Chapter 55

vaiśaṃpāyana uvāca |
gurave prāṅnamaskṛtya manobuddhisamādhibhiḥ |
saṃpūjya ca dvijānsarvāṃstathānyānviduṣo janān || 1 ||
[Analyze grammar]

maharṣeḥ sarvalokeṣu viśrutasyāsya dhīmataḥ |
pravakṣyāmi mataṃ kṛtsnaṃ vyāsasyāmitatejasaḥ || 2 ||
[Analyze grammar]

śrotuṃ pātraṃ ca rājaṃstvaṃ prāpyemāṃ bhāratīṃ kathām |
gurorvaktuṃ parispando mudā protsāhatīva mām || 3 ||
[Analyze grammar]

śṛṇu rājanyathā bhedaḥ kurupāṇḍavayorabhūt |
rājyārthe dyūtasaṃbhūto vanavāsastathaiva ca || 4 ||
[Analyze grammar]

yathā ca yuddhamabhavatpṛthivīkṣayakārakam |
tatte'haṃ saṃpravakṣyāmi pṛcchate bharatarṣabha || 5 ||
[Analyze grammar]

mṛte pitari te vīrā vanādetya svamandiram |
nacirādiva vidvāṃso vede dhanuṣi cābhavan || 6 ||
[Analyze grammar]

tāṃstathā rūpavīryaujaḥsaṃpannānpaurasaṃmatān |
nāmṛṣyankuravo dṛṣṭvā pāṇḍavāñśrīyaśobhṛtaḥ || 7 ||
[Analyze grammar]

tato duryodhanaḥ krūraḥ karṇaśca sahasaubalaḥ |
teṣāṃ nigrahanirvāsānvividhāṃste samācaran || 8 ||
[Analyze grammar]

dadāvatha viṣaṃ pāpo bhīmāya dhṛtarāṣṭrajaḥ |
jarayāmāsa tadvīraḥ sahānnena vṛkodaraḥ || 9 ||
[Analyze grammar]

pramāṇakoṭyāṃ saṃsuptaṃ punarbaddhvā vṛkodaram |
toyeṣu bhīmaṃ gaṅgāyāḥ prakṣipya puramāvrajat || 10 ||
[Analyze grammar]

yadā prabuddhaḥ kaunteyastadā saṃchidya bandhanam |
udatiṣṭhanmahārāja bhīmaseno gatavyathaḥ || 11 ||
[Analyze grammar]

āśīviṣaiḥ kṛṣṇasarpaiḥ suptaṃ cainamadaṃśayat |
sarveṣvevāṅgadeśeṣu na mamāra ca śatruhā || 12 ||
[Analyze grammar]

teṣāṃ tu viprakāreṣu teṣu teṣu mahāmatiḥ |
mokṣaṇe pratighāte ca viduro'vahito'bhavat || 13 ||
[Analyze grammar]

svargastho jīvalokasya yathā śakraḥ sukhāvahaḥ |
pāṇḍavānāṃ tathā nityaṃ viduro'pi sukhāvahaḥ || 14 ||
[Analyze grammar]

yadā tu vividhopāyaiḥ saṃvṛtairvivṛtairapi |
nāśaknodvinihantuṃ tāndaivabhāvyartharakṣitān || 15 ||
[Analyze grammar]

tataḥ saṃmantrya sacivairvṛṣaduḥśāsanādibhiḥ |
dhṛtarāṣṭramanujñāpya jātuṣaṃ gṛhamādiśat || 16 ||
[Analyze grammar]

tatra tānvāsayāmāsa pāṇḍavānamitaujasaḥ |
adāhayacca visrabdhānpāvakena punastadā || 17 ||
[Analyze grammar]

vidurasyaiva vacanātkhanitrī vihitā tataḥ |
mokṣayāmāsa yogena te muktāḥ prādravanbhayāt || 18 ||
[Analyze grammar]

tato mahāvane ghore hiḍimbaṃ nāma rākṣasam |
bhīmaseno'vadhītkruddho bhuvi bhīmaparākramaḥ || 19 ||
[Analyze grammar]

atha saṃdhāya te vīrā ekacakrāṃ vrajaṃstadā |
brahmarūpadharā bhūtvā mātrā saha paraṃtapāḥ || 20 ||
[Analyze grammar]

tatra te brāhmaṇārthāya bakaṃ hatvā mahābalam |
brāhmaṇaiḥ sahitā jagmuḥ pāñcālānāṃ puraṃ tataḥ || 21 ||
[Analyze grammar]

te tatra draupadīṃ labdhvā parisaṃvatsaroṣitāḥ |
viditā hāstinapuraṃ pratyājagmurariṃdamāḥ || 22 ||
[Analyze grammar]

ta uktā dhṛtarāṣṭreṇa rājñā śāṃtanavena ca |
bhrātṛbhirvigrahastāta kathaṃ vo na bhavediti |
asmābhiḥ khāṇḍavaprasthe yuṣmadvāso'nucintitaḥ || 23 ||
[Analyze grammar]

tasmājjanapadopetaṃ suvibhaktamahāpatham |
vāsāya khāṇḍavaprasthaṃ vrajadhvaṃ gatamanyavaḥ || 24 ||
[Analyze grammar]

tayoste vacanājjagmuḥ saha sarvaiḥ suhṛjjanaiḥ |
nagaraṃ khāṇḍavaprasthaṃ ratnānyādāya sarvaśaḥ || 25 ||
[Analyze grammar]

tatra te nyavasanrājansaṃvatsaragaṇānbahūn |
vaśe śastrapratāpena kurvanto'nyānmahīkṣitaḥ || 26 ||
[Analyze grammar]

evaṃ dharmapradhānāste satyavrataparāyaṇāḥ |
apramattotthitāḥ kṣāntāḥ pratapanto'hitāṃstadā || 27 ||
[Analyze grammar]

ajayadbhīmasenastu diśaṃ prācīṃ mahābalaḥ |
udīcīmarjuno vīraḥ pratīcīṃ nakulastathā || 28 ||
[Analyze grammar]

dakṣiṇāṃ sahadevastu vijigye paravīrahā |
evaṃ cakrurimāṃ sarve vaśe kṛtsnāṃ vasuṃdharām || 29 ||
[Analyze grammar]

pañcabhiḥ sūryasaṃkāśaiḥ sūryeṇa ca virājatā |
ṣaṭsūryevābabhau pṛthvī pāṇḍavaiḥ satyavikramaiḥ || 30 ||
[Analyze grammar]

tato nimitte kasmiṃściddharmarājo yudhiṣṭhiraḥ |
vanaṃ prasthāpayāmāsa bhrātaraṃ vai dhanaṃjayam || 31 ||
[Analyze grammar]

sa vai saṃvatsaraṃ pūrṇaṃ māsaṃ caikaṃ vane'vasat |
tato'gacchaddhṛṣīkeśaṃ dvāravatyāṃ kadācana || 32 ||
[Analyze grammar]

labdhavāṃstatra bībhatsurbhāryāṃ rājīvalocanām |
anujāṃ vāsudevasya subhadrāṃ bhadrabhāṣiṇīm || 33 ||
[Analyze grammar]

sā śacīva mahendreṇa śrīḥ kṛṣṇeneva saṃgatā |
subhadrā yuyuje prītā pāṇḍavenārjunena ha || 34 ||
[Analyze grammar]

atarpayacca kaunteyaḥ khāṇḍave havyavāhanam |
bībhatsurvāsudevena sahito nṛpasattama || 35 ||
[Analyze grammar]

nātibhāro hi pārthasya keśavenābhavatsaha |
vyavasāyasahāyasya viṣṇoḥ śatruvadheṣviva || 36 ||
[Analyze grammar]

pārthāyāgnirdadau cāpi gāṇḍīvaṃ dhanuruttamam |
iṣudhī cākṣayairbāṇai rathaṃ ca kapilakṣaṇam || 37 ||
[Analyze grammar]

mokṣayāmāsa bībhatsurmayaṃ tatra mahāsuram |
sa cakāra sabhāṃ divyāṃ sarvaratnasamācitām || 38 ||
[Analyze grammar]

tasyāṃ duryodhano mando lobhaṃ cakre sudurmatiḥ |
tato'kṣairvañcayitvā ca saubalena yudhiṣṭhiram || 39 ||
[Analyze grammar]

vanaṃ prasthāpayāmāsa sapta varṣāṇi pañca ca |
ajñātamekaṃ rāṣṭre ca tathā varṣaṃ trayodaśam || 40 ||
[Analyze grammar]

tataścaturdaśe varṣe yācamānāḥ svakaṃ vasu |
nālabhanta mahārāja tato yuddhamavartata || 41 ||
[Analyze grammar]

tataste sarvamutsādya hatvā duryodhanaṃ nṛpam |
rājyaṃ vidrutabhūyiṣṭhaṃ pratyapadyanta pāṇḍavāḥ || 42 ||
[Analyze grammar]

evametatpurāvṛttaṃ teṣāmakliṣṭakarmaṇām |
bhedo rājyavināśaśca jayaśca jayatāṃ vara || 43 ||
[Analyze grammar]