Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 131

< Previous

Next >

vaiśaṃpāyana uvāca |
tato duryodhano rājā sarvāstāḥ prakṛtīḥ śanaiḥ |
arthamānapradānābhyāṃ saṃjahāra sahānujaḥ || 1 ||
[Analyze grammar]

dhṛtarāṣṭraprayuktāstu kecitkuśalamantriṇaḥ |
kathayāṃ cakrire ramyaṃ nagaraṃ vāraṇāvatam || 2 ||
[Analyze grammar]

ayaṃ samājaḥ sumahānramaṇīyatamo bhuvi |
upasthitaḥ paśupaternagare vāraṇāvate || 3 ||
[Analyze grammar]

sarvaratnasamākīrṇe puṃsāṃ deśe manorame |
ityevaṃ dhṛtarāṣṭrasya vacanāccakrire kathāḥ || 4 ||
[Analyze grammar]

kathyamāne tathā ramye nagare vāraṇāvate |
gamane pāṇḍuputrāṇāṃ jajñe tatra matirnṛpa || 5 ||
[Analyze grammar]

yadā tvamanyata nṛpo jātakautūhalā iti |
uvācainānatha tadā pāṇḍavānambikāsutaḥ || 6 ||
[Analyze grammar]

mameme puruṣā nityaṃ kathayanti punaḥ punaḥ |
ramaṇīyataraṃ loke nagaraṃ vāraṇāvatam || 7 ||
[Analyze grammar]

te tāta yadi manyadhvamutsavaṃ vāraṇāvate |
sagaṇāḥ sānuyātrāśca viharadhvaṃ yathāmarāḥ || 8 ||
[Analyze grammar]

brāhmaṇebhyaśca ratnāni gāyanebhyaśca sarvaśaḥ |
prayacchadhvaṃ yathākāmaṃ devā iva suvarcasaḥ || 9 ||
[Analyze grammar]

kaṃcitkālaṃ vihṛtyaivamanubhūya parāṃ mudam |
idaṃ vai hāstinapuraṃ sukhinaḥ punareṣyatha || 10 ||
[Analyze grammar]

dhṛtarāṣṭrasya taṃ kāmamanubuddhvā yudhiṣṭhiraḥ |
ātmanaścāsahāyatvaṃ tatheti pratyuvāca tam || 11 ||
[Analyze grammar]

tato bhīṣmaṃ mahāprājñaṃ viduraṃ ca mahāmatim |
droṇaṃ ca bāhlikaṃ caiva somadattaṃ ca kauravam || 12 ||
[Analyze grammar]

kṛpamācāryaputraṃ ca gāndhārīṃ ca yaśasvinīm |
yudhiṣṭhiraḥ śanairdīnamuvācedaṃ vacastadā || 13 ||
[Analyze grammar]

ramaṇīye janākīrṇe nagare vāraṇāvate |
sagaṇāstāta vatsyāmo dhṛtarāṣṭrasya śāsanāt || 14 ||
[Analyze grammar]

prasannamanasaḥ sarve puṇyā vāco vimuñcata |
āśīrbhirvardhitānasmānna pāpaṃ prasahiṣyati || 15 ||
[Analyze grammar]

evamuktāstu te sarve pāṇḍuputreṇa kauravāḥ |
prasannavadanā bhūtvā te'bhyavartanta pāṇḍavān || 16 ||
[Analyze grammar]

svastyastu vaḥ pathi sadā bhūtebhyaścaiva sarvaśaḥ |
mā ca vo'stvaśubhaṃ kiṃcitsarvataḥ pāṇḍunandanāḥ || 17 ||
[Analyze grammar]

tataḥ kṛtasvastyayanā rājyalābhāya pāṇḍavāḥ |
kṛtvā sarvāṇi kāryāṇi prayayurvāraṇāvatam || 18 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 131

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!