Chapter 154

vaiśaṃpāyana uvāca |
tatastānpariviśvastānvasatastatra pāṇḍavān |
gateṣu teṣu rakṣaḥsu bhīmasenātmaje'pi ca || 1 ||
[Analyze grammar]

rahitānbhīmasenena kadācittānyadṛcchayā |
jahāra dharmarājānaṃ yamau kṛṣṇāṃ ca rākṣasaḥ || 2 ||
[Analyze grammar]

brāhmaṇo mantrakuśalaḥ sarvāstreṣvastravittamaḥ |
iti bruvanpāṇḍaveyānparyupāste sma nityadā || 3 ||
[Analyze grammar]

parīkṣamāṇaḥ pārthānāṃ kalāpāni dhanūṃṣi ca |
antaraṃ samabhiprepsurnāmnā khyāto jaṭāsuraḥ || 4 ||
[Analyze grammar]

sa bhīmasene niṣkrānte mṛgayārthamariṃdame |
anyadrūpaṃ samāsthāya vikṛtaṃ bhairavaṃ mahat || 5 ||
[Analyze grammar]

gṛhītvā sarvaśastrāṇi draupadīṃ parigṛhya ca |
prātiṣṭhata sa duṣṭātmā trīngṛhītvā ca pāṇḍavān || 6 ||
[Analyze grammar]

sahadevastu yatnena tato'pakramya pāṇḍavaḥ |
ākrandadbhīmasenaṃ vai yena yāto mahābalaḥ || 7 ||
[Analyze grammar]

tamabravīddharmarājo hriyamāṇo yudhiṣṭhiraḥ |
dharmaste hīyate mūḍha na cainaṃ samavekṣase || 8 ||
[Analyze grammar]

ye'nye kecinmanuṣyeṣu tiryagyonigatā api |
gandharvayakṣarakṣāṃsi vayāṃsi paśavastathā |
manuṣyānupajīvanti tatastvamupajīvasi || 9 ||
[Analyze grammar]

samṛddhyā hyasya lokasya loko yuṣmākamṛdhyate |
imaṃ ca lokaṃ śocantamanuśocanti devatāḥ |
pūjyamānāśca vardhante havyakavyairyathāvidhi || 10 ||
[Analyze grammar]

vayaṃ rāṣṭrasya goptāro rakṣitāraśca rākṣasa |
rāṣṭrasyārakṣyamāṇasya kuto bhūtiḥ kutaḥ sukham || 11 ||
[Analyze grammar]

na ca rājāvamantavyo rakṣasā jātvanāgasi |
aṇurapyapacāraśca nāstyasmākaṃ narāśana || 12 ||
[Analyze grammar]

drogdhavyaṃ na ca mitreṣu na viśvasteṣu karhicit |
yeṣāṃ cānnāni bhuñjīta yatra ca syātpratiśrayaḥ || 13 ||
[Analyze grammar]

sa tvaṃ pratiśraye'smākaṃ pūjyamānaḥ sukhoṣitaḥ |
bhuktvā cānnāni duṣprajña kathamasmāñjihīrṣasi || 14 ||
[Analyze grammar]

evameva vṛthācāro vṛthāvṛddho vṛthāmatiḥ |
vṛthāmaraṇamarhastvaṃ vṛthādya na bhaviṣyasi || 15 ||
[Analyze grammar]

atha cedduṣṭabuddhistvaṃ sarvairdharmairvivarjitaḥ |
pradāya śastrāṇyasmākaṃ yuddhena draupadīṃ hara || 16 ||
[Analyze grammar]

atha cettvamavijñāya idaṃ karma kariṣyasi |
adharmaṃ cāpyakīrtiṃ ca loke prāpsyasi kevalam || 17 ||
[Analyze grammar]

etāmadya parāmṛśya striyaṃ rākṣasa mānuṣīm |
viṣametatsamāloḍya kumbhena prāśitaṃ tvayā || 18 ||
[Analyze grammar]

tato yudhiṣṭhirastasya bhārikaḥ samapadyata |
sa tu bhārābhibhūtātmā na tathā śīghrago'bhavat || 19 ||
[Analyze grammar]

athābravīddraupadīṃ ca nakulaṃ ca yudhiṣṭhiraḥ |
mā bhaiṣṭa rākṣasānmūḍhādgatirasya mayā hṛtā || 20 ||
[Analyze grammar]

nātidūre mahābāhurbhavitā pavanātmajaḥ |
asminmuhūrte saṃprāpte na bhaviṣyati rākṣasaḥ || 21 ||
[Analyze grammar]

sahadevastu taṃ dṛṣṭvā rākṣasaṃ mūḍhacetasam |
uvāca vacanaṃ rājankuntīputraṃ yudhiṣṭhiram || 22 ||
[Analyze grammar]

rājankiṃ nāma tatkṛtyaṃ kṣatriyasyāstyato'dhikam |
yadyuddhe'bhimukhaḥ prāṇāṃstyajecchatrūñjayeta vā || 23 ||
[Analyze grammar]

eṣa cāsmānvayaṃ cainaṃ yudhyamānāḥ paraṃtapa |
sūdayema mahābāho deśakālo hyayaṃ nṛpa || 24 ||
[Analyze grammar]

kṣatradharmasya saṃprāptaḥ kālaḥ satyaparākrama |
jayantaḥ pātyamānā vā prāptumarhāma sadgatim || 25 ||
[Analyze grammar]

rākṣase jīvamāne'dya ravirastamiyādyadi |
nāhaṃ brūyāṃ punarjātu kṣatriyo'smīti bhārata || 26 ||
[Analyze grammar]

bho bho rākṣasa tiṣṭhasva sahadevo'smi pāṇḍavaḥ |
hatvā vā māṃ nayasvainānhato vādyeha svapsyasi || 27 ||
[Analyze grammar]

tathaiva tasminbruvati bhīmaseno yadṛcchayā |
prādṛśyata mahābāhuḥ savajra iva vāsavaḥ || 28 ||
[Analyze grammar]

so'paśyadbhrātarau tatra draupadīṃ ca yaśasvinīm |
kṣitisthaṃ sahadevaṃ ca kṣipantaṃ rākṣasaṃ tadā || 29 ||
[Analyze grammar]

mārgācca rākṣasaṃ mūḍhaṃ kālopahatacetasam |
bhramantaṃ tatra tatraiva daivena vinivāritam || 30 ||
[Analyze grammar]

bhrātṝṃstānhriyato dṛṣṭvā draupadīṃ ca mahābalaḥ |
krodhamāhārayadbhīmo rākṣasaṃ cedamabravīt || 31 ||
[Analyze grammar]

vijñāto'si mayā pūrvaṃ ceṣṭañśastraparīkṣaṇe |
āsthā tu tvayi me nāsti yato'si na hatastadā |
brahmarūpapraticchanno na no vadasi cāpriyam || 32 ||
[Analyze grammar]

priyeṣu caramāṇaṃ tvāṃ na caivāpriyakāriṇam |
atithiṃ brahmarūpaṃ ca kathaṃ hanyāmanāgasam |
rākṣasaṃ manyamāno'pi yo hanyānnarakaṃ vrajet || 33 ||
[Analyze grammar]

apakvasya ca kālena vadhastava na vidyate |
nūnamadyāsi saṃpakvo yathā te matirīdṛśī |
dattā kṛṣṇāpaharaṇe kālenādbhutakarmaṇā || 34 ||
[Analyze grammar]

baḍiśo'yaṃ tvayā grastaḥ kālasūtreṇa lambitaḥ |
matsyo'mbhasīva syūtāsyaḥ kathaṃ me'dya gamiṣyasi || 35 ||
[Analyze grammar]

yaṃ cāsi prasthito deśaṃ manaḥ pūrvaṃ gataṃ ca te |
na taṃ gantāsi gantāsi mārgaṃ bakahiḍimbayoḥ || 36 ||
[Analyze grammar]

evamuktastu bhīmena rākṣasaḥ kālacoditaḥ |
bhīta utsṛjya tānsarvānyuddhāya samupasthitaḥ || 37 ||
[Analyze grammar]

abravīcca punarbhīmaṃ roṣātprasphuritādharaḥ |
na me mūḍhā diśaḥ pāpa tvadarthaṃ me vilambanam || 38 ||
[Analyze grammar]

śrutā me rākṣasā ye ye tvayā vinihatā raṇe |
teṣāmadya kariṣyāmi tavāsreṇodakakriyām || 39 ||
[Analyze grammar]

evamuktastato bhīmaḥ sṛkkiṇī parisaṃlihan |
smayamāna iva krodhātsākṣātkālāntakopamaḥ |
bāhusaṃrambhamevecchannabhidudrāva rākṣasam || 40 ||
[Analyze grammar]

rākṣaso'pi tadā bhīmaṃ yuddhārthinamavasthitam |
abhidudrāva saṃrabdho balo vajradharaṃ yathā || 41 ||
[Analyze grammar]

vartamāne tadā tābhyāṃ bāhuyuddhe sudāruṇe |
mādrīputrāvabhikruddhāvubhāvapyabhyadhāvatām || 42 ||
[Analyze grammar]

nyavārayattau prahasankuntīputro vṛkodaraḥ |
śakto'haṃ rākṣasasyeti prekṣadhvamiti cābravīt || 43 ||
[Analyze grammar]

ātmanā bhrātṛbhiścāhaṃ dharmeṇa sukṛtena ca |
iṣṭena ca śape rājansūdayiṣyāmi rākṣasam || 44 ||
[Analyze grammar]

ityevamuktvā tau vīrau spardhamānau parasparam |
bāhubhiḥ samasajjetāmubhau rakṣovṛkodarau || 45 ||
[Analyze grammar]

tayorāsītsaṃprahāraḥ kruddhayorbhīmarakṣasoḥ |
amṛṣyamāṇayoḥ saṃkhye devadānavayoriva || 46 ||
[Analyze grammar]

ārujyārujya tau vṛkṣānanyonyamabhijaghnatuḥ |
jīmūtāviva gharmānte vinadantau mahābalau || 47 ||
[Analyze grammar]

babhañjaturmahāvṛkṣānūrubhirbalināṃ varau |
anyonyenābhisaṃrabdhau parasparajayaiṣiṇau || 48 ||
[Analyze grammar]

tadvṛkṣayuddhamabhavanmahīruhavināśanam |
vālisugrīvayorbhrātroḥ pureva kapisiṃhayoḥ || 49 ||
[Analyze grammar]

āvidhyāvidhya tau vṛkṣānmuhūrtamitaretaram |
tāḍayāmāsaturubhau vinadantau muhurmuhuḥ || 50 ||
[Analyze grammar]

tasmindeśe yadā vṛkṣāḥ sarva eva nipātitāḥ |
puñjīkṛtāśca śataśaḥ parasparavadhepsayā || 51 ||
[Analyze grammar]

tadā śilāḥ samādāya muhūrtamiva bhārata |
mahābhrairiva śailendrau yuyudhāte mahābalau || 52 ||
[Analyze grammar]

ugrābhirugrarūpābhirbṛhatībhiḥ parasparam |
vajrairiva mahāvegairājaghnaturamarṣaṇau || 53 ||
[Analyze grammar]

abhihatya ca bhūyastāvanyonyaṃ baladarpitau |
bhujābhyāṃ parigṛhyātha cakarṣāte gajāviva || 54 ||
[Analyze grammar]

muṣṭibhiśca mahāghorairanyonyamabhipetatuḥ |
tayoścaṭacaṭāśabdo babhūva sumahātmanoḥ || 55 ||
[Analyze grammar]

tataḥ saṃhṛtya muṣṭiṃ tu pañcaśīrṣamivoragam |
vegenābhyahanadbhīmo rākṣasasya śirodharām || 56 ||
[Analyze grammar]

tataḥ śrāntaṃ tu tadrakṣo bhīmasenabhujāhatam |
supariśrāntamālakṣya bhīmaseno'bhyavartata || 57 ||
[Analyze grammar]

tata enaṃ mahābāhurbāhubhyāmamaropamaḥ |
samutkṣipya balādbhīmo niṣpipeṣa mahītale || 58 ||
[Analyze grammar]

tasya gātrāṇi sarvāṇi cūrṇayāmāsa pāṇḍavaḥ |
aratninā cābhihatya śiraḥ kāyādapāharat || 59 ||
[Analyze grammar]

saṃdaṣṭoṣṭhaṃ vivṛttākṣaṃ phalaṃ vṛntādiva cyutam |
jaṭāsurasya tu śiro bhīmasenabalāddhṛtam |
papāta rudhirādigdhaṃ saṃdaṣṭadaśanacchadam || 60 ||
[Analyze grammar]

taṃ nihatya maheṣvāso yudhiṣṭhiramupāgamat |
stūyamāno dvijāgryaistairmarudbhiriva vāsavaḥ || 61 ||
[Analyze grammar]