Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

pulastya uvāca |
tato gaccheta dharmajña dharmatīrthaṃ purātanam |
tatra snātvā naro rājandharmaśīlaḥ samāhitaḥ |
āsaptamaṃ kulaṃ rājanpunīte nātra saṃśayaḥ || 1 ||
[Analyze grammar]

tato gaccheta dharmajña kārāpatanamuttamam |
agniṣṭomamavāpnoti munilokaṃ ca gacchati || 2 ||
[Analyze grammar]

saugandhikaṃ vanaṃ rājaṃstato gaccheta mānavaḥ |
yatra brahmādayo devā ṛṣayaśca tapodhanāḥ || 3 ||
[Analyze grammar]

siddhacāraṇagandharvāḥ kiṃnarāḥ samahoragāḥ |
tadvanaṃ praviśanneva sarvapāpaiḥ pramucyate || 4 ||
[Analyze grammar]

tato hi sā saricchreṣṭhā nadīnāmuttamā nadī |
plakṣāddevī srutā rājanmahāpuṇyā sarasvatī || 5 ||
[Analyze grammar]

tatrābhiṣekaṃ kurvīta valmīkānniḥsṛte jale |
arcayitvā pitṝndevānaśvamedhaphalaṃ labhet || 6 ||
[Analyze grammar]

īśānādhyuṣitaṃ nāma tatra tīrthaṃ sudurlabham |
ṣaṭsu śamyānipāteṣu valmīkāditi niścayaḥ || 7 ||
[Analyze grammar]

kapilānāṃ sahasraṃ ca vājimedhaṃ ca vindati |
tatra snātvā naravyāghra dṛṣṭametatpurātane || 8 ||
[Analyze grammar]

sugandhāṃ śatakumbhāṃ ca pañcayajñāṃ ca bhārata |
abhigamya naraśreṣṭha svargaloke mahīyate || 9 ||
[Analyze grammar]

triśūlakhātaṃ tatraiva tīrthamāsādya bhārata |
tatrābhiṣekaṃ kurvīta pitṛdevārcane rataḥ |
gāṇapatyaṃ sa labhate dehaṃ tyaktvā na saṃśayaḥ || 10 ||
[Analyze grammar]

tato gaccheta rājendra devyāḥ sthānaṃ sudurlabham |
śākaṃbharīti vikhyātā triṣu lokeṣu viśrutā || 11 ||
[Analyze grammar]

divyaṃ varṣasahasraṃ hi śākena kila suvrata |
āhāraṃ sā kṛtavatī māsi māsi narādhipa || 12 ||
[Analyze grammar]

ṛṣayo'bhyāgatāstatra devyā bhaktyā tapodhanāḥ |
ātithyaṃ ca kṛtaṃ teṣāṃ śākena kila bhārata |
tataḥ śākambharītyeva nāma tasyāḥ pratiṣṭhitam || 13 ||
[Analyze grammar]

śākaṃbharīṃ samāsādya brahmacārī samāhitaḥ |
trirātramuṣitaḥ śākaṃ bhakṣayenniyataḥ śuciḥ || 14 ||
[Analyze grammar]

śākāhārasya yatsamyagvarṣairdvādaśabhiḥ phalam |
tatphalaṃ tasya bhavati devyāśchandena bhārata || 15 ||
[Analyze grammar]

tato gacchetsuvarṇākṣaṃ triṣu lokeṣu viśrutam |
yatra viṣṇuḥ prasādārthaṃ rudramārādhayatpurā || 16 ||
[Analyze grammar]

varāṃśca subahūṃllebhe daivateṣu sudurlabhān |
uktaśca tripuraghnena parituṣṭena bhārata || 17 ||
[Analyze grammar]

api cāsmatpriyataro loke kṛṣṇa bhaviṣyasi |
tvanmukhaṃ ca jagatkṛtsnaṃ bhaviṣyati na saṃśayaḥ || 18 ||
[Analyze grammar]

tatrābhigamya rājendra pūjayitvā vṛṣadhvajam |
aśvamedhamavāpnoti gāṇapatyaṃ ca vindati || 19 ||
[Analyze grammar]

dhūmāvatīṃ tato gacchettriratropoṣito naraḥ |
manasā prārthitānkāmāṃllabhate nātra saṃśayaḥ || 20 ||
[Analyze grammar]

devyāstu dakṣiṇārdhena rathāvarto narādhipa |
tatrāroheta dharmajña śraddadhāno jitendriyaḥ |
mahādevaprasādāddhi gaccheta paramāṃ gatim || 21 ||
[Analyze grammar]

pradakṣiṇamupāvṛtya gaccheta bharatarṣabha |
dhārāṃ nāma mahāprājña sarvapāpapraṇāśinīm |
tatra snātvā naravyāghra na śocati narādhipa || 22 ||
[Analyze grammar]

tato gaccheta dharmajña namaskṛtya mahāgirim |
svargadvāreṇa yattulyaṃ gaṅgādvāraṃ na saṃśayaḥ || 23 ||
[Analyze grammar]

tatrābhiṣekaṃ kurvīta koṭitīrthe samāhitaḥ |
puṇḍarīkamavāpnoti kulaṃ caiva samuddharet || 24 ||
[Analyze grammar]

saptagaṅge trigaṅge ca śakrāvarte ca tarpayan |
devānpitṝṃśca vidhivatpuṇyaloke mahīyate || 25 ||
[Analyze grammar]

tataḥ kanakhale snātvā trirātropoṣito naraḥ |
aśvamedhamavāpnoti svargalokaṃ ca gacchati || 26 ||
[Analyze grammar]

kapilāvaṭaṃ ca gaccheta tīrthasevī narādhipa |
uṣyaikāṃ rajanīṃ tatra gosahasraphalaṃ labhet || 27 ||
[Analyze grammar]

nāgarājasya rājendra kapilasya mahātmanāḥ |
tīrthaṃ kuruvaraśreṣṭha sarvalokeṣu viśrutam || 28 ||
[Analyze grammar]

tatrābhiṣekaṃ kurvīta nāgatīrthe narādhipa |
kapilānāṃ sahasrasya phalaṃ prāpnoti mānavaḥ || 29 ||
[Analyze grammar]

tato lalitikāṃ gacchecchaṃtanostīrthamuttamam |
tatra snātvā naro rājanna durgatimavāpnuyāt || 30 ||
[Analyze grammar]

gaṅgāsaṃgamayoścaiva snāti yaḥ saṃgame naraḥ |
daśāśvamedhānāpnoti kulaṃ caiva samuddharet || 31 ||
[Analyze grammar]

tato gaccheta rājendra sugandhāṃ lokaviśrutām |
sarvapāpaviśuddhātmā brahmaloke mahīyate || 32 ||
[Analyze grammar]

rudrāvartaṃ tato gacchettīrthasevī narādhipa |
tatra snātvā naro rājansvargaloke mahīyate || 33 ||
[Analyze grammar]

gaṅgāyāśca naraśreṣṭha sarasvatyāśca saṃgame |
snāto'śvamedhamāpnoti svargalokaṃ ca gacchati || 34 ||
[Analyze grammar]

bhadrakarṇeśvaraṃ gatvā devamarcya yathāvidhi |
na durgatimavāpnoti svargalokaṃ ca gacchati || 35 ||
[Analyze grammar]

tataḥ kubjāmrakaṃ gacchettīrthasevī yathākramam |
gosahasramavāpnoti svargalokaṃ ca gacchati || 36 ||
[Analyze grammar]

arundhatīvaṭaṃ gacchettīrthasevī narādhipa |
sāmudrakamupaspṛśya trirātropoṣito naraḥ |
gosahasraphalaṃ vindetkulaṃ caiva samuddharet || 37 ||
[Analyze grammar]

brahmāvartaṃ tato gacchedbrahmacārī samāhitaḥ |
aśvamedhamavāpnoti svargalokaṃ ca gacchati || 38 ||
[Analyze grammar]

yamunāprabhavaṃ gatvā upaspṛśya ca yāmune |
aśvamedhaphalaṃ labdhvā svargaloke mahīyate || 39 ||
[Analyze grammar]

darvīsaṃkramaṇaṃ prāpya tīrthaṃ trailokyaviśrutam |
aśvamedhamavāpnoti svargalokaṃ ca gacchati || 40 ||
[Analyze grammar]

sindhośca prabhavaṃ gatvā siddhagandharvasevitam |
tatroṣya rajanīḥ pañca vindyādbahu suvarṇakam || 41 ||
[Analyze grammar]

atha vedīṃ samāsādya naraḥ paramadurgamām |
aśvamedhamavāpnoti gaccheccauśanasīṃ gatim || 42 ||
[Analyze grammar]

ṛṣikulyāṃ samāsādya vāsiṣṭhaṃ caiva bhārata |
vāsiṣṭhaṃ samatikramya sarve varṇā dvijātayaḥ || 43 ||
[Analyze grammar]

ṛṣikulyāṃ naraḥ snātvā ṛṣilokaṃ prapadyate |
yadi tatra vasenmāsaṃ śākāhāro narādhipa || 44 ||
[Analyze grammar]

bhṛgutuṅgaṃ samāsādya vājimedhaphalaṃ labhet |
gatvā vīrapramokṣaṃ ca sarvapāpaiḥ pramucyate || 45 ||
[Analyze grammar]

kṛttikāmaghayoścaiva tīrthamāsādya bhārata |
agniṣṭomātirātrābhyāṃ phalaṃ prāpnoti puṇyakṛt || 46 ||
[Analyze grammar]

tataḥ saṃdhyāṃ samāsādya vidyātīrthamanuttamam |
upaspṛśya ca vidyānāṃ sarvāsāṃ pārago bhavet || 47 ||
[Analyze grammar]

mahāśrame vasedrātriṃ sarvapāpapramocane |
ekakālaṃ nirāhāro lokānāvasate śubhān || 48 ||
[Analyze grammar]

ṣaṣṭhakālopavāsena māsamuṣya mahālaye |
sarvapāpaviśuddhātmā vindyādbahu suvarṇakam || 49 ||
[Analyze grammar]

atha vetasikāṃ gatvā pitāmahaniṣevitām |
aśvamedhamavāpnoti gaccheccauśanasīṃ gatim || 50 ||
[Analyze grammar]

atha sundarikātīrthaṃ prāpya siddhaniṣevitam |
rūpasya bhāgī bhavati dṛṣṭametatpurātane || 51 ||
[Analyze grammar]

tato vai brāhmaṇīṃ gatvā brahmacārī jitendriyaḥ |
padmavarṇena yānena brahmalokaṃ prapadyate || 52 ||
[Analyze grammar]

tataśca naimiṣaṃ gacchetpuṇyaṃ siddhaniṣevitam |
tatra nityaṃ nivasati brahmā devagaṇairvṛtaḥ || 53 ||
[Analyze grammar]

naimiṣaṃ prārthayānasya pāpasyārdhaṃ praṇaśyati |
praviṣṭamātrastu naraḥ sarvapāpaiḥ pramucyate || 54 ||
[Analyze grammar]

tatra māsaṃ vaseddhīro naimiṣe tīrthatatparaḥ |
pṛthivyāṃ yāni tīrthāni naimiṣe tāni bhārata || 55 ||
[Analyze grammar]

abhiṣekakṛtastatra niyato niyatāśanaḥ |
gavāmayasya yajñasya phalaṃ prāpnoti bhārata |
punātyāsaptamaṃ caiva kulaṃ bharatasattama || 56 ||
[Analyze grammar]

yastyajennaimiṣe prāṇānupavāsaparāyaṇaḥ |
sa modetsvargalokastha evamāhurmanīṣiṇaḥ |
nityaṃ puṇyaṃ ca medhyaṃ ca naimiṣaṃ nṛpasattama || 57 ||
[Analyze grammar]

gaṅgodbhedaṃ samāsādya trirātropoṣito naraḥ |
vājapeyamavāpnoti brahmabhūtaśca jāyate || 58 ||
[Analyze grammar]

sarasvatīṃ samāsādya tarpayetpitṛdevatāḥ |
sārasvateṣu lokeṣu modate nātra saṃśayaḥ || 59 ||
[Analyze grammar]

tataśca bāhudāṃ gacchedbrahmacārī samāhitaḥ |
devasatrasya yajñasya phalaṃ prāpnoti mānavaḥ || 60 ||
[Analyze grammar]

tataścīravatīṃ gacchetpuṇyāṃ puṇyatamairvṛtām |
pitṛdevārcanarato vājapeyamavāpnuyāt || 61 ||
[Analyze grammar]

vimalāśokamāsādya virājati yathā śaśī |
tatroṣya rajanīmekāṃ svargaloke mahīyate || 62 ||
[Analyze grammar]

gopratāraṃ tato gacchetsarayvāstīrthamuttamam |
yatra rāmo gataḥ svargaṃ sabhṛtyabalavāhanaḥ || 63 ||
[Analyze grammar]

dehaṃ tyaktvā divaṃ yātastasya tīrthasya tejasā |
rāmasya ca prasādena vyavasāyācca bhārata || 64 ||
[Analyze grammar]

tasmiṃstīrthe naraḥ snātvā gopratāre narādhipa |
sarvapāpaviśuddhātmā svargaloke mahīyate || 65 ||
[Analyze grammar]

rāmatīrthe naraḥ snātvā gomatyāṃ kurunandana |
aśvamedhamavāpnoti punāti ca kulaṃ naraḥ || 66 ||
[Analyze grammar]

śatasāhasrikaṃ tatra tīrthaṃ bharatasattama |
tatropasparśanaṃ kṛtvā niyato niyatāśanaḥ |
gosahasraphalaṃ puṇyaṃ prāpnoti bharatarṣabha || 67 ||
[Analyze grammar]

tato gaccheta rājendra bhartṛsthānamanuttamam |
koṭitīrthe naraḥ snātvā arcayitvā guhaṃ nṛpa |
gosahasraphalaṃ vindettejasvī ca bhavennaraḥ || 68 ||
[Analyze grammar]

tato vārāṇasīṃ gatvā arcayitvā vṛṣadhvajam |
kapilāhrade naraḥ snātvā rājasūyaphalaṃ labhet || 69 ||
[Analyze grammar]

mārkaṇḍeyasya rājendra tīrthamāsādya durlabham |
gomatīgaṅgayoścaiva saṃgame lokaviśrute |
agniṣṭomamavāpnoti kulaṃ caiva samuddharet || 70 ||
[Analyze grammar]

tato gayāṃ samāsādya brahmacārī jitendriyaḥ |
aśvamedhamavāpnoti gamanādeva bhārata || 71 ||
[Analyze grammar]

tatrākṣayavaṭo nāma triṣu lokeṣu viśrutaḥ |
pitṝṇāṃ tatra vai dattamakṣayaṃ bhavati prabho || 72 ||
[Analyze grammar]

mahānadyāmupaspṛśya tarpayetpitṛdevatāḥ |
akṣayānprāpnuyāllokānkulaṃ caiva samuddharet || 73 ||
[Analyze grammar]

tato brahmasaro gaccheddharmāraṇyopaśobhitam |
pauṇḍarīkamavāpnoti prabhātāmeva śarvarīm || 74 ||
[Analyze grammar]

tasminsarasi rājendra brahmaṇo yūpa ucchritaḥ |
yūpaṃ pradakṣiṇaṃ kṛtvā vājapeyaphalaṃ labhet || 75 ||
[Analyze grammar]

tato gaccheta rājendra dhenukāṃ lokaviśrutām |
ekarātroṣito rājanprayacchettiladhenukām |
sarvapāpaviśuddhātmā somalokaṃ vrajeddhruvam || 76 ||
[Analyze grammar]

tatra cihnaṃ mahārāja adyāpi hi na saṃśayaḥ |
kapilā saha vatsena parvate vicaratyuta |
savatsāyāḥ padāni sma dṛśyante'dyāpi bhārata || 77 ||
[Analyze grammar]

teṣūpaspṛśya rājendra padeṣu nṛpasattama |
yatkiṃcidaśubhaṃ karma tatpraṇaśyati bhārata || 78 ||
[Analyze grammar]

tato gṛdhravaṭaṃ gacchetsthānaṃ devasya dhīmataḥ |
snāyīta bhasmanā tatra abhigamya vṛṣadhvajam || 79 ||
[Analyze grammar]

brāhmaṇena bhaveccīrṇaṃ vrataṃ dvādaśavārṣikam |
itareṣāṃ tu varṇānāṃ sarvapāpaṃ praṇaśyati || 80 ||
[Analyze grammar]

gaccheta tata udyantaṃ parvataṃ gītanāditam |
sāvitraṃ tu padaṃ tatra dṛśyate bharatarṣabha || 81 ||
[Analyze grammar]

tatra saṃdhyāmupāsīta brāhmaṇaḥ saṃśitavrataḥ |
upāstā ca bhavetsaṃdhyā tena dvādaśavārṣikī || 82 ||
[Analyze grammar]

yonidvāraṃ ca tatraiva viśrutaṃ bharatarṣabha |
tatrābhigamya mucyeta puruṣo yonisaṃkarāt || 83 ||
[Analyze grammar]

kṛṣṇaśuklāvubhau pakṣau gayāyāṃ yo vasennaraḥ |
punātyāsaptamaṃ rājankulaṃ nāstyatra saṃśayaḥ || 84 ||
[Analyze grammar]

eṣṭavyā bahavaḥ putrā yadyeko'pi gayāṃ vrajet |
yajeta vāśvamedhena nīlaṃ vā vṛṣamutsṛjet || 85 ||
[Analyze grammar]

tataḥ phalguṃ vrajedrājaṃstīrthasevī narādhipa |
aśvamedhamavāpnoti siddhiṃ ca mahatīṃ vrajet || 86 ||
[Analyze grammar]

tato gaccheta rājendra dharmapṛṣṭhaṃ samāhitaḥ |
yatra dharmo mahārāja nityamāste yudhiṣṭhira |
abhigamya tatastatra vājimedhaphalaṃ labhet || 87 ||
[Analyze grammar]

tato gaccheta rājendra brahmaṇastīrthamuttamam |
tatrārcayitvā rājendra brahmāṇamamitaujasam |
rājasūyāśvamedhābhyāṃ phalaṃ prāpnoti mānavaḥ || 88 ||
[Analyze grammar]

tato rājagṛhaṃ gacchettīrthasevī narādhipa |
upaspṛśya tapodeṣu kākṣīvāniva modate || 89 ||
[Analyze grammar]

yakṣiṇyā naityakaṃ tatra prāśnīta puruṣaḥ śuciḥ |
yakṣiṇyāstu prasādena mucyate bhrūṇahatyayā || 90 ||
[Analyze grammar]

maṇināgaṃ tato gatvā gosahasraphalaṃ labhet |
naityakaṃ bhuñjate yastu maṇināgasya mānavaḥ || 91 ||
[Analyze grammar]

daṣṭasyāśīviṣeṇāpi na tasya kramate viṣam |
tatroṣya rajanīmekāṃ sarvapāpaiḥ pramucyate || 92 ||
[Analyze grammar]

tato gaccheta brahmarṣergautamasya vanaṃ nṛpa |
ahalyāyā hrade snātvā vrajeta paramāṃ gatim |
abhigamya śriyaṃ rājanvindate śriyamuttamām || 93 ||
[Analyze grammar]

tatrodapāno dharmajña triṣu lokeṣu viśrutaḥ |
tatrābhiṣekaṃ kṛtvā tu vājimedhamavāpnuyāt || 94 ||
[Analyze grammar]

janakasya tu rājarṣeḥ kūpastridaśapūjitaḥ |
tatrābhiṣekaṃ kṛtvā tu viṣṇulokamavāpnuyāt || 95 ||
[Analyze grammar]

tato vinaśanaṃ gacchetsarvapāpapramocanam |
vājapeyamavāpnoti somalokaṃ ca gacchati || 96 ||
[Analyze grammar]

gaṇḍakīṃ tu samāsādya sarvatīrthajalodbhavām |
vājapeyamavāpnoti sūryalokaṃ ca gacchati || 97 ||
[Analyze grammar]

tato'dhivaṃśyaṃ dharmajña samāviśya tapovanam |
guhyakeṣu mahārāja modate nātra saṃśayaḥ || 98 ||
[Analyze grammar]

kampanāṃ tu samāsādya nadīṃ siddhaniṣevitām |
puṇḍarīkamavāpnoti sūryalokaṃ ca gacchati || 99 ||
[Analyze grammar]

tato viśālāmāsādya nadīṃ trailokyaviśrutām |
agniṣṭomamavāpnoti svargalokaṃ ca gacchati || 100 ||
[Analyze grammar]

atha māheśvarīṃ dhārāṃ samāsādya narādhipa |
aśvamedhamavāpnoti kulaṃ caiva samuddharet || 101 ||
[Analyze grammar]

divaukasāṃ puṣkariṇīṃ samāsādya naraḥ śuciḥ |
na durgatimavāpnoti vājapeyaṃ ca vindati || 102 ||
[Analyze grammar]

maheśvarapadaṃ gacchedbrahmacārī samāhitaḥ |
maheśvarapade snātvā vājimedhaphalaṃ labhet || 103 ||
[Analyze grammar]

tatra koṭistu tīrthānāṃ viśrutā bharatarṣabha |
kūrmarūpeṇa rājendra asureṇa durātmanā |
hriyamāṇāhṛtā rājanviṣṇunā prabhaviṣṇunā || 104 ||
[Analyze grammar]

tatrābhiṣekaṃ kurvāṇastīrthakoṭyāṃ yudhiṣṭhira |
puṇḍarīkamavāpnoti viṣṇulokaṃ ca gacchati || 105 ||
[Analyze grammar]

tato gaccheta rājendra sthānaṃ nārāyaṇasya tu |
sadā saṃnihito yatra harirvasati bhārata |
śālagrāma iti khyāto viṣṇoradbhutakarmaṇaḥ || 106 ||
[Analyze grammar]

abhigamya trilokeśaṃ varadaṃ viṣṇumavyayam |
aśvamedhamavāpnoti viṣṇulokaṃ ca gacchati || 107 ||
[Analyze grammar]

tatrodapāno dharmajña sarvapāpapramocanaḥ |
samudrāstatra catvāraḥ kūpe saṃnihitāḥ sadā |
tatropaspṛśya rājendra na durgatimavāpnuyāt || 108 ||
[Analyze grammar]

abhigamya mahādevaṃ varadaṃ viṣṇumavyayam |
virājati yathā soma ṛṇairmukto yudhiṣṭhira || 109 ||
[Analyze grammar]

jātismara upaspṛśya śuciḥ prayatamānasaḥ |
jātismaratvaṃ prāpnoti snātvā tatra na saṃśayaḥ || 110 ||
[Analyze grammar]

vaṭeśvarapuraṃ gatvā arcayitvā tu keśavam |
īpsitāṃllabhate kāmānupavāsānna saṃśayaḥ || 111 ||
[Analyze grammar]

tatastu vāmanaṃ gatvā sarvapāpapramocanam |
abhivādya hariṃ devaṃ na durgatimavāpnuyāt || 112 ||
[Analyze grammar]

bharatasyāśramaṃ gatvā sarvapāpapramocanam |
kauśikīṃ tatra seveta mahāpātakanāśinīm |
rājasūyasya yajñasya phalaṃ prāpnoti mānavaḥ || 113 ||
[Analyze grammar]

tato gaccheta dharmajña campakāraṇyamuttamam |
tatroṣya rajanīmekāṃ gosahasraphalaṃ labhet || 114 ||
[Analyze grammar]

atha jyeṣṭhilamāsādya tīrthaṃ paramasaṃmatam |
upoṣya rajanīmekāmagniṣṭomaphalaṃ labhet || 115 ||
[Analyze grammar]

tatra viśveśvaraṃ dṛṣṭvā devyā saha mahādyutim |
mitrāvaruṇayorlokānāpnoti puruṣarṣabha || 116 ||
[Analyze grammar]

kanyāsaṃvedyamāsādya niyato niyatāśanaḥ |
manoḥ prajāpaterlokānāpnoti bharatarṣabha || 117 ||
[Analyze grammar]

kanyāyāṃ ye prayacchanti pānamannaṃ ca bhārata |
tadakṣayamiti prāhurṛṣayaḥ saṃśitavratāḥ || 118 ||
[Analyze grammar]

niścīrāṃ ca samāsādya triṣu lokeṣu viśrutām |
aśvamedhamavāpnoti viṣṇulokaṃ ca gacchati || 119 ||
[Analyze grammar]

ye tu dānaṃ prayacchanti niścīrāsaṃgame narāḥ |
te yānti naraśārdūla brahmalokaṃ na saṃśayaḥ || 120 ||
[Analyze grammar]

tatrāśramo vasiṣṭhasya triṣu lokeṣu viśrutaḥ |
tatrābhiṣekaṃ kurvāṇo vājapeyamavāpnuyāt || 121 ||
[Analyze grammar]

devakūṭaṃ samāsādya brahmarṣigaṇasevitam |
aśvamedhamavāpnoti kulaṃ caiva samuddharet || 122 ||
[Analyze grammar]

tato gaccheta rājendra kauśikasya munerhradam |
yatra siddhiṃ parāṃ prāpto viśvāmitro'tha kauśikaḥ || 123 ||
[Analyze grammar]

tatra māsaṃ vasedvīra kauśikyāṃ bharatarṣabha |
aśvamedhasya yatpuṇyaṃ tanmāsenādhigacchati || 124 ||
[Analyze grammar]

sarvatīrthavare caiva yo vaseta mahāhrade |
na durgatimavāpnoti vindedbahu suvarṇakam || 125 ||
[Analyze grammar]

kumāramabhigatvā ca vīrāśramanivāsinam |
aśvamedhamavāpnoti naro nāstyatra saṃśayaḥ || 126 ||
[Analyze grammar]

agnidhārāṃ samāsādya triṣu lokeṣu viśrutām |
agniṣṭomamavāpnoti na ca svargānnivartate || 127 ||
[Analyze grammar]

pitāmahasaro gatvā śailarājapratiṣṭhitam |
tatrābhiṣekaṃ kurvāṇo agniṣṭomaphalaṃ labhet || 128 ||
[Analyze grammar]

pitāmahasya sarasaḥ prasrutā lokapāvanī |
kumāradhārā tatraiva triṣu lokeṣu viśrutā || 129 ||
[Analyze grammar]

yatra snātvā kṛtārtho'smītyātmānamavagacchati |
ṣaṣṭhakālopavāsena mucyate brahmahatyayā || 130 ||
[Analyze grammar]

śikharaṃ vai mahādevyā gauryāstrailokyaviśrutam |
samāruhya naraḥ śrāddhaḥ stanakuṇḍeṣu saṃviśet || 131 ||
[Analyze grammar]

tatrābhiṣekaṃ kurvāṇaḥ pitṛdevārcane rataḥ |
hayamedhamavāpnoti śakralokaṃ ca gacchati || 132 ||
[Analyze grammar]

tāmrāruṇaṃ samāsādya brahmacārī samāhitaḥ |
aśvamedhamavāpnoti śakralokaṃ ca gacchati || 133 ||
[Analyze grammar]

nandinyāṃ ca samāsādya kūpaṃ tridaśasevitam |
naramedhasya yatpuṇyaṃ tatprāpnoti kurūdvaha || 134 ||
[Analyze grammar]

kālikāsaṃgame snātvā kauśikyāruṇayoryataḥ |
trirātropoṣito vidvānsarvapāpaiḥ pramucyate || 135 ||
[Analyze grammar]

urvaśītīrthamāsādya tataḥ somāśramaṃ budhaḥ |
kumbhakarṇāśrame snātvā pūjyate bhuvi mānavaḥ || 136 ||
[Analyze grammar]

snātvā kokāmukhe puṇye brahmacārī yatavrataḥ |
jātismaratvaṃ prāpnoti dṛṣṭametatpurātane || 137 ||
[Analyze grammar]

sakṛnnandāṃ samāsādya kṛtātmā bhavati dvijaḥ |
sarvapāpaviśuddhātmā śakralokaṃ ca gacchati || 138 ||
[Analyze grammar]

ṛṣabhadvīpamāsādya sevyaṃ krauñcaniṣūdanam |
sarasvatyāmupaspṛśya vimānastho virājate || 139 ||
[Analyze grammar]

auddālakaṃ mahārāja tīrthaṃ muniniṣevitam |
tatrābhiṣekaṃ kurvīta sarvapāpaiḥ pramucyate || 140 ||
[Analyze grammar]

dharmatīrthaṃ samāsādya puṇyaṃ brahmarṣisevitam |
vājapeyamavāpnoti naro nāstyatra saṃśayaḥ || 141 ||
[Analyze grammar]

tathā campāṃ samāsādya bhāgīrathyāṃ kṛtodakaḥ |
daṇḍārkamabhigamyaiva gosahasraphalaṃ labhet || 142 ||
[Analyze grammar]

laveḍikāṃ tato gacchetpuṇyāṃ puṇyopasevitām |
vājapeyamavāpnoti vimānasthaśca pūjyate || 143 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 82

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: