Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 37

< Previous

Next >

sūta uvāca |
evamuktaḥ sa tejasvī śṛṅgī kopasamanvitaḥ |
mṛtadhāraṃ guruṃ śrutvā paryatapyata manyunā || 1 ||
[Analyze grammar]

sa taṃ kṛśamabhipreṣkya sūnṛtāṃ vācamutsṛjan |
apṛcchata kathaṃ tātaḥ sa me'dya mṛtadhārakaḥ || 2 ||
[Analyze grammar]

kṛśa uvāca |
rājñā parikṣitā tāta mṛgayāṃ paridhāvatā |
avasaktaḥ pituste'dya mṛtaḥ skandhe bhujaṃgamaḥ || 3 ||
[Analyze grammar]

śṛṅgyuvāca |
kiṃ me pitrā kṛtaṃ tasya rājño'niṣṭaṃ durātmanaḥ |
brūhi tvaṃ kṛśa tattvena paśya me tapaso balam || 4 ||
[Analyze grammar]

kṛśa uvāca |
sa rājā mṛgayāṃ yātaḥ parikṣidabhimanyujaḥ |
sasāra mṛgamekākī viddhvā bāṇena patriṇā || 5 ||
[Analyze grammar]

na cāpaśyanmṛgaṃ rājā caraṃstasminmahāvane |
pitaraṃ te sa dṛṣṭvaiva papracchānabhibhāṣiṇam || 6 ||
[Analyze grammar]

taṃ sthāṇubhūtaṃ tiṣṭhantaṃ kṣutpipāsāśramāturaḥ |
punaḥ punarmṛgaṃ naṣṭaṃ papraccha pitaraṃ tava || 7 ||
[Analyze grammar]

sa ca maunavratopeto naiva taṃ pratyabhāṣata |
tasya rājā dhanuṣkoṭyā sarpaṃ skandhe samāsṛjat || 8 ||
[Analyze grammar]

śṛṅgiṃstava pitādyāsau tathaivāste yatavrataḥ |
so'pi rājā svanagaraṃ pratiyāto gajāhvayam || 9 ||
[Analyze grammar]

sūta uvāca |
śrutvaivamṛṣiputrastu divaṃ stabdhveva viṣṭhitaḥ |
kopasaṃraktanayanaḥ prajvalanniva manyunā || 10 ||
[Analyze grammar]

āviṣṭaḥ sa tu kopena śaśāpa nṛpatiṃ tadā |
vāryupaspṛśya tejasvī krodhavegabalātkṛtaḥ || 11 ||
[Analyze grammar]

śṛṅgyuvāca |
yo'sau vṛddhasya tātasya tathā kṛcchragatasya ca |
skandhe mṛtamavāsrākṣītpannagaṃ rājakilbiṣī || 12 ||
[Analyze grammar]

taṃ pāpamatisaṃkruddhastakṣakaḥ pannagottamaḥ |
āśīviṣastigmatejā madvākyabalacoditaḥ || 13 ||
[Analyze grammar]

saptarātrādito netā yamasya sadanaṃ prati |
dvijānāmavamantāraṃ kurūṇāmayaśaskaram || 14 ||
[Analyze grammar]

sūta uvāca |
iti śaptvā nṛpaṃ kruddhaḥ śṛṅgī pitaramabhyayāt |
āsīnaṃ gocare tasminvahantaṃ śavapannagam || 15 ||
[Analyze grammar]

sa tamālakṣya pitaraṃ śṛṅgī skandhagatena vai |
śavena bhujagenāsīdbhūyaḥ krodhasamanvitaḥ || 16 ||
[Analyze grammar]

duḥkhāccāśrūṇi mumuce pitaraṃ cedamabravīt |
śrutvemāṃ dharṣaṇāṃ tāta tava tena durātmanā || 17 ||
[Analyze grammar]

rājñā parikṣitā kopādaśapaṃ tamahaṃ nṛpam |
yathārhati sa evograṃ śāpaṃ kurukulādhamaḥ || 18 ||
[Analyze grammar]

saptame'hani taṃ pāpaṃ takṣakaḥ pannagottamaḥ |
vaivasvatasya bhavanaṃ netā paramadāruṇam || 19 ||
[Analyze grammar]

tamabravītpitā brahmaṃstathā kopasamanvitam |
na me priyaṃ kṛtaṃ tāta naiṣa dharmastapasvinām || 20 ||
[Analyze grammar]

vayaṃ tasya narendrasya viṣaye nivasāmahe |
nyāyato rakṣitāstena tasya pāpaṃ na rocaye || 21 ||
[Analyze grammar]

sarvathā vartamānasya rājño hyasmadvidhaiḥ sadā |
kṣantavyaṃ putra dharmo hi hato hanti na saṃśayaḥ || 22 ||
[Analyze grammar]

yadi rājā na rakṣeta pīḍā vai naḥ parā bhavet |
na śaknuyāma carituṃ dharmaṃ putra yathāsukham || 23 ||
[Analyze grammar]

rakṣyamāṇā vayaṃ tāta rājabhiḥ śāstradṛṣṭibhiḥ |
carāmo vipulaṃ dharmaṃ teṣāṃ cāṃśo'sti dharmataḥ || 24 ||
[Analyze grammar]

parikṣittu viśeṣeṇa yathāsya prapitāmahaḥ |
rakṣatyasmānyathā rājñā rakṣitavyāḥ prajāstathā || 25 ||
[Analyze grammar]

teneha kṣudhitenādya śrāntena ca tapasvinā |
ajānatā vratamidaṃ kṛtametadasaṃśayam || 26 ||
[Analyze grammar]

tasmādidaṃ tvayā bālyātsahasā duṣkṛtaṃ kṛtam |
na hyarhati nṛpaḥ śāpamasmattaḥ putra sarvathā || 27 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 37

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!