76 ||
[Analyze grammar]

tasminnekārṇave ghore naṣṭe sthāvarajaṅgame |
naṣṭe devāsuragaṇe yakṣarākṣasavarjite || 77 ||
[Analyze grammar]

nirmanuṣye mahīpāla niḥśvāpadamahīruhe |
anantarikṣe loke'sminbhramāmyeko'hamādṛtaḥ || 78 ||
[Analyze grammar]

ekārṇave jale ghore vicaranpārthivottama |
apaśyansarvabhūtāni vaiklavyamagamaṃ param || 79 ||
[Analyze grammar]

tataḥ sudīrghaṃ gatvā tu plavamāno narādhipa |
śrāntaḥ kvacinna śaraṇaṃ labhāmyahamatandritaḥ || 80 ||
[Analyze grammar]

tataḥ kadācitpaśyāmi tasminsalilasaṃplave |
nyagrodhaṃ sumahāntaṃ vai viśālaṃ pṛthivīpate || 81 ||
[Analyze grammar]

śākhāyāṃ tasya vṛkṣasya vistīrṇāyāṃ narādhipa |
paryaṅke pṛthivīpāla divyāstaraṇasaṃstṛte || 82 ||
[Analyze grammar]

upaviṣṭaṃ mahārāja pūrṇendusadṛśānanam |
phullapadmaviśālākṣaṃ bālaṃ paśyāmi bhārata || 83 ||
[Analyze grammar]

tato me pṛthivīpāla vismayaḥ sumahānabhūt |
kathaṃ tvayaṃ śiśuḥ śete loke nāśamupāgate || 84 ||
[Analyze grammar]

tapasā cintayaṃścāpi taṃ śiśuṃ nopalakṣaye |
bhūtaṃ bhavyaṃ bhaviṣyacca jānannapi narādhipa || 85 ||
[Analyze grammar]

atasīpuṣpavarṇābhaḥ śrīvatsakṛtalakṣaṇaḥ |
sākṣāllakṣmyā ivāvāsaḥ sa tadā pratibhāti me || 86 ||
[Analyze grammar]

tato māmabravīdbālaḥ sa padmanibhalocanaḥ |
śrīvatsadhārī dyutimānvākyaṃ śrutisukhāvaham || 87 ||
[Analyze grammar]

jānāmi tvā pariśrāntaṃ tāta viśrāmakāṅkṣiṇam |
mārkaṇḍeya ihāssva tvaṃ yāvadicchasi bhārgava || 88 ||
[Analyze grammar]

abhyantaraṃ śarīraṃ me praviśya munisattama |
āssva bho vihito vāsaḥ prasādaste kṛto mayā || 89 ||
[Analyze grammar]

tato bālena tenaivamuktasyāsīttadā mama |
nirvedo jīvite dīrghe manuṣyatve ca bhārata || 90 ||
[Analyze grammar]

tato bālena tenāsyaṃ sahasā vivṛtaṃ kṛtam |
tasyāhamavaśo vaktraṃ daivayogātpraveśitaḥ || 91 ||
[Analyze grammar]

tataḥ praviṣṭastatkukṣiṃ sahasā manujādhipa |
sarāṣṭranagarākīrṇāṃ kṛtsnāṃ paśyāmi medinīm || 92 ||
[Analyze grammar]

gaṅgāṃ śatadruṃ sītāṃ ca yamunāmatha kauśikīm |
carmaṇvatīṃ vetravatīṃ candrabhāgāṃ sarasvatīm || 93 ||
[Analyze grammar]

sindhuṃ caiva vipāśāṃ ca nadīṃ godāvarīmapi |
vasvokasārāṃ nalinīṃ narmadāṃ caiva bhārata || 94 ||
[Analyze grammar]

nadīṃ tāmrāṃ ca veṇṇāṃ ca puṇyatoyāṃ śubhāvahām |
suveṇāṃ kṛṣṇaveṇāṃ ca irāmāṃ ca mahānadīm |
śoṇaṃ ca puruṣavyāghra viśalyāṃ kampunāmapi || 95 ||
[Analyze grammar]

etāścānyāśca nadyo'haṃ pṛthivyāṃ yā narottama |
parikrāmanprapaśyāmi tasya kukṣau mahātmanaḥ || 96 ||
[Analyze grammar]

tataḥ samudraṃ paśyāmi yādogaṇaniṣevitam |
ratnākaramamitraghna nidhānaṃ payaso mahat || 97 ||
[Analyze grammar]

tataḥ paśyāmi gaganaṃ candrasūryavirājitam |
jājvalyamānaṃ tejobhiḥ pāvakārkasamaprabhaiḥ |
paśyāmi ca mahīṃ rājankānanairupaśobhitām || 98 ||
[Analyze grammar]

yajante hi tadā rājanbrāhmaṇā bahubhiḥ savaiḥ |
kṣatriyāśca pravartante sarvavarṇānurañjane || 99 ||
[Analyze grammar]

vaiśyāḥ kṛṣiṃ yathānyāyaṃ kārayanti narādhipa |
śuśrūṣāyāṃ ca niratā dvijānāṃ vṛṣalāstathā || 100 ||
[Analyze grammar]

tataḥ paripatanrājaṃstasya kukṣau mahātmanaḥ |
himavantaṃ ca paśyāmi hemakūṭaṃ ca parvatam || 101 ||
[Analyze grammar]

niṣadhaṃ cāpi paśyāmi śvetaṃ ca rajatācitam |
paśyāmi ca mahīpāla parvataṃ gandhamādanam || 102 ||
[Analyze grammar]

mandaraṃ manujavyāghra nīlaṃ cāpi mahāgirim |
paśyāmi ca mahārāja meruṃ kanakaparvatam || 103 ||
[Analyze grammar]

mahendraṃ caiva paśyāmi vindhyaṃ ca girimuttamam |
malayaṃ cāpi paśyāmi pāriyātraṃ ca parvatam || 104 ||
[Analyze grammar]

ete cānye ca bahavo yāvantaḥ pṛthivīdharāḥ |
tasyodare mayā dṛṣṭāḥ sarvaratnavibhūṣitāḥ || 105 ||
[Analyze grammar]

siṃhānvyāghrānvarāhāṃśca nāgāṃśca manujādhipa |
pṛthivyāṃ yāni cānyāni sattvāni jagatīpate |
tāni sarvāṇyahaṃ tatra paśyanparyacaraṃ tadā || 106 ||
[Analyze grammar]

kukṣau tasya naravyāghra praviṣṭaḥ saṃcarandiśaḥ |
śakrādīṃścāpi paśyāmi kṛtsnāndevagaṇāṃstathā || 107 ||
[Analyze grammar]

gandharvāpsaraso yakṣānṛṣīṃścaiva mahīpate |
daityadānavasaṃghāṃśca kāleyāṃśca narādhipa |
siṃhikātanayāṃścāpi ye cānye suraśatravaḥ || 108 ||
[Analyze grammar]

yacca kiṃcinmayā loke dṛṣṭaṃ sthāvarajaṅgamam |
tadapaśyamahaṃ sarvaṃ tasya kukṣau mahātmanaḥ |
phalāhāraḥ pravicarankṛtsnaṃ jagadidaṃ tadā || 109 ||
[Analyze grammar]

antaḥ śarīre tasyāhaṃ varṣāṇāmadhikaṃ śatam |
na ca paśyāmi tasyāhamantaṃ dehasya kutracit || 110 ||
[Analyze grammar]

satataṃ dhāvamānaśca cintayāno viśāṃ pate |
āsādayāmi naivāntaṃ tasya rājanmahātmanaḥ || 111 ||
[Analyze grammar]

tatastameva śaraṇaṃ gato'smi vidhivattadā |
vareṇyaṃ varadaṃ devaṃ manasā karmaṇaiva ca || 112 ||
[Analyze grammar]

tato'haṃ sahasā rājanvāyuvegena niḥsṛtaḥ |
mahātmano mukhāttasya vivṛtātpuruṣottama || 113 ||
[Analyze grammar]

tatastasyaiva śākhāyāṃ nyagrodhasya viśāṃ pate |
āste manujaśārdūla kṛtsnamādāya vai jagat || 114 ||
[Analyze grammar]

tenaiva bālaveṣeṇa śrīvatsakṛtalakṣaṇam |
āsīnaṃ taṃ naravyāghra paśyāmyamitatejasam || 115 ||
[Analyze grammar]

tato māmabravīdvīra sa bālaḥ prahasanniva |
śrīvatsadhārī dyutimānpītavāsā mahādyutiḥ || 116 ||
[Analyze grammar]

apīdānīṃ śarīre'sminmāmake munisattama |
uṣitastvaṃ suviśrānto mārkaṇḍeya bravīhi me || 117 ||
[Analyze grammar]

muhūrtādatha me dṛṣṭiḥ prādurbhūtā punarnavā |
yayā nirmuktamātmānamapaśyaṃ labdhacetasam || 118 ||
[Analyze grammar]

tasya tāmratalau tāta caraṇau supratiṣṭhitau |
sujātau mṛduraktābhiraṅgulībhiralaṃkṛtau || 119 ||
[Analyze grammar]

prayatena mayā mūrdhnā gṛhītvā hyabhivanditau |
dṛṣṭvāparimitaṃ tasya prabhāvamamitaujasaḥ || 120 ||
[Analyze grammar]

vinayenāñjaliṃ kṛtvā prayatnenopagamya ca |
dṛṣṭo mayā sa bhūtātmā devaḥ kamalalocanaḥ || 121 ||
[Analyze grammar]

tamahaṃ prāñjalirbhūtvā namaskṛtyedamabruvam |
jñātumicchāmi deva tvāṃ māyāṃ cemāṃ tavottamām || 122 ||
[Analyze grammar]

āsyenānupraviṣṭo'haṃ śarīraṃ bhagavaṃstava |
dṛṣṭavānakhilāṃllokānsamastāñjaṭhare tava || 123 ||
[Analyze grammar]

tava deva śarīrasthā devadānavarākṣasāḥ |
yakṣagandharvanāgāśca jagatsthāvarajaṅgamam || 124 ||
[Analyze grammar]

tvatprasādācca me deva smṛtirna parihīyate |
drutamantaḥ śarīre te satataṃ paridhāvataḥ || 125 ||
[Analyze grammar]

icchāmi puṇḍarīkākṣa jñātuṃ tvāhamanindita |
iha bhūtvā śiśuḥ sākṣātkiṃ bhavānavatiṣṭhate |
pītvā jagadidaṃ viśvametadākhyātumarhasi || 126 ||
[Analyze grammar]

kimarthaṃ ca jagatsarvaṃ śarīrasthaṃ tavānagha |
kiyantaṃ ca tvayā kālamiha stheyamariṃdama || 127 ||
[Analyze grammar]

etadicchāmi deveśa śrotuṃ brāhmaṇakāmyayā |
tvattaḥ kamalapatrākṣa vistareṇa yathātatham |
mahaddhyetadacintyaṃ ca yadahaṃ dṛṣṭavānprabho || 128 ||
[Analyze grammar]

ityuktaḥ sa mayā śrīmāndevadevo mahādyutiḥ |
sāntvayanmāmidaṃ vākyamuvāca vadatāṃ varaḥ || 129 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 186

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: