Chapter 35

arjuna uvāca |
brahma yatparamaṃ vedyaṃ tanme vyākhyātumarhasi |
bhavato hi prasādena sūkṣme me ramate matiḥ || 1 ||
[Analyze grammar]

vāsudeva uvāca |
atrāpyudāharantīmamitihāsaṃ purātanam |
saṃvādaṃ mokṣasaṃyuktaṃ śiṣyasya guruṇā saha || 2 ||
[Analyze grammar]

kaścidbrāhmaṇamāsīnamācāryaṃ saṃśitavratam |
śiṣyaḥ papraccha medhāvī kiṃ svicchreyaḥ paraṃtapa || 3 ||
[Analyze grammar]

bhagavantaṃ prapanno'haṃ niḥśreyasaparāyaṇaḥ |
yāce tvāṃ śirasā vipra yadbrūyāṃ tadvicakṣva me || 4 ||
[Analyze grammar]

tamevaṃvādinaṃ pārtha śiṣyaṃ gururuvāca ha |
kathayasva pravakṣyāmi yatra te saṃśayo dvija || 5 ||
[Analyze grammar]

ityuktaḥ sa kuruśreṣṭha guruṇā guruvatsalaḥ |
prāñjaliḥ paripapraccha yattacchṛṇu mahāmate || 6 ||
[Analyze grammar]

śiṣya uvāca |
kutaścāhaṃ kutaśca tvaṃ tatsatyaṃ brūhi yatparam |
kuto jātāni bhūtāni sthāvarāṇi carāṇi ca || 7 ||
[Analyze grammar]

kena jīvanti bhūtāni teṣāmāyuḥ kimātmakam |
kiṃ satyaṃ kiṃ tapo vipra ke guṇāḥ sadbhirīritāḥ |
ke panthānaḥ śivāḥ santi kiṃ sukhaṃ kiṃ ca duṣkṛtam || 8 ||
[Analyze grammar]

etānme bhagavanpraśnānyāthātathyena sattama |
vaktumarhasi viprarṣe yathāvadiha tattvataḥ || 9 ||
[Analyze grammar]

vāsudeva uvāca |
tasmai saṃpratipannāya yathāvatparipṛcchate |
śiṣyāya guṇayuktāya śāntāya guruvartine |
chāyābhūtāya dāntāya yataye brahmacāriṇe || 10 ||
[Analyze grammar]

tānpraśnānabravītpārtha medhāvī sa dhṛtavrataḥ |
guruḥ kurukulaśreṣṭha samyaksarvānariṃdama || 11 ||
[Analyze grammar]

brahmaproktamidaṃ dharmamṛṣipravarasevitam |
vedavidyāsamāvāpyaṃ tattvabhūtārthabhāvanam || 12 ||
[Analyze grammar]

bhūtabhavyabhaviṣyādidharmakāmārthaniścayam |
siddhasaṃghaparijñātaṃ purākalpaṃ sanātanam || 13 ||
[Analyze grammar]

pravakṣye'haṃ mahāprājña padamuttamamadya te |
buddhvā yadiha saṃsiddhā bhavantīha manīṣiṇaḥ || 14 ||
[Analyze grammar]

upagamyarṣayaḥ pūrvaṃ jijñāsantaḥ parasparam |
bṛhaspatibharadvājau gautamo bhārgavastathā || 15 ||
[Analyze grammar]

vasiṣṭhaḥ kāśyapaścaiva viśvāmitro'trireva ca |
mārgānsarvānparikramya pariśrāntāḥ svakarmabhiḥ || 16 ||
[Analyze grammar]

ṛṣimāṅgirasaṃ vṛddhaṃ puraskṛtya tu te dvijāḥ |
dadṛśurbrahmabhavane brahmāṇaṃ vītakalmaṣam || 17 ||
[Analyze grammar]

taṃ praṇamya mahātmānaṃ sukhāsīnaṃ maharṣayaḥ |
papracchurvinayopetā niḥśreyasamidaṃ param || 18 ||
[Analyze grammar]

kathaṃ karma kriyātsādhu kathaṃ mucyeta kilbiṣāt |
ke no mārgāḥ śivāśca syuḥ kiṃ satyaṃ kiṃ ca duṣkṛtam || 19 ||
[Analyze grammar]

kenobhau karmapanthānau mahattvaṃ kena vindati |
pralayaṃ cāpavargaṃ ca bhūtānāṃ prabhavāpyayau || 20 ||
[Analyze grammar]

ityuktaḥ sa muniśreṣṭhairyadāha prapitāmahaḥ |
tatte'haṃ saṃpravakṣyāmi śṛṇu śiṣya yathāgamam || 21 ||
[Analyze grammar]

brahmovāca |
satyādbhūtāni jātāni sthāvarāṇi carāṇi ca |
tapasā tāni jīvanti iti tadvitta suvratāḥ || 22 ||
[Analyze grammar]

svāṃ yoniṃ punarāgamya vartante svena karmaṇā |
satyaṃ hi guṇasaṃyuktaṃ niyataṃ pañcalakṣaṇam || 23 ||
[Analyze grammar]

brahma satyaṃ tapaḥ satyaṃ satyaṃ caiva prajāpatiḥ |
satyādbhūtāni jātāni bhūtaṃ satyamayaṃ mahat || 24 ||
[Analyze grammar]

tasmātsatyāśrayā viprā nityaṃ yogaparāyaṇāḥ |
atītakrodhasaṃtāpā niyatā dharmasetavaḥ || 25 ||
[Analyze grammar]

anyonyaniyatānvaidyāndharmasetupravartakān |
tānahaṃ saṃpravakṣyāmi śāśvatānlokabhāvanān || 26 ||
[Analyze grammar]

cāturvidyaṃ tathā varṇāṃścaturaścāśramānpṛthak |
dharmamekaṃ catuṣpādaṃ nityamāhurmanīṣiṇaḥ || 27 ||
[Analyze grammar]

panthānaṃ vaḥ pravakṣyāmi śivaṃ kṣemakaraṃ dvijāḥ |
niyataṃ brahmabhāvāya yātaṃ pūrvaṃ manīṣibhiḥ || 28 ||
[Analyze grammar]

gadatastaṃ mamādyeha panthānaṃ durvidaṃ param |
nibodhata mahābhāgā nikhilena paraṃ padam || 29 ||
[Analyze grammar]

brahmacārikamevāhurāśramaṃ prathamaṃ padam |
gārhasthyaṃ tu dvitīyaṃ syādvānaprasthamataḥ param |
tataḥ paraṃ tu vijñeyamadhyātmaṃ paramaṃ padam || 30 ||
[Analyze grammar]

jyotirākāśamādityo vāyurindraḥ prajāpatiḥ |
nopaiti yāvadadhyātmaṃ tāvadetānna paśyati |
tasyopāyaṃ pravakṣyāmi purastāttaṃ nibodhata || 31 ||
[Analyze grammar]

phalamūlānilabhujāṃ munīnāṃ vasatāṃ vane |
vānaprasthaṃ dvijātīnāṃ trayāṇāmupadiśyate || 32 ||
[Analyze grammar]

sarveṣāmeva varṇānāṃ gārhasthyaṃ tadvidhīyate |
śraddhālakṣaṇamityevaṃ dharmaṃ dhīrāḥ pracakṣate || 33 ||
[Analyze grammar]

ityete devayānā vaḥ panthānaḥ parikīrtitāḥ |
sadbhiradhyāsitā dhīraiḥ karmabhirdharmasetavaḥ || 34 ||
[Analyze grammar]

eteṣāṃ pṛthagadhyāste yo dharmaṃ saṃśitavrataḥ |
kālātpaśyati bhūtānāṃ sadaiva prabhavāpyayau || 35 ||
[Analyze grammar]

atastattvāni vakṣyāmi yāthātathyena hetunā |
viṣayasthāni sarvāṇi vartamānāni bhāgaśaḥ || 36 ||
[Analyze grammar]

mahānātmā tathāvyaktamahaṃkārastathaiva ca |
indriyāṇi daśaikaṃ ca mahābhūtāni pañca ca || 37 ||
[Analyze grammar]

viśeṣāḥ pañcabhūtānāmityeṣā vaidikī śrutiḥ |
caturviṃśatireṣā vastattvānāṃ saṃprakīrtitā || 38 ||
[Analyze grammar]

tattvānāmatha yo veda sarveṣāṃ prabhavāpyayau |
sa dhīraḥ sarvabhūteṣu na mohamadhigacchati || 39 ||
[Analyze grammar]

tattvāni yo vedayate yathātathaṃ guṇāṃśca sarvānakhilāśca devatāḥ |
vidhūtapāpmā pravimucya bandhanaṃ sa sarvalokānamalānsamaśnute || 40 ||
[Analyze grammar]