Chapter 131

śyena uvāca |
dharmātmānaṃ tvāhurekaṃ sarve rājanmahīkṣitaḥ |
sa vai dharmaviruddhaṃ tvaṃ kasmātkarma cikīrṣasi || 1 ||
[Analyze grammar]

vihitaṃ bhakṣaṇaṃ rājanpīḍyamānasya me kṣudhā |
mā bhāṅkṣīrdharmalobhena dharmamutsṛṣṭavānasi || 2 ||
[Analyze grammar]

rājovāca |
saṃtrastarūpastrāṇārthī tvatto bhīto mahādvija |
matsakāśamanuprāptaḥ prāṇagṛdhnurayaṃ dvijaḥ || 3 ||
[Analyze grammar]

evamabhyāgatasyeha kapotasyābhayārthinaḥ |
apradāne paro'dharmaḥ kiṃ tvaṃ śyena prapaśyasi || 4 ||
[Analyze grammar]

praspandamānaḥ saṃbhrāntaḥ kapotaḥ śyena lakṣyate |
matsakāśaṃ jīvitārthī tasya tyāgo vigarhitaḥ || 5 ||
[Analyze grammar]

śyena uvāca |
āhārātsarvabhūtāni saṃbhavanti mahīpate |
āhāreṇa vivardhante tena jīvanti jantavaḥ || 6 ||
[Analyze grammar]

śakyate dustyaje'pyarthe cirarātrāya jīvitum |
na tu bhojanamutsṛjya śakyaṃ vartayituṃ ciram || 7 ||
[Analyze grammar]

bhakṣyādvilopitasyādya mama prāṇā viśāṃ pate |
visṛjya kāyameṣyanti panthānamapunarbhavam || 8 ||
[Analyze grammar]

pramṛte mayi dharmātmanputradāraṃ naśiṣyati |
rakṣamāṇaḥ kapotaṃ tvaṃ bahūnprāṇānnaśiṣyasi || 9 ||
[Analyze grammar]

dharmaṃ yo bādhate dharmo na sa dharmaḥ kudharma tat |
avirodhī tu yo dharmaḥ sa dharmaḥ satyavikrama || 10 ||
[Analyze grammar]

virodhiṣu mahīpāla niścitya gurulāghavam |
na bādhā vidyate yatra taṃ dharmaṃ samudācaret || 11 ||
[Analyze grammar]

gurulāghavamājñāya dharmādharmaviniścaye |
yato bhūyāṃstato rājankuru dharmaviniścayam || 12 ||
[Analyze grammar]

rājovāca |
bahukalyāṇasaṃyuktaṃ bhāṣase vihagottama |
suparṇaḥ pakṣirāṭkiṃ tvaṃ dharmajñaścāsyasaṃśayam |
tathā hi dharmasaṃyuktaṃ bahu citraṃ prabhāṣase || 13 ||
[Analyze grammar]

na te'styaviditaṃ kiṃciditi tvā lakṣayāmyaham |
śaraṇaiṣiṇaḥ parityāgaṃ kathaṃ sādhviti manyase || 14 ||
[Analyze grammar]

āhārārthaṃ samārambhastava cāyaṃ vihaṃgama |
śakyaścāpyanyathā kartumāhāro'pyadhikastvayā || 15 ||
[Analyze grammar]

govṛṣo vā varāho vā mṛgo vā mahiṣo'pi vā |
tvadarthamadya kriyatāṃ yadvānyadabhikāṅkṣase || 16 ||
[Analyze grammar]

śyena uvāca |
na varāhaṃ na cokṣāṇaṃ na mṛgānvividhāṃstathā |
bhakṣayāmi mahārāja kimannādyena tena me || 17 ||
[Analyze grammar]

yastu me daivavihito bhakṣaḥ kṣatriyapuṃgava |
tamutsṛja mahīpāla kapotamimameva me || 18 ||
[Analyze grammar]

śyenāḥ kapotānkhādanti sthitireṣā sanātanī |
mā rājanmārgamājñāya kadalīskandhamāruha || 19 ||
[Analyze grammar]

rājovāca |
rājyaṃ śibīnāmṛddhaṃ vai śādhi pakṣigaṇārcita |
yadvā kāmayase kiṃcicchyena sarvaṃ dadāni te |
vinemaṃ pakṣiṇaṃ śyena śaraṇārthinamāgatam || 20 ||
[Analyze grammar]

yenemaṃ varjayethāstvaṃ karmaṇā pakṣisattama |
tadācakṣva kariṣyāmi na hi dāsye kapotakam || 21 ||
[Analyze grammar]

śyena uvāca |
uśīnara kapote te yadi sneho narādhipa |
ātmano māṃsamutkṛtya kapotatulayā dhṛtam || 22 ||
[Analyze grammar]

yadā samaṃ kapotena tava māṃsaṃ bhavennṛpa |
tadā pradeyaṃ tanmahyaṃ sā me tuṣṭirbhaviṣyati || 23 ||
[Analyze grammar]

rājovāca |
anugrahamimaṃ manye śyena yanmābhiyācase |
tasmātte'dya pradāsyāmi svamāṃsaṃ tulayā dhṛtam || 24 ||
[Analyze grammar]

lomaśa uvāca |
athotkṛtya svamāṃsaṃ tu rājā paramadharmavit |
tulayāmāsa kaunteya kapotena sahābhibho || 25 ||
[Analyze grammar]

dhriyamāṇastu tulayā kapoto vyatiricyate |
punaścotkṛtya māṃsāni rājā prādāduśīnaraḥ || 26 ||
[Analyze grammar]

na vidyate yadā māṃsaṃ kapotena samaṃ dhṛtam |
tata utkṛttamāṃso'sāvāruroha svayaṃ tulām || 27 ||
[Analyze grammar]

śyena uvāca |
indro'hamasmi dharmajña kapoto havyavāḍayam |
jijñāsamānau dharme tvāṃ yajñavāṭamupāgatau || 28 ||
[Analyze grammar]

yatte māṃsāni gātrebhya utkṛttāni viśāṃ pate |
eṣā te bhāsvarī kīrtirlokānabhibhaviṣyati || 29 ||
[Analyze grammar]

yāvalloke manuṣyāstvāṃ kathayiṣyanti pārthiva |
tāvatkīrtiśca lokāśca sthāsyanti tava śāśvatāḥ || 30 ||
[Analyze grammar]

lomaśa uvāca |
tatpāṇḍaveya sadanaṃ rājñastasya mahātmanaḥ |
paśyasvaitanmayā sārdhaṃ puṇyaṃ pāpapramocanam || 31 ||
[Analyze grammar]

atra vai satataṃ devā munayaśca sanātanāḥ |
dṛśyante brāhmaṇai rājanpuṇyavadbhirmahātmabhiḥ || 32 ||
[Analyze grammar]