Chapter 151

yudhiṣṭhira uvāca |
kiṃ śreyaḥ puruṣasyeha kiṃ kurvansukhamedhate |
vipāpmā ca bhavetkena kiṃ vā kalmaṣanāśanam || 1 ||
[Analyze grammar]

bhīṣma uvāca |
ayaṃ daivatavaṃśo vai ṛṣivaṃśasamanvitaḥ |
dvisaṃdhyaṃ paṭhitaḥ putra kalmaṣāpaharaḥ paraḥ || 2 ||
[Analyze grammar]

devāsuragururdevaḥ sarvabhūtanamaskṛtaḥ |
acintyo'thāpyanirdeśyaḥ sarvaprāṇo hyayonijaḥ || 3 ||
[Analyze grammar]

pitāmaho jagannāthaḥ sāvitrī brahmaṇaḥ satī |
vedabhūratha kartā ca viṣṇurnārāyaṇaḥ prabhuḥ || 4 ||
[Analyze grammar]

umāpatirvirūpākṣaḥ skandaḥ senāpatistathā |
viśākho hutabhugvāyuścandrādityau prabhākarau || 5 ||
[Analyze grammar]

śakraḥ śacīpatirdevo yamo dhūmorṇayā saha |
varuṇaḥ saha gauryā ca saha ṛddhyā dhaneśvaraḥ || 6 ||
[Analyze grammar]

saumyā gauḥ surabhirdevī viśravāśca mahānṛṣiḥ |
ṣaṭkālaḥ sāgaro gaṅgā sravantyo'tha marudgaṇāḥ || 7 ||
[Analyze grammar]

vālakhilyāstapaḥsiddhāḥ kṛṣṇadvaipāyanastathā |
nāradaḥ parvataścaiva viśvāvasurhahāhuhūḥ || 8 ||
[Analyze grammar]

tumbaruścitrasenaśca devadūtaśca viśrutaḥ |
devakanyā mahābhāgā divyāścāpsarasāṃ gaṇāḥ || 9 ||
[Analyze grammar]

urvaśī menakā rambhā miśrakeśī alambuṣā |
viśvācī ca ghṛtācī ca pañcacūḍā tilottamā || 10 ||
[Analyze grammar]

ādityā vasavo rudrāḥ sāśvinaḥ pitaro'pi ca |
dharmaḥ satyaṃ tapo dīkṣā vyavasāyaḥ pitāmahaḥ || 11 ||
[Analyze grammar]

śarvaryo divasāścaiva mārīcaḥ kaśyapastathā |
śukro bṛhaspatirbhaumo budho rāhuḥ śanaiścaraḥ || 12 ||
[Analyze grammar]

nakṣatrāṇyṛtavaścaiva māsāḥ saṃdhyāḥ savatsarāḥ |
vainateyāḥ samudrāśca kadrujāḥ pannagāstathā || 13 ||
[Analyze grammar]

śatadrūśca vipāśā ca candrabhāgā sarasvatī |
sindhuśca devikā caiva puṣkaraṃ tīrthameva ca || 14 ||
[Analyze grammar]

gaṅgā mahānadī caiva kapilā narmadā tathā |
kampunā ca viśalyā ca karatoyāmbuvāhinī || 15 ||
[Analyze grammar]

sarayūrgaṇḍakī caiva lohityaśca mahānadaḥ |
tāmrāruṇā vetravatī parṇāśā gautamī tathā || 16 ||
[Analyze grammar]

godāvarī ca veṇṇā ca kṛṣṇaveṇā tathādrijā |
dṛṣadvatī ca kāverī vaṃkṣurmandākinī tathā || 17 ||
[Analyze grammar]

prayāgaṃ ca prabhāsaṃ ca puṇyaṃ naimiṣameva ca |
tacca viśveśvarasthānaṃ yatra tadvimalaṃ saraḥ || 18 ||
[Analyze grammar]

puṇyatīrthaiśca kalilaṃ kurukṣetraṃ prakīrtitam |
sindhūttamaṃ tapodānaṃ jambūmārgamathāpi ca || 19 ||
[Analyze grammar]

hiraṇvatī vitastā ca tathaivekṣumatī nadī |
vedasmṛtirvaidasinī malavāsāśca nadyapi || 20 ||
[Analyze grammar]

bhūmibhāgāstathā puṇyā gaṅgādvāramathāpi ca |
ṛṣikulyāstathā medhyā nadī citrapathā tathā || 21 ||
[Analyze grammar]

kauśikī yamunā sītā tathā carmaṇvatī nadī |
nadī bhīmarathī caiva bāhudā ca mahānadī |
mahendravāṇī tridivā nīlikā ca sarasvatī || 22 ||
[Analyze grammar]

nandā cāparanandā ca tathā tīrthaṃ mahāhradam |
gayātha phalgutīrthaṃ ca dharmāraṇyaṃ surairvṛtam || 23 ||
[Analyze grammar]

tathā devanadī puṇyā saraśca brahmanirmitam |
puṇyaṃ trilokavikhyātaṃ sarvapāpaharaṃ śivam || 24 ||
[Analyze grammar]

himavānparvataścaiva divyauṣadhisamanvitaḥ |
vindhyo dhātuvicitrāṅgastīrthavānauṣadhānvitaḥ || 25 ||
[Analyze grammar]

merurmahendro malayaḥ śvetaśca rajatācitaḥ |
śṛṅgavānmandaro nīlo niṣadho dardurastathā || 26 ||
[Analyze grammar]

citrakūṭo'ñjanābhaśca parvato gandhamādanaḥ |
puṇyaḥ somagiriścaiva tathaivānye mahīdharāḥ |
diśaśca vidiśaścaiva kṣitiḥ sarve mahīruhāḥ || 27 ||
[Analyze grammar]

viśvedevā nabhaścaiva nakṣatrāṇi grahāstathā |
pāntu vaḥ satataṃ devāḥ kīrtitākīrtitā mayā || 28 ||
[Analyze grammar]

kīrtayāno naro hyetānmucyate sarvakilbiṣaiḥ |
stuvaṃśca pratinandaṃśca mucyate sarvato bhayāt |
sarvasaṃkarapāpebhyo devatāstavanandakaḥ || 29 ||
[Analyze grammar]

devatānantaraṃ viprāṃstapaḥsiddhāṃstapodhikān |
kīrtitānkīrtayiṣyāmi sarvapāpapramocanān || 30 ||
[Analyze grammar]

yavakrīto'tha raibhyaśca kakṣīvānauśijastathā |
bhṛgvaṅgirāstathā kaṇvo medhātithiratha prabhuḥ |
barhī ca guṇasaṃpannaḥ prācīṃ diśamupāśritāḥ || 31 ||
[Analyze grammar]

bhadrāṃ diśaṃ mahābhāgā ulmucuḥ pramucustathā |
mumucuśca mahābhāgaḥ svastyātreyaśca vīryavān || 32 ||
[Analyze grammar]

mitrāvaruṇayoḥ putrastathāgastyaḥ pratāpavān |
dṛḍhāyuścordhvabāhuśca viśrutāvṛṣisattamau || 33 ||
[Analyze grammar]

paścimāṃ diśamāśritya ya edhante nibodha tān |
uṣadguḥ saha sodaryaiḥ parivyādhaśca vīryavān || 34 ||
[Analyze grammar]

ṛṣirdīrghatamāścaiva gautamaḥ kaśyapastathā |
ekataśca dvitaścaiva tritaścaiva maharṣayaḥ |
atreḥ putraśca dharmātmā tathā sārasvataḥ prabhuḥ || 35 ||
[Analyze grammar]

uttarāṃ diśamāśritya ya edhante nibodha tān |
atrirvasiṣṭhaḥ śaktiśca pārāśaryaśca vīryavān || 36 ||
[Analyze grammar]

viśvāmitro bharadvājo jamadagnistathaiva ca |
ṛcīkapautro rāmaśca ṛṣirauddālakistathā || 37 ||
[Analyze grammar]

śvetaketuḥ kohalaśca vipulo devalastathā |
devaśarmā ca dhaumyaśca hastikāśyapa eva ca || 38 ||
[Analyze grammar]

lomaśo nāciketaśca lomaharṣaṇa eva ca |
ṛṣirugraśravāścaiva bhārgavaścyavanastathā || 39 ||
[Analyze grammar]

eṣa vai samavāyaste ṛṣidevasamanvitaḥ |
ādyaḥ prakīrtito rājansarvapāpapramocanaḥ || 40 ||
[Analyze grammar]

nṛgo yayātirnahuṣo yaduḥ pūruśca vīryavān |
dhundhumāro dilīpaśca sagaraśca pratāpavān || 41 ||
[Analyze grammar]

kṛśāśvo yauvanāśvaśca citrāśvaḥ satyavāṃstathā |
duḥṣanto bharataścaiva cakravartī mahāyaśāḥ || 42 ||
[Analyze grammar]

yavano janakaścaiva tathā dṛḍharatho nṛpaḥ |
raghurnaravaraścaiva tathā daśaratho nṛpaḥ || 43 ||
[Analyze grammar]

rāmo rākṣasahā vīraḥ śaśabindurbhagīrathaḥ |
hariścandro maruttaśca jahnurjāhnavisevitā || 44 ||
[Analyze grammar]

mahodayo hyalarkaśca ailaścaiva narādhipaḥ |
karaṃdhamo naraśreṣṭhaḥ kadhmoraśca narādhipaḥ || 45 ||
[Analyze grammar]

dakṣo'mbarīṣaḥ kukuro ravataśca mahāyaśāḥ |
mucukundaśca rājarṣirmitrabhānuḥ priyaṃkaraḥ || 46 ||
[Analyze grammar]

trasadasyustathā rājā śveto rājarṣisattamaḥ |
mahābhiṣaśca vikhyāto nimirājastathāṣṭakaḥ || 47 ||
[Analyze grammar]

āyuḥ kṣupaśca rājarṣiḥ kakṣeyuśca narādhipaḥ |
śibirauśīnaraścaiva gayaścaiva narādhipaḥ || 48 ||
[Analyze grammar]

pratardano divodāsaḥ saudāsaḥ kosaleśvaraḥ |
ailo nalaśca rājarṣirmanuścaiva prajāpatiḥ || 49 ||
[Analyze grammar]

havidhraśca pṛṣadhraśca pratīpaḥ śaṃtanustathā |
kakṣasenaśca rājarṣirye cānye nānukīrtitāḥ || 50 ||
[Analyze grammar]

mā vighnaṃ mā ca me pāpaṃ mā ca me paripanthinaḥ |
dhruvo jayo me nityaṃ syātparatra ca parā gatiḥ || 51 ||
[Analyze grammar]