Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 23

< Previous

Next >

vaiśaṃpāyana uvāca |
pārthaḥ prāpya dhanuḥśreṣṭhamakṣayyau ca maheṣudhī |
rathaṃ dhvajaṃ sabhāṃ caiva yudhiṣṭhiramabhāṣata || 1 ||
[Analyze grammar]

dhanurastraṃ śarā vīryaṃ pakṣo bhūmiryaśo balam |
prāptametanmayā rājanduṣprāpaṃ yadabhīpsitam || 2 ||
[Analyze grammar]

tatra kṛtyamahaṃ manye kośasyāsya vivardhanam |
karamāhārayiṣyāmi rājñaḥ sarvānnṛpottama || 3 ||
[Analyze grammar]

vijayāya prayāsyāmi diśaṃ dhanadarakṣitām |
tithāvatha muhūrte ca nakṣatre ca tathā śive || 4 ||
[Analyze grammar]

dhanaṃjayavacaḥ śrutvā dharmarājo yudhiṣṭhiraḥ |
snigdhagambhīranādinyā taṃ girā pratyabhāṣata || 5 ||
[Analyze grammar]

svasti vācyārhato viprānprayāhi bharatarṣabha |
durhṛdāmapraharṣāya suhṛdāṃ nandanāya ca |
vijayaste dhruvaṃ pārtha priyaṃ kāmamavāpnuhi || 6 ||
[Analyze grammar]

ityuktaḥ prayayau pārthaḥ sainyena mahatā vṛtaḥ |
agnidattena divyena rathenādbhutakarmaṇā || 7 ||
[Analyze grammar]

tathaiva bhīmaseno'pi yamau ca puruṣarṣabhau |
sasainyāḥ prayayuḥ sarve dharmarājābhipūjitāḥ || 8 ||
[Analyze grammar]

diśaṃ dhanapateriṣṭāmajayatpākaśāsaniḥ |
bhīmasenastathā prācīṃ sahadevastu dakṣiṇām || 9 ||
[Analyze grammar]

pratīcīṃ nakulo rājandiśaṃ vyajayadastravit |
khāṇḍavaprasthamadhyāste dharmarājo yudhiṣṭhiraḥ || 10 ||
[Analyze grammar]

janamejaya uvāca |
diśāmabhijayaṃ brahmanvistareṇānukīrtaya |
na hi tṛpyāmi pūrveṣāṃ śṛṇvānaścaritaṃ mahat || 11 ||
[Analyze grammar]

vaiśaṃpāyana uvāca |
dhanaṃjayasya vakṣyāmi vijayaṃ pūrvameva te |
yaugapadyena pārthairhi vijiteyaṃ vasuṃdharā || 12 ||
[Analyze grammar]

pūrvaṃ kuṇindaviṣaye vaśe cakre mahīpatīn |
dhanaṃjayo mahābāhurnātitīvreṇa karmaṇā || 13 ||
[Analyze grammar]

ānartānkālakūṭāṃśca kuṇindāṃśca vijitya saḥ |
sumaṇḍalaṃ pāpajitaṃ kṛtavānanusainikam || 14 ||
[Analyze grammar]

sa tena sahito rājansavyasācī paraṃtapaḥ |
vijigye sakalaṃ dvīpaṃ prativindhyaṃ ca pārthivam || 15 ||
[Analyze grammar]

sakaladvīpavāsāṃśca saptadvīpe ca ye nṛpāḥ |
arjunasya ca sainyānāṃ vigrahastumulo'bhavat || 16 ||
[Analyze grammar]

sa tānapi maheṣvāso vijitya bharatarṣabha |
taireva sahitaḥ sarvaiḥ prāgjyotiṣamupādravat || 17 ||
[Analyze grammar]

tatra rājā mahānāsīdbhagadatto viśāṃ pate |
tenāsītsumahadyuddhaṃ pāṇḍavasya mahātmanaḥ || 18 ||
[Analyze grammar]

sa kirātaiśca cīnaiśca vṛtaḥ prāgjyotiṣo'bhavat |
anyaiśca bahubhiryodhaiḥ sāgarānūpavāsibhiḥ || 19 ||
[Analyze grammar]

tataḥ sa divasānaṣṭau yodhayitvā dhanaṃjayam |
prahasannabravīdrājā saṃgrāme vigataklamaḥ || 20 ||
[Analyze grammar]

upapannaṃ mahābāho tvayi pāṇḍavanandana |
pākaśāsanadāyāde vīryamāhavaśobhini || 21 ||
[Analyze grammar]

ahaṃ sakhā surendrasya śakrādanavamo raṇe |
na ca śaknomi te tāta sthātuṃ pramukhato yudhi || 22 ||
[Analyze grammar]

kimīpsitaṃ pāṇḍaveya brūhi kiṃ karavāṇi te |
yadvakṣyasi mahābāho tatkariṣyāmi putraka || 23 ||
[Analyze grammar]

arjuna uvāca |
kurūṇāmṛṣabho rājā dharmaputro yudhiṣṭhiraḥ |
tasya pārthivatāmīpse karastasmai pradīyatām || 24 ||
[Analyze grammar]

bhavānpitṛsakhā caiva prīyamāṇo mayāpi ca |
tato nājñāpayāmi tvāṃ prītipūrvaṃ pradīyatām || 25 ||
[Analyze grammar]

bhagadatta uvāca |
kuntīmātaryathā me tvaṃ tathā rājā yudhiṣṭhiraḥ |
sarvametatkariṣyāmi kiṃ cānyatkaravāṇi te || 26 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 23

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!