Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

vaiśaṃpāyana uvāca |
dhanaṃjayotsukāste tu vane tasminmahārathāḥ |
nyavasanta mahābhāgā draupadyā saha pāṇḍavāḥ || 1 ||
[Analyze grammar]

athāpaśyanmahātmānaṃ devarṣiṃ tatra nāradam |
dīpyamānaṃ śriyā brāhmyā dīptāgnisamatejasam || 2 ||
[Analyze grammar]

sa taiḥ parivṛtaḥ śrīmānbhrātṛbhiḥ kurusattamaḥ |
vibabhāvatidīptaujā devairiva śatakratuḥ || 3 ||
[Analyze grammar]

yathā ca vedānsāvitrī yājñasenī tathā satī |
na jahau dharmataḥ pārthānmerumarkaprabhā yathā || 4 ||
[Analyze grammar]

pratigṛhya tu tāṃ pūjāṃ nārado bhagavānṛṣiḥ |
āśvāsayaddharmasutaṃ yuktarūpamivānagha || 5 ||
[Analyze grammar]

uvāca ca mahātmānaṃ dharmarājaṃ yudhiṣṭhiram |
brūhi dharmabhṛtāṃ śreṣṭha kenārthaḥ kiṃ dadāmi te || 6 ||
[Analyze grammar]

atha dharmasuto rājā praṇamya bhrātṛbhiḥ saha |
uvāca prāñjalirvākyaṃ nāradaṃ devasaṃmitam || 7 ||
[Analyze grammar]

tvayi tuṣṭe mahābhāga sarvalokābhipūjite |
kṛtamityeva manye'haṃ prasādāttava suvrata || 8 ||
[Analyze grammar]

yadi tvahamanugrāhyo bhrātṛbhiḥ sahito'nagha |
saṃdehaṃ me muniśreṣṭha hṛdisthaṃ chettumarhasi || 9 ||
[Analyze grammar]

pradakṣiṇaṃ yaḥ kurute pṛthivīṃ tīrthatatparaḥ |
kiṃ phalaṃ tasya kārtsnyena tadbrahmanvaktumarhasi || 10 ||
[Analyze grammar]

nārada uvāca |
śṛṇu rājannavahito yathā bhīṣmeṇa bhārata |
pulastyasya sakāśādvai sarvametadupaśrutam || 11 ||
[Analyze grammar]

purā bhāgīrathītīre bhīṣmo dharmabhṛtāṃ varaḥ |
pitryaṃ vrataṃ samāsthāya nyavasanmunivattadā || 12 ||
[Analyze grammar]

śubhe deśe mahārāja puṇye devarṣisevite |
gaṅgādvāre mahātejā devagandharvasevite || 13 ||
[Analyze grammar]

sa pitṝṃstarpayāmāsa devāṃśca paramadyutiḥ |
ṛṣīṃśca toṣayāmāsa vidhidṛṣṭena karmaṇā || 14 ||
[Analyze grammar]

kasyacittvatha kālasya japanneva mahātapāḥ |
dadarśādbhutasaṃkāśaṃ pulastyamṛṣisattamam || 15 ||
[Analyze grammar]

sa taṃ dṛṣṭvogratapasaṃ dīpyamānamiva śriyā |
praharṣamatulaṃ lebhe vismayaṃ ca paraṃ yayau || 16 ||
[Analyze grammar]

upasthitaṃ mahārāja pūjayāmāsa bhārata |
bhīṣmo dharmabhṛtāṃ śreṣṭho vidhidṛṣṭena karmaṇā || 17 ||
[Analyze grammar]

śirasā cārghyamādāya śuciḥ prayatamānasaḥ |
nāma saṃkīrtayāmāsa tasminbrahmarṣisattame || 18 ||
[Analyze grammar]

bhīṣmo'hamasmi bhadraṃ te dāso'smi tava suvrata |
tava saṃdarśanādeva mukto'haṃ sarvakilbiṣaiḥ || 19 ||
[Analyze grammar]

evamuktvā mahārāja bhīṣmo dharmabhṛtāṃ varaḥ |
vāgyataḥ prāñjalirbhūtvā tūṣṇīmāsīdyudhiṣṭhira || 20 ||
[Analyze grammar]

taṃ dṛṣṭvā niyamenātha svādhyāyāmnāyakarśitam |
bhīṣmaṃ kurukulaśreṣṭhaṃ muniḥ prītamanābhavat || 21 ||
[Analyze grammar]

pulastya uvāca |
anena tava dharmajña praśrayeṇa damena ca |
satyena ca mahābhāga tuṣṭo'smi tava sarvaśaḥ || 22 ||
[Analyze grammar]

yasyedṛśaste dharmo'yaṃ pitṛbhaktyāśrito'nagha |
tena paśyasi māṃ putra prītiścāpi mama tvayi || 23 ||
[Analyze grammar]

amoghadarśī bhīṣmāhaṃ brūhi kiṃ karavāṇi te |
yadvakṣyasi kuruśreṣṭha tasya dātāsmi te'nagha || 24 ||
[Analyze grammar]

bhīṣma uvāca |
prīte tvayi mahābhāga sarvalokābhipūjite |
kṛtamityeva manye'haṃ yadahaṃ dṛṣṭavānprabhum || 25 ||
[Analyze grammar]

yadi tvahamanugrāhyastava dharmabhṛtāṃ vara |
vakṣyāmi hṛtsthaṃ saṃdehaṃ tanme tvaṃ vaktumarhasi || 26 ||
[Analyze grammar]

asti me bhagavankaścittīrthebhyo dharmasaṃśayaḥ |
tamahaṃ śrotumicchāmi pṛthaksaṃkīrtitaṃ tvayā || 27 ||
[Analyze grammar]

pradakṣiṇaṃ yaḥ pṛthivīṃ karotyamitavikrama |
kiṃ phalaṃ tasya viprarṣe tanme brūhi tapodhana || 28 ||
[Analyze grammar]

pulastya uvāca |
hanta te'haṃ pravakṣyāmi yadṛṣīṇāṃ parāyaṇam |
tadekāgramanāstāta śṛṇu tīrtheṣu yatphalam || 29 ||
[Analyze grammar]

yasya hastau ca pādau ca manaścaiva susaṃyatam |
vidyā tapaśca kīrtiśca sa tīrthaphalamaśnute || 30 ||
[Analyze grammar]

pratigrahādupāvṛttaḥ saṃtuṣṭo niyataḥ śuciḥ |
ahaṃkāranivṛttaśca sa tīrthaphalamaśnute || 31 ||
[Analyze grammar]

akalkako nirārambho laghvāhāro jitendriyaḥ |
vimuktaḥ sarvadoṣairyaḥ sa tīrthaphalamaśnute || 32 ||
[Analyze grammar]

akrodhanaśca rājendra satyaśīlo dṛḍhavrataḥ |
ātmopamaśca bhūteṣu sa tīrthaphalamaśnute || 33 ||
[Analyze grammar]

ṛṣibhiḥ kratavaḥ proktā vedeṣviha yathākramam |
phalaṃ caiva yathātattvaṃ pretya ceha ca sarvaśaḥ || 34 ||
[Analyze grammar]

na te śakyā daridreṇa yajñāḥ prāptuṃ mahīpate |
bahūpakaraṇā yajñā nānāsaṃbhāravistarāḥ || 35 ||
[Analyze grammar]

prāpyante pārthivairete samṛddhairvā naraiḥ kvacit |
nārthanyūnopakaraṇairekātmabhirasaṃhataiḥ || 36 ||
[Analyze grammar]

yo daridrairapi vidhiḥ śakyaḥ prāptuṃ nareśvara |
tulyo yajñaphalaiḥ puṇyaistaṃ nibodha yudhāṃ vara || 37 ||
[Analyze grammar]

ṛṣīṇāṃ paramaṃ guhyamidaṃ bharatasattama |
tīrthābhigamanaṃ puṇyaṃ yajñairapi viśiṣyate || 38 ||
[Analyze grammar]

anupoṣya trirātrāṇi tīrthānyanabhigamya ca |
adattvā kāñcanaṃ gāśca daridro nāma jāyate || 39 ||
[Analyze grammar]

agniṣṭomādibhiryajñairiṣṭvā vipuladakṣiṇaiḥ |
na tatphalamavāpnoti tīrthābhigamanena yat || 40 ||
[Analyze grammar]

nṛloke devadevasya tīrthaṃ trailokyaviśrutam |
puṣkaraṃ nāma vikhyātaṃ mahābhāgaḥ samāviśet || 41 ||
[Analyze grammar]

daśa koṭisahasrāṇi tīrthānāṃ vai mahīpate |
sāṃnidhyaṃ puṣkare yeṣāṃ trisaṃdhyaṃ kurunandana || 42 ||
[Analyze grammar]

ādityā vasavo rudrāḥ sādhyāśca samarudgaṇāḥ |
gandharvāpsarasaścaiva nityaṃ saṃnihitā vibho || 43 ||
[Analyze grammar]

yatra devāstapastaptvā daityā brahmarṣayastathā |
divyayogā mahārāja puṇyena mahatānvitāḥ || 44 ||
[Analyze grammar]

manasāpyabhikāmasya puṣkarāṇi manasvinaḥ |
pūyante sarvapāpāni nākapṛṣṭhe ca pūjyate || 45 ||
[Analyze grammar]

tasmiṃstīrthe mahābhāga nityameva pitāmahaḥ |
uvāsa paramaprīto devadānavasaṃmataḥ || 46 ||
[Analyze grammar]

puṣkareṣu mahābhāga devāḥ sarṣipurogamāḥ |
siddhiṃ samabhisaṃprāptāḥ puṇyena mahatānvitāḥ || 47 ||
[Analyze grammar]

tatrābhiṣekaṃ yaḥ kuryātpitṛdevārcane rataḥ |
aśvamedhaṃ daśaguṇaṃ pravadanti manīṣiṇaḥ || 48 ||
[Analyze grammar]

apyekaṃ bhojayedvipraṃ puṣkarāraṇyamāśritaḥ |
tenāsau karmaṇā bhīṣma pretya ceha ca modate || 49 ||
[Analyze grammar]

śākamūlaphalairvāpi yena vartayate svayam |
tadvai dadyādbrāhmaṇāya śraddhāvānanasūyakaḥ |
tenaiva prāpnuyātprājño hayamedhaphalaṃ naraḥ || 50 ||
[Analyze grammar]

brāhmaṇaḥ kṣatriyo vaiśyaḥ śūdro vā rājasattama |
na viyoniṃ vrajantyete snātāstīrthe mahātmanaḥ || 51 ||
[Analyze grammar]

kārttikyāṃ tu viśeṣeṇa yo'bhigaccheta puṣkaram |
phalaṃ tatrākṣayaṃ tasya vardhate bharatarṣabha || 52 ||
[Analyze grammar]

sāyaṃ prātaḥ smaredyastu puṣkarāṇi kṛtāñjaliḥ |
upaspṛṣṭaṃ bhavettena sarvatīrtheṣu bhārata |
prāpnuyācca naro lokānbrahmaṇaḥ sadane'kṣayān || 53 ||
[Analyze grammar]

janmaprabhṛti yatpāpaṃ striyo vā puruṣasya vā |
puṣkare snātamātrasya sarvameva praṇaśyati || 54 ||
[Analyze grammar]

yathā surāṇāṃ sarveṣāmādistu madhusūdanaḥ |
tathaiva puṣkaraṃ rājaṃstīrthānāmādirucyate || 55 ||
[Analyze grammar]

uṣya dvādaśa varṣāṇi puṣkare niyataḥ śuciḥ |
kratūnsarvānavāpnoti brahmalokaṃ ca gacchati || 56 ||
[Analyze grammar]

yastu varṣaśataṃ pūrṇamagnihotramupāsate |
kārttikīṃ vā vasedekāṃ puṣkare samameva tat || 57 ||
[Analyze grammar]

duṣkaraṃ puṣkaraṃ gantuṃ duṣkaraṃ puṣkare tapaḥ |
duṣkaraṃ puṣkare dānaṃ vastuṃ caiva suduṣkaram || 58 ||
[Analyze grammar]

uṣya dvādaśarātraṃ tu niyato niyatāśanaḥ |
pradakṣiṇamupāvṛtto jambūmārgaṃ samāviśet || 59 ||
[Analyze grammar]

jambūmārgaṃ samāviśya devarṣipitṛsevitam |
aśvamedhamavāpnoti viṣṇulokaṃ ca gacchati || 60 ||
[Analyze grammar]

tatroṣya rajanīḥ pañca ṣaṣṭhakālakṣamī naraḥ |
na durgatimavāpnoti siddhiṃ prāpnoti cottamām || 61 ||
[Analyze grammar]

jambūmārgādupāvṛtto gacchettaṇḍulikāśramam |
na durgatimavāpnoti svargaloke ca pūjyate || 62 ||
[Analyze grammar]

agastyasara āsādya pitṛdevārcane rataḥ |
trirātropoṣito rājannagniṣṭomaphalaṃ labhet || 63 ||
[Analyze grammar]

śākavṛttiḥ phalairvāpi kaumāraṃ vindate padam |
kaṇvāśramaṃ samāsādya śrījuṣṭaṃ lokapūjitam || 64 ||
[Analyze grammar]

dharmāraṇyaṃ hi tatpuṇyamādyaṃ ca bharatarṣabha |
yatra praviṣṭamātro vai pāpebhyo vipramucyate || 65 ||
[Analyze grammar]

arcayitvā pitṝndevānniyato niyatāśanaḥ |
sarvakāmasamṛddhasya yajñasya phalamaśnute || 66 ||
[Analyze grammar]

pradakṣiṇaṃ tataḥ kṛtvā yayātipatanaṃ vrajet |
hayamedhasya yajñasya phalaṃ prāpnoti tatra vai || 67 ||
[Analyze grammar]

mahākālaṃ tato gacchenniyato niyatāśanaḥ |
koṭitīrthamupaspṛśya hayamedhaphalaṃ labhet || 68 ||
[Analyze grammar]

tato gaccheta dharmajña puṇyasthānamumāpateḥ |
nāmnā bhadravaṭaṃ nāma triṣu lokeṣu viśrutam || 69 ||
[Analyze grammar]

tatrābhigamya ceśānaṃ gosahasraphalaṃ labhet |
mahādevaprasādācca gāṇapatyamavāpnuyāt || 70 ||
[Analyze grammar]

narmadāmatha cāsādya nadīṃ trailokyaviśrutām |
tarpayitvā pitṝndevānagniṣṭomaphalaṃ labhet || 71 ||
[Analyze grammar]

dakṣiṇaṃ sindhumāsādya brahmacārī jitendriyaḥ |
agniṣṭomamavāpnoti vimānaṃ cādhirohati || 72 ||
[Analyze grammar]

carmaṇvatīṃ samāsādya niyato niyatāśanaḥ |
rantidevābhyanujñāto agniṣṭomaphalaṃ labhet || 73 ||
[Analyze grammar]

tato gaccheta dharmajña himavatsutamarbudam |
pṛthivyāṃ yatra vai chidraṃ pūrvamāsīdyudhiṣṭhira || 74 ||
[Analyze grammar]

tatrāśramo vasiṣṭhasya triṣu lokeṣu viśrutaḥ |
tatroṣya rajanīmekāṃ gosahasraphalaṃ labhet || 75 ||
[Analyze grammar]

piṅgātīrthamupaspṛśya brahmacārī jitendriyaḥ |
kapilānāṃ naravyāghra śatasya phalamaśnute || 76 ||
[Analyze grammar]

tato gaccheta dharmajña prabhāsaṃ lokaviśrutam |
yatra saṃnihito nityaṃ svayameva hutāśanaḥ |
devatānāṃ mukhaṃ vīra analo'nilasārathiḥ || 77 ||
[Analyze grammar]

tasmiṃstīrthavare snātvā śuciḥ prayatamānasaḥ |
agniṣṭomātirātrābhyāṃ phalaṃ prāpnoti mānavaḥ || 78 ||
[Analyze grammar]

tato gatvā sarasvatyāḥ sāgarasya ca saṃgame |
gosahasraphalaṃ prāpya svargaloke mahīyate |
dīpyamāno'gnivannityaṃ prabhayā bharatarṣabha || 79 ||
[Analyze grammar]

trirātramuṣitastatra tarpayetpitṛdevatāḥ |
prabhāsate yathā somo aśvamedhaṃ ca vindati || 80 ||
[Analyze grammar]

varadānaṃ tato gacchettīrthaṃ bharatasattama |
viṣṇordurvāsasā yatra varo datto yudhiṣṭhira || 81 ||
[Analyze grammar]

varadāne naraḥ snātvā gosahasraphalaṃ labhet |
tato dvāravatīṃ gacchenniyato niyatāśanaḥ |
piṇḍārake naraḥ snātvā labhedbahu suvarṇakam || 82 ||
[Analyze grammar]

tasmiṃstīrthe mahābhāga padmalakṣaṇalakṣitāḥ |
adyāpi mudrā dṛśyante tadadbhutamariṃdama || 83 ||
[Analyze grammar]

triśūlāṅkāni padmāni dṛśyante kurunandana |
mahādevasya sāṃnidhyaṃ tatraiva bharatarṣabha || 84 ||
[Analyze grammar]

sāgarasya ca sindhośca saṃgamaṃ prāpya bhārata |
tīrthe salilarājasya snātvā prayatamānasaḥ || 85 ||
[Analyze grammar]

tarpayitvā pitṝndevānṛṣīṃśca bharatarṣabha |
prāpnoti vāruṇaṃ lokaṃ dīpyamānaḥ svatejasā || 86 ||
[Analyze grammar]

śaṅkukarṇeśvaraṃ devamarcayitvā yudhiṣṭhira |
aśvamedhaṃ daśaguṇaṃ pravadanti manīṣiṇaḥ || 87 ||
[Analyze grammar]

pradakṣiṇamupāvṛtya gaccheta bharatarṣabha |
tīrthaṃ kuruvaraśreṣṭha triṣu lokeṣu viśrutam |
dṛmīti nāmnā vikhyātaṃ sarvapāpapramocanam || 88 ||
[Analyze grammar]

yatra brahmādayo devā upāsante maheśvaram |
tatra snātvārcayitvā ca rudraṃ devagaṇairvṛtam |
janmaprabhṛti pāpāni kṛtāni nudate naraḥ || 89 ||
[Analyze grammar]

dṛmī cātra naraśreṣṭha sarvadevairabhiṣṭutā |
tatra snātvā naravyāghra hayamedhamavāpnuyāt || 90 ||
[Analyze grammar]

jitvā yatra mahāprājña viṣṇunā prabhaviṣṇunā |
purā śaucaṃ kṛtaṃ rājanhatvā daivatakaṇṭakān || 91 ||
[Analyze grammar]

tato gaccheta dharmajña vasordhārāmabhiṣṭutām |
gamanādeva tasyāṃ hi hayamedhamavāpnuyāt || 92 ||
[Analyze grammar]

snātvā kuruvaraśreṣṭha prayatātmā tu mānavaḥ |
tarpya devānpitṝṃścaiva viṣṇuloke mahīyate || 93 ||
[Analyze grammar]

tīrthaṃ cātra paraṃ puṇyaṃ vasūnāṃ bharatarṣabha |
tatra snātvā ca pītvā ca vasūnāṃ saṃmato bhavet || 94 ||
[Analyze grammar]

sindhūttamamiti khyātaṃ sarvapāpapraṇāśanam |
tatra snātvā naraśreṣṭha labhedbahu suvarṇakam || 95 ||
[Analyze grammar]

brahmatuṅgaṃ samāsādya śuciḥ prayatamānasaḥ |
brahmalokamavāpnoti sukṛtī virajā naraḥ || 96 ||
[Analyze grammar]

kumārikāṇāṃ śakrasya tīrthaṃ siddhaniṣevitam |
tatra snātvā naraḥ kṣipraṃ śakralokamavāpnuyāt || 97 ||
[Analyze grammar]

reṇukāyāśca tatraiva tīrthaṃ devaniṣevitam |
tatra snātvā bhavedvipro vimalaścandramā yathā || 98 ||
[Analyze grammar]

atha pañcanadaṃ gatvā niyato niyatāśanaḥ |
pañca yajñānavāpnoti kramaśo ye'nukīrtitāḥ || 99 ||
[Analyze grammar]

tato gaccheta dharmajña bhīmāyāḥ sthānamuttamam |
tatra snātvā tu yonyāṃ vai naro bharatasattama || 100 ||
[Analyze grammar]

devyāḥ putro bhavedrājaṃstaptakuṇḍalavigrahaḥ |
gavāṃ śatasahasrasya phalaṃ caivāpnuyānmahat || 101 ||
[Analyze grammar]

girimuñjaṃ samāsādya triṣu lokeṣu viśrutam |
pitāmahaṃ namaskṛtya gosahasraphalaṃ labhet || 102 ||
[Analyze grammar]

tato gaccheta dharmajña vimalaṃ tīrthamuttamam |
adyāpi yatra dṛśyante matsyāḥ sauvarṇarājatāḥ || 103 ||
[Analyze grammar]

tatra snātvā naraśreṣṭha vājapeyamavāpnuyāt |
sarvapāpaviśuddhātmā gacchecca paramāṃ gatim || 104 ||
[Analyze grammar]

tato gaccheta maladāṃ triṣu lokeṣu viśrutām |
paścimāyāṃ tu saṃdhyāyāmupaspṛśya yathāvidhi || 105 ||
[Analyze grammar]

caruṃ narendra saptārceryathāśakti nivedayet |
pitṝṇāmakṣayaṃ dānaṃ pravadanti manīṣiṇaḥ || 106 ||
[Analyze grammar]

gavāṃ śatasahasreṇa rājasūyaśatena ca |
aśvamedhasahasreṇa śreyānsaptārciṣaścaruḥ || 107 ||
[Analyze grammar]

tato nivṛtto rājendra vastrāpadamathāviśet |
abhigamya mahādevamaśvamedhaphalaṃ labhet || 108 ||
[Analyze grammar]

maṇimantaṃ samāsādya brahmacārī samāhitaḥ |
ekarātroṣito rājannagniṣṭomaphalaṃ labhet || 109 ||
[Analyze grammar]

atha gaccheta rājendra devikāṃ lokaviśrutām |
prasūtiryatra viprāṇāṃ śrūyate bharatarṣabha || 110 ||
[Analyze grammar]

triśūlapāṇeḥ sthānaṃ ca triṣu lokeṣu viśrutam |
devikāyāṃ naraḥ snātvā samabhyarcya maheśvaram || 111 ||
[Analyze grammar]

yathāśakti caruṃ tatra nivedya bharatarṣabha |
sarvakāmasamṛddhasya yajñasya labhate phalam || 112 ||
[Analyze grammar]

kāmākhyaṃ tatra rudrasya tīrthaṃ devarṣisevitam |
tatra snātvā naraḥ kṣipraṃ siddhimāpnoti bhārata || 113 ||
[Analyze grammar]

yajanaṃ yājanaṃ gatvā tathaiva brahmavālukām |
puṣpanyāsa upaspṛśya na śocenmaraṇaṃ tataḥ || 114 ||
[Analyze grammar]

ardhayojanavistārāṃ pañcayojanamāyatām |
etāvaddevikāmāhuḥ puṇyāṃ devarṣisevitām || 115 ||
[Analyze grammar]

tato gaccheta dharmajña dīrghasatraṃ yathākramam |
yatra brahmādayo devāḥ siddhāśca paramarṣayaḥ |
dīrghasatramupāsante dakṣiṇābhiryatavratāḥ || 116 ||
[Analyze grammar]

gamanādeva rājendra dīrghasatramariṃdama |
rājasūyāśvamedhābhyāṃ phalaṃ prāpnoti mānavaḥ || 117 ||
[Analyze grammar]

tato vinaśanaṃ gacchenniyato niyatāśanaḥ |
gacchatyantarhitā yatra marupṛṣṭhe sarasvatī |
camase ca śivodbhede nāgodbhede ca dṛśyate || 118 ||
[Analyze grammar]

snātvā ca camasodbhede agniṣṭomaphalaṃ labhet |
śivodbhede naraḥ snātvā gosahasraphalaṃ labhet || 119 ||
[Analyze grammar]

nāgodbhede naraḥ snātvā nāgalokamavāpnuyāt |
śaśayānaṃ ca rājendra tīrthamāsādya durlabham |
śaśarūpapraticchannāḥ puṣkarā yatra bhārata || 120 ||
[Analyze grammar]

sarasvatyāṃ mahārāja anu saṃvatsaraṃ hi te |
snāyante bharataśreṣṭha vṛttāṃ vai kārttikīṃ sadā || 121 ||
[Analyze grammar]

tatra snātvā naravyāghra dyotate śaśivatsadā |
gosahasraphalaṃ caiva prāpnuyādbharatarṣabha || 122 ||
[Analyze grammar]

kumārakoṭimāsādya niyataḥ kurunandana |
tatrābhiṣekaṃ kurvīta pitṛdevārcane rataḥ |
gavāmayamavāpnoti kulaṃ caiva samuddharet || 123 ||
[Analyze grammar]

tato gaccheta dharmajña rudrakoṭiṃ samāhitaḥ |
purā yatra mahārāja ṛṣikoṭiḥ samāhitā |
praharṣeṇa ca saṃviṣṭā devadarśanakāṅkṣayā || 124 ||
[Analyze grammar]

ahaṃ pūrvamahaṃ pūrvaṃ drakṣyāmi vṛṣabhadhvajam |
evaṃ saṃprasthitā rājannṛṣayaḥ kila bhārata || 125 ||
[Analyze grammar]

tato yogeśvareṇāpi yogamāsthāya bhūpate |
teṣāṃ manyupraṇāśārthamṛṣīṇāṃ bhāvitātmanām || 126 ||
[Analyze grammar]

sṛṣṭā koṭistu rudrāṇāmṛṣīṇāmagrataḥ sthitā |
mayā pūrvataraṃ dṛṣṭa iti te menire pṛthak || 127 ||
[Analyze grammar]

teṣāṃ tuṣṭo mahādeva ṛṣīṇāmugratejasām |
bhaktyā paramayā rājanvaraṃ teṣāṃ pradiṣṭavān |
adya prabhṛti yuṣmākaṃ dharmavṛddhirbhaviṣyati || 128 ||
[Analyze grammar]

tatra snātvā naravyāghra rudrakoṭyāṃ naraḥ śuciḥ |
aśvamedhamavāpnoti kulaṃ caiva samuddharet || 129 ||
[Analyze grammar]

tato gaccheta rājendra saṃgamaṃ lokaviśrutam |
sarasvatyā mahāpuṇyamupāsante janārdanam || 130 ||
[Analyze grammar]

yatra brahmādayo devā ṛṣayaḥ siddhacāraṇāḥ |
abhigacchanti rājendra caitraśuklacaturdaśīm || 131 ||
[Analyze grammar]

tatra snātvā naravyāghra vindedbahu suvarṇakam |
sarvapāpaviśuddhātmā brahmalokaṃ ca gacchati || 132 ||
[Analyze grammar]

ṛṣīṇāṃ yatra satrāṇi samāptāni narādhipa |
satrāvasānamāsādya gosahasraphalaṃ labhet || 133 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 80

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: