Chapter 3

vaiśaṃpāyana uvāca |
sthite muhūrtaṃ pārthe tu dharmarāje yudhiṣṭhire |
ājagmustatra kauravya devāḥ śakrapurogamāḥ || 1 ||
[Analyze grammar]

svayaṃ vigrahavāndharmo rājānaṃ prasamīkṣitum |
tatrājagāma yatrāsau kururājo yudhiṣṭhiraḥ || 2 ||
[Analyze grammar]

teṣu bhāsvaradeheṣu puṇyābhijanakarmasu |
samāgateṣu deveṣu vyagamattattamo nṛpa || 3 ||
[Analyze grammar]

nādṛśyanta ca tāstatra yātanāḥ pāpakarmiṇām |
nadī vaitaraṇī caiva kūṭaśālmalinā saha || 4 ||
[Analyze grammar]

lohakumbhyaḥ śilāścaiva nādṛśyanta bhayānakāḥ |
vikṛtāni śarīrāṇi yāni tatra samantataḥ |
dadarśa rājā kaunteyastānyadṛśyāni cābhavan || 5 ||
[Analyze grammar]

tato vāyuḥ sukhasparśaḥ puṇyagandhavahaḥ śivaḥ |
vavau devasamīpasthaḥ śītalo'tīva bhārata || 6 ||
[Analyze grammar]

marutaḥ saha śakreṇa vasavaścāśvinau saha |
sādhyā rudrāstathādityā ye cānye'pi divaukasaḥ || 7 ||
[Analyze grammar]

sarve tatra samājagmuḥ siddhāśca paramarṣayaḥ |
yatra rājā mahātejā dharmaputraḥ sthito'bhavat || 8 ||
[Analyze grammar]

tataḥ śakraḥ surapatiḥ śriyā paramayā yutaḥ |
yudhiṣṭhiramuvācedaṃ sāntvapūrvamidaṃ vacaḥ || 9 ||
[Analyze grammar]

yudhiṣṭhira mahābāho prītā devagaṇāstava |
ehyehi puruṣavyāghra kṛtametāvatā vibho |
siddhiḥ prāptā tvayā rājaṃllokāścāpyakṣayāstava || 10 ||
[Analyze grammar]

na ca manyustvayā kāryaḥ śṛṇu cedaṃ vaco mama |
avaśyaṃ narakastāta draṣṭavyaḥ sarvarājabhiḥ || 11 ||
[Analyze grammar]

śubhānāmaśubhānāṃ ca dvau rāśī puruṣarṣabha |
yaḥ pūrvaṃ sukṛtaṃ bhuṅkte paścānnirayameti saḥ |
pūrvaṃ narakabhāgyastu paścātsvargamupaiti saḥ || 12 ||
[Analyze grammar]

bhūyiṣṭhaṃ pāpakarmā yaḥ sa pūrvaṃ svargamaśnute |
tena tvamevaṃ gamito mayā śreyorthinā nṛpa || 13 ||
[Analyze grammar]

vyājena hi tvayā droṇa upacīrṇaḥ sutaṃ prati |
vyājenaiva tato rājandarśito narakastava || 14 ||
[Analyze grammar]

yathaiva tvaṃ tathā bhīmastathā pārtho yamau tathā |
draupadī ca tathā kṛṣṇā vyājena narakaṃ gatāḥ || 15 ||
[Analyze grammar]

āgaccha naraśārdūla muktāste caiva kilbiṣāt |
svapakṣāścaiva ye tubhyaṃ pārthivā nihatā raṇe |
sarve svargamanuprāptāstānpaśya puruṣarṣabha || 16 ||
[Analyze grammar]

karṇaścaiva maheṣvāsaḥ sarvaśastrabhṛtāṃ varaḥ |
sa gataḥ paramāṃ siddhiṃ yadarthaṃ paritapyase || 17 ||
[Analyze grammar]

taṃ paśya puruṣavyāghramādityatanayaṃ vibho |
svasthānasthaṃ mahābāho jahi śokaṃ nararṣabha || 18 ||
[Analyze grammar]

bhrātṝṃścānyāṃstathā paśya svapakṣāṃścaiva pārthivān |
svaṃ svaṃ sthānamanuprāptānvyetu te mānaso jvaraḥ || 19 ||
[Analyze grammar]

anubhūya pūrvaṃ tvaṃ kṛcchramitaḥ prabhṛti kaurava |
viharasva mayā sārdhaṃ gataśoko nirāmayaḥ || 20 ||
[Analyze grammar]

karmaṇāṃ tāta puṇyānāṃ jitānāṃ tapasā svayam |
dānānāṃ ca mahābāho phalaṃ prāpnuhi pāṇḍava || 21 ||
[Analyze grammar]

adya tvāṃ devagandharvā divyāścāpsaraso divi |
upasevantu kalyāṇaṃ virajombaravāsasaḥ || 22 ||
[Analyze grammar]

rājasūyajitāṃllokānaśvamedhābhivardhitān |
prāpnuhi tvaṃ mahābāho tapasaśca phalaṃ mahat || 23 ||
[Analyze grammar]

uparyupari rājñāṃ hi tava lokā yudhiṣṭhira |
hariścandrasamāḥ pārtha yeṣu tvaṃ vihariṣyasi || 24 ||
[Analyze grammar]

māndhātā yatra rājarṣiryatra rājā bhagīrathaḥ |
dauḥṣantiryatra bharatastatra tvaṃ vihariṣyasi || 25 ||
[Analyze grammar]

eṣā devanadī puṇyā pārtha trailokyapāvanī |
ākāśagaṅgā rājendra tatrāplutya gamiṣyasi || 26 ||
[Analyze grammar]

atra snātasya te bhāvo mānuṣo vigamiṣyati |
gataśoko nirāyāso muktavairo bhaviṣyasi || 27 ||
[Analyze grammar]

evaṃ bruvati devendre kauravendraṃ yudhiṣṭhiram |
dharmo vigrahavānsākṣāduvāca sutamātmanaḥ || 28 ||
[Analyze grammar]

bho bho rājanmahāprājña prīto'smi tava putraka |
madbhaktyā satyavākyena kṣamayā ca damena ca || 29 ||
[Analyze grammar]

eṣā tṛtīyā jijñāsā tava rājankṛtā mayā |
na śakyase cālayituṃ svabhāvātpārtha hetubhiḥ || 30 ||
[Analyze grammar]

pūrvaṃ parīkṣito hi tvamāsīrdvaitavanaṃ prati |
araṇīsahitasyārthe tacca nistīrṇavānasi || 31 ||
[Analyze grammar]

sodaryeṣu vinaṣṭeṣu draupadyāṃ tatra bhārata |
śvarūpadhāriṇā putra punastvaṃ me parīkṣitaḥ || 32 ||
[Analyze grammar]

idaṃ tṛtīyaṃ bhrātṝṇāmarthe yatsthātumicchasi |
viśuddho'si mahābhāga sukhī vigatakalmaṣaḥ || 33 ||
[Analyze grammar]

na ca te bhrātaraḥ pārtha narakasthā viśāṃ pate |
māyaiṣā devarājena mahendreṇa prayojitā || 34 ||
[Analyze grammar]

avaśyaṃ narakastāta draṣṭavyaḥ sarvarājabhiḥ |
tatastvayā prāptamidaṃ muhūrtaṃ duḥkhamuttamam || 35 ||
[Analyze grammar]

na savyasācī bhīmo vā yamau vā puruṣarṣabhau |
karṇo vā satyavākśūro narakārhāściraṃ nṛpa || 36 ||
[Analyze grammar]

na kṛṣṇā rājaputrī ca narakārhā yudhiṣṭhira |
ehyehi bharataśreṣṭha paśya gaṅgāṃ trilokagām || 37 ||
[Analyze grammar]

evamuktaḥ sa rājarṣistava pūrvapitāmahaḥ |
jagāma saha dharmeṇa sarvaiśca tridaśālayaiḥ || 38 ||
[Analyze grammar]

gaṅgāṃ devanadīṃ puṇyāṃ pāvanīmṛṣisaṃstutām |
avagāhya tu tāṃ rājā tanuṃ tatyāja mānuṣīm || 39 ||
[Analyze grammar]

tato divyavapurbhūtvā dharmarājo yudhiṣṭhiraḥ |
nirvairo gatasaṃtāpo jale tasminsamāplutaḥ || 40 ||
[Analyze grammar]

tato yayau vṛto devaiḥ kururājo yudhiṣṭhiraḥ |
dharmeṇa sahito dhīmānstūyamāno maharṣibhiḥ || 41 ||
[Analyze grammar]