Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 204

nārada uvāca |
jitvā tu pṛthivīṃ daityau niḥsapatnau gatavyathau |
kṛtvā trailokyamavyagraṃ kṛtakṛtyau babhūvatuḥ || 1 ||
[Analyze grammar]

devagandharvayakṣāṇāṃ nāgapārthivarakṣasām |
ādāya sarvaratnāni parāṃ tuṣṭimupāgatau || 2 ||
[Analyze grammar]

yadā na pratiṣeddhārastayoḥ santīha kecana |
nirudyogau tadā bhūtvā vijahrāte'marāviva || 3 ||
[Analyze grammar]

strībhirmālyaiśca gandhaiśca bhakṣairbhojyaiśca puṣkalaiḥ |
pānaiśca vividhairhṛdyaiḥ parāṃ prītimavāpatuḥ || 4 ||
[Analyze grammar]

antaḥpure vanodyāne parvatopavaneṣu ca |
yathepsiteṣu deśeṣu vijahrāte'marāviva || 5 ||
[Analyze grammar]

tataḥ kadācidvindhyasya pṛṣṭhe samaśilātale |
puṣpitāgreṣu śāleṣu vihāramabhijagmatuḥ || 6 ||
[Analyze grammar]

divyeṣu sarvakāmeṣu samānīteṣu tatra tau |
varāsaneṣu saṃhṛṣṭau saha strībhirniṣedatuḥ || 7 ||
[Analyze grammar]

tato vāditranṛttābhyāmupātiṣṭhanta tau striyaḥ |
gītaiśca stutisaṃyuktaiḥ prītyarthamupajagmire || 8 ||
[Analyze grammar]

tatastilottamā tatra vane puṣpāṇi cinvatī |
veṣamākṣiptamādhāya raktenaikena vāsasā || 9 ||
[Analyze grammar]

nadītīreṣu jātānsā karṇikārānvicinvatī |
śanairjagāma taṃ deśaṃ yatrāstāṃ tau mahāsurau || 10 ||
[Analyze grammar]

tau tu pītvā varaṃ pānaṃ madaraktāntalocanau |
dṛṣṭvaiva tāṃ varārohāṃ vyathitau saṃbabhūvatuḥ || 11 ||
[Analyze grammar]

tāvutpatyāsanaṃ hitvā jagmaturyatra sā sthitā |
ubhau ca kāmasaṃmattāvubhau prārthayataśca tām || 12 ||
[Analyze grammar]

dakṣiṇe tāṃ kare subhrūṃ sundo jagrāha pāṇinā |
upasundo'pi jagrāha vāme pāṇau tilottamām || 13 ||
[Analyze grammar]

varapradānamattau tāvaurasena balena ca |
dhanaratnamadābhyāṃ ca surāpānamadena ca || 14 ||
[Analyze grammar]

sarvairetairmadairmattāvanyonyaṃ bhrukuṭīkṛtau |
madakāmasamāviṣṭau parasparamathocatuḥ || 15 ||
[Analyze grammar]

mama bhāryā tava gururiti sundo'bhyabhāṣata |
mama bhāryā tava vadhūrupasundo'bhyabhāṣata || 16 ||
[Analyze grammar]

naiṣā tava mamaiṣeti tatra tau manyurāviśat |
tasyā hetorgade bhīme tāvubhāvapyagṛhṇatām || 17 ||
[Analyze grammar]

tau pragṛhya gade bhīme tasyāḥ kāmena mohitau |
ahaṃ pūrvamahaṃ pūrvamityanyonyaṃ nijaghnatuḥ || 18 ||
[Analyze grammar]

tau gadābhihatau bhīmau petaturdharaṇītale |
rudhireṇāvaliptāṅgau dvāvivārkau nabhaścyutau || 19 ||
[Analyze grammar]

tatastā vidrutā nāryaḥ sa ca daityagaṇastadā |
pātālamagamatsarvo viṣādabhayakampitaḥ || 20 ||
[Analyze grammar]

tataḥ pitāmahastatra saha devairmaharṣibhiḥ |
ājagāma viśuddhātmā pūjayiṣyaṃstilottamām || 21 ||
[Analyze grammar]

vareṇa chanditā sā tu brahmaṇā prītimeva ha |
varayāmāsa tatraināṃ prītaḥ prāha pitāmahaḥ || 22 ||
[Analyze grammar]

ādityacaritāṃllokānvicariṣyasi bhāmini |
tejasā ca sudṛṣṭāṃ tvāṃ na kariṣyati kaścana || 23 ||
[Analyze grammar]

evaṃ tasyai varaṃ dattvā sarvalokapitāmahaḥ |
indre trailokyamādhāya brahmalokaṃ gataḥ prabhuḥ || 24 ||
[Analyze grammar]

evaṃ tau sahitau bhūtvā sarvārtheṣvekaniścayau |
tilottamārthe saṃkruddhāvanyonyamabhijaghnatuḥ || 25 ||
[Analyze grammar]

tasmādbravīmi vaḥ snehātsarvānbharatasattamān |
yathā vo nātra bhedaḥ syātsarveṣāṃ draupadīkṛte |
tathā kuruta bhadraṃ vo mama cetpriyamicchatha || 26 ||
[Analyze grammar]

vaiśaṃpāyana uvāca |
evamuktā mahātmāno nāradena maharṣiṇā |
samayaṃ cakrire rājaṃste'nyonyena samāgatāḥ |
samakṣaṃ tasya devarṣernāradasyāmitaujasaḥ || 27 ||
[Analyze grammar]

draupadyā naḥ sahāsīnamanyo'nyaṃ yo'bhidarśayet |
sa no dvādaśa varṣāṇi brahmacārī vane vaset || 28 ||
[Analyze grammar]

kṛte tu samaye tasminpāṇḍavairdharmacāribhiḥ |
nārado'pyagamatprīta iṣṭaṃ deśaṃ mahāmuniḥ || 29 ||
[Analyze grammar]

evaṃ taiḥ samayaḥ pūrvaṃ kṛto nāradacoditaiḥ |
na cābhidyanta te sārve tadānyonyena bhārata || 30 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 204

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: