Chapter 9

indra uvāca |
kaccitsukhaṃ svapiṣi tvaṃ bṛhaspate kaccinmanojñāḥ paricārakāste |
kacciddevānāṃ sukhakāmo'si vipra kacciddevāstvāṃ paripālayanti || 1 ||
[Analyze grammar]

bṛhaspatiruvāca |
sukhaṃ śaye'haṃ śayane mahendra tathā manojñāḥ paricārakā me |
tathā devānāṃ sukhakāmo'smi śakra devāśca māṃ subhṛśaṃ pālayanti || 2 ||
[Analyze grammar]

indra uvāca |
kuto duḥkhaṃ mānasaṃ dehajaṃ vā pāṇḍurvivarṇaśca kutastvamadya |
ācakṣva me taddvija yāvadetānnihanmi sarvāṃstava duḥkhakartṝn || 3 ||
[Analyze grammar]

bṛhaspatiruvāca |
maruttamāhurmaghavanyakṣyamāṇaṃ mahāyajñenottamadakṣiṇena |
taṃ saṃvarto yājayiteti me śrutaṃ tadicchāmi na sa taṃ yājayeta || 4 ||
[Analyze grammar]

indra uvāca |
sarvānkāmānanujāto'si vipra yastvaṃ devānāṃ mantrayase purodhāḥ |
ubhau ca te janmamṛtyū vyatītau kiṃ saṃvartastava kartādya vipra || 5 ||
[Analyze grammar]

bṛhaspatiruvāca |
devaiḥ saha tvamasurānsaṃpraṇudya jighāṃsase'dyāpyuta sānubandhān |
yaṃ yaṃ samṛddhaṃ paśyasi tatra tatra duḥkhaṃ sapatneṣu samṛddhabhāvaḥ || 6 ||
[Analyze grammar]

ato'smi devendra vivarṇarūpaḥ sapatno me vardhate tanniśamya |
sarvopāyairmaghavansaṃniyaccha saṃvartaṃ vā pārthivaṃ vā maruttam || 7 ||
[Analyze grammar]

indra uvāca |
ehi gaccha prahito jātavedo bṛhaspatiṃ paridātuṃ marutte |
ayaṃ vai tvā yājayitā bṛhaspatistathāmaraṃ caiva kariṣyatīti || 8 ||
[Analyze grammar]

agniruvāca |
ayaṃ gacchāmi tava śakrādya dūto bṛhaspatiṃ paridātuṃ marutte |
vācaṃ satyāṃ puruhūtasya kartuṃ bṛhaspateścāpacitiṃ cikīrṣuḥ || 9 ||
[Analyze grammar]

vyāsa uvāca |
tataḥ prāyāddhūmaketurmahātmā vanaspatīnvīrudhaścāvamṛdnan |
kāmāddhimānte parivartamānaḥ kāṣṭhātigo mātariśveva nardan || 10 ||
[Analyze grammar]

marutta uvāca |
āścaryamadya paśyāmi rūpiṇaṃ vahnimāgatam |
āsanaṃ salilaṃ pādyaṃ gāṃ copānaya vai mune || 11 ||
[Analyze grammar]

agniruvāca |
āsanaṃ salilaṃ pādyaṃ pratinandāmi te'nagha |
indreṇa tu samādiṣṭaṃ viddhi māṃ dūtamāgatam || 12 ||
[Analyze grammar]

marutta uvāca |
kaccicchrīmāndevarājaḥ sukhī ca kacciccāsmānprīyate dhūmaketo |
kacciddevāścāsya vaśe yathāvattadbrūhi tvaṃ mama kārtsnyena deva || 13 ||
[Analyze grammar]

agniruvāca |
śakro bhṛśaṃ susukhī pārthivendra prītiṃ cecchatyajarāṃ vai tvayā saḥ |
devāśca sarve vaśagāstasya rājansaṃdeśaṃ tvaṃ śṛṇu me devarājñaḥ || 14 ||
[Analyze grammar]

yadarthaṃ māṃ prāhiṇottvatsakāśaṃ bṛhaspatiṃ paridātuṃ marutte |
ayaṃ gururyājayitā nṛpa tvāṃ martyaṃ santamamaraṃ tvāṃ karotu || 15 ||
[Analyze grammar]

marutta uvāca |
saṃvarto'yaṃ yājayitā dvijo me bṛhaspaterañjalireṣa tasya |
nāsau devaṃ yājayitvā mahendraṃ martyaṃ santaṃ yājayannadya śobhet || 16 ||
[Analyze grammar]

agniruvāca |
ye vai lokā devaloke mahāntaḥ saṃprāpsyase tāndevarājaprasādāt |
tvāṃ cedasau yājayedvai bṛhaspatirnūnaṃ svargaṃ tvaṃ jayeḥ kīrtiyuktaḥ || 17 ||
[Analyze grammar]

tathā lokā mānuṣā ye ca divyāḥ prajāpateścāpi ye vai mahāntaḥ |
te te jitā devarājyaṃ ca kṛtsnaṃ bṛhaspatiścedyājayettvāṃ narendra || 18 ||
[Analyze grammar]

saṃvarta uvāca |
māsmānevaṃ tvaṃ punarāgāḥ kathaṃcidbṛhaspatiṃ paridātuṃ marutte |
mā tvāṃ dhakṣye cakṣuṣā dāruṇena saṃkruddho'haṃ pāvaka tannibodha || 19 ||
[Analyze grammar]

vyāsa uvāca |
tato devānagamaddhūmaketurdāhādbhīto vyathito'śvatthaparṇavat |
taṃ vai dṛṣṭvā prāha śakro mahātmā bṛhaspateḥ saṃnidhau havyavāham || 20 ||
[Analyze grammar]

yattvaṃ gataḥ prahito jātavedo bṛhaspatiṃ paridātuṃ marutte |
tatkiṃ prāha sa nṛpo yakṣyamāṇaḥ kaccidvacaḥ pratigṛhṇāti tacca || 21 ||
[Analyze grammar]

agniruvāca |
na te vācaṃ rocayate marutto bṛhaspaterañjaliṃ prāhiṇotsaḥ |
saṃvarto māṃ yājayitetyabhīkṣṇaṃ punaḥ punaḥ sa mayā procyamānaḥ || 22 ||
[Analyze grammar]

uvācedaṃ mānuṣā ye ca divyāḥ prajāpaterye ca lokā mahāntaḥ |
tāṃścellabheyaṃ saṃvidaṃ tena kṛtvā tathāpi neccheyamiti pratītaḥ || 23 ||
[Analyze grammar]

indra uvāca |
punarbhavānpārthivaṃ taṃ sametya vākyaṃ madīyaṃ prāpaya svārthayuktam |
punaryadyukto na kariṣyate vacastato vajraṃ saṃprahartāsmi tasmai || 24 ||
[Analyze grammar]

agniruvāca |
gandharvarāḍyātvayaṃ tatra dūto bibhemyahaṃ vāsava tatra gantum |
saṃrabdho māmabravīttīkṣṇaroṣaḥ saṃvarto vākyaṃ caritabrahmacaryaḥ || 25 ||
[Analyze grammar]

yadyāgaccheḥ punarevaṃ kathaṃcidbṛhaspatiṃ paridātuṃ marutte |
daheyaṃ tvāṃ cakṣuṣā dāruṇena saṃkruddha ityetadavaihi śakra || 26 ||
[Analyze grammar]

indra uvāca |
tvamevānyāndahase jātavedo na hi tvadanyo vidyate bhasmakartā |
tvatsaṃsparśātsarvaloko bibhetyaśraddheyaṃ vadase havyavāha || 27 ||
[Analyze grammar]

agniruvāca |
divaṃ devendra pṛthivīṃ caiva sarvāṃ saṃveṣṭayestvaṃ svabalenaiva śakra |
evaṃvidhasyeha satastavāsau kathaṃ vṛtrastridivaṃ prāgjahāra || 28 ||
[Analyze grammar]

indra uvāca |
na caṇḍikā jaṅgamā no kareṇurna vārisomaṃ prapibāmi vahne |
na durbale vai visṛjāmi vajraṃ ko me'sukhāya praharenmanuṣyaḥ || 29 ||
[Analyze grammar]

pravrājayeyaṃ kālakeyānpṛthivyāmapākarṣaṃ dānavānantarikṣāt |
divaḥ prahrādamavasānamānayaṃ ko me'sukhāya prahareta martyaḥ || 30 ||
[Analyze grammar]

agniruvāca |
yatra śaryātiṃ cyavano yājayiṣyansahāśvibhyāṃ somamagṛhṇadekaḥ |
taṃ tvaṃ kruddhaḥ pratyaṣedhīḥ purastāccharyātiyajñaṃ smara taṃ mahendra || 31 ||
[Analyze grammar]

vajraṃ gṛhītvā ca puraṃdara tvaṃ saṃprāhārṣīścyavanasyātighoram |
sa te vipraḥ saha vajreṇa bāhumapāgṛhṇāttapasā jātamanyuḥ || 32 ||
[Analyze grammar]

tato roṣātsarvato ghorarūpaṃ sapatnaṃ te janayāmāsa bhūyaḥ |
madaṃ nāmāsuraṃ viśvarūpaṃ yaṃ tvaṃ dṛṣṭvā cakṣuṣī saṃnyamīlaḥ || 33 ||
[Analyze grammar]

hanurekā jagatīsthā tathaikā divaṃ gatā mahato dānavasya |
sahasraṃ dantānāṃ śatayojanānāṃ sutīkṣṇānāṃ ghorarūpaṃ babhūva || 34 ||
[Analyze grammar]

vṛttāḥ sthūlā rajatastambhavarṇā daṃṣṭrāścatasro dve śate yojanānām |
sa tvāṃ dantānvidaśannabhyadhāvajjighāṃsayā śūlamudyamya ghoram || 35 ||
[Analyze grammar]

apaśyastvaṃ taṃ tadā ghorarūpaṃ sarve tvanye dadṛśurdarśanīyam |
yasmādbhītaḥ prāñjalistvaṃ maharṣimāgacchethāḥ śaraṇaṃ dānavaghna || 36 ||
[Analyze grammar]

kṣatrādevaṃ brahmabalaṃ garīyo na brahmataḥ kiṃcidanyadgarīyaḥ |
so'haṃ jānanbrahmatejo yathāvanna saṃvartaṃ gantumicchāmi śakra || 37 ||
[Analyze grammar]