Chapter 158

vaiśaṃpāyana uvāca |
śrutvā bahuvidhaiḥ śabdairnādyamānā girerguhāḥ |
ajātaśatruḥ kaunteyo mādrīputrāvubhāvapi || 1 ||
[Analyze grammar]

dhaumyaḥ kṛṣṇā ca viprāśca sarve ca suhṛdastathā |
bhīmasenamapaśyantaḥ sarve vimanaso'bhavan || 2 ||
[Analyze grammar]

draupadīmārṣṭiṣeṇāya pradāya tu mahārathāḥ |
sahitāḥ sāyudhāḥ śūrāḥ śailamāruruhustadā || 3 ||
[Analyze grammar]

tataḥ saṃprāpya śailāgraṃ vīkṣamāṇā mahārathāḥ |
dadṛśuste maheṣvāsā bhīmasenamariṃdamam || 4 ||
[Analyze grammar]

sphurataśca mahākāyāngatasattvāṃśca rākṣasān |
mahābalānmahāghorānbhīmasenena pātitān || 5 ||
[Analyze grammar]

śuśubhe sa mahābāhurgadākhaḍgadhanurdharaḥ |
nihatya samare sarvāndānavānmaghavāniva || 6 ||
[Analyze grammar]

tataste samatikramya pariṣvajya vṛkodaram |
tatropaviviśuḥ pārthāḥ prāptā gatimanuttamām || 7 ||
[Analyze grammar]

taiścaturbhirmaheṣvāsairgiriśṛṅgamaśobhata |
lokapālairmahābhāgairdivaṃ devavarairiva || 8 ||
[Analyze grammar]

kuberasadanaṃ dṛṣṭvā rākṣasāṃśca nipātitān |
bhrātā bhrātaramāsīnamabhyabhāṣata pāṇḍavam || 9 ||
[Analyze grammar]

sāhasādyadi vā mohādbhīma pāpamidaṃ kṛtam |
naitatte sadṛśaṃ vīra muneriva mṛṣāvacaḥ || 10 ||
[Analyze grammar]

rājadviṣṭaṃ na kartavyamiti dharmavido viduḥ |
tridaśānāmidaṃ dviṣṭaṃ bhīmasena tvayā kṛtam || 11 ||
[Analyze grammar]

arthadharmāvanādṛtya yaḥ pāpe kurute manaḥ |
karmaṇāṃ pārtha pāpānāṃ sa phalaṃ vindate dhruvam |
punarevaṃ na kartavyaṃ mama cedicchasi priyam || 12 ||
[Analyze grammar]

evamuktvā sa dharmātmā bhrātā bhrātaramacyutam |
arthatattvavibhāgajñaḥ kuntīputro yudhiṣṭhiraḥ |
virarāma mahātejāstamevārthaṃ vicintayan || 13 ||
[Analyze grammar]

tatastu hataśiṣṭā ye bhīmasenena rākṣasāḥ |
sahitāḥ pratyapadyanta kuberasadanaṃ prati || 14 ||
[Analyze grammar]

te javena mahāvegāḥ prāpya vaiśravaṇālayam |
bhīmamārtasvaraṃ cakrurbhīmasenabhayārditāḥ || 15 ||
[Analyze grammar]

nyastaśastrāyudhāḥ śrāntāḥ śoṇitāktaparicchadāḥ |
prakīrṇamūrdhajā rājanyakṣādhipatimabruvan || 16 ||
[Analyze grammar]

gadāparighanistriṃśatomaraprāsayodhinaḥ |
rākṣasā nihatāḥ sarve tava deva puraḥsarāḥ || 17 ||
[Analyze grammar]

pramṛdya tarasā śailaṃ mānuṣeṇa dhaneśvara |
ekena sahitāḥ saṃkhye hatāḥ krodhavaśā gaṇāḥ || 18 ||
[Analyze grammar]

pravarā rakṣasendrāṇāṃ yakṣāṇāṃ ca dhanādhipa |
śerate nihatā deva gatasattvāḥ parāsavaḥ || 19 ||
[Analyze grammar]

labdhaḥ śailo vayaṃ muktā maṇimāṃste sakhā hataḥ |
mānuṣeṇa kṛtaṃ karma vidhatsva yadanantaram || 20 ||
[Analyze grammar]

sa tacchrutvā tu saṃkruddhaḥ sarvayakṣagaṇādhipaḥ |
kopasaṃraktanayanaḥ kathamityabravīdvacaḥ || 21 ||
[Analyze grammar]

dvitīyamaparādhyantaṃ bhīmaṃ śrutvā dhaneśvaraḥ |
cukrodha yakṣādhipatiryujyatāmiti cābravīt || 22 ||
[Analyze grammar]

athābhraghanasaṃkāśaṃ girikūṭamivocchritam |
hayaiḥ saṃyojayāmāsurgāndharvairuttamaṃ ratham || 23 ||
[Analyze grammar]

tasya sarvaguṇopetā vimalākṣā hayottamāḥ |
tejobalajavopetā nānāratnavibhūṣitāḥ || 24 ||
[Analyze grammar]

śobhamānā rathe yuktāstariṣyanta ivāśugāḥ |
harṣayāmāsuranyonyamiṅgitairvijayāvahaiḥ || 25 ||
[Analyze grammar]

sa tamāsthāya bhagavānrājarājo mahāratham |
prayayau devagandharvaiḥ stūyamāno mahādyutiḥ || 26 ||
[Analyze grammar]

taṃ prayāntaṃ mahātmānaṃ sarvayakṣadhanādhipam |
raktākṣā hemasaṃkāśā mahākāyā mahābalāḥ || 27 ||
[Analyze grammar]

sāyudhā baddhanistriṃśā yakṣā daśaśatāyutāḥ |
javena mahatā vīrāḥ parivāryopatasthire || 28 ||
[Analyze grammar]

taṃ mahāntamupāyāntaṃ dhaneśvaramupāntike |
dadṛśurhṛṣṭaromāṇaḥ pāṇḍavāḥ priyadarśanam || 29 ||
[Analyze grammar]

kuberastu mahāsattvānpāṇḍoḥ putrānmahārathān |
āttakārmukanistriṃśāndṛṣṭvā prīto'bhavattadā || 30 ||
[Analyze grammar]

te pakṣiṇa ivotpatya gireḥ śṛṅgaṃ mahājavāḥ |
tasthusteṣāṃ samabhyāśe dhaneśvarapuraḥsarāḥ || 31 ||
[Analyze grammar]

tatastaṃ hṛṣṭamanasaṃ pāṇḍavānprati bhārata |
samīkṣya yakṣagandharvā nirvikārā vyavasthitāḥ || 32 ||
[Analyze grammar]

pāṇḍavāśca mahātmānaḥ praṇamya dhanadaṃ prabhum |
nakulaḥ sahadevaśca dharmaputraśca dharmavit || 33 ||
[Analyze grammar]

aparāddhamivātmānaṃ manyamānā mahārathāḥ |
tasthuḥ prāñjalayaḥ sarve parivārya dhaneśvaram || 34 ||
[Analyze grammar]

śayyāsanavaraṃ śrīmatpuṣpakaṃ viśvakarmaṇā |
vihitaṃ citraparyantamātiṣṭhata dhanādhipaḥ || 35 ||
[Analyze grammar]

tamāsīnaṃ mahākāyāḥ śaṅkukarṇā mahājavāḥ |
upopaviviśuryakṣā rākṣasāśca sahasraśaḥ || 36 ||
[Analyze grammar]

śataśaścāpi gandharvāstathaivāpsarasāṃ gaṇāḥ |
parivāryopatiṣṭhanta yathā devāḥ śatakratum || 37 ||
[Analyze grammar]

kāñcanīṃ śirasā bibhradbhīmasenaḥ srajaṃ śubhām |
bāṇakhaḍgadhanuṣpāṇirudaikṣata dhanādhipam || 38 ||
[Analyze grammar]

na bhīrbhīmasya na glānirvikṣatasyāpi rākṣasaiḥ |
āsīttasyāmavasthāyāṃ kuberamapi paśyataḥ || 39 ||
[Analyze grammar]

ādadānaṃ śitānbāṇānyoddhukāmamavasthitam |
dṛṣṭvā bhīmaṃ dharmasutamabravīnnaravāhanaḥ || 40 ||
[Analyze grammar]

vidustvāṃ sarvabhūtāni pārtha bhūtahite ratam |
nirbhayaścāpi śailāgre vasa tvaṃ saha bandhubhiḥ || 41 ||
[Analyze grammar]

na ca manyustvayā kāryo bhīmasenasya pāṇḍava |
kālenaite hatāḥ pūrvaṃ nimittamanujastava || 42 ||
[Analyze grammar]

vrīḍā cātra na kartavyā sāhasaṃ yadidaṃ kṛtam |
dṛṣṭaścāpi suraiḥ pūrvaṃ vināśo yakṣarakṣasām || 43 ||
[Analyze grammar]

na bhīmasene kopo me prīto'smi bharatarṣabha |
karmaṇānena bhīmasya mama tuṣṭirabhūtpurā || 44 ||
[Analyze grammar]

evamuktvā tu rājānaṃ bhīmasenamabhāṣata |
naitanmanasi me tāta vartate kurusattama |
yadidaṃ sāhasaṃ bhīma kṛṣṇārthe kṛtavānasi || 45 ||
[Analyze grammar]

māmanādṛtya devāṃśca vināśaṃ yakṣarakṣasām |
svabāhubalamāśritya tenāhaṃ prītimāṃstvayi |
śāpādasmi vinirmukto ghorādadya vṛkodara || 46 ||
[Analyze grammar]

ahaṃ pūrvamagastyena kruddhena paramarṣiṇā |
śapto'parādhe kasmiṃścittasyaiṣā niṣkṛtiḥ kṛtā || 47 ||
[Analyze grammar]

dṛṣṭo hi mama saṃkleśaḥ purā pāṇḍavanandana |
na tavātrāparādho'sti kathaṃcidapi śatruhan || 48 ||
[Analyze grammar]

yudhiṣṭhira uvāca |
kathaṃ śapto'si bhagavannagastyena mahātmanā |
śrotumicchāmyahaṃ deva tavaitacchāpakāraṇam || 49 ||
[Analyze grammar]

idaṃ cāścaryabhūtaṃ me yatkrodhāttasya dhīmataḥ |
tadaiva tvaṃ na nirdagdhaḥ sabalaḥ sapadānugaḥ || 50 ||
[Analyze grammar]

vaiśravaṇa uvāca |
devatānāmabhūnmantraḥ kuśavatyāṃ nareśvara |
vṛtastatrāhamagamaṃ mahāpadmaśataistribhiḥ |
yakṣāṇāṃ ghorarūpāṇāṃ vividhāyudhadhāriṇām || 51 ||
[Analyze grammar]

adhvanyahamathāpaśyamagastyamṛṣisattamam |
ugraṃ tapastapasyantaṃ yamunātīramāśritam |
nānāpakṣigaṇākīrṇaṃ puṣpitadrumaśobhitam || 52 ||
[Analyze grammar]

tamūrdhvabāhuṃ dṛṣṭvā tu sūryasyābhimukhaṃ sthitam |
tejorāśiṃ dīpyamānaṃ hutāśanamivaidhitam || 53 ||
[Analyze grammar]

rākṣasādhipatiḥ śrīmānmaṇimānnāma me sakhā |
maurkhyādajñānabhāvācca darpānmohācca bhārata |
nyaṣṭhīvadākāśagato maharṣestasya mūrdhani || 54 ||
[Analyze grammar]

sa kopānmāmuvācedaṃ diśaḥ sarvā dahanniva |
māmavajñāya duṣṭātmā yasmādeṣa sakhā tava || 55 ||
[Analyze grammar]

dharṣaṇāṃ kṛtavānetāṃ paśyataste dhaneśvara |
tasmātsahaibhiḥ sainyaiste vadhaṃ prāpsyati mānuṣāt || 56 ||
[Analyze grammar]

tvaṃ cāpyebhirhataiḥ sainyaiḥ kleśaṃ prāpsyasi durmate |
tameva mānuṣaṃ dṛṣṭvā kilbiṣādvipramokṣyase || 57 ||
[Analyze grammar]

sainyānāṃ tu tavaiteṣāṃ putrapautrabalānvitam |
na śāpaṃ prāpsyate ghoraṃ gaccha te''jñāṃ kariṣyati || 58 ||
[Analyze grammar]

eṣa śāpo mayā prāptaḥ prāktasmādṛṣisattamāt |
sa bhīmena mahārāja bhrātrā tava vimokṣitaḥ || 59 ||
[Analyze grammar]