Chapter 71

bṛhadaśva uvāca |
tato vidarbhānsaṃprāptaṃ sāyāhne satyavikramam |
ṛtuparṇaṃ janā rājñe bhīmāya pratyavedayan || 1 ||
[Analyze grammar]

sa bhīmavacanādrājā kuṇḍinaṃ prāviśatpuram |
nādayanrathaghoṣeṇa sarvāḥ sopadiśo daśa || 2 ||
[Analyze grammar]

tatastaṃ rathanirghoṣaṃ nalāśvāstatra śuśruvuḥ |
śrutvā ca samahṛṣyanta pureva nalasaṃnidhau || 3 ||
[Analyze grammar]

damayantī ca śuśrāva rathaghoṣaṃ nalasya tam |
yathā meghasya nadato gambhīraṃ jaladāgame || 4 ||
[Analyze grammar]

nalena saṃgṛhīteṣu pureva nalavājiṣu |
sadṛśaṃ rathanirghoṣaṃ mene bhaimī tathā hayāḥ || 5 ||
[Analyze grammar]

prāsādasthāśca śikhinaḥ śālāsthāścaiva vāraṇāḥ |
hayāśca śuśruvustatra rathaghoṣaṃ mahīpateḥ || 6 ||
[Analyze grammar]

te śrutvā rathanirghoṣaṃ vāraṇāḥ śikhinastathā |
praṇedurunmukhā rājanmeghodayamivekṣya ha || 7 ||
[Analyze grammar]

damayantyuvāca |
yathāsau rathanirghoṣaḥ pūrayanniva medinīm |
mama hlādayate ceto nala eṣa mahīpatiḥ || 8 ||
[Analyze grammar]

adya candrābhavaktraṃ taṃ na paśyāmi nalaṃ yadi |
asaṃkhyeyaguṇaṃ vīraṃ vinaśiṣyāmyasaṃśayam || 9 ||
[Analyze grammar]

yadi vai tasya vīrasya bāhvornādyāhamantaram |
praviśāmi sukhasparśaṃ vinaśiṣyāmyasaṃśayam || 10 ||
[Analyze grammar]

yadi māṃ meghanirghoṣo nopagacchati naiṣadhaḥ |
adya cāmīkaraprakhyo vinaśiṣyāmyasaṃśayam || 11 ||
[Analyze grammar]

yadi māṃ siṃhavikrānto mattavāraṇavāraṇaḥ |
nābhigacchati rājendro vinaśiṣyāmyasaṃśayam || 12 ||
[Analyze grammar]

na smarāmyanṛtaṃ kiṃcinna smarāmyanupākṛtam |
na ca paryuṣitaṃ vākyaṃ svaireṣvapi mahātmanaḥ || 13 ||
[Analyze grammar]

prabhuḥ kṣamāvānvīraśca mṛdurdānto jitendriyaḥ |
raho'nīcānuvartī ca klībavanmama naiṣadhaḥ || 14 ||
[Analyze grammar]

guṇāṃstasya smarantyā me tatparāyā divāniśam |
hṛdayaṃ dīryata idaṃ śokātpriyavinākṛtam || 15 ||
[Analyze grammar]

bṛhadaśva uvāca |
evaṃ vilapamānā sā naṣṭasaṃjñeva bhārata |
āruroha mahadveśma puṇyaślokadidṛkṣayā || 16 ||
[Analyze grammar]

tato madhyamakakṣāyāṃ dadarśa rathamāsthitam |
ṛtuparṇaṃ mahīpālaṃ sahavārṣṇeyabāhukam || 17 ||
[Analyze grammar]

tato'vatīrya vārṣṇeyo bāhukaśca rathottamāt |
hayāṃstānavamucyātha sthāpayāmāsatū ratham || 18 ||
[Analyze grammar]

so'vatīrya rathopasthādṛtuparṇo narādhipaḥ |
upatasthe mahārāja bhīmaṃ bhīmaparākramam || 19 ||
[Analyze grammar]

taṃ bhīmaḥ pratijagrāha pūjayā parayā tataḥ |
akasmātsahasā prāptaṃ strīmantraṃ na sma vindati || 20 ||
[Analyze grammar]

kiṃ kāryaṃ svāgataṃ te'stu rājñā pṛṣṭaśca bhārata |
nābhijajñe sa nṛpatirduhitrarthe samāgatam || 21 ||
[Analyze grammar]

ṛtuparṇo'pi rājā sa dhīmānsatyaparākramaḥ |
rājānaṃ rājaputraṃ vā na sma paśyati kaṃcana |
naiva svayaṃvarakathāṃ na ca viprasamāgamam || 22 ||
[Analyze grammar]

tato vigaṇayanrājā manasā kosalādhipaḥ |
āgato'smītyuvācainaṃ bhavantamabhivādakaḥ || 23 ||
[Analyze grammar]

rājāpi ca smayanbhīmo manasābhivicintayat |
adhikaṃ yojanaśataṃ tasyāgamanakāraṇam || 24 ||
[Analyze grammar]

grāmānbahūnatikramya nādhyagacchadyathātatham |
alpakāryaṃ vinirdiṣṭaṃ tasyāgamanakāraṇam || 25 ||
[Analyze grammar]

naitadevaṃ sa nṛpatistaṃ satkṛtya vyasarjayat |
viśrāmyatāmiti vadanklānto'sīti punaḥ punaḥ || 26 ||
[Analyze grammar]

sa satkṛtaḥ prahṛṣṭātmā prītaḥ prītena pārthivaḥ |
rājapreṣyairanugato diṣṭaṃ veśma samāviśat || 27 ||
[Analyze grammar]

ṛtuparṇe gate rājanvārṣṇeyasahite nṛpe |
bāhuko rathamāsthāya rathaśālāmupāgamat || 28 ||
[Analyze grammar]

sa mocayitvā tānaśvānparicārya ca śāstrataḥ |
svayaṃ caitānsamāśvāsya rathopastha upāviśat || 29 ||
[Analyze grammar]

damayantī tu śokārtā dṛṣṭvā bhāṅgasvariṃ nṛpam |
sūtaputraṃ ca vārṣṇeyaṃ bāhukaṃ ca tathāvidham || 30 ||
[Analyze grammar]

cintayāmāsa vaidarbhī kasyaiṣa rathanisvanaḥ |
nalasyeva mahānāsīnna ca paśyāmi naiṣadham || 31 ||
[Analyze grammar]

vārṣṇeyena bhavennūnaṃ vidyā saivopaśikṣitā |
tenāsya rathanirghoṣo nalasyeva mahānabhūt || 32 ||
[Analyze grammar]

āhosvidṛtuparṇo'pi yathā rājā nalastathā |
tato'yaṃ rathanirghoṣo naiṣadhasyeva lakṣyate || 33 ||
[Analyze grammar]

evaṃ vitarkayitvā tu damayantī viśāṃ pate |
dūtīṃ prasthāpayāmāsa naiṣadhānveṣaṇe nṛpa || 34 ||
[Analyze grammar]