Chapter 187

vaiśaṃpāyana uvāca |
tata āhūya pāñcālyo rājaputraṃ yudhiṣṭhiram |
parigraheṇa brāhmeṇa parigṛhya mahādyutiḥ || 1 ||
[Analyze grammar]

paryapṛcchadadīnātmā kuntīputraṃ suvarcasam |
kathaṃ jānīma bhavataḥ kṣatriyānbrāhmaṇānuta || 2 ||
[Analyze grammar]

vaiśyānvā guṇasaṃpannānuta vā śūdrayonijān |
māyāmāsthāya vā siddhāṃścarataḥ sarvatodiśam || 3 ||
[Analyze grammar]

kṛṣṇāhetoranuprāptāndivaḥ saṃdarśanārthinaḥ |
bravītu no bhavānsatyaṃ saṃdeho hyatra no mahān || 4 ||
[Analyze grammar]

api naḥ saṃśayasyānte manastuṣṭirihāviśet |
api no bhāgadheyāni śubhāni syuḥ paraṃtapa || 5 ||
[Analyze grammar]

kāmayā brūhi satyaṃ tvaṃ satyaṃ rājasu śobhate |
iṣṭāpūrtena ca tathā vaktavyamanṛtaṃ na tu || 6 ||
[Analyze grammar]

śrutvā hyamarasaṃkāśa tava vākyamariṃdama |
dhruvaṃ vivāhakaraṇamāsthāsyāmi vidhānataḥ || 7 ||
[Analyze grammar]

yudhiṣṭhira uvāca |
mā rājanvimanā bhūstvaṃ pāñcālya prītirastu te |
īpsitaste dhruvaḥ kāmaḥ saṃvṛtto'yamasaṃśayam || 8 ||
[Analyze grammar]

vayaṃ hi kṣatriyā rājanpāṇḍoḥ putrā mahātmanaḥ |
jyeṣṭhaṃ māṃ viddhi kaunteyaṃ bhīmasenārjunāvimau |
yābhyāṃ tava sutā rājannirjitā rājasaṃsadi || 9 ||
[Analyze grammar]

yamau tu tatra rājendra yatra kṛṣṇā pratiṣṭhitā |
vyetu te mānasaṃ duḥkhaṃ kṣatriyāḥ smo nararṣabha |
padminīva suteyaṃ te hradādanyaṃ hradaṃ gatā || 10 ||
[Analyze grammar]

iti tathyaṃ mahārāja sarvametadbravīmi te |
bhavānhi gururasmākaṃ paramaṃ ca parāyaṇam || 11 ||
[Analyze grammar]

vaiśaṃpāyana uvāca |
tataḥ sa drupado rājā harṣavyākulalocanaḥ |
prativaktuṃ tadā yuktaṃ nāśakattaṃ yudhiṣṭhiram || 12 ||
[Analyze grammar]

yatnena tu sa taṃ harṣaṃ saṃnigṛhya paraṃtapaḥ |
anurūpaṃ tato rājā pratyuvāca yudhiṣṭhiram || 13 ||
[Analyze grammar]

papraccha cainaṃ dharmātmā yathā te pradrutāḥ purā |
sa tasmai sarvamācakhyāvānupūrvyeṇa pāṇḍavaḥ || 14 ||
[Analyze grammar]

tacchrutvā drupado rājā kuntīputrasya bhāṣitam |
vigarhayāmāsa tadā dhṛtarāṣṭraṃ janeśvaram || 15 ||
[Analyze grammar]

āśvāsayāmāsa ca taṃ kuntīputraṃ yudhiṣṭhiram |
pratijajñe ca rājyāya drupado vadatāṃ varaḥ || 16 ||
[Analyze grammar]

tataḥ kuntī ca kṛṣṇā ca bhīmasenārjunāvapi |
yamau ca rājñā saṃdiṣṭau viviśurbhavanaṃ mahat || 17 ||
[Analyze grammar]

tatra te nyavasanrājanyajñasenena pūjitāḥ |
pratyāśvastāṃstato rājā saha putrairuvāca tān || 18 ||
[Analyze grammar]

gṛhṇātu vidhivatpāṇimadyaiva kurunandanaḥ |
puṇye'hani mahābāhurarjunaḥ kurutāṃ kṣaṇam || 19 ||
[Analyze grammar]

tatastamabravīdrājā dharmaputro yudhiṣṭhiraḥ |
mamāpi dārasaṃbandhaḥ kāryastāvadviśāṃ pate || 20 ||
[Analyze grammar]

drupada uvāca |
bhavānvā vidhivatpāṇiṃ gṛhṇātu duhiturmama |
yasya vā manyase vīra tasya kṛṣṇāmupādiśa || 21 ||
[Analyze grammar]

yudhiṣṭhira uvāca |
sarveṣāṃ draupadī rājanmahiṣī no bhaviṣyati |
evaṃ hi vyāhṛtaṃ pūrvaṃ mama mātrā viśāṃ pate || 22 ||
[Analyze grammar]

ahaṃ cāpyaniviṣṭo vai bhīmasenaśca pāṇḍavaḥ |
pārthena vijitā caiṣā ratnabhūtā ca te sutā || 23 ||
[Analyze grammar]

eṣa naḥ samayo rājanratnasya sahabhojanam |
na ca taṃ hātumicchāmaḥ samayaṃ rājasattama || 24 ||
[Analyze grammar]

sarveṣāṃ dharmataḥ kṛṣṇā mahiṣī no bhaviṣyati |
ānupūrvyeṇa sarveṣāṃ gṛhṇātu jvalane karam || 25 ||
[Analyze grammar]

drupada uvāca |
ekasya bahvyo vihitā mahiṣyaḥ kurunandana |
naikasyā bahavaḥ puṃso vidhīyante kadācana || 26 ||
[Analyze grammar]

lokavedaviruddhaṃ tvaṃ nādharmaṃ dhārmikaḥ śuciḥ |
kartumarhasi kaunteya kasmātte buddhirīdṛśī || 27 ||
[Analyze grammar]

yudhiṣṭhira uvāca |
sūkṣmo dharmo mahārāja nāsya vidmo vayaṃ gatim |
pūrveṣāmānupūrvyeṇa yātaṃ vartmānuyāmahe || 28 ||
[Analyze grammar]

na me vāganṛtaṃ prāha nādharme dhīyate matiḥ |
evaṃ caiva vadatyambā mama caiva manogatam || 29 ||
[Analyze grammar]

eṣa dharmo dhruvo rājaṃścarainamavicārayan |
mā ca te'tra viśaṅkā bhūtkathaṃcidapi pārthiva || 30 ||
[Analyze grammar]

drupada uvāca |
tvaṃ ca kuntī ca kaunteya dhṛṣṭadyumnaśca me sutaḥ |
kathayantvitikartavyaṃ śvaḥ kāle karavāmahe || 31 ||
[Analyze grammar]

vaiśaṃpāyana uvāca |
te sametya tataḥ sarve kathayanti sma bhārata |
atha dvaipāyano rājannabhyāgacchadyadṛcchayā || 32 ||
[Analyze grammar]