Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

sūta uvāca |
janamejayaḥ pārikṣitaḥ saha bhrātṛbhiḥ kurukṣetre dīrghasatramupāste |
tasya bhrātarastrayaḥ śrutasena ugraseno bhīmasena iti || 1 ||
[Analyze grammar]

teṣu tatsatramupāsīneṣu tatra śvābhyāgacchatsārameyaḥ |
sa janamejayasya bhrātṛbhirabhihato rorūyamāṇo mātuḥ samīpamupāgacchat || 2 ||
[Analyze grammar]

taṃ mātā rorūyamāṇamuvāca |
kiṃ rodiṣi |
kenāsyabhihata iti || 3 ||
[Analyze grammar]

sa evamukto mātaraṃ pratyuvāca |
janamejayasya bhrātṛbhirabhihato'smīti || 4 ||
[Analyze grammar]

taṃ mātā pratyuvāca |
vyaktaṃ tvayā tatrāparāddhaṃ yenāsyabhihata iti || 5 ||
[Analyze grammar]

sa tāṃ punaruvāca |
nāparādhyāmi kiṃcit |
nāvekṣe havīṃṣi nāvaliha iti || 6 ||
[Analyze grammar]

tacchrutvā tasya mātā saramā putraśokārtā tatsatramupāgacchadyatra sa janamejayaḥ saha bhrātṛbhirdīrghasatramupāste || 7 ||
[Analyze grammar]

sa tayā kruddhayā tatroktaḥ |
ayaṃ me putro na kiṃcidaparādhyati |
kimarthamabhihata iti |
yasmāccāyamabhihato'napakārī tasmādadṛṣṭaṃ tvāṃ bhayamāgamiṣyatīti || 8 ||
[Analyze grammar]

sa janamejaya evamukto devaśunyā saramayā dṛḍhaṃ saṃbhrānto viṣaṇṇaścāsīt || 9 ||
[Analyze grammar]

sa tasminsatre samāpte hāstinapuraṃ pratyetya purohitamanurūpamanvicchamānaḥ paraṃ yatnamakarodyo me pāpakṛtyāṃ śamayediti || 10 ||
[Analyze grammar]

sa kadācinmṛgayāṃ yātaḥ pārikṣito janamejayaḥ kasmiṃścitsvaviṣayoddeśe āśramamapaśyat || 11 ||
[Analyze grammar]

tatra kaścidṛṣirāsāṃ cakre śrutaśravā nāma |
tasyābhimataḥ putra āste somaśravā nāma || 12 ||
[Analyze grammar]

tasya taṃ putramabhigamya janamejayaḥ pārikṣitaḥ paurohityāya vavre || 13 ||
[Analyze grammar]

sa namaskṛtya tamṛṣimuvāca |
bhagavannayaṃ tava putro mama purohito'stviti || 14 ||
[Analyze grammar]

sa evamuktaḥ pratyuvāca |
bho janamejaya putro'yaṃ mama sarpyāṃ jātaḥ |
mahātapasvī svādhyāyasaṃpanno mattapovīryasaṃbhṛto macchukraṃ pītavatyāstasyāḥ kukṣau saṃvṛddhaḥ |
samartho'yaṃ bhavataḥ sarvāḥ pāpakṛtyāḥ śamayitumantareṇa mahādevakṛtyām |
asya tvekamupāṃśuvratam |
yadenaṃ kaścidbrāhmaṇaḥ kaṃcidarthamabhiyācettaṃ tasmai dadyādayam |
yadyetadutsahase tato nayasvainamiti || 15 ||
[Analyze grammar]

tenaivamutko janamejayastaṃ pratyuvāca |
bhagavaṃstathā bhaviṣyatīti || 16 ||
[Analyze grammar]

sa taṃ purohitamupādāyopāvṛtto bhrātṝnuvāca |
mayāyaṃ vṛta upādhyāyaḥ |
yadayaṃ brūyāttatkāryamavicārayadbhiriti || 17 ||
[Analyze grammar]

tenaivamuktā bhrātarastasya tathā cakruḥ |
sa tathā bhrātṝnsaṃdiśya takṣaśilāṃ pratyabhipratasthe |
taṃ ca deśaṃ vaśe sthāpayāmāsa || 18 ||
[Analyze grammar]

etasminnantare kaścidṛṣirdhaumyo nāmāyodaḥ |
tasya śiṣyāstrayo babhūvurupamanyurāruṇirvedaśceti || 19 ||
[Analyze grammar]

sa ekaṃ śiṣyamāruṇiṃ pāñcālyaṃ preṣayāmāsa |
gaccha kedārakhaṇḍaṃ badhāneti || 20 ||
[Analyze grammar]

sa upādhyāyena saṃdiṣṭa āruṇiḥ pāñcālyastatra gatvā tatkedārakhaṇḍaṃ baddhuṃ nāśaknot || 21 ||
[Analyze grammar]

sa kliśyamāno'paśyadupāyam |
bhavatvevaṃ kariṣyāmīti || 22 ||
[Analyze grammar]

sa tatra saṃviveśa kedārakhaṇḍe |
śayāne tasmiṃstadudakaṃ tasthau || 23 ||
[Analyze grammar]

tataḥ kadācidupādhyāya āyodo dhaumyaḥ śiṣyānapṛcchat |
kva āruṇiḥ pāñcālyo gata iti || 24 ||
[Analyze grammar]

te pratyūcuḥ |
bhagavataiva preṣito gaccha kedārakhaṇḍaṃ badhāneti || 25 ||
[Analyze grammar]

sa evamuktastāñśiṣyānpratyuvāca |
tasmātsarve tatra gacchāmo yatra sa iti || 26 ||
[Analyze grammar]

sa tatra gatvā tasyāhvānāya śabdaṃ cakāra |
bho āruṇe pāñcālya kvāsi |
vatsaihīti || 27 ||
[Analyze grammar]

sa tacchrutvā āruṇirupādhyāyavākyaṃ tasmātkedārakhaṇḍātsahasotthāya tamupādhyāyamupatasthe |
provāca cainam |
ayamasmyatra kedārakhaṇḍe niḥsaramāṇamudakamavāraṇīyaṃ saṃroddhuṃ saṃviṣṭo bhagavacchabdaṃ śrutvaiva sahasā vidārya kedārakhaṇḍaṃ bhavantamupasthitaḥ |
tadabhivādaye bhagavantam |
ājñāpayatu bhavān |
kiṃ karavāṇīti || 28 ||
[Analyze grammar]

tamupādhyāyo'bravīt |
yasmādbhavānkedārakhaṇḍamavadāryotthitastasmādbhavānuddālaka eva nāmnā bhaviṣyatīti || 29 ||
[Analyze grammar]

sa upādhyāyenānugṛhītaḥ |
yasmāttvayā madvaco'nuṣṭhitaṃ tasmācchreyo'vāpsyasīti |
sarve ca te vedāḥ pratibhāsyanti sarvāṇi ca dharmaśāstrāṇīti || 30 ||
[Analyze grammar]

sa evamukta upādhyāyeneṣṭaṃ deśaṃ jagāma || 31 ||
[Analyze grammar]

athāparaḥ śiṣyastasyaivāyodasya dhaumyasyopamanyurnāma || 32 ||
[Analyze grammar]

tamupādhyāyaḥ preṣayāmāsa |
vatsopamanyo gā rakṣasveti || 33 ||
[Analyze grammar]

sa upādhyāyavacanādarakṣadgāḥ |
sa cāhani gā rakṣitvā divasakṣaye'bhyāgamyopādhyāyasyāgrataḥ sthitvā namaścakre || 34 ||
[Analyze grammar]

tamupādhyāyaḥ pīvānamapaśyat |
uvāca cainam |
vatsopamanyo kena vṛttiṃ kalpayasi |
pīvānasi dṛḍhamiti || 35 ||
[Analyze grammar]

sa upādhyāyaṃ pratyuvāca |
bhaikṣeṇa vṛttiṃ kalpayāmīti || 36 ||
[Analyze grammar]

tamupādhyāyaḥ pratyuvāca |
mamānivedya bhaikṣaṃ nopayoktavyamiti || 37 ||
[Analyze grammar]

sa tathetyuktvā punararakṣadgāḥ |
rakṣitvā cāgamya tathaivopādhyāyasyāgrataḥ sthitvā namaścakre || 38 ||
[Analyze grammar]

tamupādhyāyastathāpi pīvānameva dṛṣṭvovāca |
vatsopamanyo sarvamaśeṣataste bhaikṣaṃ gṛhṇāmi |
kenedānīṃ vṛttiṃ kalpayasīti || 39 ||
[Analyze grammar]

sa evamukta upādhyāyena pratyuvāca |
bhagavate nivedya pūrvamaparaṃ carāmi |
tena vṛttiṃ kalpayāmīti || 40 ||
[Analyze grammar]

tamupādhyāyaḥ pratyuvāca |
naiṣā nyāyyā guruvṛttiḥ |
anyeṣāmapi vṛttyuparodhaṃ karoṣyevaṃ vartamānaḥ |
lubdho'sīti || 41 ||
[Analyze grammar]

sa tathetyuktvā gā arakṣat |
rakṣitvā ca punarupādhyāyagṛhamāgamyopādhyāyasyāgrataḥ sthitvā namaścakre || 42 ||
[Analyze grammar]

tamupādhyāyastathāpi pīvānameva dṛṣṭvā punaruvāca |
ahaṃ te sarvaṃ bhaikṣaṃ gṛhṇāmi na cānyaccarasi |
pīvānasi |
kena vṛttiṃ kalpayasīti || 43 ||
[Analyze grammar]

sa upādhyāyaṃ pratyuvāca |
bho etāsāṃ gavāṃ payasā vṛttiṃ kalpayāmīti || 44 ||
[Analyze grammar]

tamupādhyāyaḥ pratyuvāca |
naitannyāyyaṃ paya upayoktuṃ bhavato mayānanujñātamiti || 45 ||
[Analyze grammar]

sa tatheti pratijñāya gā rakṣitvā punarupādhyāyagṛhānetya guroragrataḥ sthitvā namaścakre || 46 ||
[Analyze grammar]

tamupādhyāyaḥ pīvānamevāpaśyat |
uvāca cainam |
bhaikṣaṃ nāśnāsi na cānyaccarasi |
payo na pibasi |
pīvānasi |
kena vṛttiṃ kalpayasīti || 47 ||
[Analyze grammar]

sa evamukta upādhyāyaṃ pratyuvāca |
bhoḥ phenaṃ pibāmi yamime vatsā mātṝṇāṃ stanaṃ pibanta udgirantīti || 48 ||
[Analyze grammar]

tamupādhyāyaḥ pratyuvāca |
ete tvadanukampayā guṇavanto vatsāḥ prabhūtataraṃ phenamudgiranti |
tadevamapi vatsānāṃ vṛttyuparodhaṃ karoṣyevaṃ vartamānaḥ |
phenamapi bhavānna pātumarhatīti || 49 ||
[Analyze grammar]

sa tatheti pratijñāya nirāhārastā gā arakṣat |
tathā pratiṣiddho bhaikṣaṃ nāśnāti na cānyaccarati |
payo na pibati |
phenaṃ nopayuṅkte || 50 ||
[Analyze grammar]

sa kadācidaraṇye kṣudhārto'rkapatrāṇyabhakṣayat || 51 ||
[Analyze grammar]

sa tairarkapatrairbhakṣitaiḥ kṣārakaṭūṣṇavipākibhiścakṣuṣyupahato'ndho'bhavat |
so'ndho'pi caṅkramyamāṇaḥ kūpe'patat || 52 ||
[Analyze grammar]

atha tasminnanāgacchatyupādhyāyaḥ śiṣyānavocat |
mayopamanyuḥ sarvataḥ pratiṣiddhaḥ |
sa niyataṃ kupitaḥ |
tato nāgacchati ciragataśceti || 53 ||
[Analyze grammar]

sa evamuktvā gatvāraṇyamupamanyorāhvānaṃ cakre |
bho upamanyo kvāsi |
vatsaihīti || 54 ||
[Analyze grammar]

sa tadāhvānamupādhyāyācchrutvā pratyuvācoccaiḥ |
ayamasmi bho upādhyāya kūpe patita iti || 55 ||
[Analyze grammar]

tamupādhyāyaḥ pratyuvāca |
kathamasi kūpe patita iti || 56 ||
[Analyze grammar]

sa taṃ pratyuvāca |
arkapatrāṇi bhakṣayitvāndhībhūto'smi |
ataḥ kūpe patita iti || 57 ||
[Analyze grammar]

tamupādhyāyaḥ pratyuvāca |
aśvinau stuhi |
tau tvāṃ cakṣuṣmantaṃ kariṣyato devabhiṣajāviti || 58 ||
[Analyze grammar]

sa evamukta upādhyāyena stotuṃ pracakrame devāvaśvinau vāgbhirṛgbhiḥ || 59 ||
[Analyze grammar]

pra pūrvagau pūrvajau citrabhānū girā vā śaṃsāmi tapanāvanantau |
divyau suparṇau virajau vimānāvadhikṣiyantau bhuvanāni viśvā || 60 ||
[Analyze grammar]

hiraṇmayau śakunī sāṃparāyau nāsatyadasrau sunasau vaijayantau |
śukraṃ vayantau tarasā suvemāvabhi vyayantāvasitaṃ vivasvat || 61 ||
[Analyze grammar]

grastāṃ suparṇasya balena vartikāmamuñcatāmaśvinau saubhagāya |
tāvatsuvṛttāvanamanta māyayā sattamā gā aruṇā udāvahan || 62 ||
[Analyze grammar]

ṣaṣṭiśca gāvastriśatāśca dhenava ekaṃ vatsaṃ suvate taṃ duhanti |
nānāgoṣṭhā vihitā ekadohanāstāvaśvinau duhato gharmamukthyam || 63 ||
[Analyze grammar]

ekāṃ nābhiṃ saptaśatā arāḥ śritāḥ pradhiṣvanyā viṃśatirarpitā arāḥ |
anemi cakraṃ parivartate'jaraṃ māyāśvinau samanakti carṣaṇī || 64 ||
[Analyze grammar]

ekaṃ cakraṃ vartate dvādaśāraṃ pradhiṣaṇṇābhimekākṣamamṛtasya dhāraṇam |
yasmindevā adhi viśve viṣaktāstāvaśvinau muñcato mā viṣīdatam || 65 ||
[Analyze grammar]

aśvināvindramamṛtaṃ vṛttabhūyau tirodhattāmaśvinau dāsapatnī |
bhittvā girimaśvinau gāmudācarantau tadvṛṣṭamahnā prathitā valasya || 66 ||
[Analyze grammar]

yuvāṃ diśo janayatho daśāgre samānaṃ mūrdhni rathayā viyanti |
tāsāṃ yātamṛṣayo'nuprayānti devā manuṣyāḥ kṣitimācaranti || 67 ||
[Analyze grammar]

yuvāṃ varṇānvikurutho viśvarūpāṃste'dhikṣiyanti bhuvanāni viśvā |
te bhānavo'pyanusṛtāścaranti devā manuṣyāḥ kṣitimācaranti || 68 ||
[Analyze grammar]

tau nāsatyāvaśvināvāmahe vāṃ srajaṃ ca yāṃ bibhṛthaḥ puṣkarasya |
tau nāsatyāvamṛtāvṛtāvṛdhāvṛte devāstatprapadena sūte || 69 ||
[Analyze grammar]

mukhena garbhaṃ labhatāṃ yuvānau gatāsuretatprapadena sūte |
sadyo jāto mātaramatti garbhastāvaśvinau muñcatho jīvase gāḥ || 70 ||
[Analyze grammar]

evaṃ tenābhiṣṭutāvaśvināvājagmatuḥ |
āhatuścainam |
prītau svaḥ |
eṣa te'pūpaḥ |
aśānainamiti || 71 ||
[Analyze grammar]

sa evamuktaḥ pratyuvāca |
nānṛtamūcaturbhavantau |
na tvahametamapūpamupayoktumutsahe anivedya gurava iti || 72 ||
[Analyze grammar]

tatastamaśvināvūcatuḥ |
āvābhyāṃ purastādbhavata upādhyāyenaivamevābhiṣṭutābhyāmapūpaḥ prītābhyāṃ dattaḥ |
upayuktaśca sa tenānivedya gurave |
tvamapi tathaiva kuruṣva yathā kṛtamupādhyāyeneti || 73 ||
[Analyze grammar]

sa evamuktaḥ punareva pratyuvācaitau |
pratyanunaye bhavantāvaśvinau |
notsahe'hamanivedyopādhyāyāyopayoktumiti || 74 ||
[Analyze grammar]

tamaśvināvāhatuḥ |
prītau svastavānayā guruvṛttyā |
upādhyāyasya te kārṣṇāyasā dantāḥ |
bhavato hiraṇmayā bhaviṣyanti |
cakṣuṣmāṃśca bhaviṣyasi |
śreyaścāvāpsyasīti || 75 ||
[Analyze grammar]

sa evamukto'śvibhyāṃ labdhacakṣurupādhyāyasakāśamāgamyopādhyāyamabhivādyācacakṣe |
sa cāsya prītimānabhūt || 76 ||
[Analyze grammar]

āha cainam |
yathāśvināvāhatustathā tvaṃ śreyo'vāpsyasīti |
sarve ca te vedāḥ pratibhāsyantīti || 77 ||
[Analyze grammar]

eṣā tasyāpi parīkṣopamanyoḥ || 78 ||
[Analyze grammar]

athāparaḥ śiṣyastasyaivāyodasya dhaumyasya vedo nāma || 79 ||
[Analyze grammar]

tamupādhyāyaḥ saṃdideśa |
vatsa veda ihāsyatām |
bhavatā madgṛhe kaṃcitkālaṃ śuśrūṣamāṇena bhavitavyam |
śreyaste bhaviṣyatīti || 80 ||
[Analyze grammar]

sa tathetyuktvā gurukule dīrghakālaṃ guruśuśrūṣaṇaparo'vasat |
gauriva nityaṃ guruṣu dhūrṣu niyujyamānaḥ śītoṣṇakṣuttṛṣṇāduḥkhasahaḥ sarvatrāpratikūlaḥ || 81 ||
[Analyze grammar]

tasya mahatā kālena guruḥ paritoṣaṃ jagāma |
tatparitoṣācca śreyaḥ sarvajñatāṃ cāvāpa |
eṣā tasyāpi parīkṣā vedasya || 82 ||
[Analyze grammar]

sa upādhyāyenānujñātaḥ samāvṛttastasmādgurukulavāsādgṛhāśramaṃ pratyapadyata |
tasyāpi svagṛhe vasatastrayaḥ śiṣyā babhūvuḥ || 83 ||
[Analyze grammar]

sa śiṣyānna kiṃciduvāca |
karma vā kriyatāṃ guruśuśrūṣā veti |
duḥkhābhijño hi gurukulavāsasya śiṣyānparikleśena yojayituṃ neyeṣa || 84 ||
[Analyze grammar]

atha kasyacitkālasya vedaṃ brāhmaṇaṃ janamejayaḥ pauṣyaśca kṣatriyāvupetyopādhyāyaṃ varayāṃ cakratuḥ || 85 ||
[Analyze grammar]

sa kadācidyājyakāryeṇābhiprasthita uttaṅkaṃ nāma śiṣyaṃ niyojayāmāsa |
bho uttaṅka yatkiṃcidasmadgṛhe parihīyate tadicchāmyahamaparihīṇaṃ bhavatā kriyamāṇamiti || 86 ||
[Analyze grammar]

sa evaṃ pratisamādiśyottaṅkaṃ vedaḥ pravāsaṃ jagāma || 87 ||
[Analyze grammar]

athottaṅko guruśuśrūṣurguruniyogamanutiṣṭhamānastatra gurukule vasati sma || 88 ||
[Analyze grammar]

sa vasaṃstatropādhyāyastrībhiḥ sahitābhirāhūyoktaḥ |
upādhyāyinī te ṛtumatī |
upādhyāyaśca proṣitaḥ |
asyā yathāyamṛturvandhyo na bhavati tathā kriyatām |
etadviṣīdatīti || 89 ||
[Analyze grammar]

sa evamuktastāḥ striyaḥ pratyuvāca |
na mayā strīṇāṃ vacanādidamakāryaṃ kāryam |
na hyahamupādhyāyena saṃdiṣṭaḥ |
akāryamapi tvayā kāryamiti || 90 ||
[Analyze grammar]

tasya punarupādhyāyaḥ kālāntareṇa gṛhānupajagāma tasmātpravāsāt |
sa tadvṛttaṃ tasyāśeṣamupalabhya prītimānabhūt || 91 ||
[Analyze grammar]

uvāca cainam |
vatsottaṅka kiṃ te priyaṃ karavāṇīti |
dharmato hi śuśrūṣito'smi bhavatā |
tena prītiḥ paraspareṇa nau saṃvṛddhā |
tadanujāne bhavantam |
sarvāmeva siddhiṃ prāpsyasi |
gamyatāmiti || 92 ||
[Analyze grammar]

sa evamuktaḥ pratyuvāca |
kiṃ te priyaṃ karavāṇīti |
evaṃ hyāhuḥ || 93 ||
[Analyze grammar]

yaścādharmeṇa vibrūyādyaścādharmeṇa pṛcchati |
tayoranyataraḥ praiti vidveṣaṃ cādhigacchati || 94 ||
[Analyze grammar]

so'hamanujñāto bhavatā icchāmīṣṭaṃ te gurvarthamupahartumiti || 95 ||
[Analyze grammar]

tenaivamukta upādhyāyaḥ pratyuvāca |
vatsottaṅka uṣyatāṃ tāvaditi || 96 ||
[Analyze grammar]

sa kadācittamupādhyāyamāhottaṅkaḥ |
ājñāpayatu bhavān |
kiṃ te priyamupaharāmi gurvarthamiti || 97 ||
[Analyze grammar]

tamupādhyāyaḥ pratyuvāca |
vatsottaṅka bahuśo māṃ codayasi gurvarthamupahareyamiti |
tadgaccha |
enāṃ praviśyopādhyāyinīṃ pṛccha kimupaharāmīti |
eṣā yadbravīti tadupaharasveti || 98 ||
[Analyze grammar]

sa evamukta upādhyāyenopādhyāyinīmapṛcchat |
bhavatyupādhyāyenāsmyanujñāto gṛhaṃ gantum |
tadicchāmīṣṭaṃ te gurvarthamupahṛtyānṛṇo gantum |
tadājñāpayatu bhavatī |
kimupaharāmi gurvarthamiti || 99 ||
[Analyze grammar]

saivamuktopādhyāyinyuttaṅkaṃ pratyuvāca |
gaccha pauṣyaṃ rājānam |
bhikṣasva tasya kṣatriyayā pinaddhe kuṇḍale |
te ānayasva |
itaścaturthe'hani puṇyakaṃ bhavitā |
tābhyāmābaddhābhyāṃ brāhmaṇānpariveṣṭumicchāmi |
śobhamānā yathā tābhyāṃ kuṇḍalābhyāṃ tasminnahani saṃpādayasva |
śreyo hi te syātkṣaṇaṃ kurvata iti || 100 ||
[Analyze grammar]

sa evamukta upādhyāyinyā prātiṣṭhatottaṅkaḥ |
sa pathi gacchannapaśyadṛṣabhamatipramāṇaṃ tamadhirūḍhaṃ ca puruṣamatipramāṇameva || 101 ||
[Analyze grammar]

sa puruṣa uttaṅkamabhyabhāṣata |
uttaṅkaitatpurīṣamasya ṛṣabhasya bhakṣayasveti || 102 ||
[Analyze grammar]

sa evamukto naicchat || 103 ||
[Analyze grammar]

tamāha puruṣo bhūyaḥ |
bhakṣayasvottaṅka |
mā vicāraya |
upādhyāyenāpi te bhakṣitaṃ pūrvamiti || 104 ||
[Analyze grammar]

sa evamukto bāḍhamityuktvā tadā tadṛṣabhasya purīṣaṃ mūtraṃ ca bhakṣayitvottaṅkaḥ pratasthe yatra sa kṣatriyaḥ pauṣyaḥ || 105 ||
[Analyze grammar]

tamupetyāpaśyaduttaṅka āsīnam |
sa tamupetyāśīrbhirabhinandyovāca |
arthī bhavantamupagato'smīti || 106 ||
[Analyze grammar]

sa enamabhivādyovāca |
bhagavanpauṣyaḥ khalvaham |
kiṃ karavāṇīti || 107 ||
[Analyze grammar]

tamuvācottaṅkaḥ |
gurvarthe kuṇḍalābhyāmarthyāgato'smīti ye te kṣatriyayā pinaddhe kuṇḍale te bhavāndātumarhatīti || 108 ||
[Analyze grammar]

taṃ pauṣyaḥ pratyuvāca |
praviśyāntaḥpuraṃ kṣatriyā yācyatāmiti || 109 ||
[Analyze grammar]

sa tenaivamuktaḥ praviśyāntaḥpuraṃ kṣatriyāṃ nāpaśyat || 110 ||
[Analyze grammar]

sa pauṣyaṃ punaruvāca |
na yuktaṃ bhavatā vayamanṛtenopacaritum |
na hi te kṣatriyāntaḥpure saṃnihitā |
naināṃ paśyāmīti || 111 ||
[Analyze grammar]

sa evamuktaḥ pauṣyastaṃ pratyuvāca |
saṃprati bhavānucchiṣṭaḥ |
smara tāvat |
na hi sā kṣatriyā ucchiṣṭenāśucinā vā śakyā draṣṭum |
pativratātvādeṣā nāśucerdarśanamupaitīti || 112 ||
[Analyze grammar]

athaivamukta uttaṅkaḥ smṛtvovāca |
asti khalu mayocchiṣṭenopaspṛṣṭaṃ śīghraṃ gacchatā ceti || 113 ||
[Analyze grammar]

taṃ pauṣyaḥ pratyuvāca |
etattadevaṃ hi |
na gacchatopaspṛṣṭaṃ bhavati na sthiteneti || 114 ||
[Analyze grammar]

athottaṅkastathetyuktvā prāṅmukha upaviśya suprakṣālitapāṇipādavadano'śabdābhirhṛdayaṃgamābhiradbhirupaspṛśya triḥ pītvā dviḥ parimṛjya khānyadbhirupaspṛśyāntaḥpuraṃ praviśya tāṃ kṣatriyāmapaśyat || 115 ||
[Analyze grammar]

sā ca dṛṣṭvaivottaṅkamabhyutthāyābhivādyovāca |
svāgataṃ te bhagavan |
ājñāpaya kiṃ karavāṇīti || 116 ||
[Analyze grammar]

sa tāmuvāca |
ete kuṇḍale gurvarthaṃ me bhikṣite dātumarhasīti || 117 ||
[Analyze grammar]

sā prītā tena tasya sadbhāvena pātramayamanatikramaṇīyaśceti matvā te kuṇḍale avamucyāsmai prāyacchat || 118 ||
[Analyze grammar]

āha cainam |
ete kuṇḍale takṣako nāgarājaḥ prārthayati |
apramatto netumarhasīti || 119 ||
[Analyze grammar]

sa evamuktastāṃ kṣatriyāṃ pratyuvāca |
bhavati sunirvṛtā bhava |
na māṃ śaktastakṣako nāgarājo dharṣayitumiti || 120 ||
[Analyze grammar]

sa evamuktvā tāṃ kṣatriyāmāmantrya pauṣyasakāśamāgacchat || 121 ||
[Analyze grammar]

sa taṃ dṛṣṭvovāca |
bhoḥ pauṣya prīto'smīti || 122 ||
[Analyze grammar]

taṃ pauṣyaḥ pratyuvāca |
bhagavaṃścirasya pātramāsādyate |
bhavāṃśca guṇavānatithiḥ |
tatkariṣye śrāddham |
kṣaṇaḥ kriyatāmiti || 123 ||
[Analyze grammar]

tamuttaṅkaḥ pratyuvāca |
kṛtakṣaṇa evāsmi |
śīghramicchāmi yathopapannamannamupahṛtaṃ bhavateti || 124 ||
[Analyze grammar]

sa tathetyuktvā yathopapannenānnenainaṃ bhojayāmāsa || 125 ||
[Analyze grammar]

athottaṅkaḥ śītamannaṃ sakeśaṃ dṛṣṭvā aśucyetaditi matvā pauṣyamuvāca |
yasmānme aśucyannaṃ dadāsi tasmadandho bhaviṣyasīti || 126 ||
[Analyze grammar]

taṃ pauṣyaḥ pratyuvāca |
yasmāttvamapyaduṣṭamannaṃ dūṣayasi tasmādanapatyo bhaviṣyasīti || 127 ||
[Analyze grammar]

so'tha pauṣyastasyāśucibhāvamannasyāgamayāmāsa || 128 ||
[Analyze grammar]

atha tadannaṃ muktakeśyā striyopahṛtaṃ sakeśamaśuci matvottaṅkaṃ prasādayāmāsa |
bhagavannajñānādetadannaṃ sakeśamupahṛtaṃ śītaṃ ca |
tatkṣāmaye bhavantam |
na bhaveyamandha iti || 129 ||
[Analyze grammar]

tamuttaṅkaḥ pratyuvāca |
na mṛṣā bravīmi |
bhūtvā tvamandho nacirādanandho bhaviṣyasīti |
mamāpi śāpo na bhavedbhavatā datta iti || 130 ||
[Analyze grammar]

taṃ pauṣyaḥ pratyuvāca |
nāhaṃ śaktaḥ śāpaṃ pratyādātum |
na hi me manyuradyāpyupaśamaṃ gacchati |
kiṃ caitadbhavatā na jñāyate yathā || 131 ||
[Analyze grammar]

nāvanītaṃ hṛdayaṃ brāhmaṇasya vāci kṣuro nihitastīkṣṇadhāraḥ |
viparītametadubhayaṃ kṣatriyasya vāṅnāvanītī hṛdayaṃ tīkṣṇadhāram || 132 ||
[Analyze grammar]

iti |
tadevaṃ gate na śakto'haṃ tīkṣṇahṛdayatvāttaṃ śāpamanyathā kartum |
gamyatāmiti || 133 ||
[Analyze grammar]

tamuttaṅkaḥ pratyuvāca |
bhavatāhamannasyāśucibhāvamāgamayya pratyanunītaḥ |
prākca te'bhihitam |
yasmādaduṣṭamannaṃ dūṣayasi tasmādanapatyo bhaviṣyasīti |
duṣṭe cānne naiṣa mama śāpo bhaviṣyatīti || 134 ||
[Analyze grammar]

sādhayāmastāvadityuktvā prātiṣṭhatottaṅkaste kuṇḍale gṛhītvā || 135 ||
[Analyze grammar]

so'paśyatpathi nagnaṃ śramaṇamāgacchantaṃ muhurmuhurdṛśyamānamadṛśyamānaṃ ca |
athottaṅkaste kuṇḍale bhūmau nikṣipyodakārthaṃ pracakrame || 136 ||
[Analyze grammar]

etasminnantare sa śramaṇastvaramāṇa upasṛtya te kuṇḍale gṛhītvā prādravat |
tamuttaṅko'bhisṛtya jagrāha |
sa tadrūpaṃ vihāya takṣakarūpaṃ kṛtvā sahasā dharaṇyāṃ vivṛtaṃ mahābilaṃ viveśa || 137 ||
[Analyze grammar]

praviśya ca nāgalokaṃ svabhavanamagacchat |
tamuttaṅko'nvāviveśa tenaiva bilena |
praviśya ca nāgānastuvadebhiḥ ślokaiḥ || 138 ||
[Analyze grammar]

ya airāvatarājānaḥ sarpāḥ samitiśobhanāḥ |
varṣanta iva jīmūtāḥ savidyutpavaneritāḥ || 139 ||
[Analyze grammar]

surūpāśca virūpāśca tathā kalmāṣakuṇḍalāḥ |
ādityavannākapṛṣṭhe rejurairāvatodbhavāḥ || 140 ||
[Analyze grammar]

bahūni nāgavartmāni gaṅgāyāstīra uttare |
icchetko'rkāṃśusenāyāṃ cartumairāvataṃ vinā || 141 ||
[Analyze grammar]

śatānyaśītiraṣṭau ca sahasrāṇi ca viṃśatiḥ |
sarpāṇāṃ pragrahā yānti dhṛtarāṣṭro yadejati || 142 ||
[Analyze grammar]

ye cainamupasarpanti ye ca dūraṃ paraṃ gatāḥ |
ahamairāvatajyeṣṭhabhrātṛbhyo'karavaṃ namaḥ || 143 ||
[Analyze grammar]

yasya vāsaḥ kurukṣetre khāṇḍave cābhavatsadā |
taṃ kādraveyamastauṣaṃ kuṇḍalārthāya takṣakam || 144 ||
[Analyze grammar]

takṣakaścāśvasenaśca nityaṃ sahacarāvubhau |
kurukṣetre nivasatāṃ nadīmikṣumatīmanu || 145 ||
[Analyze grammar]

jaghanyajastakṣakasya śrutaseneti yaḥ śrutaḥ |
avasadyo mahaddyumni prārthayannāgamukhyatām |
karavāṇi sadā cāhaṃ namastasmai mahātmane || 146 ||
[Analyze grammar]

evaṃ stuvannapi nāgānyadā te kuṇḍale nālabhadathāpaśyatstriyau tantre adhiropya paṭaṃ vayantyau || 147 ||
[Analyze grammar]

tasmiṃśca tantre kṛṣṇāḥ sitāśca tantavaḥ |
cakraṃ cāpaśyatṣaḍbhiḥ kumāraiḥ parivartyamānam |
puruṣaṃ cāpaśyaddarśanīyam || 148 ||
[Analyze grammar]

sa tānsarvāṃstuṣṭāva ebhirmantravādaślokaiḥ || 149 ||
[Analyze grammar]

trīṇyarpitānyatra śatāni madhye ṣaṣṭiśca nityaṃ carati dhruve'smin |
cakre caturviṃśatiparvayoge ṣaḍyatkumārāḥ parivartayanti || 150 ||
[Analyze grammar]

tantraṃ cedaṃ viśvarūpaṃ yuvatyau vayatastantūnsatataṃ vartayantyau |
kṛṣṇānsitāṃścaiva vivartayantyau bhūtānyajasraṃ bhuvanāni caiva || 151 ||
[Analyze grammar]

vajrasya bhartā bhuvanasya goptā vṛtrasya hantā namucernihantā |
kṛṣṇe vasāno vasane mahātmā satyānṛte yo vivinakti loke || 152 ||
[Analyze grammar]

yo vājinaṃ garbhamapāṃ purāṇaṃ vaiśvānaraṃ vāhanamabhyupetaḥ |
namaḥ sadāsmai jagadīśvarāya lokatrayeśāya puraṃdarāya || 153 ||
[Analyze grammar]

tataḥ sa enaṃ puruṣaḥ prāha |
prīto'smi te'hamanena stotreṇa |
kiṃ te priyaṃ karavāṇīti || 154 ||
[Analyze grammar]

sa tamuvāca |
nāgā me vaśamīyuriti || 155 ||
[Analyze grammar]

sa enaṃ puruṣaḥ punaruvāca |
etamaśvamapāne dhamasveti || 156 ||
[Analyze grammar]

sa tamaśvamapāne'dhamat |
athāśvāddhamyamānātsarvasrotobhyaḥ sadhūmā arciṣo'gnerniṣpetuḥ || 157 ||
[Analyze grammar]

tābhirnāgaloko dhūpitaḥ || 158 ||
[Analyze grammar]

atha sasaṃbhramastakṣako'gnitejobhayaviṣaṇṇaste kuṇḍale gṛhītvā sahasā svabhavanānniṣkramyottaṅkamuvāca |
ete kuṇḍale pratigṛhṇātu bhavāniti || 159 ||
[Analyze grammar]

sa te pratijagrāhottaṅkaḥ |
kuṇḍale pratigṛhyācintayat |
adya tatpuṇyakamupādhyāyinyāḥ |
dūraṃ cāhamabhyāgataḥ |
kathaṃ nu khalu saṃbhāvayeyamiti || 160 ||
[Analyze grammar]

tata enaṃ cintayānameva sa puruṣa uvāca |
uttaṅka enamaśvamadhiroha |
eṣa tvāṃ kṣaṇādevopādhyāyakulaṃ prāpayiṣyatīti || 161 ||
[Analyze grammar]

sa tathetyuktvā tamaśvamadhiruhya pratyājagāmopādhyāyakulam |
upādhyāyinī ca snātā keśānāvapayantyupaviṣṭottaṅko nāgacchatīti śāpāyāsya mano dadhe || 162 ||
[Analyze grammar]

athottaṅkaḥ praviśya upādhyāyinīmabhyavādayat |
te cāsyai kuṇḍale prāyacchat || 163 ||
[Analyze grammar]

sā cainaṃ pratyuvāca |
uttaṅka deśe kāle'bhyāgataḥ |
svāgataṃ te vatsa |
manāgasi mayā na śaptaḥ |
śreyastavopasthitam |
siddhimāpnuhīti || 164 ||
[Analyze grammar]

athottaṅka upādhyāyamabhyavādayat |
tamupādhyāyaḥ pratyuvāca |
vatsottaṅka svāgataṃ te |
kiṃ ciraṃ kṛtamiti || 165 ||
[Analyze grammar]

tamuttaṅka upādhyāyaṃ pratyuvāca |
bhostakṣakeṇa nāgarājena vighnaḥ kṛto'sminkarmaṇi |
tenāsmi nāgalokaṃ nītaḥ || 166 ||
[Analyze grammar]

tatra ca mayā dṛṣṭe striyau tantre'dhiropya paṭaṃ vayantyau |
tasmiṃśca tantre kṛṣṇāḥ sitāśca tantavaḥ |
kiṃ tat || 167 ||
[Analyze grammar]

tatra ca mayā cakraṃ dṛṣṭaṃ dvādaśāram |
ṣaṭcainaṃ kumārāḥ parivartayanti |
tadapi kim || 168 ||
[Analyze grammar]

puruṣaścāpi mayā dṛṣṭaḥ |
sa punaḥ kaḥ || 169 ||
[Analyze grammar]

aśvaścātipramāṇayuktaḥ |
sa cāpi kaḥ || 170 ||
[Analyze grammar]

pathi gacchatā mayā ṛṣabho dṛṣṭaḥ |
taṃ ca puruṣo'dhirūḍhaḥ |
tenāsmi sopacāramuktaḥ |
uttaṅkāsya ṛṣabhasya purīṣaṃ bhakṣaya |
upādhyāyenāpi te bhakṣitamiti |
tatastadvacanānmayā tadṛṣabhasya purīṣamupayuktam |
tadicchāmi bhavatopadiṣṭaṃ kiṃ taditi || 171 ||
[Analyze grammar]

tenaivamukta upādhyāyaḥ pratyuvāca |
ye te striyau dhātā vidhātā ca |
ye ca te kṛṣṇāḥ sitāśca tantavaste rātryahanī || 172 ||
[Analyze grammar]

yadapi taccakraṃ dvādaśāraṃ ṣaṭkumārāḥ parivartayanti te ṛtavaḥ ṣaṭsaṃvatsaraścakram |
yaḥ puruṣaḥ sa parjanyaḥ |
yo'śvaḥ so'gniḥ || 173 ||
[Analyze grammar]

ya ṛṣabhastvayā pathi gacchatā dṛṣṭaḥ sa airāvato nāgarājaḥ |
yaścainamadhirūḍhaḥ sa indraḥ |
yadapi te purīṣaṃ bhakṣitaṃ tasya ṛṣabhasya tadamṛtam || 174 ||
[Analyze grammar]

tena khalvasi na vyāpannastasminnāgabhavane |
sa cāpi mama sakhā indraḥ || 175 ||
[Analyze grammar]

tadanugrahātkuṇḍale gṛhītvā punarabhyāgato'si |
tatsaumya gamyatām |
anujāne bhavantam |
śreyo'vāpsyasīti || 176 ||
[Analyze grammar]

sa upādhyāyenānujñāta uttaṅkaḥ kruddhastakṣakasya praticikīrṣamāṇo hāstinapuraṃ pratasthe || 177 ||
[Analyze grammar]

sa hāstinapuraṃ prāpya nacirāddvijasattamaḥ |
samāgacchata rājānamuttaṅko janamejayam || 178 ||
[Analyze grammar]

purā takṣaśilātastaṃ nivṛttamaparājitam |
samyagvijayinaṃ dṛṣṭvā samantānmantribhirvṛtam || 179 ||
[Analyze grammar]

tasmai jayāśiṣaḥ pūrvaṃ yathānyāyaṃ prayujya saḥ |
uvācainaṃ vacaḥ kāle śabdasaṃpannayā girā || 180 ||
[Analyze grammar]

anyasminkaraṇīye tvaṃ kārye pārthivasattama |
bālyādivānyadeva tvaṃ kuruṣe nṛpasattama || 181 ||
[Analyze grammar]

evamuktastu vipreṇa sa rājā pratyuvāca ha |
janamejayaḥ prasannātmā samyaksaṃpūjya taṃ munim || 182 ||
[Analyze grammar]

āsāṃ prajānāṃ paripālanena svaṃ kṣatradharmaṃ paripālayāmi |
prabrūhi vā kiṃ kriyatāṃ dvijendra śuśrūṣurasmyadya vacastvadīyam || 183 ||
[Analyze grammar]

sa evamuktastu nṛpottamena dvijottamaḥ puṇyakṛtāṃ variṣṭhaḥ |
uvāca rājānamadīnasattvaṃ svameva kāryaṃ nṛpateśca yattat || 184 ||
[Analyze grammar]

takṣakeṇa narendrendra yena te hiṃsitaḥ pitā |
tasmai pratikuruṣva tvaṃ pannagāya durātmane || 185 ||
[Analyze grammar]

kāryakālaṃ ca manye'haṃ vidhidṛṣṭasya karmaṇaḥ |
tadgacchāpacitiṃ rājanpitustasya mahātmanaḥ || 186 ||
[Analyze grammar]

tena hyanaparādhī sa daṣṭo duṣṭāntarātmanā |
pañcatvamagamadrājā vajrāhata iva drumaḥ || 187 ||
[Analyze grammar]

baladarpasamutsiktastakṣakaḥ pannagādhamaḥ |
akāryaṃ kṛtavānpāpo yo'daśatpitaraṃ tava || 188 ||
[Analyze grammar]

rājarṣivaṃśagoptāramamarapratimaṃ nṛpam |
jaghāna kāśyapaṃ caiva nyavartayata pāpakṛt || 189 ||
[Analyze grammar]

dagdhumarhasi taṃ pāpaṃ jvalite havyavāhane |
sarpasatre mahārāja tvayi taddhi vidhīyate || 190 ||
[Analyze grammar]

evaṃ pituścāpacitiṃ gatavāṃstvaṃ bhaviṣyasi |
mama priyaṃ ca sumahatkṛtaṃ rājanbhaviṣyati || 191 ||
[Analyze grammar]

karmaṇaḥ pṛthivīpāla mama yena durātmanā |
vighnaḥ kṛto mahārāja gurvarthaṃ carato'nagha || 192 ||
[Analyze grammar]

etacchrutvā tu nṛpatistakṣakasya cukopa ha |
uttaṅkavākyahaviṣā dīpto'gnirhaviṣā yathā || 193 ||
[Analyze grammar]

apṛcchacca tadā rājā mantriṇaḥ svānsuduḥkhitaḥ |
uttaṅkasyaiva sāṃnidhye pituḥ svargagatiṃ prati || 194 ||
[Analyze grammar]

tadaiva hi sa rājendro duḥkhaśokāpluto'bhavat |
yadaiva pitaraṃ vṛttamuttaṅkādaśṛṇottadā || 195 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahabharata Chapter 3

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Like what you read? Consider supporting this website: